ཁོར་ཡུག་སྲུང་སྐྱོབ་ལས་འགུལ།

 

ཉིན་འདི་འགར་མེག་སི་ཀོའི་གྲོང་ཁྱེར་ཁེན་ཁོན་ cancun ནང་འཛམ་གླིང་ཁོར་ཡུག་གི་གནད་དོན་ཐོག་བགྲོ་གླེང་ཚོགས་འདུ་འཚོགས་བཞིན་པའི་སྐབས་འདིར། ལྡི་ལི་བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག ཟླ་འདིའི་ཕྱི་ཚེས་ ཉིན་གྱི་ཕྱི་དྲོའི་ཆུ་ཚོད་ ༡་༣༠ ཐོགལྡི་ལི་གཙུག་ལག་སློབ་ཆེན་གྱི་བོད་རིགས་སློབ་མ་གཙོས་པའི་རྒྱ་གར་དང་ཉི་ཧོང་སློབ་མ་ ༧༠ ཙམ་གྱིས། སློབ་ཆེན་དེའི་གཞུང་ལམ་སྟེང་རྒྱ་གཞུང་གིས་བོད་ཀྱི་ཁོར་ཡུག་གཏོར་སྐྱོན་གཏོང་བཞིན་པར་ཞི་བའི་གོམ་བགྲོད་དང་། བོད་ཀྱི་ཁོར་ཡུག་སྐོར་གྱི་ཡིག་ཆ་འགྲེམས་སྤེལ་བྱས་འདུག

འདིའི་ཐད་ལས་འགུལ་ནང་ཞུགས་མཁན་སློབ་མ་ཚེ་རིང་བཀྲ་ཤིས་ལགས་ཀྱིས་འདི་ག་གསར་ཁང་ལ་བརྗོད་དོན། སའི་གོ་ལའི་ཚ་དྲོད་ཀྱི་དབང་གིས་བོད་མཐོ་སྒང་གི་འཁྱགས་རོམ་ལོ་རེ་བཞིན་ཇེ་ཉུང་དུ་འགྲོ་གི་ཡོད། ས་གཤིས་རིག་པ་བ་ཚོས་ཕྱི་ལོ་ ༢༠༣༥ ལོའི་མཚམས་སུ་བོད་ཀྱི་འཁྱགས་རོམ་ཚང་མ་བཞུས་ཚར་རྒྱུའི་རོབ་རྩིས་རྒྱག་གི་ཡོད་ལ། དེ་ནི་རྒྱ་གཞུང་གིས་བོད་ཀྱི་ཁོར་ཡུག་ཐོག་ཚད་ལས་བརྒལ་བའི་བཙོག་བཟོ་བྱས་པའི་རྐྱེན་གྱིས་རེད། ཅེས་དང་།

ཐེངས་འདིའི་ལས་འགུལ་སྐོར་ལ་ཁོང་གིས། དེང་སྐབས་མེག་སི་ཀོར་འཛམ་གླིང་ཁོར་ཡུག་ཚོགས་འདུ་འཚོགས་བཞིན་ཡོད་དུས། སྐབས་འདི་དང་བསྟུན་ཏེ་ང་ཚོས་ལས་འགུལ་སྤེལ་ན་ཚོགས་ཆེན་ཐོག་བོད་དོན་གླེང་སློང་ཡོང་རྒྱུར་ཕན་གྱི་རེད། ང་རང་འདུག་སའི་ལྡི་ལི་གཙུག་ལག་སློབ་གྲྭ་འདི་མ་གཞི་སྐད་གྲགས་ཆེན་པོ་ཡིན་ཡང་། སློབ་ཆེན་འདིར་བོད་ཀྱི་ཁོར་ཡུག་སྐོར་ཤེས་རྟོགས་ཡོད་མཁན་གྱི་སློབ་མ་ཧ་ཅང་དཀོན་པོ་ཡིན་པ་མ་ཟད། བོད་དང་༧གོང་ས་མཆོག་གི་མཚན་ཙམ་ཡང་མ་ཐོས་མཁན་མང་པོ་མཐོང་རྒྱུ་ཡོད་སྟབས། ང་ཚོས་རྒྱ་གར་ནང་བོད་ཀྱི་ཁོར་ཡུག་གལ་ཆེན་རང་བཞིན་སྐོར་རྒྱ་གར་མི་དམངས་ལ་གོ་རྟོགས་སྤེལ་རྒྱུ་གནད་འགག་ཅིག་ཆགས་འདུག ཅེས་བརྗོད་སོང་།   

གསར་འགོད་པ། དཔལ་ལྡན།

བསྐྱར་བཅོས།: ༢༠༡༧/༠༢/༡༦

Leave a Reply