ཀླུའི་ཟིན་བྲིས་ལས་བཤུས།
སྤྱི་ཚེས་ ༡༥ ཉིན་བོད་ནས་རྐང་ཐང་བརྒྱུད་བྲོས་བྱོལ་དུ་ཡོང་མཁན་བོད་མི་ ༢༢ བལ་ཡུལ་གྱི་མཐའ་མཚམས་བླ་མ་བྷ་ཛར་ཞེས་བ་ནས་རྡོ་ལ་ཁ་ས་གནས་བལ་ཡུལ་ཉེན་རྟོག་པས་འཛིན་བཟུང་བྱེད་ཐབས་བྱས་བར་བོད་མི་མང་ཆེ་བ་བྲོས་ཐར་བྱུང་བ་དང་། བུ་བརྒྱད་དང་བུ་མོ་གཉིས་བཅས་མི་ ༡༠ ཉེན་རྟོག་པས་འཛིན་བཟུང་བྱས་པར་མ་ཟད། ད་ཆ་ཕྱི་མི་ཞིབ་གཤེར་ལས་ཁུངས་ནས་རྒྱལ་སྤྱིའི་སྐྱབས་བཅོལལས་ཁུངས་བརྒྱུད་བོད་གཞུང་སྣེ་ལེན་ཁང་ལ་རྩིས་སྤྲོད་བྱས་ཡོད་ཀྱང་། སྐབས་དེར་བྲོས་ནས་ཁ་འཐོར་ལ་སོང་བའི་བོད་མི་བཞི་ནས་གཉིས་བསྐྱར་དུ་བལ་ཡུལ་གྱི་རྡོ་བླ་ཁ་རྫོང་ཁོངས་ཀྱི་ཉེན་རྟོག་པས་འཛིན་བཟུང་བྱས་འདུག་ལ། མི་གཉིས་ནི་ཐབས་ཤེས་འདྲ་མིན་བརྒྱུད་ཉིན་མཚན་དྲུག་གི་རྗེས་སྣེ་ལེན་ཁང་ལ་བདེ་འབྱོར་བྱུང་འདུག