ལིག་ཞོ་པོ་གློད་དུ་འཇུག་རོཊ།

 

དེ་རིང་བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཕྱི་ཟླ་ ༡༡ པའི་ཚེས་ ༡༠ ཉིན་ལྷོ་ཀོ་རི་ཡའི་རྒྱལ་སར། འཛམ་གླིང་གི་ཡར་ཐོན་ཅན་གྱི་རྒྱལ་ཁབ་སྟོབས་ཆེན་ཉི་ཤུའི་ཚོགས་འདུ་དེ་འཚོགས་འཆར་ཡོད་ཅིང་། དེར་ཨ་རིའི་སྲིད་འཛིན་ཨོ་བྷ་མ་སོགས་རྒྱལ་ཁབ་ཁག་གི་ཆེས་མཐོའི་དབུ་ཁྲིད་མང་པོ་ཞིག་ལྷན་ཞུགས་གནང་འཆར་ཡོད་པའི་སྐབས་དང་བསྟུན་ཏེ། ལྷོ་ཨ་ཧྥི་རི་ཁའི་ཡེ་ཤུའི་ཆོས་དཔོན་ཊི་སི་མིན་ཊོ་ཊ་མཆོག་དང་༧གོང་ས་མཆོག དེ་བཞིན་ཨ་རིའི་སྲིད་འཛིན་ཟུར་བ་ཇིན་མིན་ཁ་ཊིར་བཅས་ཀྱི་མཚོན་པའི་ནོ་བྷེལ་ཞི་བདེའི་གཟེངས་རྟགས་བཞེས་མྱོང་མཁན་ ༡༥ ཙམ་གྱིས་ད་ལྟ་བཙོན་འོག་ཏུ་ཡོད་པའི་རྒྱ་རིགས་རྩོམ་པ་པོ་དང་འགྲོ་བ་མིའི་ཐོབ་ཐང་རྩོད་ལེན་པ་ལིག་ཞོ་པོ་གང་མགྱོགས་གློད་གྲོལ་གཏོང་དགོས་པའི་འབོད་སྐུལ་ཞུ་ཡིག་རེ་ཕུལ་ཡོད་འདུག

ཞུ་ཡིག་དེའི་ནང་དུ།  ཚོགས་ཆེན་དེའི་ཐོག་རྒྱལ་ཁབ་སྟོབས་ཆེན་ཉི་ཤུའི་དབུ་ཁྲིད་ཚོས་རྒྱ་ནག་སྲིད་འཛིན་ཧུའུ་ཅིན་ཐོ་ལ་གདོང་དང་གདོང་གཏུགས་ཏེ། ད་ལྟ་རྒྱ་ནག་གི་བཙོན་ཁང་དུ་ཡོད་པའི་འདི་ལོའི་ནོ་སྦེལ་ཞི་བདེའི་གཟེངས་རྟགས་ཐོབ་མཁན་སྐུ་ཞབས་ལིག་ཞོ་པོ་ཀློད་གྲོལ་གཏོང་དགོས་པ་མ་ཟད་ཁོང་ལ་དགའ་བསུ་ཡང་ཞུ་དགོས་པ་དང་ ཉེ་ཆར་ནོ་བྷེལ་ཞི་བདེའི་གཟེངས་རྟགས་ཚོགས་ཆུང་གིས་ལིག་ཞོ་པོ་ལ་གཟེངས་རྟགས་ཐོབ་པའི་གནས་ཚུལ་བསྒྲགས་རྗེས། རྒྱ་གཞུང་གིས་ཁོང་གི་ཆུང་མ་ལིག་ཞཱ་ལ་བཀག་སྡོམ་ནན་མོ་བྱས་ཏེ། ཕྱི་ཕྱོགས་སུ་འབྲེལ་བ་བྱ་རྒྱུའི་རང་དབང་ཡོངས་སུ་འཕྲོག་ཡོད་སྟབས། ཁོ་མོར་གུ་ཡངས་ཀྱི་ཐོབ་ཐོབ་ངེས་པར་སྤྲོད་དགོསཞེས་བཀོད་ཡོད།

 

མཚན་རྟགས་བཀོད་མཁན་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ ༡༥ ནི། བོད་ཀྱི་དབུ་ཁྲིད་ཏཱ་ལའི་བླ་མ་མཆོག་དང་ལྷོ་ཨ་ཧྥི་རི་ཁའི་ཡེ་ཤུའི་ཆོས་དཔོན་ཊེ་སི་མོན་ཊོ་ཊོ་ Desmond Tutu ། ཨ་རིའི་སྲིད་འཛིན་ཟུར་པ་སྐུ་ཞབས་ཇིན་མིན་ཁ་ཊིར་ Jimmy Carter ། ལྷོ་ཨ་ཧྥི་རི་ཁའི་སྲིད་འཛིན་ཟུར་པ་ཌི་ཁི་ལིར་ཁུག་ de Klerk ། East Timor གྱི་གཙོ་འཛིན་ཁུར་ལོ་སི་བྷི་ལོ་ Bishop Carlos Belo །  ཨི་རན་གྱི་ཁྲིམས་རྩོད་པ་དང་འགྲོ་བ་མིའི་ཐོབ་ཐང་རྩོད་ལེན་པ་ཡེ་བྷ་ཌེ  Yi Badi ། བྱང་ཨར་ལན་ཌིའི་དམངས་གཙོ་ངལ་རྩོལ་ཚོགས་པའི་ཚོགས་གཙོ་ཟུར་པ་ཇོན་ཨ་མིན། John Hume ། གྷོ་ཌི་མ་ལའི་བུད་མེད་ལས་འགུལ་བ་མན་ཆོའུ་ Man Chu །  པོ་ལན་ཌིའི་སྲིད་འཛིན་ཟུར་པ་ལེ་ཆི་ཝ་ལེ་སི་ Lech Walesa ། རོམ་གྱི་རྩོམ་པ་པོ་དང་ཆབ་སྲིད་ལས་འགུལ་བ་ཝེ་སིར་ Wieser །  བྱང་ཨར་ལན་ཌིའི་བུད་མེད་ལས་འགུལ་བ་བྷི་ཊི ཝི་ལམ་སི་ Betty Williams ། ཨ་རིའི་དགེ་རྒན་ཇོ་ཌེ་ཝེ་ལམ་སིི་ Jody Williams ། ཨར་ལན་ཌིའི་ཞི་བདེ་ལས་འགུལ་བ་ཤིན་མ་ལི་ཌི མཱ་ཇིར་རི་ Shimalide • Maguire ། ཁེན་ཡ་ཁོར་ཡིག་དང་ཆབ་སྲིད་ལས་འགུལ་བ་ཝང་གྷི་རི མཱ་ཐེ་  Wangari Maathai  བྱང་ཨར་ལན་ཌིའི་བློན་ཆེན་ཟུར་བ་ ཊི་རིམ་བྷིལ Trimble བཅས་ཡིན་འདུག

གསར་འགོད་པ། དཔལ་ལྡན།

བསྐྱར་བཅོས།: ༢༠༡༧/༠༢/༡༦

Leave a Reply

4 thoughts on “ལིག་ཞོ་པོ་གློད་དུ་འཇུག་རོཊ།

  1. རྒྱ་ནག་དབུས་གཞུང་གིས་ག་དུས་ཡིན་ནའང་ཏྰ་ལའི་བླ་མ་ནི་མེས་རྒྱལ་ཁ་བྲལ་དང་མི་རིགས་མཐུན་སྒྲིལ་ལ་གཏོར་བཤིག་གཏོང་མཁན་ཞིག་ཡིན་པར་ཆེད་དུ་སྐྱོན་བརྗོད་བྱས་དང་བྱེད་བཞིན་ཡོད།

    ༸ གོང་ས་མཆོག་གིས་འཛམ་གླིང་སྤྱི་དང་ལྷག་དོན་རྒྱ་བོད་གཉིས་ཀར་ཕན་པའི་གཉིས་ཕན་གྱི་ཐབས་ལམ་བཙལ་དང་འཚོལ་བཞིན་ཡོད།

    ཡིན་ནའང་ཕྱོགས་གཉིས་ཀྱིས་ཐེངས་འདིའི་ལིའུ་ཞའོ་པོ་ཡི་ཞི་བདེའི་གཟེངས་རྟགས་དང་འབྲེལ་བའི་གནད་དོན་དེས་རྒྱ་བོད་གཉིས་ཀྱི་འབྲེལ་མོལ་ཐད་གྲུབ་འབྲས་སོན་རྒྱུར་ཕར་བཞག་དེ་ལས་ལྡོག་ཏེ་ཕན་ཚུན་ཕྱོགས་གཉིས་ཀར་ག་དུས་ཡིན་ནའང་ལྡོག་ཕྱོགས་ནུས་པ་ཞིག་ཐོན་དང་ཐོན་བཞིན་ཡོད།

  2. གྲགས་ཅན་གྱི་དབུ་ཁྲེད་རྣམས་པ་དང་མཚུངས་མེད་ཀྱི་བླ་མ་༧གོང་ས་སྐྱབས་མགོན་རིན་པོ་ཆེན་པོ་མཆོག་ལ་སོགས་པའི་ཞི་བདེའི་དད་དཔོན་རྣམས་ཀྱིས་དྲང་བདེ་ཀྱི་ཕྱོགས་ལ་ལང་པ་ལ་ཡིད་རང་ཞུ་འོས་པ་ཞིག་རེད་ལ་འོ་ཅག་བོད་མི་རྣམས་ཀྱི་དུས་རྟག་ཡུ་འབོད་བཞིན་པའི་ང་ཚོ་བོད་ལ་རང་དབང་མེད་ང་ཚོ་བོད་ལ་ཞི་བདེ་མེ་ད་ཞེས་པ་དེ་རྣམས་བདེན་པ་མཚོན་བྱེད་ཀྱང་ཡིན་

  3. ༼ ཀློད་དུ་འཇུག་རོགས་༽་ ཞེས་པའི་དོན་དེ་གང་ཡིན་ནམ་
    རྒྱ་ནག་གཞུང་ནས་ཀློད་འདོད་ཡོད་ཀྱང་གཞན་གྱིས་ཀློད་འཇུག་གི་མེད་དམ་