ལོ་གསར་བར་སྐུའི་བཅད་རྒྱར་བཞུཊ་རྒྱུ་རེད།

སང་ཉིན་ནས་བོད་ལུགས་ལོ་གསར་བར་དུ་༧གོང་ས་མཆོག་སྐུའི་བཅད་རྒྱར་བཞུགས་རྒྱུ་ཡིན་པས་མཇལ་ཁ་སོགས་ཀྱི་མཛད་འཆར་མེད་པ་རེད།

16177730_1246650212093881_5464099593122872725_o

༧གོང་ས་མཆོག་གི་རྒྱ་གར་གྱི་རྒྱལ་ས་ལྡི་ལི་དང་ལྷོ་ཕྱོགས་ཨན་ཌར་པར་དེ་ཤི་ཁུལ་གྱི་ཉིན་བཅུ་གྲངས་ཀྱི་མཛད་འཕྲིན་རྣམས་ལེགས་པར་གྲུབ་སྟེ། དེ་རིང་སྔ་དྲོར་བཞུགས་སྒར་དྷ་རམ་ས་ལར་ཞབས་སོར་བདེ་བར་བཀོད་སོང་བ་དང་། དགའ་ལྡན་ཕོ་བྲང་ཡིག་ཚང་ནས་གསལ་བསྒྲགས་གནང་བ་ལྟར་ན། སང་ཉིན་ཕྱི་ཚེས་ ༡༤ ནས་བོད་ལུགས་ལོ་གསར་བར་བཞུགས་སྒར་ཕོ་བྲང་དུ་སྐུའི་བཅད་རྒྱར་བཞུགས་རྒྱུ་ཡིན་པས། དུས་ཡུན་དེའི་རིང་མཇལ་ཁ་སོགས་ཀྱི་མཛད་འཆར་མེད་པ་རེད།

ཕྱི་ཟླ་ ༣ ཚེས་ ༡༢ ཉིན་༧གོང་ས་མཆོག་ནས་བཞུགས་སྒར་དྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྐྱེས་རབས་གསུང་ཆོས་བསྩལ་རྒྱུ་དང་། ཚེས་ ༡༣ དང་ ༡༤ ཉིན་གཉིས་རིང་གཙུག་ལག་ཁང་དུ་འདི་ལོའི་དཔྱིད་ཆོས་སུ་སློབ་དཔོན་ཀ་མ་ལ་ཤི་ལའི་མཛད་པའི་སྒོམ་རིམ་བར་བ་དང་། རྒྱལ་སྲས་ཐོགས་མེད་བཟང་པོས་མཛད་པའི་ལག་ལེན་སོ་བདུན་མའི་གསུང་ཆོས་བསྩལ་རྒྱུ། ཕྱི་ཚེས་ ༡༥ ཉིན་ལ་བརྟན་བཞུགས་དང་བཀའ་དབང་གནང་བའི་མཛད་འཆར་ཡོད་འདུག

གསར་འགོད་པ། པདྨ་མཚོ།

བསྐྱར་བཅོས།: ༢༠༡༧/༠༢/༡༦

Leave a Reply