དེ་རིང་སྔ་དྲོ་བལ་ཡུལ་རྒྱལ་སའི་རྒྱ་ནག་གཞུང་ཚབ་ཡན་ལག་ཐོངས་ཆན་ལས་ཁུངས་འགྲམ་ནས་བོད་མི་ཁག་གཅིག་གིས་མ་སྐུལ་དང་བླངས་ཐོག བོད་རང་བཙན་གྱི་ཡིག་ཆ་མང་པོ་གཏོར་བ་དང་ཁྲོམ་སྐོར་སྐད་འབོད་སོགས་ཀྱི་ལས་འགུལ་ཞིག་སྤེལ་ཡོད་པ་དང་། དེ་ནི་མི་ལོ་གཉིས་གོང་བོད་ནང་གི་ཞི་རྒོལ་བ་ཚོར་རྒྱ་གཞུང་གིས་དྲག་གནོན་བྱས་བའི་ཉིན་མོ་དེ་སེམས་ནས་བརྗེད་མེད་པ་མཚོན་ཆེད་ཡིན་ཟེར། སྐབས་དེར་བལ་ཡུལ་ཉེན་རྟོག་པ་བརྒྱ་ཕྲག་ལས་བརྒལ་བ་ཞིག་སླེབས་ཏེ། བོད་མི་ངོ་རྒོལ་བ་ ༩ ཙམ་འཛིན་བཟུང་བྱས་ཡོད་འདུག གཞན། ཉིན་ཤས་སྔོན་བལ་ཡུལ་ཉེན་རྟོག་པས་འཛིན་བཟུང་བྱས་བའི་བོད་མི་ ༢༠ ལྷག་ཡོད་དག་ཀྱང་། ད་དུང་མུ་མཐུད་བཀག་ཉར་བཙོན་འཇུག་འོག་གནས་ཡོད་འདུག
གོང་གི་གནས་ཚུལ་དེ་དུས་བབ་ཟིན་བྲིས་ཚན་པའི་ཀླུ་ལགས་ཀྱི་ཟིན་ཐོ་ལས་བཤུས།