བོད་མི་ ༡༠༠༠ ཁེ་ན་ཌར་ལེན་འཆར།

 

ཕྱི་ཚེས་ ༡༢ ཉིན་ཁེ་ན་ཌར་གནས་སྡོད་བསོད་ནམས་འོད་ཟེར་ལགས་ཀྱིས་འདི་གའི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཁེ་ན་ཌ་ཊོ་རོན་ཊོ་ཨོན་ཊེ་རི་ཡོ་བོད་རིགས་སྤྱི་འཐུན་ཚོགས་པའི་གོ་སྒྲོག་འོག ༧གོང་ས་མཆོག་གིས་ནོ་བྷེལ་ཞི་བདེའི་གཟེངས་རྟགས་བཞེས་ཏེ་མི་ལོ་ཧྲིལ་བོ་ ༢༡ འཁོར་བའི་དུས་དྲན་སྲུང་གཙི་བྱས་སོང་།

མཛད་སྒོའི་སྐུ་མགྲོན་གཙོ་བོར་ཁེ་ན་ཌའི་ཕྱི་མི་གཞིས་སྤོར་ལྷན་ཁང་གི་བློན་ཆེན་མཆོག་ཆེད་ཕེབས་གནང་སྟེ། ༧གོང་ས་མཆོག་གི་མཛད་འཕྲིན་ལ་བསྔགས་བརྗོད་མཛད་པ་དང་སྦྲགས། ལོ་གསར་བའི་ནང་དུ་བོད་མི་ཆིག་སྟོང་ཙམ་ཁེ་ན་ཌའི་ནང་སྐྱབས་བཅོལ་དུ་ལེན་རྒྱུར་དབུས་གཞུང་ནས་ཆོག་མཆན་བཀའ་འཁྲོལ་ཐོབ་ཟིན་པའི་ཁྱབ་བསྒྲགས་གནང་སོང་ཟེར།

བསོད་ནམས་འོད་ཟེར་གྱིས། སྤྱིར་བཏང་༧གོང་ས་མཆོག་གིས་ལོ་ཤས་སྔོན་ནས་བཟུང་ཁེ་ན་ཌའི་སྲིད་བློན་མཆོག་ལ་བོད་མི་རྣམས་སྐྱབས་བཅོལ་དུ་ལེན་རྒྱུའི་རེ་སྐུལ་གནང་ཡོད་པ་རེད་ལ། བོད་རིགས་སྤྱི་མཐུན་ཚོགས་པས་ཀྱང་ཁེ་ན་ཌའི་དབུས་གཞུང་ལ་ནན་བསྐུལ་ཐེངས་མང་ཞུས་ཡོད་པ་པ་ལྟར། ཐེངས་འདིར་དངོས་སུ་ཐག་གཅོད་བྱུང་སྟེ་ཁྱབ་བསྒྲགས་བྱས་པ་རེད་ཟེར།

ཡང་ཁོང་གིས་གནས་ཚུལ་དེ་དང་འབྲེལ་ཏེ་བརྗོད་དོན། ད་ལྟའི་ཆར་གྲོང་ཁྱེར་འདིའི་ནང་གཏན་སྡོད་བོད་མི་དྲུག་སྟོང་ཙམ་ཡོད་པའི་ཚོད་དཔག་བྱེད་ཀྱིན་ཡོད་ལ། འབྱུང་འགྱུར་གྱི་ལོ་དྲུག་བདུན་ནང་བོད་མི་ཆིག་ཁྲི་ལས་བརྒལ་རྒྱུ་རེད། ང་ཚོའི་ས་ཁུལ་འདིར་བོད་རིགས་མང་པོ་ཡོད་སྟབས་དུས་རྒྱུན་གྱི་མཛད་སྒོ་རིགས་ཀྱི་སྟེང་ཧ་ཅང་འཁྲུགས་ཆ་དོད་པོ་ཡོད་ན་ཡང་། ཐེངས་འདིའི་༧གོང་ས་མཆོག་གི་ཞི་བདེའི་གཟེངས་རྟགས་ཀྱི་ཉིན་མོར་གནམ་གཤིས་གྲང་མོ་ཡིན་སྟབས་མི་མང་བོ་བསླེབས་མི་འདུག ཅེས་ངོ་སྤྲོད་གན་བྱུང་།  

 

གསར་འགོད་པ། ཨ་རིག་འགྱུར་མེད།

བསྐྱར་བཅོས།: ༢༠༡༧/༠༢/༡༦

Leave a Reply

19 thoughts on “བོད་མི་ ༡༠༠༠ ཁེ་ན་ཌར་ལེན་འཆར།

  1. གཡེར་དྲིལ།

    ཡང་བསྐྱར་སྐུ་དྲག་ཚང་གི་ཉེ་འབྲེལ་ཡོངས་ལ་གོ་སྐབས་རག་པ་ཙམ་ལས། ཉམས་ཆུང་བོད་མི་དཀའ་ངལ་དངོས་ཡོད་མཁན་ཚོར་གོ་སྐབས་དེ་རིགས་སྤྲོད་མི་ཐུབ་པ་ཧ་གོ་གི

  2. ལུང་རྟོགས།

    གཏམ་འདི་ཐོས་སྐབས་འཇིག་སྐྲག་ཞིག་སྐྱེས་སོང་། བོད་པ་ཚོ་འདི་ལྟར་ཕྱི་རྒྱལ་གྱི་སྤྱི་་ཚོགས་ཆེན་པོའི་ནང་སིམ་འགྲོ་རྒྱུ་ཡིན་པ་ཐག་གི་ཆོད།

  3. ཁ་བའི་མེ་ཏོག

    བོད་མི་མིརེ་ངོ་རེ་སོ་སོའི་ཉིན་རེའི་འཚོ་བ་དེ་གཞན་རྟེན་སྲིན་འབུ་འདྲ་བྱེད་མ་དགོས་པར་སོ་སོའི་རྐང་པའི་སྒང་ཡར་ལངས་ཐུབ་རྒྱུ་དེ་ངའི་རེ་བ་ཆེ་ཤོས་ཡིན།