ལྗང་བུའི་གློག་བརྙན་མཚོ་སྔོན་པོ།

མཚོ་སྔོན་པོ་ཉམས་ཆག་ཏུ་འགྲོ་བའི་རྒྱུ་རྐྱེན་དང་ས་གནས་མང་ཚོགས་ཀྱི་ཉིན་རེའི་འཚོ་བའི་དཀའ་སྡུག་རྣམས་ཡུལ་མི་ཚོར་བཅར་འདྲི་སོགས་ཀྱི་ལམ་ནས། བོད་སྟོད་སྨད་བར་གསུམ་གྱི་རང་བྱུང་ཁོར་ཡུག་གི་གནོད་སྐྱོན་སྦས་སྐོང་བྱེད་བཞིན་པའི་གསང་རྣམ་གསལ་བོར་མཚོན་ཡོད་པའི་གློག་བརྙན་ཞིག་ཡིན་འདུག

ཧི་གཟུགས་ཟིན་བྲིས་སུ་གནས་ཚུལ་བཀོད་པ་ལྟར་ན། བོད་ཀྱི་སྙན་ངག་པ་ལྗང་བུ་ལགས་ཀྱིས་བཟོ་བསྐྲུན་བྱས་པའི་གློག་བརྙན་<<མཚོ་སྔོན་པོ>>ཞེས་པ་ཧྥ་རན་སིའི་རྒྱལ་ས་ཕ་རེ་སིར་སྔར་ལོའི་ལོ་མཇུག་ཏུ་མི་མང་ལ་གཟིགས་འབུལ་བྱས་ཡོད་པ་དང་། གློག་བརྙན་གཟིགས་འབུལ་སྐབས་སྐུ་ཞབས་ལྗང་བུ་ལགས་ཀྱིས། གློག་བརྙན་འདི་ནི་ ༢༠༠༥ ལོ་ནས་རང་ཉིད་ཀྱིས་མགོ་བརྩམས་ཏེ་ཕབ་བསྐྲུན་གྱི་ལས་ལ་ཞུགས་པ་དང་། རང་ཉིད་ཀྱིས་རྟག་ཏུ་བཤད་འདོད་པ་མང་བོ་ཞིག་གློག་བརྙན་གྱི་ཐབས་ལམ་བརྒྱུད་དེ་རྒྱ་ཆེའི་ལྟ་མཁན་དག་གི་སྤྱན་ལམ་དུ་བསྟར་ཐུབ་པར་འབད་བརྩོན་བྱས་ཡོད། ཅེས་གསུངས་ཡོད་འདུག  གནས་ཚུལ་ངོ་སྤྲོད་པས་བརྗོད་པ་ལྟར་ན། ཁོང་གི་གློག་བརྙན་བརྩམས་ཆོས་དེའི་བསྟན་དོན་ནི་མཚོ་སྔོན་པོ་ཉམས་ཆག་ཏུ་འགྲོ་བའི་རྒྱུ་རྐྱེན་དང་ས་གནས་མང་ཚོགས་ཀྱི་ཉིན་རེའི་འཚོ་བའི་དཀའ་སྡུག་ཡོད་ཚད་མཐོང་སྣེར་དྲངས་ཏེ་ས་གནས་ཡུལ་མི་ཚོར་བཅར་འདྲི་སོགས་ཐབས་རྩལ་སྣ་ཚོགས་སྤྱད་དེ། བོད་སྟོད་སྨད་བར་གསུམ་གྱི་སྦས་སྐོང་གི་གསང་རྣམ་སྐྱུར་མོའི་ངོ་གདོང་དམར་རྗེན་དུ་པར་ལ་བཏབས་ཡོད་པས། ད་ལྟ་བོད་ཕྱི་ནང་གཉིས་ན་ལག་སྔ་གང་མགྱོགས་ཀྱིས་སྒྲིག་སྦྱོར་བྱེད་བཞིན་པའི་དངོས་བཤུས་གློག་བརྙན་ལས་ཆེས་འབུར་ཐོན་པ་ཞིག་ཏུ་བརྩི་ཆོག་པར་འདུག་ཟེར།

བསྐྱར་བཅོས།: ༢༠༡༤/༠༣/༢༦

Leave a Reply

17 thoughts on “ལྗང་བུའི་གློག་བརྙན་མཚོ་སྔོན་པོ།

  1. འཇམ་དབྱངས་གྲགས་པ།

    Screening of Kokonor, a new documentary film by writer and director Chenaktsang Dorje Tsering (aka Jangbu). Examines environmental and social change in the vicinity of Qinghai Lake (Mtsho sngon po) through interviews with local residents. In Tibetan with English sub-titles. (32 min.)