གྷོ་གྷིལ་དང་རྒྱ་ནག་ཐུག་པ།

བརྡ་འཕྲིན་རིག་པའི་རྒྱལ་པོ་རུ་འབོད་པ་གྷོ་གྷིལ་( google ) ཞེས་པའི་དོ་དམ་ཚོང་གཉེར་ལས་ཁུངས་ཀྱིས་རྒྱ་ནག་ནང་གི་ལས་གཞི་དང་དྲ་འབྲེལ་བརྒྱུད་ལམ་ཁག་མཚམས་འཇོག་བྱ་སྲིད་པའི་ཉེན་བརྡ་བཏང་ཡོད།  

ཉིན་འདི་འགར་རྒྱལ་སྤྱིའི་གསར་ལམ་ཁག་ཅིག་ཏུ་གནས་ཚུལ་ཐོན་གསལ་ལྟར་ན། རྒྱ་ནག་གཞུང་ཕྱོགས་ནས་བརྡ་འཕྲིན་བརྒྱུད་ལམ་ཁག་ལ་སྟངས་འཛིན་དང་སྔོག་བཤེར། གསང་མྱུལ། ལྟ་རྟོག་འཕྲུལ་ཆས་རིགས་འཛུགས་ཀྱིན་ཡོད་པ་སོགས་ལ་བརྟེན། སྤྱི་འབངས་ཀྱི་བརྡ་འཕྲིན་བེད་སྤྱོད་ཀྱི་རང་དབང་ལ་ཕོག་ཐུག་ཆེན་པོ་གཏོང་གིན་ཡོད་པ་མ་ཟད། གྷོ་གྷིལ་དང་དྲ་འབྲེལ་བརྒྱུད་ལམ་ཁག་ནས་ནག་ཉེས་བསགས་པའི་མ་ཉེས་ཁ་ཡོག་བྱས་ཏེ། དྲ་དམངས་ཚོར་རྡུང་རྡེག་ཕོག་གིན་ཡོད་སྟབས། འབྱུང་འགྱུར་རྒྱ་ནག་ནང་ཡོད་པའི་རྒྱ་ཡིག་གི་གྷོ་གྷིལ་བརྒྱུད་གཏོང་མཚམས་འཇོག་བྱ་སྲིད་པའི་གནས་ཚུལ་བཀོད་འདུག

 

གྷོ་གྷིལ་ཚོང་དོན་ཁང་གིས་བརྗོད་རྒྱུར། སྔར་ལོའི་ལོ་མཇུག་ནས་རྒྱ་ནག་གཞུང་གིས་མི་དམངས་ལ་གྷོ་གྷིལ་དྲ་རྒྱ་བེད་སྤྱོད་ཐད་སྟངས་འཛིན་བྱེད་ཀྱིན་འདུག་པ་མ་ཟད། འཆར་གཞི་དང་དམིགས་ཡུལ་ལྡན་པའི་ཐོག་ནས་གྷོ་གྷིལ་དྲ་རྒྱའི་འཁོར་སྐྱོད་ལ་གནོད་སྐྱོན་བཟོ་བཞིན་ཡོད་པ་གསལ་བོར་ཤེས་ཡོད། རྒྱ་ནག་ནང་ཁུལ་ཙམ་དུ་མ་ཟད་འཛམ་གླིང་གང་སར་ཡོད་པའི་རྒྱ་ནག་གཞུང་དང་ལྟ་བ་མི་མཐུན་པའི་དྲ་གནས་ཁག་ལའང་ལྐོག་འཛུལ་དང་འགོག་རྐྱེན་བཟོས་ཡོད། རྒྱ་གཞུང་གིས་མུ་མཐུད་གྷོ་གྷིལ་གཙོས་པའི་བརྡ་འཕྲིན་བརྒྱུད་ལམ་ཁག་ལ་དམ་དྲག་དང་གནོད་སྐྱོན་བཟོ་རྒྱུ་ཡིན་ན། འབྱུང་འགྱུར་རྒྱ་ནག་ནང་དུ་གྷོ་གྷིལ་གྱི་ལས་དོན་སྤེལ་ཁག་པོ་ཆགས་འདུག ད་ལྟའི་རྒྱ་ཡིག་ཐོག་གི་གྷོ་གྷིལ་འཁོར་སྐྱོད་མཚམས་འཇོག་བྱ་རྒྱུ་ཡིན། ཞེས་བརྗོད་འདུག

གནས་ཚུལ་དེ་ཕྱིར་བསྒྲགས་བྱས་མ་ཐག པེ་ཅིན་ནང་ཡོད་པའི་གྷོ་གྷིལ་ཡན་ལག་ཚོང་དོན་ལས་ཁུངས་ཁག་གི་མི་རྣམས་ཀྱིས་ལག་ཏུ་མེ་ཏོག་བཟུང་སྟེ། སྐོར་སྐྱོད་སྐད་འབོད་ཀྱིས་དགའ་བའི་རྣམ་འགྱུར་བསྟན་ཡོད་འདུག་ཅིང་། གོང་གི་གནད་དོན་དེའི་ཐད་ཨ་རིའི་ཕྱི་སྲིད་དྲུང་ཆེ་ལྕམ་ཧེ་ལི་རེ་ཁི་ལིན་ཏོན་གྱིས་ཀྱང་། རྒྱ་ནག་གཞུང་གིས་གྷོ་གྷིལ་དྲ་རྒྱའི་ལས་དོན་ཐོག་ཐེ་ཇུས་དང་། དམ་དྲག་སྟངས་འཛིན་གྱི་བྱ་སྤྱོད་དེ་ནི་ཧ་ཅང་བློ་འཚབ་ཀྱི་རང་བཞིན་ཞིག་རེད། མི་ཚང་མས་དོགས་སོན་དང་དོ་སྣང་བྱ་དགོས་པའི་གནད་དོན་ཞིག་ཆགས་ཡོད་སྟབས། དེར་རྒྱ་ནག་གཞུང་གིས་ངེས་པར་དུ་གསལ་བཤད་ཅིག་བྱ་དགོས་པ་མ་ཟད། ང་ཚོའི་ཨ་རིའི་གཞུང་གིས་ནམ་ཡང་དྲ་རྒྱའི་རང་དབང་ལ་བརྩི་བཀུར་དང་དོ་སྣང་ཆེན་པོ་བྱེད་ཀྱིན་ཡོད། ཐེངས་འདིའི་གྷོ་གྷིལ་དང་རྒྱ་ནག་གི་གླེང་རྙོག་འདིར་ཨ་རིའི་གཞུང་ལའང་ལས་འགན་ཡོད་པ་རེད། ཅེས་བརྗོད་ཡོད།

བསྐྱར་བཅོས།: ༢༠༡༤/༠༣/༢༦

Leave a Reply

15 thoughts on “གྷོ་གྷིལ་དང་རྒྱ་ནག་ཐུག་པ།

  1. Have you ever wondered what is the meaning of Google? Where did the name google come from? What does google stand for? Google is the name of internet’s most popular search engine and the word Google is derived from GOOGOL.
    Why is Google Called Google?
    Googol is the mathematical term for a 1 followed by 100 zeros. The term was coined by Milton Sirotta, nephew of American mathematician Edward Kasner, and was popularized in the book, “Mathematics and the Imagination” by Kasner and James Newman. Google’s play on the term reflects the company’s mission to organize the immense amount of information available on the web.”

    Goooooooooo,oooooooooo,oooooooooo,oooooooooo,oooooooooo,
    oooooooooo,oooooooooo,oooooooooo,oooooooooo,ooooooooooGle

    is indeed derived from Googol

    10000000000,0000000000,0000000000,0000000000,0000000000,
    0000000000,0000000000,0000000000,0000000000,0000000000.
    Yes, that is 100 zeros!
    བསྔགས་མིང་མ་བཏགས་སྔོན་ལ་གྲངས་ཀ་འདི་ལ་བསམ་བློ་བཏང་ནས་གྲངས་མིང་ཞིག་བཏགས་ན་འོས་པ་མཐོང་། བསྔགས་མིང་རན་པོ་མི་འདུག

  2. ཇོ་རུ་ཚེ་རིང་།

    ཨོ་རེད། ད་དུང་། California ཁ་ལེ་ཧྥོ་ནེའུ་ཡཱའི་ཨ་རིའི་མཉེན་ཆས་བཟོ་གྲྭས་ཕྱི་ཚེས་ ༡༢ ཉིན། རྒྱ་ནག་སྲིད་གཞུང་དང་། PCབཟོ་ཚོང་ཁང་ ༧ ཁྲིམས་གཏུགས་བྱས་ཡོད་པར་མ་ཟད། ཨ་སྒོར་དུང་ཕྱུར་ ༢༢ གྱི་ཀུན་གསབ་སྤྲོད་དགོས་ལུགས་ཀྱང་བརྗོད་ཡོད་ཁུ། དེ་མིན་རྒྱ་ནག་ཏུ་འཛམ་གླིང་གི་བརྡ་འཕྲིན་བསྔོགས་འཚོལ་མ་ལག་ཨ་གཉིས་པ་ yahoo ཡཱ་ཧུའུ་ལ་ཡང་བཀག་འགོག་ཐེབས་ཡོད་འདུག

  3. དཀར་ཕྱོགས་གཉེར་ཉེ།

    ཙན་ལོ་ལགས་ང་ཚོའི་བོད་སྐད་དུ་གུ་གལ་ལ་མིང་མེད་པ་མ་རེད། བེད་སྤྱོད་མ་བཏང་བ་ཙམ་རེད། དཔེར་ན། ཀླད་ཀོར་ 24 ཅན་གྱི་གྲངས་ལ་དབྱིན་སྐད་དུ་ quadrillion ཟེར་བ་དང༌། ཀླད་ཀོར་ 30 ཅན་གྱི་གྲངས་ལ་དབྱིན་སྐད་དུ་ quintillion ཟེར་། ཀླད་ཀོར་ 100 ཅན་གྱི་གྲངས་ལ་དབྱིན་སྐད་དུ་ google ཟེར་གྱི་ཡོད་པས་སྐུ་ཉིད་ནས་བསམ་བློ་གཏོང་། ལོ།