སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་ཉིན་ ༡༢ པ་སྟེ། དེ་རིང་ཕྱི་ཚེས་ ༡༨ ཉིན་གྱི་ཕྱི་དྲོའི་ཆུ་ཚོད་ ༤ དང་ཕྱེད་ཀའི་སྟེང་། སྤྱི་འཐུས་སྒེར་གྱི་གྲོས་ཆོད་གྲོས་འཆར་ཞིག་གི་ཐད། སྤྱི་འཐུས་ནང་ཁུལ་དགོངས་ཚུལ་མ་མཐུན་པ་བྱུང་སྟབས། གྲོས་ཚོགས་འཐུས་མི་ ༡༢ ཙམ་གཅིག་རྗེས་གཉིས་མཐུད་ཀྱིས་གྲོས་ཚོགས་ལས་ཕྱིར་ཐོན་ཡོད་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་ནང་། སྤྱི་འཐུས་རྩ་འབོར་གྱི་གསུམ་ཆ་གཉིས་མ་ཚང་བ་ཡིན་ན། ལས་དོན་གང་ཡང་ཐག་གཅོད་བྱ་ཐབས་མེད་སྐོར་གཏན་འབེབས་བྱས་ཡོད་སྟབས། གྲོས་ཚོགས་དུས་མིན་གྱིས་མི་གྲོལ་ཐབས་མེད་བྱུང་ཡོད།

ཉེ་ལམ་ཆབ་སྲིད་བཙོན་ཟུར་གྱི་འོས་ཁོངས་ནས་ཨོ་སི་ཊོ་ལེ་ཡར་གཏན་སྡོད་དུ་ཕེབས་པ། མདོ་སྟོད་སྤྱི་འཐུས་བསོད་ནམས་སྟོབས་རྒྱལ་ལགས། ཐེངས་འདིའི་གྲོས་ཚོགས་ཚོགས་དུས་བརྒྱད་པར་ཆེད་ཕེབས་གནང་བའི་ལམ་གྲོན་དེ་བོད་མི་མང་སྤྱི་འཐུས་རྒྱུན་ལས་ནས་ཕུལ་ཡོད་སྟབས། དེ་འདྲའི་ལམ་སྲོལ་སྔར་བྱུང་མྱོང་མེད་པའི་ངོས་འཛིན་ཐོག སྤྱི་འཐུས་སྒྲོལ་མ་མཚོ་མོ་ལགས་ཀྱིས་རྒྱ་བལ་འབྲུག་གསུམ་ཕུད་པའི་ཆེད་འཛུགས་ཕྱི་རྒྱལ་ཁག་གི་སྤྱི་འཐུས་མ་ཡིན་པ་དག་ལ། སྔར་ལམ་ལྟར་འགྲོ་སོང་དོ་བདག་གིས་འགན་འཁུར་དགོས་པའི་གྲོས་འཆར་བཏོན་ཡོད་པ་མ་ཟད། གྲོས་འཆར་དེ་ལ་སྤྱི་འཐུས་ ༡༤ ཙམ་གྱིས་རྒྱབ་སྐྱོར་གྱི་ས་རྟགས་སྐྱོན་འདུག

གྲོས་ཚོགས་འཐུས་མི་འགའ་རེ་ཡིས་སྔར་ལམ་སྲོལ་མེད་བཞིན་དུ། ཐེངས་འདིར་སྤྱི་འཐུས་བསོད་ནམས་སྟོབས་རྒྱལ་ལགས་སུ་འགྲོ་སོང་བཏང་བ་དེ་སྤྱི་འཐུས་རྒྱུན་ལས་ཀྱིས་དྲང་མོ་བྱས་མེད་ཚུལ་དང་། ཡང་སྤྱི་འཐུས་འགའ་རེ་ཡིས་གྲོས་གཞི་གྲོས་འཆར་འདི་ལ་ཧ་ཅང་ཛ་དྲག་གི་རྣམ་པའི་ཐོག་ནས་སྤྱི་འཐུས་ ༡༤ ཙམ་གྱིས་རྒྱབ་སྐྱོར་ས་རྟགས་སྐྱོན་པ་ཚུལ་མཐུན་མིན་ལུགས་སོགས། གྲོས་འཆར་དེ་གྲོས་ཚོགས་ནང་སྙན་སྒྲོན་ཞུས་མ་ཐག་སྤྱི་འཐུས་ ༡༥ ལྷག་གིས་དགོངས་ཚུལ་གསུངས་མཐར་བསམ་ཚུལ་མ་མཐུན་པ་བྱུང་སྟེ། གྲོས་ཚོགས་འཐུས་མི་ ༡༢ ཙམ་གཅིག་རྗེས་གཉིས་མཐུད་ཀྱིས་གྲོས་ཚོགས་ར་བ་ལས་ཕྱིར་ཐོན་ཡོད་སྟབས། སྤྱི་འཐུས་རྩ་འབོར་གྱི་གསུམ་ཆའི་གཉིས་མ་ལོངས་སྟབས། ཕྱི་དྲོའི་ཆུ་ཚོད་ ༤ དང་ཕྱེད་ཀའི་ཐོག་དུས་མིན་གྱིས་ཚོགས་གསེང་མི་སྤྲོད་ཐབས་མེད་བྱུང་ཡོད།

སྤྱི་འཐུས་སྒྲོལ་མ་མཚོ་མོ་ལགས་ཀྱིས་བཏོན་པའི་སྤྱི་འཐུས་སྒེར་གྱི་གྲོས་ཆོད་གྲོས་འཆར་གྱི་སྔོན་གླེང་ནང་བཀོད་དོན། བཅའ་སྒྲིག་དང་ལམ་ལུགས་དགོངས་དོན་ཆོལ་ཁ་དང་ཆོས་ལུགས། ཆོས་བརྒྱུད་སྤྱི་འཐུས་རྒྱ་བལ་འབྲུག་གསུམ་ནས་ཡོང་དགོས་པ་ལྟར། རྒྱ་བལ་འབྲུག་གསུམ་ཕུད་ཕྱིའི་རྒྱལ་ཁབ་ནས་ཆོལ་ཁ་དང་ཆོས་བརྒྱུད་ཀྱི་སྤྱི་འཐུས་ཡོང་སྲོལ་མེད་གཤིས། ཁུངས་སོ་སོར་འདེམས་ཐོན་བྱུང་བའི་སྤྱི་འཐུས་ཕྱི་རྒྱལ་དུ་གནས་སྤོས་བྱས་པ་བྱུང་ཚེ། སྔར་ལམ་ལྟར་སོ་སོས་རྒྱག་རང་འཁུར་བྱེད་དགོས་པ་ལས། གཞུང་གྲོན་གཏོང་ལུགས་མེད་པས་གྲོས་ཆོད་ཅིག་འཇོག་དགོས་གལ་མཐོང་། ཞེས་དང་། གྲོས་ཆོད་དངོས་གཞིའི་ནང་བཀོད་དོན། རྒྱལ་བལ་འབྲུག་གསུམ་ནས་ཆོལ་ཁ་དང་ཆོས་ལུགས། ཆོས་བརྒྱུད་ཁུངས་སོ་སོར་འོས་འདེམས་བྱུང་བའི་སྤྱི་འཐུས་ཞིག་གོང་གསལ་ལས་ཕྱི་རྒྱལ་དུ་གནས་སྤོ་བྱ་དགོས་བྱུང་ཚེ་སྔར་ལམ་ལྟར་སྤྱི་འཐུས་སོ་སོས་རྒྱག་རང་འཁུར་བྱེད་དགོས་པ་ལས། གཞུང་གྲོན་གཏོང་མི་ཆོག་པའི་སྤྱི་མོས་སམ་མང་མོས་གྲོས་ཆོད་དུ། ཞེས་བཀོད་འདུག

སྤྱི་འཐུས་སྒེར་གྱི་གྲོས་གཞི་གྲོས་ཆོད་དེའི་འོག་ཏུ་སྤྱི་འཐུས་ཚེ་རིང་སྒྲོལ་མ་དང་སྤྱི་འཐུས་ཚེ་རིང་གཡུ་སྒྲོན། སྤྱི་འཐུས་པད་མ་འབྱུང་གནས། སྤྱི་འཐུས་ཟླ་བ་ཚེ་རིང་། སྤྱི་འཐུས་ངག་དབང་ལྷ་མོ། སྤྱི་འཐུས་སྒྲོལ་མ་ཚེ་རིང་། སྤྱི་འཐུས་ཆབ་བྲག་ལྷ་མོ་སྐྱབས། སྤྱི་འཐུས་བསོད་ནམས་ཚེ་རིང་ཕིར་སི། སྤྱི་འཐུས་ཀིརྟི་སྒྲོལ་དཀར་ལྷ་མོ། སྤྱི་འཐུས་དབུ་དཀར་ཚང་གཡུ་སྒྲོན། སྤྱི་འཐུས་རྒྱལ་ནོར་ཚེ་དབང་། སྤྱི་འཐུས་ཡེ་ཤེས་སྒྲོལ་མ། སྤྱི་འཐུས་སྨོན་དཀར་བསོད་ནམས་ཕུན་ཚོགས། དེ་བཞིན་གྲོས་འཆར་འདོན་མཁན་སྤྱི་འཐུས་སྒྲོལ་མ་མཚོ་མོ་བཅས་གྲོས་ཚོགས་འཐུས་མི་ ༡༤ ཙམ་གྱིས་ས་རྟགས་སྐྱོན་འདུག

བསྐྱར་བཅོས།: ༢༠༡༤/༠༣/༢༦

Leave a Reply

285 thoughts on “སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

  1. ཇོ་རུ་ཚེ་རིང་།

    བོད་བཙན་པོའི་དུར་ནས་ཐོན་པའི་བཀའ་རྒྱ་གསང་གཏེར་མ།

    རྒྱུན་ལས་རྣམས་ཀྱིས་རྩ་ཁྲིམས་བློ་སྦྱོང་བྱོས།།
    སྟོབས་ཆེན་རྣམས་ཀྱིས་དམར་པོའི་དཔུང་རྩ་མྱོངས།།
    སྒེར་གཅེས་ཅན་གྱིས་གསུམ་བཅུའི་ཚེ་སྲོག་སྒོམས།།
    རྔ་དཔུང་ཅན་ཚོས་འདས་པའི་ལོ་རྒྱུས་ཀློག།
    ངས་ཀྱང་སྐྱོ་བཞིན་ངུ་བཞིན་ཚིག་རྡོ་འཕེན།།
    སྙིང་དོན་གཞིས་ཀྱི་རེ་འབྲས་མི་སྟོང་སྨོན།།
    ཡང་དོན་རང་གི་རྒྱལ་ཁབ་རྙེད་པར་ཞུ།།
    མཐའ་དོན་བོད་ལ་ཉི་མ་འཆར་ཤོག།

  2. སོག་ལྷ་རྒྱལ།

    ལར་ནས་སྦྱི་འཐུས་བསོད་ནམས་སྟོབས་རྒྱལ་ག་དུས་ཡིན་ན་གྲོས་ཚོག་ནང་ལ་སྙོག་དྲ་དང་སྒེར་གྱི་ཁོག་མཛིན་ལ་སྤྱི་དོན་གཉིས་གཉམ་སེས་བྱས་ནས་ཐེན་ཕྱིར་ཕྱོག་རེས་གྱི་རྒྱལ་བོ་རེད་ མ་འོངས་པ་ན་སྤྱི་འཐུན་དེའི་རིགས་མ་བླུག་བཟང་།

  3. ཁ་སང་གི་གྲོས་ཚོགས་ནང་གི་གནང་སྟངས་དེ་ཚོ་དང་གཅིག་ལས་གཅིག་ངར་གྱི་རྫིགས་ཉམས་དེ་མཐོང་བས། ང་ནི་རྦད་དེ་ཧང་སངས་སོང༌། དོན་དངོས་ཀྱིས་བོད་ནང་གི་རྒྱལ་གཅེས་དཔའ་བོ་དཔའ་མོ་ཚོའི་རྣམ་ཤེས་ཀྱིས་ང་ཚོར་ཕྱིར་མིག་བལྟས་ནས་བསྡད་ཡོད། བཙན་བྱོལ་ནང་གི་སྤྱི་འཐུས་འདི་ཚོར་ཧང་སངས་རྒྱུ་ག་རེ་ཡོད། མི་འབུམ་གཅིག་གི་འཐུས་མི་རེད། ཞེ་བོ་ཡིན་མདོག་མདོག་ཅིག་སྟོན་ཁུལ་བྱས་ཀྱང༌། དོན་དུ་ཞབས་འདྲེན་རེད། འདི་ལྟར་བོད་ཆོལ་ཁ་གསུམ་ཁྲག་དཀྲུགས་དཀྲུགས་བྱས་པའི་མཇུག་འབྲས་ངན་པ་བྱུང་ན། ལོ་རྒྱུས་ཀྱི་འགན་དེ་སུས་འཁུར་དགོས་པ་རེད། སྐུ་མཁྱེན་རྒྱལ་བ་རིན་པ་ཆེ་མི་ལོ་འདི་ཉིད་ཅིག་ལ་ཁྱོད་ཚོས་རྩེད་སྤྱད་བྱས་པ་རེད། ད་བླ་རྒན་ཁོང་དགུང་ལོ་བདུན་བཅུ་དོན་ལྔ་རེད། ད་ཁྱོད་ཚོར་འདང་རྒྱུ་ཞིག་ཡོད་ན་འདང་ཚར་ཡོད། ད་ནི་ཁོང་གི་དགོངས་གཞི་ལ་འདོད་པ་མེད་ན་ཁ་ཐུག་གིས་བཤད་ན་འགྲིག་གི་རེད། འདི་ལྟར་ཐུགས་དགོངས་དཀྲུགས་ནས་དམར་གསོད་མ་གཏོང་རོགས། ཆིག་སྒྲིལ་གལ་ཆེ་བ་ནི་ཚང་མས་ཤེས་ངེས་ན། འདི་ལྟར་བྱེད་དོན་ཅི་ཡིན། མ་གཞི་མི་ཁ་ཤས་ཤིག་གིས་འདི་ལྟར་རྙོག་དྲ་བཟོས་ན་དེ་ནི་མར་གྱི་ནང་གི་སྤུ་ཡིན་ནའང༌། ང་ཚོའི་ངོས་ནས་ཏོག་ཙམ་ནོར་ན་དགྲ་བོའི་ལག་ཆ་ཆགས་ཡོད། འདི་ནི་གྲོས་ཚོགས་ཀྱི་འཐུས་མི་ཡོངས་ལ་ཕུལ་བ་ཡིན།

  4. མི་ནག་ཚང་ལུང་རིགས་རྒྱལ།

    ཁ་སང་གི་རྩོད་གཞི་དེ་ལ་བསྟེན་ནས་དེ་རིང་ཡང་སྤྱི་འཐུས་ ༡༢ དེ་གྲོས་ཚོགས་སུ་མ་ཕེབས་སྟབས། སྤྱི་འཐུས་གྲོས་ཚོགས་ཚུགས་སྐབས་སྤྱི་འཐུས་ཀྱི་རྩ་འབོར་ལས་གསུམ་ཆ་གཉིས་ཚང་དགོས་པ་ལྟར། དེ་རིང་མ་ཚང་སྟབས་ཆུ་ཚོད་ ༡༡ དང་སྐར་མ་ ༡༥ ལྔའི་བར་གྲོས་ཚོགས་ཀྱི་བར་གསེང་ཡིན་པར་ཚོགས་གཙོས་བསྒྲགས་སོང་། དེ་རིང་ནི་གྲོས་ཚོགས་ཀྱི་ཉིན་མཐའ་མ་དེ་རེད།

  5. ཇོ་རུ་ཚེ་རིང་།

    ཁྲིམས་མི་བརྩི་བའི་ཁྲིམས་བཟོ་ལྷན་ཁང་ཞིག་གིས་ཅི་བྱེད། རྒྱ་དམར་གཞུང་ལའང་ཁྲིམས་ལུགས་སྒྲིག་གཞི་སྙིང་རྗེ་བོ་ཞིག་ཡོད་པ་མ་ཡིན་ནམ།༼སྤྱི་འཐུས་རྒྱུན་ལས་ལ་ཕུལ༽
    རྒྱལ་ཁབ་མི་སེམས་པར་རྒྱུ་སྟོབས་སྤྱོད་པའི་ནག་ཚོགས་ཤིག་གིས་ཅི་བྱེད། དཔོན་ངན་ནག་ཚོགས་པ་རྒྱ་ནག་དམར་ཤོག་ལའང་ཤིན་ཏུ་མང་བ་མ་ཡིན་ནམ།༼རྒྱུ་ཆེན་སྟོབས་ཆེན་སྨྲ་བ་དག་ལ་ཕུལ༽
    དམངས་ཀྱི་བདེ་སྡུག་མི་སེམས་རང་གི་ཁེ་ཕན་གཉེར་བའི་གཡེན་སྦྱོར་ཟིང་སློང་བ་ཞིག་གིས་ཅི་བྱེད། ཅང་ཙེ་མེན་ཡང་རང་དོན་ཁེ་གཉེར་ཅན་ཕུལ་དུ་བྱུང་བ་ཞིག་མ་ཡིན་ནམ།༼སྤྱི་འཐུས་རལ་བ་ཅན་ལ་ཕུལ༽
    རྒྱལ་ཁབ་ཀྱི་ཕུགས་རྒྱང་མི་སེམས་ཕྱོགས་རིས་རྔ་དཔུང་གཟེངས་མཁན་གྱི་གྲོས་ཚོགས་ཅིག་གིས་ཅི་བྱེད། དམར་ཤོག་འཐུས་མི་ཚོགས་ཆེན་གྱིས་ཀྱང་ཕྱོགས་ལྷུང་ཤེད་འཁྱེར་གྱི་ལག་པ་ཡ་གཅིག་དུས་རྒྱུན་མཐོན་པོར་བསྒྲེངས་ནས་ཡོད་པ་མ་ཡིན་ནམ།༼སྤྱི་འཐུས་གྲོས་ཚོགས་ལ་ཕུལ༽

  6. གནད་དོན་འདི་ནི་སྤྱི་འཐུས་བསོད་ནམས་སྟོབས་རྒྱལ་གྱི་ནོར་བ་དང༌། རྒྱུན་ལས་ཀྱི་ཡང་ནོར་བ་རེད། ལྷག་པར་གྲོས་འཆར་འདོན་མཁན་གྱི་ནོར་མ་ཟད། ལམ་སྲོལ་མེད་པའི་འཐུས་མི་མང་པོས་ས་ཡིག་འཁོད་པའི་རྒྱབ་སྐྱོབ་བྱེད་མཁན་གྱི་ནོར་བ་རེད། ཚང་མས་ནོར་འཁྲུལ་རེད། ང་ཚོའི་གྲོས་ཚོགས་འདི་འདྲ་ཞིག་ཆགས་རེད་ལྟོས་དང༌། ད་རེ་བ་བྱེད་རན་གང་ཡང་མི་འདུག དེ་ནང་ལ་སྐད་ཆ་དྲང་གཏམ་བཤད་མཁན་སྤྱི་འཐུས་འགའ་ཤས་བྱུང་སོང༌། ཟླ་བ་ཕུན་སྐྱིད་དང༌། ཚུལ་ཁྲིམས་བསྟན་འཛིན། གསེར་རྟ་ཚུལ་ཁྲིམས། བསྟན་འཛིན་མཁོན་པོ། ཀརྨ་ཡི་ཤེས་བཅས་རེད། གཞན་བསམ་ཚུལ་བཤད་མཁན་ཚང་ཕྱོགས་ལྷུང་རེད་འདུག

  7. སོག་ལྷ་རྒྱལ།

    ་སྤྱི་འཐུན་ཚོ་བོད་སྤྱི་དོན་ལ་མི་རྩོད་ སོ་སོའི་སྒོར་མོ་ལ་རྩོད་པ་དེ་གཞིས་བཞུགས་བོད་རིགས་སྤུན་ཟླ་ཚོའི་རེ་བ་དང་ཡོད་ཆེས་༧གོང་ས་མཆོག་གི་དགོངས་གཞི་རྣམས་ནག་སུབ་སུ་བཏོང་བ་དེ་ཁྱེད་རྣམས་བོད་མི་དམངས་གི་ཚབ་ཐུབ་མིན་རྒྱ་ཆེན་མི་དམངས་བློ་ཚབ་བྱེད་དགོས་པའི་དུས་ལ་བབས་འདུག

  8. ཇོ་རུ་ཚེ་རིང་།

    ཁྲིམས་མི་བརྩི་བའི་ཁྲིམས་བཟོ་ལྷན་ཁང་ཞིག་གིས་ཅི་བྱེད། རྒྱ་དམར་གཞུང་ལའང་ཁྲིམས་ལུགས་སྒྲིག་གཞི་སྙིང་རྗེ་བོ་ཞིག་ཡོད་པ་མ་ཡིན་ནམ།༼སྤྱི་འཐུས་རྒྱུན་ལས་ལ་ཕུལ༽
    རྒྱལ་ཁབ་མི་སེམས་པར་རྒྱུ་སྟོབས་སྤྱོད་པའི་ནག་ཚོགས་ཤིག་གིས་ཅི་བྱེད། དཔོན་ངན་ནག་ཚོགས་པ་རྒྱ་ནག་དམར་ཤོག་ལའང་ཤིན་ཏུ་མང་བ་མ་ཡིན་ནམ།༼རྒྱུ་ཆེན་སྟོབས་ཆེན་སྨྲ་བ་དག་ལ་ཕུལ༽
    དམངས་ཀྱི་བདེ་སྡུག་མི་སེམས་རང་གི་ཁེ་ཕན་གཉེར་བའི་གཡེན་སྦྱོར་ཟིང་སློང་བ་ཞིག་གིས་ཅི་བྱེད། ཅང་ཙེ་མེན་ཡང་རང་དོན་ཁེ་གཉེར་ཅན་ཕུལ་དུ་བྱུང་བ་ཞིག་མ་ཡིན་ནམ།༼སྤྱི་འཐུས་རལ་བ་ཅན་ལ་ཕུལ༽
    རྒྱལ་ཁབ་ཀྱི་ཕུགས་རྒྱང་མི་སེམས་ཕྱོགས་རིས་རྔ་དཔུང་གཟེངས་མཁན་གྱི་གྲོས་ཚོགས་ཅིག་གིས་ཅི་བྱེད། དམར་ཤོག་འཐུས་མི་ཚོགས་ཆེན་གྱིས་ཀྱང་ཕྱོགས་ལྷུང་ཤེད་འཁྱེར་གྱི་ལག་པ་གཅིག་དུས་རྒྱུན་མཐོན་པོར་བསྒྲེངས་ཡོད་པ་མ་ཡིན་ནམ།༼སྤྱི་འཐུས་གྲོས་ཚོགས་ལ་ཕུལ༽

  9. བོད་ཀྱི་དྲང་བདེན།

    བོད་མི་མང་གིས་རེ་བཅོལ་བྱེད་སའི་སྤྱི་འཐུས་ཚོས་ཞབས་འདྲེན་ཞུ་བའི་འགོ་བསྐྱར་དུ་ཚུགས་སོང་། སྤྱི་འཐུས་ཨོ་རྒྱན་བསྟན་འཛིན་དང་། འཇུ་ཆེན་དཀོན་མཆོག་གིས་སྐད་ཆ་བཤད་ལུགས་ལ་ལྟོས་དཱ། རྒྱུ་སྟོབས་དང་དཔུང་ཤེད་ཡོད་ན་དགྲ་གུང་ཁྲན་ལ་མི་ངོམ་པར་སྤྱི་འཐུས་ནང་ཁུལ་དུ་ངོམ་དགོས་དོན་འདུག་གམ། འཇུ་ཆེན་ཚང་ལ་རྒྱུ་ཡོད་ནས་བོད་སྲིད་ལ་ཕན་པའི་ལས་དོན་ཅི་ཞིག་བསྒྲུབ་ཡོད། ཨ་ཐར་ནོར་བུ་ལག་མགོར་བཅུས་ནས་༸གོང་ས་མཆོག་གི་བཞེད་དགོངས་དང་མི་མཐུན་པ་དང་བོད་ཀྱི་བསྟན་སྲིད་ལ་གནོད་པའི་རྙོག་དྲ་ཅི་བྱས་དྲན་གྱི་མི་འདུག་གམ། བསོད་ནམས་སྟོབས་རྒྱས་ཀྱི་རྒྱབ་ཏུ་ཁྱེད་འཇུ་ཆེན་ཚང་ཡོད་ཟེར་གྱི་ཡོད་དམ། ཁོས་བཤད་ཕོད། བཤད་ཤེས་ཟེར་ངོ་ཚ་རྒྱུ་ཨེ་འདུག དངོས་གནས་བྱས་ན་ཅི་ཞིག་ཤེས། བླུན་པོ་རང་སྣང་མཐོ་བའི་སྐྱིད་གླུ་མ་ཡིན་ནམ། འཕེལ་རྒྱས་སྒྲོལ་མའི་གྲོས་འཆར་ལ་སྐྱོན་ཅི་ཞིག་འདུག སྒྲིག་གཞི་གསལ་ཁ་མེད་ས་འདི་རིགས་སྒྲིག་གཞི་གསར་བཟོ་བྱེད་མ་དགོས་པ་རེད་དམ། རྙཽག་དྲའི་གཞི་མ་ཁམས་པ་རལ་བ་ཅན་ཨོ་སི་ཀྲི་རི་ཡར་འགྲོ་བ་དེ་ཁོ་རང་རང་དོན་གྱི་ཆེད་དུ་སོང་བ་རེད་དམ། བོད་ཀྱི་བསྟན་སྲིད་ཀྱི་ཆེད་དུ་སོང་བ་རེད། ཚོར་ཤུགས་ཀྱིས་བློ་སྒྲིབ་ཏུ་མ་བཅུག་པར་བརྟག་དཔྱད་ཕྲན་བུ་བྱེད་མི་ཐུབ་བམ། མ་གཞི་ནས་གྲོས་འཆར་འདི་ཆོལ་ཁའི་རྙོག་དྲ་ཞིག་གཏན་ནས་མ་རེད་ཀྱང་། ཨོ་རྒྱན་སྟོབས་རྒྱས་དང་འཇུ་ཆེན་ཞི་མོ་གཉིས་ཀྱིས་བསམ་བཞིན་དུ་ཆོལ་ཁའི་རྙོག་དྲའི་སྟེང་དུ་བསྒྱུར་སོང་། ངས་རྒྱུན་ལས་ཚོས་མ་དྲང་བ་བྱས་པ་རེད་གཏན་ནས་བསམ་གྱི་མི་འདུག འོན་ཀྱང་སྒྲིག་གཞི་ལྟར་མ་བྱས་པའི་ནོར་འཁྲུལ་དངོས་གནས་བྱུང་འདུག ཆོལ་ཁའི་སྤྱི་འཐུས་ཕྱི་རྒྱལ་ན་ཡོད་མཁན་ལམ་གྲོན་གཏོང་ཆོག་པའི་སྒྲིག་གཞི་བཅའ་ཁྲིམས་ནང་དུ་གསལ་པོ་ཡོད་པ་མ་རེད། ཆབ་བྲག་ལྷ་མོ་སྐྱབས་ད་རེབ་ཧྥ་རན་སི་ནས་ཚུར་ཡོང་བ་དེ་ལ་ཅི་ཕྱིར་གཏོང་མ་དགོས་པ་རེད། སྤྱི་ཡོངས་ཀྱི་ཆ་ནས་བཤད་ན་གནས་བབ་གཅིག་པ་རེད། ངའི་རེ་བ་ལ་སྤྱི་འཐུས་ཚོས་སྒེར་བའི་འཁོན་ནད་གྲོས་ཚོགས་ཁང་དུ་འཁྱེར་མ་ཡོང་རོགས་ཞུ།

  10. ནམ་མཁའ་བསྟན་འཛིན།

    སྤྱི་འཐུས་སྒྲོལ་མ་མཚོ་ལགས་ཀྱི་གྲོས་འཆར་འདི་དངོས་ཡོད་རེད། སྤྱི་འཐུས་རྒྱུན་ལས་ནས་གང་ཟག་ལ་ལྟོས་ཏེ་སྒྲིག་གཞི་ལ་འགྱུར་བ་བཏང་ན་དྲང་བདེན་མ་རེད། གཞུང་གི་སྒྲིག་གཞིའི་ནང་དུ་བྱང་ཨ་རིའི་འཐུས་མི་གཉིས་ཀ་དང་ཡོ་རོབ་སྤྱི་འཐུས་གཅིག་བུ་དེ་ལ་གནམ་གྲུ་དང་ལམ་ཁ་མགྲོན་གླ་སོགས་གཏོང་གི་ཡོད་པ་ལས་སྤྱི་འཐུས་གཞན་དག་རྒྱ་བལ་འབྲུག་གསུམ་དུ་ཡོད་པ་ཚོ་དང་པོ་སོ་སོ་སྤྱི་འཐུས་ལ་ལངས་སྐབས་སྡོད་གནས་དང་ཁ་བྱང་གང་ཞིག་ཡིན་ན་གྲོས་ཚོགས་འཚོགས་དུས་སྐབས་སྡོད་གནས་དེ་ནས་རྡ་རམ་ས་ལའི་བར་གྱི་ལམ་གྲོན་གཏོང་གི་ཡོད་པ་རེད། ཆོད་ཁོངས་དང་ཆོས་བརྒྱུད་ཁག་གི་སྤྱི་འཐུས་ཞིག་ཨ་རི་ལྟ་བུ་ཕྱིའི་རྒྱལ་ཁབ་ཅིག་ལ་གནས་སྤོས་བ་ཡིན་ན་སོ་སོ་སླར་ཡང་བྱང་ཨ་རིའི་སྤྱི་འཐུས་ལ་ལངས་ཐུབ་ན་གནས་ཚུལ་གཞན་རེད་མ་གཏོགས་སྤྱི་འཐུས་གྲོས་ཚོགས་ནས་དེ་ལ་འགྲོ་གྲོན་གཏོང་གི་ཡོད་པ་རེད། སྒྲིག་གཞིའི་ནང་དུ་ཧ་ཅང་ཁ་གསལ་པོ་རེད། འོན་ཀྱང་སྤྱི་འཐུས་རྒྱུན་ལས་སམ་ཁྲིམས་བཟོ་ལྷན་ཚོགས་ནས་མགོ་བྱས་ཏེ་ཁྲིམས་དང་སྒྲིག་གཞི་རྩིས་མེད་དུ་བཏང་ན་ང་ཚོའི་བཅའ་ཁྲིམས་ཟེར་བ་དེར་དགོས་བ་ཅི་ཞིག་འདུག

  11. ཁོ་རྣམས་པའི་བརྗོད་གཞི་ལ་ལྟོས་དང་ཁོང་ཚོ་ཚོགས་འདུ་ལ་གཅར་བ་དེ་བོད་ཀྱི་རྕ་དོན་ལ་ཕེབས་པ་མ་རེད།གཞི་ལུས་རྒྱ་ཆེའི་མི་དམངས་ཀྱི་ལུས་སྲོག་ལོངས་སྤྱོད་དང་བཅས་བ་འཛེམས་མེད་དུ་གཏོང་གི་ཡོདརེད།ཁོང་རྣམས་པའི་དམིགས་ཡུལ་དང་སེམས་ཤུགས་ལ་ཚང་མའི་ལྟོས་དང་ལྗི་ཁོག་ག་འདྲ་ཞིག་ཡོད་མེད་ཧ་གསལ་བོ་གོ་བཞིན་འདུག།སྒེར་ཁོ་ན་བསམ་བློ་མ་བཏང་བར་སྤྱི་ལ་ཡང་བསམ་བློ་ངེས་པར་དུ་གཏོང་དགོས་བ་མ་རེད།མ་འོང་བ་ན་བོད་ཁ་ཐོར་དུ་མི་འགྲོ་བའི་གདངས་ཚོད་བརྟན་པོ་ཞིག་ཁྱེད་རྣམས་པ་ཡོད་ལེགས།མ་འོངས་ང་ལམ་ཁ་གསར་བ་ཞིག་ལ་མི་འགྲོ་པའི་སྤོ་པ་ཆུང་ནས་ཆུང་དུ་འགྲོ་སོང་།མ་འོངས་བ་ན་འདི་འདྲིའི་རྩོད་ལྷུང་མི་ཡོང་པའི་ཕྱོགས་ལ་གྲ་སྒྲིག་ངེས་པར་དུ་རྒྱག་དགོས་ས་རེད།

  12. བློ་དགའ་ལགས། ཁྱོད་རང་གི་ག་རེ་བཤད་ཀྱི་ཡོད། གང་ཟག་སྒེར་ལ་དམིགས་ནས་གྲོས་འཆར་ཁུར་ཡོང་བ་དེ་ཡག་པོ་མ་རེད། ཁོ་ཚོ་དཔུང་བསྒྲིགས་ནས་ཡོང་བ་དེ་ཡག་པོ་མ་རེད།

  13. བསྟན་འཛིན།

    བློ་དགའ་མིང་ཅན་ལགས། ཚོགས་གཙོ་ཟུར་བར་སྐྱོན་འདོགས་མ་བྱེད་རོགས། ཁོང་རང་གིས་དགོངས་པ་དང་བསྟུན་ནས་ཕྱིར་ཕེབས་པ་ཡིན་རྒྱུ་རེད།

  14. རང་ངོས་ནས་རང་ཉིད་ཕྱིར་ཕུད་བྱས་པ་ཡི་སྤྱི་འཐུས་དེ་ཚོ་ལ་བཀྲ་ཤིས་བདེ་ལེགས་ཞུ་ཡ་ཡིན། ད་ཁྱོ་རས་རང་ལ་འཇོན་ཐང་མེད་པའི་ཧ་ཉིད་གོ་ནས་ཐོན་པ་རེད། གཏན་ནས་གཏན་དུ་ཕྱིར་ལོག་མ་འོང་རོགས། དམིགས་བསལ་གྱི་་་ཚོགས་གཙོ་ཟུར་པ་ར་བཟི་བ་དེ་དང་ཨུ་རྒྱན་སྟོབས་རྒྱལ་གཉིས། ད་བོད་མི་རིགས་འགྱེལ་བའི་སྒང་ལ་རྡོག་བརྫིས་མ་གནང་རོགས། སྐུ་མཁྱེན། གཟིམ་འཇགས་གནང་།

  15. མི་ཉག་སྐལ་བཟང་།

    སྤྱི་འཐུས་ཚོ་ཞབས་འདྲེན་ཇི་ལྟར་ཞུ་བཞིན་པའི་Bhagsu བོད་སྐད་རླུང་འཕྲིན་གྱི་དུམ་བུ་ཙམ་ཡང་Yuotube.com དྲ་རྒྱའི་སྟེང་དུ་བཅུག་ཐུབ་ན་བཟང་། ང་ཚོ་ཕྱི་རྒྱལ་ལ་ཡོད་པའི་བོད་རིགས་ཚོས་ཀྱང་བལྟ་འདོད་འདུག ཕྱི་སྡོད་བོད་རིགས་མང་པོ་ཞིག་ཁོང་ཚོའི་བྱ་སྤྱོད་དག་མཐོང་ནས་རང་བཙན་ལག་དེབ་ཀྱི་དཔྱ་ཁྲལ་ཆད་པ་མ་རེད་བཅད་པ་རེད་ད།

  16. མི་ཉག་སྐལ་བཟང་།

    ད་རེས་སླར་ཡང་ཧོར་གཙང་འཇིགས་མེད་ལགས་ཀྱིས་བསམ་ཚུལ་ཞིག་དྲན་སོང་། ཕྱི་རྒྱལ་ལ་ཡོད་པའི་བོད་པ་གང་རུང་ཞིག་ལ་ཟླ་རེའི་དོ་ཕོག་ཨ་སྒོར་སྟོང་ཕྲག་ཅིག་ཡོད་པ་ཞིག་རྡ་སར་མགྲོན་དུ་འབོད་ནས་ཨ་སྒོར་ཉིས་བརྒྱའི་དོ་ཕོག་གིས་བཀའ་ཁྲིར་འགོད་ཀྱང་རུང་ཁག་པོ་རེད་ཅེས་པ་ནི་ཤིན་ཏུ་བདེན། ད་ནི་ཏག་ཏག་སྤྱི་འཐུས་ཚོས་བོད་དོན་མི་རྩོད་སྒོར་མོ་རྩོད་བའི་དུས་ལ་བབ་ཡོད་པ་འདྲ། ཨ་ཁཁཁཁཁ

  17. གཅན་བཟོད་རྒྱམ།

    འདི་ལྟར་དཔའ་གཏམ་འགའ་བཤད་དེ་རང་དགར་གྲོས་ཁང་ཕྱི་ལ་ཐོན་ཏེ་འགྲོ་བ་ལས། རྒྱ་གར་གྲོས་ཙོགས་འཐུས་མི་ཚོ་ནང་བཞིན་གནད་དོན་གང་ཞིག་བརྩད་དེ་རྒྱག་རེས་བྱས་ནའང་མི་འགྲིག་པ་ཅི་ཡོད། Bhagsu་ བོད་སྐད་བརྙན་འཕྲིན་ལྟ་རོགས་གནོང་། དེ་རུ་ཁོ་ཚོས་ཞབས་འདྲེན་ཇི་ལྟར་བྱེད་བཞིན་པ་མཐོང་ཐུབ།

  18. བསྟན་འཛིན་ཡོན་ཏན།

    སྦྱི་འཐུས་བསོད་ནམས་སྟོབས་རྒྱལ་ཡིན་ན་འདིས་རྐྱེན་པས་ག་དུས་ཡིན་ན་གླེང་རྙོག་རྐྱང་རྐྱང་ལས་གང་ཡང་མི་འདུག་ཨ་ཧ་བོ

  19. ཤེལ་དཀར་བློ་བཟང་།

    སྤྱི་འཐུས་ཚོས་རང་མདོག་བསྟན་སོང་། མང་གཙོའི་ཀ་བ་གསུམ་གྱི་ཡ་གྱལ། ཆབ་སྲིད་ཀྱི་གྲོས་ཚོགས་འདི་འདྲ་ཞིག་ཨ་ཡིན།

  20. འདྲེ་རིག་ལྡན།

    ད་སྤྱི་འཐུས་རྣམས་པས་དགོངས་པ་ཟབ་ཙམ་བཞེས་རན་འདུག དེ་རིང་གི་གྲོས་ཚོགས་ནང་གི་ངོ་གདོང་དེ་ཚོར་བལྟ་གིན་བལྟ་གིན་བློ་འཚབ་སྐྱེ་བ་ཞིག་རེད། བླ་མས་མཁྱེན།