རྒྱབ་ཤ་དཀར་པོའི་དེབ།

བོད་ཞི་བའི་བཅངས་གྲོལ་གྱི་ལོ་འཁོར་ལྔ་བཅུར་རྒྱབ་ཤ་དཀར་པོའི་དེབ་བཏོན་པ་ནི་ཏང་དང་རྒྱལ་ཁབ་ཀྱིས་བོད་ལྗོངས་དང་བོད་ལྗོངས་མི་དམངས་ལ་མཐོང་ཆེན་ང་ཐུགས་ཁུར་མཚོན་ལ། བོད་ལྗོངས་མི་དམངས་ཀྱིས་རང་རེའི་རྒྱལ་ཁབ་ལ་བཅངས་པའི་དུང་སེམས་མཚོན་ཟེར།  

རྒྱ་གར་ངྷ་རམ་ས་ལར་བརྟེན་གཞི་བྱས་པའི་བཙན་བྱོལ་བོད་གཞུང་གིས། རྒྱ་ནག་གིས་བོད་ས་བཙན་བཟུང་བྱས་ཤིང་། ༧གོང་ས་མཆོག་གཙོས་བའི་བོད་མི་ཁྲི་ཕྲག་མང་པོ་ཁྱིམ་མཚེས་རྒྱལ་ཁབ་ཁག་ལ་སྐྱབས་བཅོལ་དུ་ཕྱིན་ཏེ། ལོ་ངོ་ལྔ་བཅུ་འཁོར་བའི་ཐོབ་ཤོར་གྱི་ཉམས་མྱོང་ཕྱོགས་སྡོམ་བྱེད་པའི་དུས་དྲན་སྲུང་གཙི་བྱས་ཏེ། བདེན་པའི་ལོ་རྒྱུས་ཀྱི་དེབ་ཐེར་ནག་པོ་ཞིག་འཛམ་གླིང་ལ་ཁྱབ་སྤེལ་བྱ་ལ་ཉེ་བའི་དུས་འདིར། རྒྱ་ནག་པེ་ཅིན་གཞུང་གིས་ལྔ་བཅུ་ང་གྲངས་སྐབས་ཀྱི་བོད་ཡུལ་བཙན་འཛུལ་དང་། ད་ལྟའི་བོད་ས་བཙན་བཟུང་གི་གནས་བབ་རྒྱལ་སྤྱིར་ཁྲིམས་མཐུན་བཟོ་ཆེད། བཙན་གནོན་དང་དྲག་སྤྱོད་ཀྱི་འོག་ནས་ལོ་ངོ་ ༥༠ དུས་ཆེན་སྲུང་གཙི་བྱས་ཏེ། བོད་ལྗོངས་འཕེལ་རྒྱས་ཀྱི་གྲུབ་འབྲས་མཚོན་པའི་རྒྱབ་ཤ་དཀར་པོའི་དེབ་ཟེར་བ་ཞིག་ཨུ་ཚུགས་ཀྱིས་འདོན་སྤེལ་བྱས་ཡོད་འདུག

 

ཕྱི་ཟླ་     པའི་ཚེས་     ཉིན་གྱི་ཕྱི་དྲོརརྒྱ་ནག་པེ་ཅིན་གསར་འགྱུར་གཞུང་ལས་ཁང་གིས། བོད་ལྗོངས་སུ་དམངས་གཙོའི་བཅོས་བསྒྱུར་བྱས་ནས་ལོ་ ༥༠  འཁོར་བ། ཞེས་རྒྱབ་ཤ་དཀར་པོའི་དེབ་ཅིག་འགྲེམ་སྤེལ་བྱས་ཡོད་པ་མ་ཟད།  བོད་རང་སྐྱོང་ལྗོངས་མི་དམངས་སྲིད་གཞུང་གསར་འགྱུར་གཞུང་ལས་ཁང་གིས་གསར་འགོད་ལྷན་ཚོགས་ཤིག་འཚོགས་ཏེ། ཆེད་དུ་རྒྱབ་ཤ་དཀར་པོ་ཞེས་པའི་དེབ་དེ་འགྲེམ་སྤེལ་བྱེད་དོན་སྐོར་ལ་གཏམ་བཤད་དང་། གསར་འགོད་པའི་དྲི་བར་ལན་འདེབས་བྱས་ཡོད་འདུག  གསར་འགོད་ལྷན་ཚོགས་དེའི་ཐོག་བོད་རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་བདེ་སྐྱིད་ཀྱིས།   བོད་ལྗོངས་སུ་དམངས་གཙོའི་བཅོས་བསྒྱུར་བྱས་ནས་ལོ་ ༥༠  འཁོར་བའི་སྐབས་འདིར། རྒྱ་ནག་གཞུང་གསར་འགྱུར་གཞུང་ལས་ཁང་གིས་ཆེད་དུ་བོད་ལྗོངས་ཀྱི་འཕེལ་རྒྱས་གྲུབ་འབྲས་མཚོན་པའི་རྒྱབ་ཤ་དཀར་པོའི་དེབ་སྤེལ་བ་ནིཏང་དང་རྒྱལ་ཁབ་ཀྱིས་བོད་ལྗོངས་དང་བོད་ལྗོངས་ཀྱི་རིགས་སོ་སོའི་མི་དམངས་ལ་མཐོང་ཆེན་དང་ཐུགས་ཁུར་མཚོན་ལ། སྔར་ལས་ལྷག་པར་བོད་ལྗོངས་མི་དམངས་ཀྱིས་རང་རེའི་རྒྱལ་ཁབ་ལ་བཅངས་པའི་དུང་སེམས་མཚོནཅེས་བརྗོད་ཡོད།

གསར་འགོད་པ་ཚེ་རིང་སྐྱིད།

 

བསྐྱར་བཅོས།: ༢༠༡༤/༠༣/༢༦

Leave a Reply

37 thoughts on “རྒྱབ་ཤ་དཀར་པོའི་དེབ།

  1. དོན་འགྲུབ་བཀྲ་ཤིས་ལགས།

    རྩེད་མཚར་ཞིག་བྱ་འདོད་བྱུང༌། ཞེས་དང༌། བརྒལ་བརྟག་ཅིག་བྱ་འདོད་ཡོད། ཅེས་ཁྱེད་རང་ནས་བཤད་པ་དེ་དང༌། ད་ལྟ་ཁྱེད་རང་དངོས་སུ་སླེབས་ནས་གླེང་སྟངས་འདི་གཉིས་བསྡུར་ནས་བལྟ་སྐབས། ༼མགོ་མ་བརྩམས་གོང་ནས་ང་ཕམ་སོང་བ་ཡིན༽ཅེས་ཞུམ་པའི་སྐད་ཀྱིས་བཤད་ནས་འདུག་སྟེ། ངས་ནི་ད་དུང་ཡང་ཁྱེད་ཀྱི་རྩེད་མཚར་དེ་དང༌། ཁྱེད་རང་གིས་ང་དང་ལྷན་བརྒལ་བརྟག་བྱ་འདོད་ཡོད་ཅེས་བཤད་པ་དེར་དགའ་སྤྲོས་ཤགས་འགྱེད་བྱ་བསམ་པ་རྒྱུུན་མར་ཡོད། ཆུ་ཁར་སླེབས་ནས་རྟ་ཁ་མ་བསྒག་རོགས། ཕ་བཟང་བུ་ཞེས་ཞུ་ཡག་ཡིན།
    ཐོག་མར་འདི་ལྟར་ཞུ་འདོད་བྱུང༌། ངས་བསམ་ཚུལ་སྤེལ་བའི་ནང་ནས་ཡིག་ནོར་རེད་ཅེས་མིང་དང་ཚིག་ཁ་ཤས་ཟུར་འདོན་གནངས་འདུག་པ་དེ་དག་བརྡ་སྤྲོད་ཀྱི་གཞུང་དང་བསྟན་བཅོས་ཀྱི་སྲོལ་གང་དང་འགལ་ཡོད་པ་གསལ་བཤད་གནང་རྒྱུ་ཡོད་ན། དེ་དགའ་གུས་ཀྱིས་ངོས་ལེན་ཞུ་འདོད་ཡོད། ཟེར་རྒྱུས་ཕོངས་ནས་རང་གི་དེ་ཉིད་ཕྱིར་ཕྱུངས་པ་ལ་དེ་ཚུལ་གྱི་ལན་སྤྲོ་བ་ངའི་གཤིས་ཀ་དང༌། རིགས་པ་སྨྲ་བ་སྤྱིའི་འགྲོས་ཀྱང་རེད།
    དེ་ནས་བསྟན་འཛིན་གྱིས་ཡིག་ནོར་དག་ཐེར་བྱ་འདོད་ཡིན་ནམ། ཡིག་ནོར་ལས་སྣོན་བྱ་འདོད་ཡིན་ཅེས་བཤད་དེ། ངས་སྤེལ་བའི་བསམ་ཚུལ་ནང་ཡིག་ནོར་འདུག་མདོག་མདོག་གི་རྣམ་འགྱུར་མངོན་པ་བྱས་འདུག དེར་ངས་ཁྱེད་དང་ཁྱེད་འདྲ་བ་དག་སྡེབ་ཀྱི་རང་མགོ་མ་ཐོན་པ་དག་གི་ངོར་ཡིག་ནོར་དག་ཐེར་བྱེད་བསམ་པ་དང་དེའི་སྤོབས་པ་སྔོན་དུ་བཏང་ནས་ཡོད་སྟབས། ངས་ནི་ཡིག་ནོར་སྤེལ་གྱི་མེད་ཅེས་སྤོབས་པ་མཐོན་པོས་ཞུ་ཡག་ཡིན། བསམ་ཚུལ་སྤེལ་བའི་ནང་ཡིག་ནོར་སྤེལ་བ་མེད་ཅེས་ཀྱང་ཞུ་ཡག་ཡིན། ཅི་སྟེ་ཡོད་ན་ནི། འདུག་ཅེས་ཤོད་དང་བདེན་པར་འདུག་ན་ངོས་ལེན་ཞུ་བའི་སྤོབས་པ་དང་ཡང་ལྡན་པ་ཞིག་ཡིན་ཅེས་བསྐྱར་དུ་ཞུའོ།། གང་དུའང་ཁྱེད་རང་གིས་བརྒལ་བརྟག་ཅིག་བྱ་འདོད་ཡོད་ཅེས་བཤད་པ་དེ་ག་རང་དགའ་སྤྲོ་ཆེན་པོས་ཁུར་དུ་ལེན་བསམ་པ་ལས། ངའི་ལྗིད་ཁོག་སྟོན་འདོད་པ་གང་ཡང་མིན། ལར་ནས་བརྒལ་བརྟག་གི་མཐའ་འབྲས་འཚོལ་བ་ལ་ཞུགས་པའི་སྐབས་ན། སྔ་རྒོལ་དང་ཕྱི་རྒོལ་གཉིས་ཀྱི་གང་གི་ཤེས་ཡོན་ལྕི་མིན་གྱིས་ཐག་ཆོད་དགོས་པ་རིགས་པ་སྨྲ་བ་སྤྱིའི་ལུགས་རེད།
    ཡང་ཁྱེད་རང་ནས་དུས་བབ་ཀྱིས་ཡིག་ནོར་སྤེལ་གྱི་ཡོད་པ་དང༌། བརྒྱུད་ལམ་གཞན་ལས་ཉུང་བའི་ངོས་འཛིན་དང༌། དུས་བབ་ཀྱི་ཡིག་ནོར་ནི་རང་ཉིད་དང་རང་ཉིད་འདྲ་བ་དག་གི་ཤེས་ཚད་ཀྱིས་མ་འཆུན་པ་དང༌། ནན་ཏན་མ་བྱས་པ། དུས་ཚོད་མ་འདང་བ་བཅས་ལ་ཁ་འཕངས་ནས་འདུག དེར་ང་ལ་ཚིག་གཅིག་ཞུ་ཡག་ཡོད། ཤེས་ཚད་ཀྱིས་མ་འཆུན་ནས་ཡིག་ནོར་སྤེལ་གྱི་ཡོད་པར་ངས་ཀྱང་དེ་བཞིན་ངོས་འཛིན་བྱེད་ཀྱིན་ཡོད། ནན་ཏན་མ་བྱས་པ་དང་དུས་ཚོད་མ་འདང་བ་ཟེར་བ་དེ་ཁས་ལེན་ཐུབ་པ་མི་འདུག དེ་གཤམ་ན་བསྟར་བའི་སྒྲུབ་བྱེད་རྣམ་གྲངས་བརྒྱད་དེ་ནི་ཁྱེད་རང་ལྟར་ན་ཡིག་ནོར་མིན་ཅེས་ཨུ་ཚུགས་བྱེད་པའི་གཏན་ཚིགས་སུ་བཀོད་འདུག་ཀྱང༌། ཡིག་ནོར་ཡོད་ཟེར་སྟངས་དང་བསྡུར་ན། རང་མགོ་རྡུང་བྱེད་ཆགས་ནས་འདུག
    མཚམས་འདིར་ཁྱེད་ཀྱི་བསམ་ཚུལ་ཐུང་ངུ་འདིའི་ནང་གི་ཡིག་ནོར་ཁག་ཅིག་ཟུར་འདོན་གྱིས་ངོ་སྤྲད་ན། ༼གོ་འཚོལ༽ཞེས་པ་ཁྱེད་ནོར། ཁ་སྐད་ཀྱི་དབང་དུ་བྱས་པ་ཡིན་དུ་ཆུག་ཀྱང་༼མགོ་ཚོས༽ཞེས་འབྲི་བ་འདི་དག ༼ཞི་དག༽ཅེས་བྲིས་པ་ཁྱེད་ནོར། ༼ཞུ་དག༽ཅེས་འབྲི་བ་དག ཡིད་མི་ཆེས་ན། སྒྲ་སྦྱོར་བམ་གཉིས་དང་བྱེ་བྲག་རྟོགས་བྱེད་ཆེན་མོའི་དབུར་གཟིགས་དང༌། གསལ་རྒྱས་བཀོད་ནས་འདུག ཡང༌། དེ་གཤམ་ན། ཀློག་པ་པོས་ཡིག་ནོར་དུ་༼ལྟ་བ༽་ཞེས་པའང་ཁྱེད་ནོར། སྐབས་འདིར་ནི་༼བལྟ་བ༽འབྲི་བ་དག དེ་ནས་ཁྱེད་རང་གིས་ངའི་བསམ་ཚུལ་ལས་ཡིག་ནོར་དུ་བསྟན་པའི་གྲས། ༼གནངས་རོགས།༽ ༼ངོས་ལེན་ཞུ་མཁན་ཅིག་ཡིན།༽ ༼བཤམས་བསམས༽ ༼ཅེས་ཀྱང་སྨྲའོ།།༽ སོགས་འཛེམ་ཟོན་མེད་པར་སྤེལ་བའི་ཡིག་ནོར་དུ་བསྒྲགས་འདུག་པ་ཁྱེད་ཡོངས་སུ་ནོར། ང་ཤིན་ཏུ་ནས་དག་པར་ཡོད་ཅེས་ཞུ་ཡག་ཡིན། རིགས་པས་བརྒལ་བརྟག་བྱ་སྟངས་འདི་འདྲ་མ་རེད་ཅེས་ཀྱང་ཞུ་བར་ཐལ།
    བློ་ཕམ་ཅིག་བྱུང་བ་ནི། བརྒྱུད་ལམ་གཞན་ལས་དུས་བབ་ཀྱི་ཡིག་ནོར་ཉུང་བ་ཡོད་ཅེས་བཤད་འདུག་པ་འདི་རེད། བརྒྱུད་ལམ་གང་ལས་ཉུང་བར་ཤོད་ཀྱི་ཡོད་མེད་ནི་ངས་མི་ཤེས། དེ་ཤེས་འདོད་ཀྱང་མེད། ཡིག་ནོར་ཡོད། གཞན་ལས་ཉུང་བ་ཡོད་ཅེས་པ་ནི་དུས་བབ་ཀྱི་རིན་ཐང་སྲུང་སྐྱོབ་བྱེད་པའི་གཏམ་དུ་འགྲོ་དཀའ། དུས་བབ་ཀྱི་དེ་ཉིད་ཕྱིར་སྟོན་གྱི་ཚིག་ཏུ་སོང་ནས་འདུག གོང་དུ་བསམ་ཚུལ་སྤེལ་སྐབས་འགའ་ཞིག་ཏུ། ངས་ཁྱེད་རང་གི་ཡིག་ནོར་ཁག་ཅིག་ཟུར་འདོན་ཞུས་པ་དེ་དག་ཟུར་འདོན་ཞུ་ཉེས་ཞུས་པ་ཡོད་ན་ནི། དེ་དག་ཐེར་འདོན་ནས་མགོ་བཙུགས་ཏེ་བརྒལ་བརྟག་རྩོམ་གནངས་རོགས། འདི་ལྟར་སྡུག་སྐད་བརྒྱབ་པས་གར་ཡང་སླེབས་དཀའ་བར་མཐོང༌། མ་མཐོང་གྲོགས་པོ་ཁྱེད་རང༌། རང་གི་དེ་ཉིད་ཁྲོམ་འགྲེམས་བྱེད་པ་ལའང་ཅི་མི་སྙམ་པ་འདིས། མི་གཤིས་དྲང་ཚུགས་ཤིག་ཡོད་མཆི།
    ད་དུང་ཡང༌། བརྒལ་བརྟག་གི་ཨུ་ཚུགས་བྱ་བསམས་ན་ནི། ལུང་རིགས་ཀྱི་འགྲོས་ལ་གཞོལ་བ་གནད། ངའི་ཀུན་སློང་དང་མི་གཤིས་སོགས་ནི། ངེད་གཉིས་ཀྱི་རྩོད་གཞི་མ་རེད། དངོས་འབྲེལ་བརྒལ་བརྟག་བྱ་བསམས་པ་ཡོད་ན། མུ་མཐུད་བགྲོ་གླེང་བར་ཕེབས་པའི་རེ་བ་ཡོད། མ་མཐོང་གྲོགས་པོ་ཁྱེད་དང་བརྒལ་བརྟག་ཅིག་གི་སྤྲོ་བས་ཡོད་དེ། ཁྱེད་འདིས་གཡོལ་ཅི་ཐུབ་བྱས་ཡོང་དུས། ང་ལ་ཐབས་ཤེས་མི་འདུག རེ་བ་ཆེ་ཤོས་ནི། ཡིག་ནོར་མེད་པའི་དུས་བབ་ཅིག་ཏུ་སྨོན་ནས་ཡོད་དོ།།

    ལྡབ་ལྡིབ་ཚིག་གི་ཤུན་པ་ཕར་བཤུས་པས།།
    བརྗོད་འདོད་དོན་གྱི་ཕྱི་ནང་མངོན་པར་གྱུར།།
    རྟ་ཁལ་བོང་བུར་བཀལ་བ་ངེད་རང་ནོར།།
    རང་སྐྱོན་འདི་འདྲ་ངོས་འཛིན་མཐོལ་ཞིང་བཤགས།།

    མ་མཐོང་གྲོགས་འདི་ལུང་རིགས་ཤགས་འགྱེད་ཀྱིས།།
    གཡས་གཅུན་གཡོན་ནས་གཅུན་པའི་བར་གསེང་ནས།།
    ཞུམ་འདར་སྐད་གདངས་འཕངས་དམའི་སྟངས་སྟབས་ཀྱི།།
    འགྲོས་ལ་བཀོད་པའི་སྡིག་པ་ཅིས་མི་ལྕི།།

    དེ་ལྟར་ན་ཡང་ནོར་མེད་དུས་བབ་ཅིག།
    ཡང་ཡང་མཇལ་འདོད་སེམས་པའི་མཚོ་ངོགས་ན།།
    རེ་འདུན་རྦ་རླབས་འཕྱུར་བའི་སྒྲ་སྐད་འདིས།།
    རྣ་བའི་བྲག་ལ་འཁྱུད་པ་འཇགས་ཐབས་བྲལ།།

    ཚིག་གི་སྤྲོས་པས་དོན་གྱི་གནད་སྦྲུམ་པའི།།
    ལུང་རིགས་རིན་ཆེན་རྒྱན་ལྡན་མིན་མོད་ཀྱང༌།།
    རྩོད་པའི་ལམ་ལ་འབོད་པའི་བརྡ་སླེབས་པས།།
    ཁོ་བོས་ལམ་འདི་གཏོང་བ་ཅང་མ་ཕོད།།
    ཅེས་ཀྱང་ཞུའོ།།