ང་མཇལ་རྒྱུ་མིན།

འཆར་ཟླའི་ནང་༧གོང་ས་མཆོག་གིས་ཨོ་སི་ཊོ་ལི་ཡ་དང་ནེའུ་ཛི་ལན་ཌིའི་ནང་ཆིབས་བསྒྱུར་བསྐྱང་རྒྱུ་ཡིན་ལ། སྔོན་མ་ཨོ་སི་ཊོ་ལི་ཡའི་སྲིད་བློན་གྱིས་ཁོང་ཉིད་སྐབས་དེར་༧གོང་ས་མཆོག་ལ་མཇལ་རྒྱུ་མིན་ཚུལ་བཤད་ཡོད་པ་རེད། ཕྱི་ཚེས་ ༡༨ ཉིན་ནེའུ་ཛི་ལན་ཌིའི་སྲིད་བློན་རྗོན་ཁེ་ལགས་ཀྱིས་ཁོང་ཉིད་ཐེངས་འདིར་མཇལ་རྒྱུ་མིན་ལ། གྲོང་ཁྱེར་འདིར་ཕེབས་མཁན་ཆོས་ལུགས་ཀྱི་དབུ་ཁྲིད་ཚང་མར་མཇལ་དགོས་པ་རེད་བསམ་གྱི་མི་འདུག ང་ཁོང་ལ་སྔོན་ཆད་མཇལ་མྱོང་ལ། རྗེས་ཕྱོགས་ཀྱང་མཇལ་སྲིད་ཅེས་གསར་འགོད་པ་དག་ལ་བརྗོད་ཡོད་འདུག

ལོ་གཅིག་གི་སྔོན་ལ་ཁོང་སྲིད་བློན་ལ་བདམས་དུས་ཁོང་གིས་མ་འོངས་པར་ཏཱ་ལའི་བླ་མ་ཡུལ་དེར་ཆིབས་སྒྱུར་སྐབས་མཇལ་འཕྲད་གནང་རྒྱུ་ཡིན་ལུགས་བཤད་ཡོད་ཀྱང་། རྒྱ་ནག་གིས་ཁོང་ལ་གནོན་ཤུགས་སྤྲད་པར་ངོས་ལེན་བྱས་ཡོད་པ་མ་རེད།

སྲིད་བློན་རྗོན་ཁེ་ལགས་ཀྱིས་བཤད་དོན། གནད་དོན་འདི་ཁ་ཉིན་སིང་གྷ་ཕོར་ནས་མངའ་ཁུལ་རྒྱལ་ཁབ་དག་གི་ཚོགས་ཆེན་སྟེང་ཧུའུ་ཅིན་ཐའོ་ཡིས་གླེང་མ་སོང་ལ། རྒྱ་ནག་གཞུང་གི་འབྲེལ་ཡོད་དབུ་ཁྲིད་སུས་ཀྱང་ཏཱ་ལའི་བླ་མར་མཇལ་མི་ཆོག་ཅེས་གླེང་མ་སོང་།
ཡིན་ཡང་། ༧གོང་ས་མཆོག་གི་ཆིབས་སྒྱུར་གོ་སྒྲིག་གནང་མཁན་གྱི་མགྲིན་ཚབ་པ་ཞིག་གིས་བཤད་དོན། སྲིད་བློན་རྗོན་ཁེ་ལགས་ཀྱི་ཐག་གཅོད་འདི་ལ་རྒྱུ་མཚན་གཅིག་ལས་ཡོད་པ་མ་རེད། དེ་ནི་རྒྱ་ནག་གིས་ནེའུ་ཛི་ལན་ཌིར་བཞག་པའི་ཆབ་སྲིད་དང་དཔལ་འབྱོར་གྱི་ཤུགས་རྐྱེན་དེ་རེད་ཅེས་བརྗོད་ཡོད་པ་རེད།

བསྐྱར་བཅོས།: ༢༠༡༧/༠༥/༠༢

Leave a Reply

10 thoughts on “ང་མཇལ་རྒྱུ་མིན།

  1. ཨ་གངས་ཞེན།

    རྨོག་རུ་བསྟན་པ་ལགས། ཁྱེད་ཀྱིས་ནང་བསྟན་ཤེས་ཡོན་ལྷན་ཚོགས་དང་ལྷོ་ཕྱོགས་ཕོ་ཉ་རྩོམ་སྒྲིག་ཁང་གི་སྒོ་བསྐྱར་དུ་ཕྱེ་བར་ཡིད་ཆེས་དང་རེ་སྒུག་བྱེད་བཞིན་ཡོད།

  2. གྲགས་པ་རྒྱ་མཚོ།

    ཆུ་ཐིག་སྔོན་མོ་ལགས་ཁྱོད་རང་ནོར་འདུག ཁྱོད་ཀྱིས་ད་དུང་སུམ་རྟགས་ཅུང་ཟད་སྦྱོངས་དང་།