ལོ་རྒྱུས་ལ་བརྩི་བཀུར་བྱོས།

ཁ་སང་ཕྱི་ཚེས་ ༡ ཉིན་རྒྱ་ནག་ཞིན་ཧྭ་གསར་ལམ་ཐོག ཉེ་ཆར་བོད་རྒྱའི་འབྲེལ་མོལ་ཐེངས་དགུ་བའི་སྐོར་གྱི་གནས་ཚུལ་བཀོད་པ་དེ་བོད་སྒྱུར་བྱས་ཏེ། དེ་རིང་ཉིན་གུང་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་སུ་བརྒྱུད་འགོད་བྱས་འདུག་པ་དེའི་ནང་བསྟན་དོན། 

ཏུའུ་ཆིན་ལིན་གྱིས་ཀྲུང་དབྱང་གི་བོད་ལྗོངས་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་པའི་སྐོར་གྱི་འབྲེལ་ཡོད་གནས་ཚུལ་ངོ་སྤྲོད་དང་བཅས་བསྟན་དོན། ཐེངས་འདིའི་ཚོགས་འདུའི་ཐོག་ནས་ཀྲུང་དབྱང་གིས་བོད་ལྗོངས་ཀྱི་དཔལ་འབྱོར་སྤྱི་ཚོགས་ཀྱི་འཕེལ་རྒྱས་ལ་ཚད་མཐོའི་མཐོང་ཆེན་གནང་བ་དང་། བོད་ལྗོངས་མི་རིགས་ཁག་གི་མི་དམངས་རྣམས་ལ་ཐུགས་ཁུར་ཟབ་མོ་གནང་གི་ཡོད་པ་གསལ་པོར་མཚོན་ཐུབ་ཀྱི་ཡོད། འཛམ་གླིང་ཐོག་ང་ཚོའི་རྒྱལ་ཁབ་དང་ཀྲུང་གོགུང་ཁྲན་ཏང་ནང་བཞིན་ལོ་བཅུ་གྲངས་བསྟུད་མར་རྒྱལ་ཡོངས་ཀྱི་སྟོབས་ཤུགས་ལ་བརྟེན་ནས་མི་རིགས་ས་ཁོངས་ཤིག་གི་འཕེལ་རྒྱས་ལ་རྒྱབ་སྐྱོར་བྱེད་མཁན་ནི་ཡོད་པ་མ་རེད། བོད་ལྗོངས་ཀྱི་མི་རིགས་ཁག་གི་རྩ་བའི་ཁེ་ཕན་དང་དངོས་གནས་དྲང་གནས་ཀྱིས་ཚབ་བྱེད་མཁན་དང་། བོད་ལྗོངས་ཀྱི་མི་རིགས་ཁག་གི་མི་དམངས་མང་ཚོགས་རྣམས་བདེ་ཞིང་སྐྱིད་པའི་འཚོ་བ་དངོས་གནས་དྲང་གནས་ཀྱིས་སྐྱེལ་དུ་འཇུག་མཁན་དེ་ནི་ཀྲུང་གོ་གུང་ཁྲན་ཏང་དང་། ཀྲུང་དབྱང་དང་བོད་ལྗོངས་རིམ་ཁག་མི་དམངས་སྲིད་གཞུང་དག་ཁོ་ན་ཡིན་པ་རེད།

ཏུའུ་ཆིན་ལིན་གྱིས་བསྟན་དོན། རྒྱལ་ཁབ་ཀྱི་ཁེ་ཕན་ལ་བཙན་གནོད་བྱས་མི་ཆོག་པ་དང་། རྒྱལ་ཁབ་ཀྱི་བདག་དབང་དང་ས་ཁོངས་ཐད་ཕན་ཚུན་གླེང་མོལ་བྱ་ཐབས་རྩ་བ་ནས་ཡོད་མི་སྲིད་ལ། འོས་མེད་མཐུན་ཐབས་བྱེད་ཐབས་སྤུ་ཙམ་ཡང་ཡོད་པ་མ་རེད། རྩ་ཁྲིམས་ཀྱི་ཚད་གཞི་རྡོག་རོལ་དུ་བཏང་མི་ཆོག་ཅིང་། བོད་ཆེན་པོདང་ཚད་མཐོའི་རང་སྐྱོང་ཟེར་བ་དེ་ནི་ཀྲུང་གོའི་རྩ་ཁྲིམས་ལས་འགལ་བ་ཞིག་ཡིན་པས། ཤོད་སྟངས་དེ་ཡོངས་སུ་མེད་པར་བཟོས་པ་ཡིན་ན། མཇལ་འཕྲད་གྲོས་མོལ་ལ་གཞི་ནས་གཞི་ཚུགས་ས་ཞིག་ཡོད་པ་རེད་ལ། ཏཱ་ལའི་བླ་མ་སྒེར་ལ་ཡང་གཞི་ནས་མདུན་ལམ་ཡོད་པ་རེད། མི་རིགས་ཀྱི་ལ་རྒྱར་ངན་སྨྲས་བྱས་མི་ཆོག་པ་དང་། གལ་སྲིད་ཏཱ་ལའི་བླ་མའི་ཕྱོགས་ནས་མུ་མཐུད་རྒྱལ་སྤྱིའི་ཐོག་ཏུ་ཀྲུང་གོར་རྒོལ་བའི་དྲིལ་བསྒྲགས་དང་གཏོར་བཤིག་བྱེད་སྒོ་སྤེལ་ཏེ། རྩ་བའི་སྟེང་གི་བརྩི་བཀུར་དང་ལྷག་བསམ་རྣལ་མ་ཞིག་མེད་ན། མཇལ་འཕྲད་གྲོས་མོལ་ལ་གྲུབ་འབྲས་སྨིན་མི་སྲིད། མི་དམངས་ཀྱི་ཐུན་མོང་གི་སེམས་འདུན་དང་རྒྱབ་འགལ་བྱས་མི་ཆོག་ཅིང་། བོད་ལྗོངས་ཀྱི་མི་རིགས་ཁག་གི་མི་དམངས་ཚོས་བརྟན་ལྷིང་གི་གནས་སྟངས་ལ་སྔར་ལས་ཀྱང་ལྡབ་འགྱུར་གྱིས་མཐོང་ཆེན་དང་གཅེས་འཛིན་བྱེད་པས། དམངས་སེམས་ལ་མགོ་སྐོར་བཏང་མི་ཆོག་ལ། དམངས་བློ་དང་རྒྱ་འགལ་བྱས་མི་ཆོག རྣམ་པ་འདྲ་མིན་སྣ་ཚོགས་སྤྱད་ནས་སིམ་འཛུལ་གཏོར་བཤིག་གི་ལས་འགུལ་སྤེལ་རུང་འགྲུབ་ཐབས་མེད་ཅིང་། དེ་ལས་ལྡོག་ཏེ་མཇལ་འཕྲད་གྲོས་མོལ་ལ་བར་ཆད་ཐེབས་ནས། ཏཱ་ལའི་བླ་མའི་ཕྱོགས་དེ་ཁེར་རྐྱང་དུ་ལུས་རྒྱུ་རང་རེད།

ཏུའུ་ཆིན་ལིན་གྱིས་ནན་གསུངས་དོན། ཀྲུང་དབྱང་གིས་ཏཱ་ལའི་བླ་མའི་ཕྱོགས་ལ་བཏོན་པའི་སྲིད་ཇུས་དེ་ནི་སྔར་མུས་རྒྱུན་བསྲིངས་དང་། འགྱུར་མེད་གསལ་པོ་ཡིན་པ་དང་། མཇལ་འཕྲད་གྲོས་མོལ་གྱི་སྒོ་མོ་ཡོངས་སུ་ཕྱེས་ཡོད་པ་བཅས་ཀྱི་སྲིད་ཇུས་དེ་ལ་ད་བར་འགྱུར་བ་བཏང་མེད། ཏཱ་ལའི་བླ་མས་དངོས་གནས་དྲང་གནས་ཀྱིས་མཇལ་འཕྲད་གྲོས་མོལ་ལ་གྲུབ་འབྲས་སྨིན་པར་འདོད་པ་དང་། དངོས་གནས་དྲང་གནས་ཀྱིས་ཀྲུང་དབྱང་བར་གྱི་འབྲེལ་བ་ལེགས་བཅོས་གཏོང་བསམ་ན། ལོ་རྒྱུས་ལ་བརྩི་བཀུར་བྱ་འོས་པ་དང་། དུས་རབས་དང་བསྟུན་དགོས་པ། ད་ལྟའི་གནས་བབ་ལ་རྒྱུས་ལོན་གསལ་པོ་ཡོད་པ། སྟོང་བསམ་རྒྱབ་དུ་བོར་བ། ཁ་ཞེ་གཅིག་མཐུན་ཡོང་བ་བཅས་བྱས་ནས། བྱ་སྤྱོད་ངོ་མའི་ཐོག་ནས་ཀྲུང་དབྱང་སྲིད་གཞུང་དང་རྒྱལ་ཡོངས་ཀྱི་མི་དམངས་རྣམས་ཡིད་ཆེས་ཆོག་པ་ཞིག་ཆགས་པར་བྱ་དགོས། ཞེས་དང་།

ཀྲུང་དབྱང་འཐབ་ཕྱོགས་གཅིག་འགྱུར་པུའུ་ཡི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆོན་དང་པུའུ་ཀྲང་གཞོན་པ་སྲི་ཐར། བོད་རང་སྐྱོང་ལྗོངས་དམངས་ཆེན་རྒྱུན་ཨུའི་ཀྲུའུ་རེན་གཞོན་པ་ཉི་མ་ཚེ་རིང་བཅས་ཀྱིས་རྒྱ་རི་འཁོར་དང་བཅས་པ་དང་བཀའ་མོལ་གནང་སྐབས་ཡང་བསྐྱར་བསྟན་དོན།བོད་ཡུལ་གྱར་སྲིད་གཞུངནི་ཁྲིམས་ལས་འགལ་བ་ཞིག་ཡིན་པས། དེས་བོད་ལྗོངས་དང་བོད་མི་དམངས་ཀྱི་ཚབ་རྩ་བ་ཉིད་ནས་བྱེད་མི་ཐུབ་པ་རེད། ཁྱེད་ཚོ་ནི་ཏཱ་ལའི་བླ་མ་སྐུ་སྒེར་གྱི་འཐུས་མི་ཁོ་ན་ཙམ་ཡིན་པས། བཀའ་མོལ་བྱེད་ནའང་ཁ་བྲལ་རིང་ལུགས་ཀྱི་གཏམ་སྤྱོད་ཡོད་ཚད་རྒྱབ་ཏུ་སྐྱུར་བའི་ཐོག་མའི་ཆ་རྐྱེན་འོག ཏཱ་ལའི་བླ་མ་སྐུ་སྒེར་དང་ཁོང་གི་སྐུ་འཁོར་དུ་ཡོད་པའི་གང་ཟག་རྣམས་ཀྱི་མདུན་ལམ་ཐད་ཀྱི་གནད་དོན་ལས་གཞན་གླེང་ཐབས་མེད་ཚུལ་གསུངས་བ་རེད། ཅེས་བཀོད་འདུག

བསྐྱར་བཅོས།: ༢༠༡༦/༠༡/༠༦

Leave a Reply

14 thoughts on “ལོ་རྒྱུས་ལ་བརྩི་བཀུར་བྱོས།

  1. ཧོར་བུ་ཡེ་ཤེས

    མི་ཉག་སྐལ་བཟང་ལགས།སྔར་ཆུ་མིག་རྒྱ་ཚལ་དུ་ཡོད་པའི་ཆུ་བཞི་སྒང་དྲུག་དྲག་པོའི་སྒར་དེ་ནི་ང་རང་ཚོས་མེད་པ་བཟོས་ཚར་བ་དང་ད་ལྟ་ཆོལ་ཁ་ཞིག་ལ་མིང་དེ་རྟགས་བ་མ་ཟད་བཀྲ་མ་ཤིས་པ་ཞིག་ལ་དེ་ཡི་དབུས་རྒྱུན་ཚོགས་གཙོ་ཡང་གྲ་བ་ཞིག་ཡོང་ཚར་སོང།ད་གསར་འཛུགས་ཤིག་བྱ་བ་ལ་དཀའ་ལས་ཡོང་སྲིད་པ་རེད།དང་པོ་འཚེ་མེད་ཞི་བ་ཞེས་ཁ་གཡང་བསྒྲགས་ཚར་བ་དང་།གཉིས་པ།ད་ལྟ་བཙོན་བྱོལ་ནང་ཡོད་པའི་མི་གྲགས་དང་ཕྱུག་བདག་སོགས་ནི་དེ་ལྟ་བུའི་དྲག་པོ་ནང་ཞུགས་རོགས་བྱ་མི་ཡོང་།དཔེ་ན་དོན་འགྲུབ་དབང་ཆེན་གྱི་ནང་མི་ལ་འཚོ་བའི་ཐད་རོགས་པ་ཡག་པོ་ཞིག་བཟོ་ཡི་མེད་པ་ལ་དྲག་པོ་ཞིག་དང་ཕར་ཙམ་བཞག།།
    སྤྱི་བོད་མི་ཡོངས་རྫོགས་སེམས་པ་གཅིག་མཐུན་བྱུང་ན་ལས་སླ་མོ་ཞིག་ཀྱང་རེད།ད་དུང་ཞུ་རྒྱུ་ཞིག་ལ་འདིར་ཟླའི་ཕྱི་ཚེས་༢ཉིན་ཏན་ཆེན་ལེན་ལ་གསར་འགོད་པའི་དྲིས་བ་ལ་ལན་འདི་ལྟར་ཞིག་བརྒྱབ་སོང་།མ་འོངས་པ་ཕྱི་སྡོད་བོད་མི་ཚོས་དྲག་པོའི་ལས་འགུལ་སྤེལ་མདོག་ཁ་པོ་མ་རེད་མ་གཏོག་དྲག་སྤྱོད་པ་ཆགས་པ་རེད།མ་ཟད་འདས་པའི་ལོ་རྒྱུས་ལ་ཕྱི་ལྟས་བྱས་ནའང་ཤེས་སྲིད།ཁོང་ཚོར་ཕམ་པ་ཤག་སྟག་ལས་བྱུང་མེད་ཅེས་དང་།ཡང་བོད་སྐོར་བཤད་དུས་ལོ་རྒྱུས་ཤེ་པ་དེ་ང་དགུ་ལོ་ནས་ངོས་འཛིན་གཅིག་བྱས་སོང་།རྒྱ་གར་དང་ས་འཚམས་སྐོར་སྐད་ཆ་བཤད་དུས་སུ་ཡང་བོད་ལོ་རྒྱུས་རྙིང་པ་ལ་ངོས་འཛིན་ཞིག་བྱས་སོང་།གང་ལྟར་ཡང་བོད་རྒྱ་ཁུངས་ཡོན་པ་འཛམ་གླིང་ལ་སྒྲོག་བཞིན་པ་དེ་རྫུས་བཤད་ཡིན་པ་སོ་སོས་སྟོན་སོང་།
    དེ་ལས་གསལ་བ་ཤེས་འདོད་ཡོད་ན་དྲ་རོགས་བོད་བདེ་སྐྱིད་ལྷ་མོ་ལགས་ཀྱི་གནང་བས་དྲ་རྒྱ་ཁ་བྱང་དེ་ལ་ཉོན་དང་དེ་ལས་མང་བ་ཤེས་ཐུབ།དེ་ཙམ་ཡིན།