གྷ་ཌ་ཧྥེ་བསད་འདུག


ད་ལྟ་རང་བྷེ་བྷེ་སི་( BBC)བརྙན་འཕྲིན་ཁང་གིས་གནས་ཚུལ་ཐད་གཏོང་བྱེད་བཞིན་པ་ལྟར་ན། ཆུ་ཚོད་སྐར་མ་ ༦ གི་གོང་དུ་ལེ་བྷེ་ཡའི་སྲིད་དབང་སྒེར་གཅོད་པ་གྷ་ཌ་ཧྥེ་(Gaddafi )ལེ་བྷེ་ཡའི་རྒྱལ་ས་ཊི་རེ་པོ་ལེ་ཡི་(Sirtefalls)ཞེས་པའི་ས་གནས་ཀྱི་ས་འོག་གི་ཆུ་ཡུར་སྦུབས་ལམ་ཞིག་ཏུ་སྦེད་སྐུང་བྱས་ཡོད་པ་རྒྱལ་ཁབ་བར་བརྒལ་ཚོགས་པ་( NTC )ཞེས་པའི་འཐབ་མོ་བ་དག་གིས་དམར་གསོད་བཏང་ཡོད་འདུག དེ་བཞིན། གྷ་ཌ་ཧྥེ་ཡི་བུ་མའུ་ཊ་སེམ་( Mutasim)ཟེར་བ་བསད་པའི་ཕུང་བོ་ཡང་རག་ཡོད་ཚུལ་རྒྱང་སྲིང་བྱེད་བཞིན་འདུག 

གྷ་ཌ་ཧྥེ་བསད་པའི་གནས་ཚུལ་ཕྱིར་བསྒྲགས་བྱས་མ་ཐག་ལེ་བྷེ་ཡའི་རྒྱལ་ས་ཊི་རེ་པོ་ལེ་གྲོང་ཁྱེར་གྱི་སྲམ་ལམ་ཁག་ཏུ་མི་མང་དང་དམག་མི་ཚོས་དགའ་སྤྲོའི་མཆོངས་ལྡིང་བྱེད་པ་དང་སྤྲོ་སྐྱིད་གཏོང་བ། ཤོག་སྦག་སྒྲོན་པ། གྷ་ཌ་ཧྥེ་ཡི་པར་མེར་བསྲེགས་གཏོང་བ་སོགས་བྱས་ཏེ་དགའ་སྤྲོའི་རྣམ་པ་ཤུགས་ཆེན་སྟོན་བཞིན་འདུག

དབྱིན་ཡུལ་གྱི་སྲིད་བློན་ཁ་མེ་རོན་(David Cameron)དང་། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཁེ་མོན་བཅས་ཀྱིས་གསར་འགོད་གསལ་བསྒྲགས་བསྐྱངས་ཏེ། དེ་རིང་ལེ་བྷེ་ཡའི་སྲིད་འཛིན་གྷ་ཌ་ཧྥེ་བསད་པ་ནི། ལེ་བྷེ་ཡའི་མི་མང་ལ་སྤྲོ་སྐྱིད་ཀྱི་དུས་ཚོད་གསར་པ་ཞིག་འཆར་བ་རེད་ལ། ལོ་རྒྱུས་རང་བཞིན་གྱི་ལེ་བྷེ་ཡའི་སྲིད་དབང་སྒེར་འཛིན་གཞུང་མཇུག་བསྒྲིལ་ཏེ། མི་མང་ལ་དམངས་གཙོ་དང་ཞི་བདེ་ཡོང་རྒྱུར་རེ་བ་གསར་པ་ཞིག་བསླེབས་པ་རེད། མ་འོངས་པར་རྒྱལ་སྤྱི་དང་མང་ཚོགས་ཀྱི་རྒྱབ་སྐྱོར་འོག་གཞུང་གསར་པ་བཙུགས་ཏེ། དམངས་གཙོའི་འོས་བསྡུ་ཡི་ལམ་ནས་མགོ་འཁྲིད་གསར་པ་བསླེབ་རྒྱུར་རེ་བ་བྱེད་ཀྱི་ཡོད་ཅེས་ཀྱི་བསྒྲགས་གཏམ་སྤེལ་སོང་།

ཞིབ་ཕྲའི་གནས་ཚུལ་རྗེས་ནས་འགོད་རྒྱུ་ཡིན།

 

བསྐྱར་བཅོས།: ༢༠༡༤/༠༣/༢༦

Leave a Reply

44 thoughts on “གྷ་ཌ་ཧྥེ་བསད་འདུག

  1. མངའ་རིས་བུ།

    དྲང་པོར་བཤད་ན་ངས་གྷ་དྷ་ཕྷི་ཡིས་རང་གི་མི་དམངས་ལ་སྡུག་སྦྱོང་དང་དབང་ཆ་གཅིག་བསྡུད་ཟེར་བ་ལས་སོགས་གང་ཞིག་བཏངས་ཡོད་མེད་རྒྱུས་མངའ་རྩ་བ་ཉིས་ནས་མེད་མཁན་ཞིག་ཡིན་བྱས་ཙང་ཁོ་ལ་སྐྱོན་བརྗོད་ཀྱང་བརྗོད་ཐུབ་པ་མི་འདུག
    དར་གྲོགས་ཚོས་སྐྱོན་བརྗོད་མང་པོ་ཞིག་བྱེད་ཡོང་གི་འདུག་པས་ཁྱེད་ཚོས་ཞིབ་ཕྲའི་གནས་ཚུལ་མཁྱེན་གྱི་ཡོད་ན་གཅིག་གསུང་རོགས།

  2. གཉན་ཆེན་ཐང་ལྷ་

    སྙིང་རྗེ། བླ་རྒན་ཞིག་འདྲ་བོ་དེ་བསད་པ་ལས་གསོན་པོར་བཞག་ན། སྡུག་བསྔལ་དེ་ལས་ཆེ་བ་ཡོང་གི་རེད། ཁོ་བསད་པ་ཅུང་ཟད་སྔ་དྲག་སོང་།

  3. གྷ་ཌ་ཧྥེ་ཡི་ནོར་འཁྲུལ་ཆེ་ཤོས་ནི་རང་གི་མི་དམངས་ལ་རང་གིས་དགྲ་བསགས་པ་དེ་ཡིན་པ་རེད། གནས་ཚུལ་དེ་ལ་ཐུག་ཚར་དུས་དབང་ཆ་རྩིས་སྤྲོད་བྱས་ཏེ་མི་དམང་ལ་དགོངས་དག་ཞུས་ན་ལམ་ཁ་ཡོད་པར་འདོད། འདི་ནི་བྷན་ལ་དྷན་སྟོབས་ཆེན་ཨ་རི་བའི་ཁ་རྩ་ནས་མི་ལོ་བཅུ་གབ་ཐུབ་ཀྱང་གྷ་ཌ་ཧྥེ་རང་གི་གྱེན་ལོག་ཤོག་ཁག་ལ་ཟླ་བ་གཅིག་ལ་གབ་མ་ཐུབ་འདིས་མཚོན་ཡོད་པ་རེད་སྙམ།