རྒྱ་ནག་གི་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཁ་སང་ཕྱི་ཚེས་ ༡༢ ཉིན་གྱི་སྔ་དྲོ་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་སྐབས་དགུ་བའི་ཚོགས་འདུ་ཐེངས་གསུམ་པའི་ཀྲུའུ་ཞི་ཚོགས་པའི་གྲོས་ཚོགས་ཐེངས་གསུམ་པ་ཟེར་བ་དེ་ཚོགས་ཡོད་པ་དང་། ཚོགས་ཐོག་དུ་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་གྱི་རྒྱུན་ལས་ལྷན་ཁང་གི་དྲུང་ཆེ་ལེགས་མཆོག་དང་། བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་བྱམས་པ་ཕུན་ཚོགས་གཉིས་ཀྱིས་རྩ་དགོངས་ཞུ་ཡིག་སྒྲོག་འདོན་བྱས་ཡོད་འདུག་ཅིང་། ཁོང་གཉིས་ཀྱི་ལས་འཁུར་དུས་ཡུན་ད་དུང་རྫོགས་མེད་ནའང་། ཚོགས་ཐོག་དེར་ལེགས་མཆོག་ལ་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་རྒྱུན་ལས་ལྷན་ཁང་གི་དྲུང་ཆེ་ལས་རྩ་དགོངས་བཀའ་འཁྲོལ་དང་། བྱམས་པ་ཕུན་ཚོགས་ལ་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ལས་རྩ་དགོངས་བཀའ་འཁྲོལ་ཐོབ་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།