གོ་ལའི་ཚ་དྲོད་དང་མ་འོངས་པའི་འཇིག་རྟེན།

ང་ཚོ་འཚོ་སྡོད་བྱེད་སའི་ས་ཡི་གོ་ལ་འདི་ནི་རླུང་ཁམས་ཀྱི་ཡོངས་སུ་བཏུམ་ཡོད་ལ། ལོ་རེ་བཞིན་གོ་ལ་ཟླུམ་པོ་འདིའི་རླུངས་ཁམས་ཁོར་ཡུག་གི་ཚ་དྲོད་འཕར་བཞིན་པ་འདིས་འཇིག་རྟེན་ཟླུམ་པོ་འདིའི་སྣོད་བཅུད་གཉིས་ལ་གཏོར་སྐྱོན་ཚབས་ཆེན་ཐབས་བཞིན་ཡོད། འཛམ་གླིང་ནང་བཟོ་ལས་འཕེལ་རྒྱས་སུ་འགྲོ་བཞིན་པ་དེས་ང་ཚོ་འཚོ་སྡོད་བྱེད་སའི་འཇིག་རྟེན་འདིར་ཤུགས་རྐྱེན་ངེས་ཅན་ཞིག་སྤྲོད་ཀྱིན་ཡོད་ལ། དཀའ་ངལ་འདི་ནི་འཛམ་གླིང་སྤྱི་ཡོངས་ལ་ཐུན་མོང་ཐོག་འཕྲད་བཞིན་པའི་དཀའ་ངལ་ཆེ་ཤོས་ཤིག་དང་ང་ཚོའི་མི་རབས་རྗེས་མ་ཚོའི་འཚོ་གནས་སྲུང་སྐྱོབ་དགོས་པའི་གནད་དོན་གལ་ཆེ་ཤོས་ཆགས་ཡོད།

གོ་ལའི་ཚ་དྲོད་འཕེལ་བཞིན་པའི་རྒྱུ་རྐྱེན།
གོ་ལའི་ཚ་དྲོད་འཕེལ་བཞིན་པ་འདིའི་རྒྱུ་རྐྱེན་ཐད་ཚན་རིག་པ་དག་གིས་འགྲོ་བ་མིའི་བྱ་སྤྱོད་དང་རང་བྱུང་འགྱུར་བ་གཉིས་ཡོད་པའི་ངོས་འཛིན་གནང་ཡོད་ནའང་། འགྲོ་བ་མིའི་བྱ་སྤྱོད་ཀྱིས་རང་བྱུང་འཇིག་རྟེན་འདིའི་ཁོར་ཡུག་ཆ་སྙོམས་ལ་གཏོར་སྐྱོན་ཐེབས་བཞིན་པ་དེས་བརྒྱ་ཆ་དགུ་བཅུ་ཟིན་ཡོད་པ། ཚན་རིག་པ་ཁག་ཅིག་གིས་དུས་རབས་ཀྱི་འགྱུར་བ་དང་བསྟུན་ཉི་མའི་ཚ་དྲོད་འཕེལ་བཞིན་ཡོད་པ་དེས་ཤུགས་རྐྱེན་ཐེབས་བཞིན་ཡོད་ཚུལ་ཡང་བརྗོད་ཀྱིན་ཡོད། འགྲོ་བ་མིའི་བྱ་སྤྱོད་ལ་བརྟེན་ནས་ང་ཚོའི་རླུང་ཁམས་ཁོར་ཡུག་ནང་མཁའ་རླུང་བཙོག་པོས་ཁྱབ་ཡོད།

གོ་ལའི་ཚ་དྲོད་འཕེལ་བ་འགོག་ཐབས་ཡོད་དམ།
གོ་ལའི་ཚ་དྲོད་འཕེལ་བཞིན་པ་དེ་འགོག་ཐབས་བྱ་རྒྱུ་ནི་འཕྱི་དྲགས་པའི་ལས་དོན་ཞིག་ཡིན་ནའང་། འཛམ་གླིང་སྤྱི་ཡོངས་ཀྱིས་ཐུན་མོང་ཐོག་མཉམ་ལས་བྱས་པ་ཡིན་ན་གོ་ལའི་ཚ་དྲོད་འཕེལ་བཞིན་པ་དེའི་མགྱོགས་ཚད་ཅུང་དལ་དུ་གཏོང་ཐུབ་པའི་གོ་སྐབས་ཤིག་ཡོད། རླུང་ཁམས་ནང་རྒྱུ་བཞིན་པའི་མཁའ་རླུང་བཙོག་པ་དེ་རྩ་མེད་དུ་འགྲོ་བར་དུས་ཚོད་རིང་པོ་དགོས་ལ། དཀའ་ངལ་ཆེ་ཤོས་དེ་འགྲོ་བ་མིའི་སྤྱི་ཚོགས་ཀྱིས་མཁའ་རླུང་བཙོག་པ་བཟོ་བའི་བྱ་སྤྱོད་ལ་ཚོད་འཛིན་དཀའ་བ་དེ་ཆགས་ཡོད།

གོ་ལའི་ཚ་དྲོད་འཕེལ་བཞིན་པའི་ཐད་ཀྱི་དངོས་ཡོད་གནས་ཚུལ་ཁག་བཅུ།
༡༽ གོ་ལའི་ཚ་དྲོད་འཕེལ་བཞིན་པའི་རྒྱུ་རྐྱེན་གྱི་བརྒྱ་ཆ་དགུ་བཅུ་ནི་འགྲོ་བ་མིའི་བྱ་སྤྱོད་ལས་འབྱུང་བཞིན་པ་ང་ཚོས་ཐག་བཅད་ནས་བཤད་ཐུབ་པ་ཞིག་ཆགས་ཡོད་ལ། འདི་ནི་ཨ་རི་གཙོ་བྱས་པའི་བཟོ་ལས་ཡར་རྒྱས་ཅན་གྱི་རྒྱལ་ཁབ་བཞི་བཅུའི་ཚན་རིག་མཁས་ཅན་དང་གཞུང་འབྲེལ་མི་སྣས་ངོས་འཛིན་ཐག་གཅོད་བྱས་ཡོད།

༢༽ ལོ་ ༡༥༠ ཚུད་ཆད་ནས་བལྟས་པ་ཡིན་ན། འདས་པའི་ལོ་བཅུ་གཉིས་ཁྲོད་ཀྱི་ལོ་བཅུ་གཅིག་ནི་ལོ་རྒྱུས་ཁྲོད་ཚ་དྲོད་ཆེ་ཤོས་ཆགས་ཟིན་པའི་ཟིན་ཐོ་གསར་པ་བསྐྲུན་ཡོད་ལ། འདི་ནི་གོ་ལའི་ཚ་དྲོད་འཕེལ་བཞིན་བདེན་དཔང་ཁུངས་བཙན་ཡིན།

༣༽མིའི་རིགས་ཀྱིས་སྐར་ཆ་རེའི་རེའི་ནང་ང་ཚོ་འཚོ་སྡོད་བྱེད་སའི་ཁོར་ཡུག་ཁྲོད་མཁའ་རླུང་བཙོག་པ་ཏུན་ཆིག་སྟོང་རེ་གཏོང་བཞིན་ཡོད་ལ། དེ་ཡང་གཙོ་བོ་མིའི་རིགས་ཀྱིས་རྡོ་སོལ་དང་རྡོ་སྣུམ་སོགས་སྐྱེ་དངོས་འགྱུར་རྡོ་མེར་སྲེག་བཏང་བ་ལས་འབྱུང་བཞིན་ཡོད། དེང་དུས་ཀྱི་མཁའ་རླུང་བཙོག་པ་བཟོ་བའི་བགྱོགས་ཚད་དེ་ལོ་རྒྱུས་ཁྲོད་ཀྱི་ཟིན་གསར་པ་དེ་ཡིན།

༤༽དེང་དུས་ཀྱི་བཟོ་ལས་ཁག་གིས་མཁའ་རླུང་ཁྲོད་གཏོང་བཞིན་པའི་མཁའ་རླུང་བཙོག་པའི་བརྒྱ་ཆ་ནི་དེ་སྔོན་གྱི་བཟོ་ལས་ཁག་གིས་གཏོང་བཞིན་པའི་མཁའ་རླུང་བཙོག་པོའི་བརྒྱ་ཆ་ ༣༥ ལས་བརྒལ་བ་ཟིན་ཡོད།

༥༽གོ་ལའི་ཚ་དྲོད་འཕེལ་བཞིན་པ་དེས་གནམ་གཤིས་འགྱུར་ལྡོག་གི་ཁ་ཕྱོགས་ངེས་གཏན་མེད་པར་ཐན་སྐྱོན་དང་ཆུ་ལོག་གི་གནོད་འཚེ། ཚ་བའི་གནོད་འཚེ། འཁྱག་རོམ་དང་གངས་རི་བཞུས་ཏེ་རྒྱ་མཚོའི་མཐོ་ཚད་འཕར་བ་སོགས་ཀྱི་དཀའ་ངལ་སྤྲོད་ཀྱིན་ཡོད།

༦༽ལོ་བརྒྱ་ཙམ་ཕྱིན་པའི་རྗེས་ལ་གོ་ལའི་ཚ་དྲོད་འཕེལ་བའི་མཇུག་འབྲས་དེ་ཆེས་འཇིགས་སུ་རུང་བ་ཞིག་ཆགས་རྒྱུ་ཡིན་ལ། སྐབས་དེར་རྒྱ་མཚོའི་འགྲམ་ངོགས་དང་ས་ཁམས་ཆགས་ཡུལ་དམའ་བའི་ས་ཁུལ་ཡོངས་སུ་ཆུའི་འོག་ཏུ་ཤོར་རྒྱུ་ཡིན་པར་མ་ཟད། ཚ་བ་དང་ཐན་སྐྱོན་གྱི་གནོད་འཚེ། ཆར་རླུང་གནོད་འཚེ་སོགས་ཀྱི་འཇིགས་པ་ཚོད་དཔག་དཀའ་བ་ཞིག་ཡོང་རྒྱུ་ཡིན་འདུག

༧༽ ལོ་བརྒྱའི་རྗེས་སུ་གོ་ལའི་ཚ་དྲོད་རྒྱས་པ་ལ་བརྟེན་ནས་མི་ས་ཡ་མང་བོའི་འཚོ་སྡོད་དང་ཞིང་ལས་ས་ཁུལ་མང་བོའི་ཆུ་ལོག་དང་ཐན་སྐྱོན་ཡོང་བ་དང་འཐུང་ཆུའི་དཀའ་ངལ་དང་ནད་ཡམས། ཤིང་ནགས་དང་རྩི་ཤིང་ས་ཁུལ་ལ་མེའི་གནོད་འཚེ་ཡོང་རྒྱུ་ཡིན་འདུག

༨༽དེང་དུས་ཀྱི་ཚ་དྲོད་འཕེལ་བཞིན་པའི་མྱུར་ཚད་དེ་འདི་ལྟར་ རྒྱུན་མུར་གནས་ཚེ། ལོ་ ༥༠ ནང་སེམས་ཅན་དང་ཤིང་སྣའི་རིགས་ས་ཡ་གཅིག་ལྷག་རྩ་མེད་དུ་གྱུར་ཏེ། འཛམ་གླིང་འདིའི་སྐྱེ་དངོས་སེམས་ཅན་རིགས་ཀྱི་བརྒྱ་ཆ་ ༢༥ རྩ་སྟོངས་སུ་འགྲོ་རྒྱུ་ཡིན་འདུག

༩༽རྒྱ་གཞུང་གིས་མ་འོངས་པའི་ལོ་བཅུ་ཕྲག་གཅིག་གི་ནང་། བདུན་ཕྲག་རེའི་ནང་རྡོ་སོལ་བེད་སྤྱོད་བྱེད་བཞིན་པའི་བཟོ་གྲྭ་རེ་གསར་འཛུགས་བྱེད་རྒྱུའི་འཆར་གཞི་བཏིངས་ཡོད། ཨ་རིའི་གཞུང་ནི་ད་ལྟའི་ཆར་འཛམ་གླིང་ནང་མཁའ་རླུང་བཙོག་པོ་གཏོང་མཁན་གྱི་རྒྱལ་ཁབ་ཨང་དང་པོ་ཆགས་ཡོད་མོད། མི་འགྱངས་པར་རྒྱ་གཞུང་དེ་ཨ་རི་ལས་སྡུག་པའི་མཁའ་རླུང་བཙོག་པོ་བཟོ་མཁན་གཙོ་བོ་དེ་ཆགས་རྒྱུ་ཡིན་འདུག

༡༠༽ གོ་ལའི་ཚ་དྲོད་འཕེལ་བཞིན་པ་དེ་འགོག་རྒྱུ་ཕྱིས་དྲགས་ཡོད་ནའང་། ང་ཚོས་ཚ་དྲོད་འཕེལ་བཞིན་པ་དེའི་མྱུར་ཚད་དལ་དུ་གཏོང་བར་ནུས་པ་འདོན་ཐུབ།

བསྐྱར་བཅོས།: ༢༠༡༧/༠༢/༡༦

Leave a Reply to getse ngodup from .be Cancel Reply

2 thoughts on “གོ་ལའི་ཚ་དྲོད་དང་མ་འོངས་པའི་འཇིག་རྟེན།

  1. སྨྲ་ཤེས་དོན་གོ།

               ( རོགས་སྐྱོར་གནང་བ་ )

    ༄༄།། ད་ལམ་ཉག་ཕྲ་བའི་དུས་སྐབས་འདིར་རང་བྱུང་ཁོར་ཡུག་ལ་ས་ཡོམ་གྱི་གནོད་འཆེ༹་འོག།  འཇ༹མ་གླིང་ཕྱོགས་གང་ས་དང་ལྷག་པར་དུ་རང་རིགས་བོད་ཀྱི་ཡུལ་ཤུལ་ས་ཁུལ་སྐྱེ་རྒུ་གྲོང་སྡེ་དང། རོང་པོ་  སྐར་མདའ་  འབྲོག་མདའ་   ཁྲུན་འདུ་   ནང་ཆེན་བཅས།   ས་ཕྱོགས་གང་ས་ལ་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད་པར་བརྟེན།      དཔལ་ལྡན་ར་ཉག་དགོན་ཕུན་ཆོ༹གས་ཐེག་ཆེན་གླིང་གི་ཁྲི་པ་སྐྱབས་རྗེ་ལྡན་མ་ཁམས་མགྱོགས་རིན་པོ་ཆེ་མཆོག།   ས་ཡོམ་གྱི་རྐྱེན་ངན་བྱུང་བ་གསོན་མ་ཐག་མྱུར་དུ་ Taiwan ནས་མཁའ་ལམ་རྒྱུད་ཟིར་ལིང་ལ་ཕེབས།   དེ་ནས་ཁོང་གི་ཐབས་ཤེས་རྒྱུད་དམིགས་གསལ་སྨན་པ་ཁ་ཤས་ཁྲིད་ནས་ཡུལ་ཤུལ་ས་ཁུལ་དུ་ཕེབས་འདུག་པ་མ་ཆ༹ད།   ར་ཉག་དགོན་པའི་དགེ་འདུན་པ་ ༡༧༠ དང་ལྷན་དུ་མི་རྒྱུ་གཉིས་གི་ཐོག་རོགས་རིམ་རྒྱ་ཆེར་གནང་འདུག།   ལྷག་པར་དུ་ར་ཉག་དགོན་པའི་དགེ་འདུན་པ་ཆོ༹འི་ས་འོག་ནས་བོད་རིགས་ཉིས་བརྒྱ་ལྷག་གི་ཆེ༹་སྲོག་སྐྱོབ་གནང་ཡིན་པ་རེད།   སྤྱིར་གནས་ཆུ༹ལ་གོ་དོན་ལྟར་ན།   ཁམས་མགྱོགས་རིན་པོ་ཆེ་དགོན་པ་གསར་པ་ཧ་ཅང་གི་ལེགས་གྲུབ་བྱུང་ཡོད་ཀྱང་ཡིན་ན་ས་ཡོམ་གྱི་གནོད་སྐྱོན་ཆ༹བ་ཆེན་བྱུང་ཡོད།     འོན་ཀྱང་ཁོང་གིས་གནས་ཆུ༹ལ་དེ་དག་ལ་མ་གཟིགས་ནས་རང་རིགས་སྤུན་ཟླ་ཤུལ་ལུས་རྒྱ་ཆེར་མི་དམངས་ཡོངས་ཀྱི་ཆེད་དུ་དམིགས་སྟེ།   ད་ལྟ་བར་དུ་འགྲོ་སོང་གཏོང་ཆོ༹ད་བྱས་ན།  གྲོ་འབྲས་རྒྱ་མ་༡༢༠༠༠   ཅ༹མ་པ་རྒྱ་མ་༡༥༠༠   མར་རྒྱ་མ་༡༠༠༠  ཐུག་པ་ཤོག་སྒམ་༡༠༠༠    ཉལ་ཆས་༣༠༠༠   གྱོན་ཆས་༢༥༠༠  རས་གུར་༡༠༠  དེ་མིན་ཟས་རིགས་འདྲ་མིནདང་   ཉམ་ཐག་དབུལ་པོ་ཁྱིམ་ཆ༹ང་རེ་ལ་སྒོར་༣༠༠  གནང་ཡོད།    བསྡོམས་པས་རྒྱ་སྒོར་ཁྲི་ ༢༡༥ ལྷག་གཏོང་ཟིན་ཀྱང་ད་དུང་ཡོང་མི་མཐུད་ནས་གནང་རྩིས་ཡིན་འདུག།     དེ་ཡང་མ་ཆ༹ད་རིན་པོ་ཆེ་ཁོང་གིས་ཤུལ་ལུས་ཡོངས་ཀྱི་ཆེད་དུ་དམིགས་ནས་ཕྱི་རྒྱལ་ཡུལ་གྲུ་དང་རྒྱ་ནང་གི་ཆོ༹གས་པ་ཁག་སོ་སོ་ལ་རོགས་རིམ་འབོད་བསྐུལ་གནང་འཆར་ཡིན་འདུག་པ་མ་ཆ༹ད་ཁོང་གིས་གསར་འཇུ༹གས་གནང་བ་སྨོན་ལམ་ཆོ༹གས་ཆུང་རྒྱུད།        ཆེ༹་འདས་ཡོངས་ཀྱི་ཆེད་དུ་ཉིན་ལྟར་སྐྱབས་གནས་འཕགས་པའི་དགེ་འདུན་པ་རྣམས་ཀྱི་བསྔོ་བ་སྨོན་ལམ་དང་མི་དམངས་བརྒྱ་ཕྲག་དུ་མ་ནས་འཕགས་མཆོག་སྤྱན་རས་གཟིགས་ཀྱི་གཟུངས་སྔགས་འབུམ་ཆོ༹གས་ཆོ༹གས་ཀྱི་ཡོད་རེད་ཟེར།  གོང་གི་གནས་ཆུ༹ལ་དེ་དག་ས་གནས་དགོན་པའི་གྲ་བློ་བཟང་གི་གསུང་པ་ལྟར་བྲིས་ཡིན།  སྤྱིར་གསར་འགྱུར་རྒྱུད་ལམ་ཁག་ནས་གནས་ཆུ༹ལ་སྤེལ་བ་ལྟར་ན།    རང་ཡུལ་གངས་ཅན་ལྗོངས་ནས་ཆོལ་ཁ་སོ་སོ་དགོན་སྡེ་ཁག་དང་བླ་ཆེན་རྣམ་པ་གཅོ༹ས་རང་རིགས་བོད་ཀྱི་ཡུལ་ཤུལ་ས་ཁུལ་ལ་རོགས་རིམ་རྒྱ་ཆེར་གནང་ཡོད་པ་མ་ཆ༹ད།   ཕྱི་རྒྱལ་ཡུལ་གྲུ་ཁག་སོ་སོ་དང་  སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་དབུས་རིས་མིན་བླ་ཆེན་རྣམ་པ་དང་དགོན་སྡེ་ཡོངས་ཀྱི་རོགས་རིམ་གནང་ཡོད་པས་འདིར་མ་བྲིས་སོ།།

  2. མེ་སྒྱོགས་རྒྱ་མཚོ།

    གོ་ལའི་ཚ་དྲོད་དང་དེ་ནས་ནམ་ཟླ་ཚ་ཚད་ཟེར་བ་ཞིག་འདུག་པ་དེ་དག་གང་འབྲི་ན་ལེགས།