སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པའི་ཉིན་ ༡༢ པ་སྟེ། དེ་རིང་ཕྱི་ཚེས་ ༡༨ ཉིན་གྱི་ཕྱི་དྲོའི་ཆུ་ཚོད་ ༤ དང་ཕྱེད་ཀའི་སྟེང་། སྤྱི་འཐུས་སྒེར་གྱི་གྲོས་ཆོད་གྲོས་འཆར་ཞིག་གི་ཐད། སྤྱི་འཐུས་ནང་ཁུལ་དགོངས་ཚུལ་མ་མཐུན་པ་བྱུང་སྟབས། གྲོས་ཚོགས་འཐུས་མི་ ༡༢ ཙམ་གཅིག་རྗེས་གཉིས་མཐུད་ཀྱིས་གྲོས་ཚོགས་ལས་ཕྱིར་ཐོན་ཡོད་པ་དང་། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་ནང་། སྤྱི་འཐུས་རྩ་འབོར་གྱི་གསུམ་ཆ་གཉིས་མ་ཚང་བ་ཡིན་ན། ལས་དོན་གང་ཡང་ཐག་གཅོད་བྱ་ཐབས་མེད་སྐོར་གཏན་འབེབས་བྱས་ཡོད་སྟབས། གྲོས་ཚོགས་དུས་མིན་གྱིས་མི་གྲོལ་ཐབས་མེད་བྱུང་ཡོད།

ཉེ་ལམ་ཆབ་སྲིད་བཙོན་ཟུར་གྱི་འོས་ཁོངས་ནས་ཨོ་སི་ཊོ་ལེ་ཡར་གཏན་སྡོད་དུ་ཕེབས་པ། མདོ་སྟོད་སྤྱི་འཐུས་བསོད་ནམས་སྟོབས་རྒྱལ་ལགས། ཐེངས་འདིའི་གྲོས་ཚོགས་ཚོགས་དུས་བརྒྱད་པར་ཆེད་ཕེབས་གནང་བའི་ལམ་གྲོན་དེ་བོད་མི་མང་སྤྱི་འཐུས་རྒྱུན་ལས་ནས་ཕུལ་ཡོད་སྟབས། དེ་འདྲའི་ལམ་སྲོལ་སྔར་བྱུང་མྱོང་མེད་པའི་ངོས་འཛིན་ཐོག སྤྱི་འཐུས་སྒྲོལ་མ་མཚོ་མོ་ལགས་ཀྱིས་རྒྱ་བལ་འབྲུག་གསུམ་ཕུད་པའི་ཆེད་འཛུགས་ཕྱི་རྒྱལ་ཁག་གི་སྤྱི་འཐུས་མ་ཡིན་པ་དག་ལ། སྔར་ལམ་ལྟར་འགྲོ་སོང་དོ་བདག་གིས་འགན་འཁུར་དགོས་པའི་གྲོས་འཆར་བཏོན་ཡོད་པ་མ་ཟད། གྲོས་འཆར་དེ་ལ་སྤྱི་འཐུས་ ༡༤ ཙམ་གྱིས་རྒྱབ་སྐྱོར་གྱི་ས་རྟགས་སྐྱོན་འདུག

གྲོས་ཚོགས་འཐུས་མི་འགའ་རེ་ཡིས་སྔར་ལམ་སྲོལ་མེད་བཞིན་དུ། ཐེངས་འདིར་སྤྱི་འཐུས་བསོད་ནམས་སྟོབས་རྒྱལ་ལགས་སུ་འགྲོ་སོང་བཏང་བ་དེ་སྤྱི་འཐུས་རྒྱུན་ལས་ཀྱིས་དྲང་མོ་བྱས་མེད་ཚུལ་དང་། ཡང་སྤྱི་འཐུས་འགའ་རེ་ཡིས་གྲོས་གཞི་གྲོས་འཆར་འདི་ལ་ཧ་ཅང་ཛ་དྲག་གི་རྣམ་པའི་ཐོག་ནས་སྤྱི་འཐུས་ ༡༤ ཙམ་གྱིས་རྒྱབ་སྐྱོར་ས་རྟགས་སྐྱོན་པ་ཚུལ་མཐུན་མིན་ལུགས་སོགས། གྲོས་འཆར་དེ་གྲོས་ཚོགས་ནང་སྙན་སྒྲོན་ཞུས་མ་ཐག་སྤྱི་འཐུས་ ༡༥ ལྷག་གིས་དགོངས་ཚུལ་གསུངས་མཐར་བསམ་ཚུལ་མ་མཐུན་པ་བྱུང་སྟེ། གྲོས་ཚོགས་འཐུས་མི་ ༡༢ ཙམ་གཅིག་རྗེས་གཉིས་མཐུད་ཀྱིས་གྲོས་ཚོགས་ར་བ་ལས་ཕྱིར་ཐོན་ཡོད་སྟབས། སྤྱི་འཐུས་རྩ་འབོར་གྱི་གསུམ་ཆའི་གཉིས་མ་ལོངས་སྟབས། ཕྱི་དྲོའི་ཆུ་ཚོད་ ༤ དང་ཕྱེད་ཀའི་ཐོག་དུས་མིན་གྱིས་ཚོགས་གསེང་མི་སྤྲོད་ཐབས་མེད་བྱུང་ཡོད།

སྤྱི་འཐུས་སྒྲོལ་མ་མཚོ་མོ་ལགས་ཀྱིས་བཏོན་པའི་སྤྱི་འཐུས་སྒེར་གྱི་གྲོས་ཆོད་གྲོས་འཆར་གྱི་སྔོན་གླེང་ནང་བཀོད་དོན། བཅའ་སྒྲིག་དང་ལམ་ལུགས་དགོངས་དོན་ཆོལ་ཁ་དང་ཆོས་ལུགས། ཆོས་བརྒྱུད་སྤྱི་འཐུས་རྒྱ་བལ་འབྲུག་གསུམ་ནས་ཡོང་དགོས་པ་ལྟར། རྒྱ་བལ་འབྲུག་གསུམ་ཕུད་ཕྱིའི་རྒྱལ་ཁབ་ནས་ཆོལ་ཁ་དང་ཆོས་བརྒྱུད་ཀྱི་སྤྱི་འཐུས་ཡོང་སྲོལ་མེད་གཤིས། ཁུངས་སོ་སོར་འདེམས་ཐོན་བྱུང་བའི་སྤྱི་འཐུས་ཕྱི་རྒྱལ་དུ་གནས་སྤོས་བྱས་པ་བྱུང་ཚེ། སྔར་ལམ་ལྟར་སོ་སོས་རྒྱག་རང་འཁུར་བྱེད་དགོས་པ་ལས། གཞུང་གྲོན་གཏོང་ལུགས་མེད་པས་གྲོས་ཆོད་ཅིག་འཇོག་དགོས་གལ་མཐོང་། ཞེས་དང་། གྲོས་ཆོད་དངོས་གཞིའི་ནང་བཀོད་དོན། རྒྱལ་བལ་འབྲུག་གསུམ་ནས་ཆོལ་ཁ་དང་ཆོས་ལུགས། ཆོས་བརྒྱུད་ཁུངས་སོ་སོར་འོས་འདེམས་བྱུང་བའི་སྤྱི་འཐུས་ཞིག་གོང་གསལ་ལས་ཕྱི་རྒྱལ་དུ་གནས་སྤོ་བྱ་དགོས་བྱུང་ཚེ་སྔར་ལམ་ལྟར་སྤྱི་འཐུས་སོ་སོས་རྒྱག་རང་འཁུར་བྱེད་དགོས་པ་ལས། གཞུང་གྲོན་གཏོང་མི་ཆོག་པའི་སྤྱི་མོས་སམ་མང་མོས་གྲོས་ཆོད་དུ། ཞེས་བཀོད་འདུག

སྤྱི་འཐུས་སྒེར་གྱི་གྲོས་གཞི་གྲོས་ཆོད་དེའི་འོག་ཏུ་སྤྱི་འཐུས་ཚེ་རིང་སྒྲོལ་མ་དང་སྤྱི་འཐུས་ཚེ་རིང་གཡུ་སྒྲོན། སྤྱི་འཐུས་པད་མ་འབྱུང་གནས། སྤྱི་འཐུས་ཟླ་བ་ཚེ་རིང་། སྤྱི་འཐུས་ངག་དབང་ལྷ་མོ། སྤྱི་འཐུས་སྒྲོལ་མ་ཚེ་རིང་། སྤྱི་འཐུས་ཆབ་བྲག་ལྷ་མོ་སྐྱབས། སྤྱི་འཐུས་བསོད་ནམས་ཚེ་རིང་ཕིར་སི། སྤྱི་འཐུས་ཀིརྟི་སྒྲོལ་དཀར་ལྷ་མོ། སྤྱི་འཐུས་དབུ་དཀར་ཚང་གཡུ་སྒྲོན། སྤྱི་འཐུས་རྒྱལ་ནོར་ཚེ་དབང་། སྤྱི་འཐུས་ཡེ་ཤེས་སྒྲོལ་མ། སྤྱི་འཐུས་སྨོན་དཀར་བསོད་ནམས་ཕུན་ཚོགས། དེ་བཞིན་གྲོས་འཆར་འདོན་མཁན་སྤྱི་འཐུས་སྒྲོལ་མ་མཚོ་མོ་བཅས་གྲོས་ཚོགས་འཐུས་མི་ ༡༤ ཙམ་གྱིས་ས་རྟགས་སྐྱོན་འདུག

བསྐྱར་བཅོས།: ༢༠༡༤/༠༣/༢༦

Leave a Reply

285 thoughts on “སྤྱི་འཐུས་བཅུ་གཉིས་གྲོས་ཚོགས་ནས་ཕྱིར་ཐོན་པ།

  1. མི་ཉག་སྐལ་བཟང་།

    གཅན་བཟོད་རྒྱམ་ལགས། ཁྱོད་ལ་མི་ཞིག་གིས་ཁབ་བཙུགས་པ་ལྟར་དེ་མ་ཐག་ང་ཨ་མདོ་བ་ཚོ་དང། ཁྱོད་ཁམས་པ་ཚོ། ཁོ་ལྷ་ས་བ་ཚོ་ཟེར་མི་ཉན། གོང་གི་བཙན་པོས་ཁྱོད་རང་མེ་འབར་བཞིན་པ་དེའི་སྟེང་དུ་ས་སྣུམ་བླུགས་ཀྱིན་ཡོད་རེད། དེར་ཁ་ཡ་མ་བྱོས། སྤྱི་འཐུས་ཚོ་ནི་བོད་མི་མང་གི་ངོ་ཚབ་ཡིན་པ་ལས་ཆོལ་ཁ་བྱེ་བྲག་པའི་འཐེན་འཁྱེར་གྱི་ཁ་ལོ་བ་མ་རེད། སྤྱིར་རྩོད་པ་ཏོག་ཙམ་རེ་ཡོང་ན་ཡག་རྟགས་རེད། རྩོད་པ་ཅི་ཡང་མེད་ན་ང་ཚོས་བོད་དོན་ཅིའི་ཕྱིར་རྩོད། རྩོད་པ་ལ་བརྟེན་ནས་ང་ཚོས་ཡར་རྒྱས་དང་གོམ་པ་རེ་རེ་བཞིན་སྔོན་ལ་སྤོ་ཐུབ་པ་བྱ་དགོས།

  2. གཅན་བཟོད་རྒྱམ།

    རྩོམ་སྒྲིག་པ་ལགས། དྲ་ངོས་གཙང་མ་ཡོང་སླད་མཆན་ཉིས་བརྩེགས་ཐེབས་ཡོད་པ་དེ་ཚོ་གསུབ་བཞག་ན་འགྲིག་གི་རེད་སྙམ། ངའི་རེ་ཞུ་འདིའང་གསུབ་ལ་ཐོངས།

  3. གླེང་རན་དང་ལྗིད་ཁོག་མེད་པའི་དོན་དག་ཅིག་གིས་ད་མདོག་ངན་ཆ་ཚང་བསྟན་སོང་།ད་ཁོ་ཚོས་ངར་ངར་དང་རྫིག་རྫིག་བྱེད་ཀྱི་མི་འདུག ད་ཚར་སོང་།ད་ཚར་སོང་། ད་མི་འདི་ཚོ་མི་གྲལ་ནས་རང་ཉིད་ཀྱིས་རང་ཉིད་ཕུད་སོང་དཱ།ཁོ་ཚོས་ཁོང་ཁྲོའི་ངང་ནས་བསམ་བློ་ཐོང་མེད།ད་ཁོང་ཁྲོ་ཞི་ཚར་བས་འགྱོད་པ་སྐྱེས་ནས་བསྡད་ཡོད་ཐག་ཆོད།

  4. གླེང་རན་དང་ལྗིད་ཁོག་མེད་པའི་དོན་དག་ཅིག་གིས་ད་མདོག་ངན་ཆ་ཚང་བསྟན་སོང་།ད་ཁོ་ཚོས་ངར་ངར་དང་རྫིག་རྫིག་བྱེད་ཀྱི་མི་འདུག ད་ཚར་སོང་།ད་ཚར་སོང་། ད་མི་འདི་ཚོ་མི་གྲལ་ནས་རང་ཉིད་ཀྱིས་རང་ཉིད་ཕུད་སོང་དཱ།ཁོ་ཚོས་ཁོང་ཁྲོའི་ངང་ནས་བསམ་བློ་ཐོང་མེད།ད་ཁོང་ཁྲོ་ཞི་ཚར་བས་འགྱོད་པ་སྐྱེས་ནས་བསྡད་ཡོད་ཐག་ཆོད།

  5. གཅན་བཟོད་རྒྱམ།

    བཙན་པོ་ལགས་ཀྱི་གོང་གི་གསུང་དེ་ང་ལ་གསུངས་པ་འདྲ། ཨ་མདོ་བ་ཚོ་མ་ཟེར། ཨ་མདོ་ན་གནའ་ནས་ད་བར་དུ་མཁས་པ་མང་ནི་རེད། ང་ལ་ཅི་བཤད་འདོད་ན་ཤོད་དང་ཆོག ཚོགས་ཁང་ནང་མི་ཡོང་པའི་སྤྱི་འཐུས་དེ་ཚོ་ཁ་སང་གྲོས་ཁང་ཕྱི་ལ་ཐོན་སོང་མཁན་དེ་ཚོ་རེད། བསྐྱར་བཤད་མི་དགོས་པ་ཞུ།

  6. གསར་འགོད་པ་ལགས།
    ཁ་སང་གྲོས་ཚོགས་ནས་ཕྱིར་ཐོན་མཁན་དང་དེ་རིང་ཚོགས་ཞུགས་མ་གནང་བ་སྤྱི་འཐུས་སུ་སུ་ཡིན་པ་གསུང་རོགས་གནང་།འདི་ནི་གསར་འགྱུར་འདིའི་ཆ་མ་ཚང་བའི་ཁ་གསབ་ཀྱང་ཆགས་འདུག ངས་ཤེས་འདོད་པ་བཞིན་རྒྱ་ཆེའི་མི་དམངས་རྣམས་ལའང་ཐུགས་འདོད་ཡོད་ཤག་རེད།

  7. སྤྱི་འཐུས་རེ་ཟུང་རྒྱ་གུང་བྲན་གྱི་རྒྱུགས་ཁྱི་ཡིན་སྲིད་པ་རེད། སྤྱི་འཐུས་གཞན་ཚོ་རྒྱུགས་ཁྱི་དེ་ཚོའི་མགོ་སྐོར་འོག་ལ་ཚུད་པ་ཡིན་རྒྱུ་རེད།

  8. སྐར་ཁྲི་བཙན།

    ང་ཚོའི་སྤྱི་འཐུས་ཚོས་ཞབས་འདྲེན་འཇོག་པ་མཐོང་ན་དགྱ་འདྲེ་དང་རྒྱུག་ཁྱི་དེ་ཚོ་འགའ་ཐག་ཆོད་ཡོད་རྒྱུ་རེད། ངོ་མ་བཤད་ན་ཆོས་རྒྱུད་ཁག་ནས་སྤྱི་འཐུས་ཡོང་བ་འདིས་ཕན་མི་ཐོག་པ་གསལ་བོ་རེད། ངོ་མ་དཔའ་བོ་ཡིན་མིན་གང་ཤེས་སྐྲག་མི་དགོས་ས་ནས་སྤྱི་འཐུས་རེ་ཟུང་གིས་རྟག་པར་ངར་ངར་རྫིག་རྫིག་བྱས་དང་བཞིན་རེད་ཡ ང་ཚོའི་ཕམ་ཁ་ཆེ་ཐག་ཆོད་པ་ཞིག་ཉོས་སོང་། ཤུ་་་་་་་་་་་་་་་་་་་་་་་་་་་་་་་་་་་

  9. ད་འདུག་རིན་མ་རེད། འཚོགས་འདུ་མཇུག་བསྡུ་ཐུབ་ས་མ་རེད། རྡ་ས་ན་ཡོད་པའི་མི་དམངས་ཚོ་སོང་ནས་འཚོགས་ཁང་ན་བཞུགས་ཡོད་པའི་སྤྱི་འཐུས་ཚོར་རྒྱབ་སྐྱོར་ཆེད་སྐད་འབོད་བྱེད་རིན་རེད་ད།

  10. མི་ཉག་སྐལ་བཟང་།

    ཁོང་ཚོས་ངོ་རྒོལ་བྱས་སྟངས་དང་བསམ་ཚུལ་གྱི་གླེང་སློང་བྱུང་སྟངས། རྒྱབ་སྐྱོར་བྱས་སྟངས་དང་དབར་གནས་བསྡད་སྟངས་སོགས་ལ་བལྟས་པ་ཡིན་ན་ཆོལ་ཁ་འཐེན་འཁྱེར་གྱིས་བཅོས་ཐབས་མེད་པའི་ན་ཚ་ཞིག་ཡིན་པ་ལས་བོད་རིགས་སྤྱིའི་བདེ་སྡུག་དང་འབྲེལ་ཅི་ཡང་མི་འདུག དཀོན་མཆོག་གི་མཁྱེན། ཆོལ་ཁ་དང་ཆོས་ལུགས་ཀྱི་ཞེན་ཁོག་སྐམ་པོ་འདིས་བོད་མི་མང་པོ་ཞིག་འཆི་བཞིན་པ་དང་གསོད་བཞིན་པ་རེད། སྙིང་རྗེ། ངོ་ཚ། ང་ཚོར་གྱོང་རེད། མཐའ་ན་བོད་ཀྱི་དུས་བབ་ནང་ལུང་རིང་རྒྱལ་ཟེར་བ་དེ་གཅིག་པུ་དེ་ཡང་ཞེན་ཁོག་རིལ་རིལ་ཞིག་རེད་འདུག ངའི་ཁོང་ལ་སྔོན་མ་ནས་ང་ལ་ཟིན་བྲིས་ཤིག་བཟི་རོགས་ཞེས་ལན་མང་བསྐུར་མྱོང་། འོན་ཀྱང་ཁོང་གི་ངའི་མིང་ལ་མི་ཉག་སྐལ་བཟང་ཞེས་བྲིས་ཡོད་པས་ཁམས་པ་ཞིག་ཡིན་པ་རྟོགས་ནས་ཡ་ལན་ཙམ་ཡང་མ་བྱུང། ད་ང་ཤི་སོང་ན་ཡང་ཟིན་བྲིས་ཤིག་མི་དགོས་ཐག་ཆོད་ཡིན།

  11. ཧ་ཧ་ ཨ་མདོ་ཀླེན་ཁྱེད་ཚོས་མི་ཤེས། ཆོལ་ཁ་དང་ཆོས་རྒྱུད་ཀྱི་ས་མཚམས་མེད་ན་མི་ཚང་ཁ་ཤས་དང་ཕྱོགས་ཁག་ཁ་ཤས་ནས་སྤྱི་འཐུས་འཛིན་གི་རེད།

  12. གཅན་བཟོད་རྒྱམ།

    དེ་རིང་སྤྱི་འཐུས་ཚོགས་དུས་མཐའ་མ་དེ་ཡིན་ཀྱང་། ཚོགས་དུས་ཕར་འགྱངས་བྱས་པའི་དུས་༡༡དང་སྐར་༡༥་དེའང་ཡོལ་ནས་ད་ནི་དུས་ཙོད་༡༡།༣༠་ལ་སླེབས་སོང་། ཚང་མ་རང་རང་སར་ལོག་སོང་། རྒྱ་གར་གྱི་ཉེན་རྟོགས་པ་འདྲ་འདྲ་བོ་དེ་ཚོར་ཞེད་ཀི་འདུག་མ་གཏོགས། སྤྱི་འཐུས་ནང་གི་ཁོ་ཡིན་ང་ཡིན་ཟེར་མཁན་དེ་ཚོར་བཟོ་ལྟ་ཞིག་བཟོ་ན་འདོད་ཀི ཨ་ཤུ་རེ་ཁོ། ཕ་ཡུལ་བོད་ཡིན་རྒྱུ་ན།

  13. གཅན་བཟོད་རྒྱམ།

    མ་གཞི་ནས་ཆོས་རྒྱུད་ཁག་གི་སྤྱི་འཐུས་ཟེར་བ་དེ་རྙོག་དྲའི་གཞི་ཆགས། གྲྭ་བ་དེ་ཚོས་མི་ལ་གཅེར་ལ་ཁད་པ་བྱེད་ཀྱིན་འདུག ད་དུང་ཆོལ་ཁའི་སྤྱི་འཐུས་ཀྱང་དགོས་ཀི་མི་འདུག་སྙམ། རྩོམ་སྒྲིག་པས་གསུངས་པ་དེ་ལ་དངོས་གནས་བསམ་བློ་གཏོང་རན་ལས། སྤྱི་འཐུས་ཚོས་འདི་འདྲ་གནང་བསྡད་ན་དངོས་བཟོད་མི་ནུས་པ་ཞིག་འདུག གོང་དུ་དྲ་གྲོགས་བློ་བཟང་ཟེར་བ་འདི་དངོས་གནས་གཞིས་བཞུགས་པ་ཞིག་ཡིན་ན་ནི། ད་ནི་ང་ཚོ་བཙན་བྱོལ་ནང་གི་ཆབ་སྲིད་གནང་སྟངས་སོགས་ལ་ཡིད་ཆད་བྱུང་འདུག་པ་འདི་རེད། ང་ཚོས་སྤྱི་འཐུས་ཟེར་བ་འདི་ཆོལ་ཁོངས་དང་ཆོས་རྒྱུད་སོགས་ནས་འདེམས་ལུགས་འདི་རྩ་མེད་གཏོང་དགོས་ལ། དེ་ནས་གྲོས་ཙོགས་གོང་འོག་གི་ལམ་སྲོལ་ཐོག་ལ་གོམ་པ་སྤོ་རྒྱུའི་གྲ་སྒྲིག་དགོས་པའི་སྐོར་ལ་བགྲོ་གླེང་དང་། རྩོམ་ཡིག་སྤེལ་རོགས།

  14. འཆམ་ར་དྲི་མེད་རྒྱལ་མཚན།

    ཡང་དེ་རིང་ཆུ་ཚོད་བཅུ་བའིཐཽག་གྲོས་ཚོགས་འཚོགས་ནའང་གྲུབ་ཆ་མ་ཚང་སྐར་མ་ཙམ་རིང་གྲངས་གཤེར་གྱིས་ལམ་སང་གྲོལ་སོང་བ་རེད།
    འདི་ཚོའི་བྱ་སྤྱོད་འདིས་ཅི་ཞིག་བསྟན་ཀྱིན་འདུག
    འདི་ནི་མི་ཞྀག་གི་ལམ་གྲོན་ཙམ་ཡིན་ལ།
    དེའང་ཕྱོགས་རིས་ཀྱིས་ཁ་སང་དང་དེ་རིང་གཉིས་ལ་རྩོད་གླེང་བྱས་ཏེ་ཉི་མ་ཕུད་སོང་།
    བོད་ནང་གི་གནས་བབ་དང་བོད་ཀྱི་བསྟན་པ་ཆབ་སྲིད་ཀྱི་ཕྱོགས་ལ་འདིས་ཅིའང་ཕན་མི་སྲིད་ཁར་གནོད་ཀྱིན་པའི་ལས་གཞི་རེད།
    ཡིན་ནའང་གྲོས་འཆར་ཕྱི་འཐེན་མེད་པ་སྡིག་པ་མིག་བཙུམ་གྱིས་ད་རུང་མིག་ཤེལ་འོག་ཉམ་ཆཱུང་འདོག་གིས་བསྡད་འདུག
    ངོ་མ་་་་་་་་་

  15. སོག་ལྷ་རྒྱལ།

    ང་ཚོ་ནི་དམངས་གཙོ་ཡིན་ཞེས་དགྲ་ལ་ངོམ་རྒྱུ་གཉེན་འཆར་རྒྱུ་དེ་རེད་། དེ་ཡང་རྩ་བ་དམངས་གཙོའི་ཀ་བ་གསུམ་ཐུག་ཡོད། དེ་ནང་ནས་གྲོས་ཚོགས་འདི་ལ་ཐུག་ཡོད་ཁྱེད་རྣམས་ཀྱི་དགྲ་དགའ་གཉེན་སྡུག་གི་ལས་ཀ་དེ་དེའི་རིག་གཞིས་བྱེད་མི་དམངས་ཐུགས་ག་ཚད་ཕམ་གི་རེད༧གོང་ས་མཆོག་གི་འཛད་འཕྲིན་ནང་གི་གཙོ་བོ་བོད་མི་དམངས་ལ་དམངས་གཙོའི་གསོལ་རས་གནང་བ་དེ་རེད་དེ་ཁྱེད་རྣམས་ཀྱི་ནག་སུབ་དུ་དཏང་གི་ཡིན་ནམ་དངོས་གནས་མ་འོངས་པ་ན་སྤྱི་མཐུན་སྤུས་དག་དུ་གཏང་ཡག་ད་ལྟ་ནས་མི་དམངས་གི་ཐུགས་གསམ་གཞེས་རོག་གནང་ཐུགས་རྗེ་གཟིགས་

  16. མི་ནག་ཚང་ལུང་རིགས་རྒྱལ།

    སྤྱི་འཐུས་ཞེས་པ་དེ་ཆོལ་ཁོངས་དང་ཆོས་བརྒྱུད་ཁག་ནས་ཡོང་ན་མཇུག་འབྲས་འདི་རང་རེད། ད་ནི་སྤྱི་འཐུས་ཀྱི་ཡོང་ཁུངས་འདི་ལ་བཅོས་སྒྱུར་ཆེན་པོ་ཞིག་གནང་དགོས་པའི་དུས་ལ་སླེབས་འདུག

    འདི་དང་མཉམ་དུ་གྲོས་ཚོགས་གོང་འོག་གི་ལམ་སྲོལ་དེ་ཡང་མྱུར་ཏུ་ཕྱེ་དགོས་པར་འདུག

    མྱུར་ཏུ་བཀའ་སྩོལ་རོགས་ཞུ།

  17. དཀར་ཕྱོགས་གཉེར་ཉེ།

    བྱེས་ཞུགས་སྤུན་ཟླ་ལགས། ང་ཚོས་ཁྱེད་ཚོར་རེ་བ་དང་ཡིད་ཆེས་བྱས་ཏེ་རྒྱ་རྒོད་དང་རང་བཙན་གྱི་ཆེད་རང་སྲོག་ལོངས་སྤྱོད་དང་བཅས་པ་བློས་བཏང་དང་གཏོང་བཞིན་པ་ཕལ་ཆེར་ནོར་གྱི་མེད་དམ་བསམ་པའི་དོག་པ་འདུག གང་ཡིན་ཞུས་ན་ཁྱོད་ཚོའི་གནང་སྟངས་ནི་ལོ་རེ་ནས་ལོ་རེ་སྡུག་ཏུ་འགྲོ་གི་འདུག བརྗོད་པར་དཀའ་བའི་བློ་ཕམ་ཡོད། གཞིས་སྡོད་བོད་རིགས་སྤུན་ཟླས།

  18. གཅན་བཟོད་རྒྱམ།

    བོད་ཆེན་པོའི་བཀའ་ཡི་བློན་པོ་ཚོ་གཅིག་རྗེས་གཉིས་མཐུད་ཀྱིས་ངེད་ཚང་ལ་བར་གསེང་གི་གསོལ་ཇ་བཞེས་པར་ཕེབས་སོང་བས་ལས་བྱེད་ཚང་མ་ཡར་ལངས་ཏེ་གུས་བསུ་བྱེད་རོགས། དུས་ཚོད་༡༡་དང་སྐར་མ་༡༥་སྟེང་དུ་ཕྱིར་གྲོས་ཁང་དུ་ཕེབས་རྒྱུ་རེད། འོན་ཀྱང་གྲོས་ཚོགས་འཚོག་ཐུབ་མིན་ད་དུང་ཧ་མི་གོ་གི

  19. གཅན་བཟོད་རྒྱམ།

    ད་ནངས་གྲོས་ཚོགས་ཀྱི་སྐོར་ལ་ཟིན་བྲིས་རིང་པོ་ཞིག་བྲིས་ཡོད་པ་འདིར་མཆན་བུར་འདེབས་སྐབས་དྲ་ཐག་ལ་སྐྱོན་བྱུང་ནས་གང་ཞིག་ཏུ་ཡལ་སོང་བས་བསྐྱར་འབྲི་བྱ་རྒྱུར་སུན་སོང་། བོད་ནང་གི་ཧི་གཟུགས་ཟིན་བྲིས་ན་རྩོམ་ཡིག་གཞན་ཞིག་གི་མཆན་བུ་སྙིང་རྗེ་ཞིག་འདུག་པ་འདིར་འདྲེན་འདོད་ཀྱིས་བཤུ་འགོད་བྱས་ཡོད།

    དུས་ད་ལྟ་ཁ་མིན་དོན་གཏམ་ཞིག་ཇི་ལྟར་ལབ་ན་ཁོར་ཡུག་འདིའི་རྣ་བར་འགྲོ་ནུས་སམ། ངས་བཤད་དཀའ་ཚོད་རེད་ཨང་། དེང་སྐབས་ཀྱི་མི་རེ་རེར་རང་ལ་དབང་བའི་རོ་ཀོག་སྐམ་པོ་ཞིག་ལས་མི་འདུག་སྟེ། འགྲན་རྩོད་ཀྱི་ཁྲོད་དུ་དངུལ་ལ་ཤོར་བའི་སེམས་པ་དམར་ཆུང་དེ་གནའ་ནས་བཟུང་གཞན་ལ་དབང་ཚར་འདུག་པས། ཁ་བཤད་སྟོང་པ་རེའི་འུར་སྒྲ་སྒྲོག་དགོས་ན་ང་ཡོད་ཁོ་ཡོད་ཀྱི་ལ་རྒྱའི་ཅོད་པན་དེ་མགོ་ལ་བཅིངས་མོད། ལག་ལེན་གསོན་པོ་རེའི་དཀའ་སྡུག་འདི་དག་ངས་བཤོལ་ཁོས་བཤོལ་གྱི་གཟུར་ལམ་རེ་འཚོལ་ནས་བཞུད་འགྲོ་དུས། དབུགས་ཀྱི་རྒྱུ་བ་ཇེ་བས་ཇེ་རིང་དུ་ཕྱིན་ངེས་པའི་མཆི་མ་དེ་ལས། ང་ལ་ཅི་ཡང་ལབ་རྒྱུ་མེད།

    འོས་འཚམས་ཤིག་བྲིས་མི་འདུག་གམ།