ང་ཕོད་སྐུ་གྲོངས་སོང་།

རྒྱ་ནག་རྒྱལ་ཡོངས་མི་དམངས་འཐུས་མིའི་ཚོགས་ཆེན་གྱི་རྒྱུན་ལས་ལས་འཛིན་པ་གཞོན་པ་དང་། ཀྲུང་གོའི་བོད་ལྗོངས་རིག་གནས་སྲུང་སྐྱོང་དང་འཕེལ་རྒྱས་ལྷན་ཚོགས་ཞེས་པའི་ཚོགས་གཙོ། བོད་རིགས་རྒན་རབས་པ་ང་ཕོད་ངག་དབང་འཇིགས་མེད་མཆོག་སྐུའི་སྙུང་གཞི་ཞིག་གི་དབང་གིས་དེ་རིང་ཕྱི་དྲོའི་པེ་ཅིན་གྱི་ཆུ་ཚོད་ ༤ དང་སྐར་མ་ ༥༠ སྟེང་རྒྱ་ནག་པེ་ཅིན་ནས་སྐུ་གྲོངས་ཡོད་ཅིང་། ད་ལོ་ཁོང་དགུང་གྲངས་ ༡༠༠ ལ་སླེབས་ཡོད་འདུག

དེ་རིང་ཕྱི་དྲོའི་ཆུ་ཚོད་ ༧ སྟེང་རྒྱ་ནག་དབུས་གསར་འགྱུར་མཉམ་སྒྲོག་ལས་ཁུངས་ནས་ང་ཕོད་ངག་དབང་འཇིགས་མེད་མཆོག་སྐུ་གྲོངས་པའི་སྐོར་གསལ་བསྒྲགས་བྱས་པ་དང་ལྷན་དུ་ཁོང་གི་འདས་པའི་ལས་གནས་རགས་ཟིན་ཞིག་བཀོད་པའི་ནང་། རླབས་ཆེ་བའི་རྒྱལ་གཅེས་རིང་ལུགས་པ། སྤྱི་ཚོགས་བྱེད་སྒོ་པ་གྲགས་ཅན། བོད་རིགས་མི་དམངས་ཀྱི་སྐྱེས་བུ་ཕུལ་དུ་བྱུང་བ། རང་རྒྱལ་མི་རིགས་ལས་དོན་གྱི་དབུ་ཁྲིད་མཆོག་ཏུ་གྱུར་པ། ཀྲུང་གོ་གུང་ཁྲན་ཏང་གི་སྙིང་ཉེ་བའི་གྲོགས་པོ། རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་གསུམ་པ། བཞི་པ། ལྔ་པ། དྲུག་པ། བདུན་པ་བཅས་ཀྱི་རྒྱུན་ལས་ཨུ་ཡོན་ཀྲང་གཞོན་པ། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་གསུམ་པ། བརྒྱད་པ། དགུ་པ། བཅུ་པ། བཅུ་གཅིག་པ་བཅས་ཀྱི་རྒྱལ་ཡོངས་ཨུ་ཡོན་ལྷན་ཚོགས་ཀྱི་ཀྲུའུ་ཞི་གཞོན་པ། ཀྲུང་གོའི་བོད་ལྗོངས་རིག་གནས་སྲུང་སྐྱོང་དང་འཕེལ་རྒྱས་ལྷན་ཚོགས་ཀྱི་ཚོགས་གཙོ་བློ་མཐུན་ང་ཕོད་ངག་དབང་འཇིགས་མེད་ལགས་སྙུང་གཞི་བཞེས་ནས་ ༢༠༠༩ ལོའི་ཟླ་བ་ ༡༢ པའི་ཚེས་ ༢༣ ཉིན་གྱི་ཕྱི་དྲོའི་ཆུ་ཚོད་བཞི་དང་སྐར་མ་ལྔ་བཅུ་ལ་པེ་ཅིན་དུ་སྐུ་གཤེགས་ཤིང་། དགུང་ལོ་བརྒྱ་ཐམ་པར་འཚོ་བཞེས་གནང་ཡོད་པ་རེད། ཅེས་བཀོད་འདུག

 

བསྐྱར་བཅོས།: ༢༠༡༤/༠༣/༢༦

Leave a Reply

203 thoughts on “ང་ཕོད་སྐུ་གྲོངས་སོང་།

  1. ཤར་ཕྱོགས་ཀྱི་གསེར་ཉ།

    སྤྱི་འཐུས་གསེར་རྟ་ཚུལ་ཁྲིམས་འོད་ཟེར་ལགས། རྫུན་གཏམ་ལུང་བསྟན་དུ་གྱུར་ནས་རང་ཉིད་ཀྱི་ཁྲ་མ་བདེན་དུ་གྲུབ་ཐབས་བྱེད་པ་ནི་རྩ་བ་ནས་ཡང་དག་པའི་ལྟ་ཚུལ་ཞིག་མ་རེད། ཁྱེད་རང་ནས་ 2009།12།24 ཉིན་གྱི་ཐོག་མའི་མཆན་འགོད་ནང་གཟིགས་དང་།
    ༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌
    བཀུར་འོས་དྲ་གྲོགས་ལྷན་རྒྱས་ལ་ཞུ་རྒྱུ།
    ང་ཕོད་བདུད་ཀྱི་སྤྲུལ་བར་ལུང་གིས་བསྟན་ཡོད། ཅེས་ངའི་གྲོགས་པོ་ཞིག་གིས་གསུངས་པའི་ལུང་དེ་ད་ལྟ་ངས་རེག་སོང་བས་ལྷན་རྒྱས་ཚོར་སྤྱན་འབུལ་ཞུ་རྒྱུ་ཡིན།
    དེ་ཡང་རྒྱལ་བ་ཀརྨ་མ་པ་སྐུ་འཕྲེང་ལྔ་བ་ཀརྨ་དེ་བཞིན་གཤེགས་པའི་ལུང་བསྟན་དུ།
    བདུད་སྤུལ་བླུན་པོ་ཀོང་ནས་འབྱུང། །
    དབུས་དཀྲུགས་དབུས་ཀྱི་ཆབ་སྲིད་འཇིག།
    ཅེས་གསུངས་ཡོད་འདུག
    ཀོང་ཞེས་པ་དེ་ཀོང་པོའི་ཡུལ་ནས་འབྱུང་བར་ལུང་བསྟན་པ་རེད། ཟེར།༌༌༌༌༌༌༌༌༌༌༌༌༌༌༌ཅེས་གོང་གསལ་དེ་ཁྱེད་རང་ནས་དྲངས་པའི་ལུང་བསྟན་ རེད། ཀོང་པོའི་ཡུལ་ནས་བྱུང་བ་རེད་ཅེས་གསལ་པོ་བྲིས་འདུག དེ་རིང་ཡང་ཀོང་པོའི་ཡུལ་ནས་བྱུང་བ་རེད་ཅེས་ལབ་རྒྱུ་མ་བྱུང་ཞེས་ཟིན་བྲིས་གོང་མ་ཡོད་བཞིན་དུ་གཞན་ལ་མིག་མེད་པ་ལྟ་བུུའི་མཐོང་ཚུལ་རྩ་བ་ནས་འཛིན་རྒྱུ་མེད། ནོར་འཁྲུལ་ཤོར་བ་དེ་ངེས་པར་ཁས་ལེན་བྱེད་དགོས་རེད། སངས་རྒྱས་ཀྱི་བཀའ་ཡིན་ཡང་། བརྟག་ལ་དཔྱད་པར་བྱ་དགོས་པའི་བསླབ་བྱ་གནང་ཡོད། དེ་འདྲ་སོང་ཙང་དེ་བླ་མའི་ལུང་བསྟན་རེད་ཅེས་ཞིབ་འཇུག་མེད་པར་གཞན་ནག་པོ་བཟོ་རྒྱུར་ཆོས་ཀྱི་གྲུབ་ཆེད་བཀོད་རྒྱུ་དེ་གྲྭ་རྫུན་གྱི་བྱེད་སྟངས་རེད། དེ་དག་ངེས་པར་དོར་རོགས་གནང༌། ཁྱེད་རང་ནས་གསུངས་པ་ལྟར་སྤྱི་འཐུས་ལ་མི་དམངས་ནས་འགན་གང་འདྲ་འཁུར་དགོས་རེད་དམ། མི་དམངས་ཀྱི་ཡིད་ཆེས་བློས་འགེལ་གྱི་རེ་བ་བྱ་སྐབས་ཁྱེད་ཚོས་མི་མང་ལ་འགན་མ་འཁུར་བར་འོས་ཐོབ་པའི་སྤོབས་པ་དཔུང་པར་འཁུར་བ་ལས་རེ་བ་དང་ཡིད་ཆེས་བཅོལ་བ་རྦད་དེ་བརྗེད་བཅུག་གི་འདུག ད་ལྟ་ཡིག་ཐོག་ཏུ་གོང་དེར་ཡོད་པ་དེའང་ཁྱེད་ལྟ་བུས་ཁས་ལེན་བྱ་གི་མི་འདུག་པར་གཞན་ཁས་ལེན་བྱ་སྲིད་ཀྱི་རེད་དམ། གསལ་པོ་ཤེས་དགོས་པ་ཞིག་ལ་ཁྱེད་རང་ཆོལ་ཁ་གཅིག་ནས་བླུགས་པའི་སྤྱི་འཐུས་ཤིག་རེད་མ་གཏོགས། བོད་ས་རྒྱ་མིས་བཙན་འཛུལ་བྱས་མིན་ལ་མ་རྩོད་པར་བོད་ས་ནང་ཁུལ་སུ་ལ་གཏོགས་མིན་ཐད་རྩོད་པ་ཡུན་རིང་གནང་མྱོང་བའི་སྤྱི་འཐུས་ཁྱེད་ལ་ལུང་ཚན་གྱི་ཕྱོགས་ཞེན་ཆེན་པོ་འདུག་པས་ངེས་པར་དུ་དེ་ཚོ་ད་ལྟའི་དུས་ཚོད་དགོས་པ་མེད་པར་བརྟེན་ངེས་པར་དུ་དོར་གནང་རོགས། ང་ཕོད་ས་དབང་ཆེན་མོ་དགོངས་པ་རྫོགས་པ་དེར་ཁྱེད་རང་ནས་རྗེས་དྲན་ང་མྱ་ངན་ཞུ་མིན་ལ་མ་ལྟོས་པར་༸གོང་ས་༸སྐྱབས་མགོན་ཆེན་པོས་དབུ་ཁྲིད་པའི་བཙན་བྱོལ་བོད་གཞུང་བཀའ་ཤག་ནས་མྱ་ངན་ཞུས་ཟིན་འདུག་པས་དེ་ལྷག་དགོས་དོན་མི་འདུག ༸གོང་ས་༸སྐྱབས་མགོན་ཆེན་པོ་མཆོག་དང་མཚན་དང་མཛད་རྣམ་ཡན་དྲུད་དེ་དེ་སྔའི་བོད་གཞུང་གི་ས་དབང་ཞིག་གི་ལོ་རྒྱུས་རྦད་དེ་ནག་བསུབ་གཏོང་བསམ་པ་ནི་རྦད་དེ་གཉིད་ལམ་རེད། གཉིད་ལམ་རིང་དྲག་ན་ཁྲག་ཤེད་འཕར་རྒྱུ་ལས་མེད་པས་དེ་ནས་མཆན་འགོད་མཚམས་འཇོག་རྒྱུ་ཡིན་ནོ༎

  2. ཤར་ཕྱོགས་ཀྱི་གསེར་ཉ།

    ཚེ་དང་ལྡན་པ་གསེར་རྟ་ཚུལ་ཁྲིམས་ཉོན་ཅིག ཁྱེད་ཀྱིས་རྨོངས་ཞེན་དང་རྫུན་གཏམ་དེ་འདྲ་བཤད་ན། དེ་སྔོན་ཉིད་ནས་རྡ་སའི་གསེར་རྟ་ཚུལ་ཁྲིམས་ལ་སྐྱོན་བརྗོད་བྱས་པ་དེ་ཚོ་རྫུན་མ་ཆགས་འགྲོ་ས་རེད་དཱ། ཁྱོད་ལ་ལུང་རྫུན་མ་དྲངས་ཤེས་ཙམ་ལས་ཁུངས་ནི་བསྐྱལ་ཡག་མི་འདུག

  3. ངས་པོ་རྒྱལ་མཚན།

    ༸གོང་ས་མཆོག་གིས་བཀའ་སློབ།
    ངོས་ཀྱི་ང་ཕོད་ནི་ ༡༩༥༠ ལོའི་གོང་ནས་ངོ་ཤེས་ཀྱི་ཡོད། སྐབས་དེར་ང་ཕོད་ལ་རྒྱུས་ཡོད་མཁན་ཚོས་བརྗོད་ན། ང་ཕོད་ནི་མི་དྲང་པོ་དང་། ལྷག་བསམ་རྣམ་དག་ཅན་ཞིག་ལ་ངོས་འཛིན་བྱེད་ཀྱི་འདུག ངོས་ནས་ཀྱང་ང་ཕོད་ནི་གསར་བརྗེའི་བསམ་བློ་ཡོད་མཁན་ཞིག་ཏུ་མཐོང་སྟེ་ངེད་གཉིས་བློས་ཐུབ་ཏུ་གྱུར་ཏེ། ངོས་ནས་ཡིད་ཆེས་དང་ཆ་འཇོག་བྱེད་ས་གཙོ་བོ་དེ་ཆགས་ཡོད། གྲོས་མཐུན་བཞག་རྗེས་ལྷ་སར་ཐོག་མར་ཐུག་སྐབས་ང་ཕོད་ཀྱིས་ང་རང་ལ། གྲོས་མཐུན་དེ་འདྲ་ཞིག་མི་འཇོག་ཐབས་མེད་བྱུང་སོང་། གང་ཡིན་ཟེར་ན་གྲོས་མཐུན་དེ་འདྲ་ཞིག་མ་བཞག་ན་དྲག་པོའི་བཅིངས་བཀྲོལ་ཐོག་འགྲོ་རྒྱུ་ལས་མི་འདུག དེར་བརྟེན། དྲག་པོའི་བཅིངས་བཀྲོལ་ལས་ཞི་བའི་བཅིངས་བཀྲོལ་དགའ་བར་མཐོང་སྟེ། གྲོས་མཐུན་བཞག་པ་ཡིན། འོན་ཀྱང་མཐའ་མའི་དམ་ཕྲུག་རྒྱག་སྐབས་མདོ་སྤྱིའི་དམ་ཕྲུག་ཁྱེར་ཡོད་ཀྱང་། ཁོང་ཚོས་དམ་ཕྲུག་གསར་པ་ཞིག་བཟོས་ཏེ་བརྒྱབ་པ་ཡིན་ཞེས་ངོ་སྤྲོད་གནང་བྱུང་། མངོན་གསལ་དོད་ཤོས་ཤིག་ལ་ ༡༩༧༩ ལོར་ཏིན་ཞའོ་ཕིན་གྱིས་རླབས་ཆེན་གྱི་བསམ་བློ་གུ་ཡངས་ཤིག་བཏང་བ་དང་། ངོས་ནས་ཀྱང་བོད་དུ་ལྟ་སྐོར་ཚོགས་པ་ཞིག་བཏང་བ་ཡིན། སྐབས་དེར་སྐུ་ཚབ་ཚོགས་པ་ང་ཕོད་ལ་ཐུག་སྐབས་ང་ཕོད་ཀྱིས། དེ་སྔ་ཆིང་རྒྱལ་རབས་སྐབས་ཡིན་ན་འདྲ་ལ། གོ་མིན་ཏང་གི་སྐབས་ཡིན་ནའང་འདྲ། དགའ་ལྡན་ཕོ་བྲང་གི་ཁྱབ་ཁོངས་ནས་ཁྲལ་འཇལ་བ་དེ་འདྲ་རྩ་བ་ཉིད་ནས་བྱུང་མེད་པ་དེ་མཁྱེན་དགོས་པ་རེད། ཅེས་རྗོད་ཀྱི་འདུག གང་ལྟར། མི་རིགས་ཀྱི་བསམ་བློ་ཡོད་པའི་རྣམ་འགྱུར་གསལ་པོ་རེད། ༡༩༨༩ ལོར་ལྷ་སར་མི་མང་འཐུས་མིའི་ཚོགས་ཆེན་ཐོག་ང་ཕོད་ཀྱིས་ྋརྒྱལ་བ་རིན་པོ་ཆེ་གསེར་ཁྲི་མངའ་གསོལ་དང་། དེའི་གོང་གི་ཏཱ་ལའི་བླ་མའི་ཡང་སྲིད་ངོས་འཛིན་ཐག་གཅོད་བྱེད་ཕྱོགས་ནན་ཅིན་ཀྲེང་ཧྥུ་ (གོ་མིང་ཏང་སྲིད་གཞུང་) ནས་ཐག་གཅོད་བྱས་པ་རེད། ཅེས་པའི་ཡིག་ཆ་ཞིག་ཡོད་པ་དེའི་སྐོར་དེ་འདྲ་མ་རེད་ཅེས་དང་། ཏཱ་ལའི་བླ་མའི་ཡང་སྲིད་ནི་བོད་ཀྱི་རྒྱལ་ཚབ་ཀྱིས་ཐག་གཅོད་བྱས་པ་དང་། ཆོས་ཕྱོགས་ཀྱི་ལམ་ལུགས་ཐོག་ནས་ཐག་གཅོད་བྱས་པ་ཞིག་རེད། གསེར་ཁྲི་མངའ་གསོལ་སྐབས་མཛད་སྒོའི་གཙོ་སྐྱོང་པ་མེད། དེ་ནི་སྐབས་དེའི་གོ་མིན་ཏང་གི་ལས་ཀ་བྱེད་མཁན་གྱི་རྫུན་བཟོ་བྱས་པ་ཞིག་རེད། ཅེས་བཤད་པ་ནི་བདེན་པ་རེད། གསེར་ཁྲི་མངའ་གསོལ་སྐབས་ང་ལོ་ཆུང་ཆུང་ཡིན་ཡང་ངས་གསལ་པོ་དྲན་གྱི་འདུག མཛད་སྒོའི་སྐབས་རྒྱ་གར་དབྱིན་གཞུང་སྐུ་ཚབ་དང་། དེའི་རྗེས་སུ་རྒྱ་ནག་གི་སྐུ་ཚབ་དང་བལ་པོའི་སྐུ་ཚབ། འབྲུག་གི་སྐུ་ཚབ་བཅས་གྲལ་སྟར་གཅིག་ལ་སྡོད་ཀྱི་ཡོད་པ་ངས་གསལ་པོ་དྲན་གྱི་འདུག དེ་འདྲ་ཡིན་དུས་དེ་རིགས་ང་ཕོད་ཀྱིས་གང་ཐུབ་ཅི་ཐུབ་ཀྱིས་བདེན་པའི་གནས་ཚུལ་བཤད་ནས་གསལ་པོ་བཟོས་ཡོད། དེར་བརྟེན། ཐ་མ་ཁོ་རང་གཤེགས་རྗེས་ང་ཚོས་ཁོང་ལ་རྗེས་དྲན་བྱས་པ་ཡིན། འོན་ཀྱང་གྲོགས་པོ་ཁག་གཅིག་གིས་ང་ཕོད་ལ་རྗེས་དྲན་བྱས་པ་མ་འགྲིག་པ་རེད་ཅེས་ཤོད་མཁན་བྱུང་། དངོས་ཡོད་ཀྱི་གནས་ཚུལ་ལ་སྐབས་རེར་ཞེད་སྣང་གི་འོག་ནས་སྐད་ཆ་འདྲ་ཆགས་པོ་མ་བཤད་རང་བཤད་ཡོང་གི་ཡོད་པ་དེ་དག་ང་ཚོས་ཤེས་གསལ་རེད། དེ་འདྲ་ཡིན་དུས་ངོས་རང་ང་ཕོད་ལ་ཡིད་ཆེས་གཙང་མ་ཡོད། ད་ཆ་ཁོང་གྲོངས་ཟིན་ཀྱང་ངས་རྟག་ཏུ་ཁོང་ལ་སྨོན་ལམ་རྒྱག་གི་ཡོད།