ཝ་ར་ཎ་སིའི་སློབ་ཕྲུག་ཅིག་གིས་རང་ལུས་མེར་བསྲེགས་གནང་འདུག

དེ་རིང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཝ་ར་ཎ་སིའི་སློབ་ཕྲུག་ཚོར་བཀའ་སློབ་གནང་བཞིན་པའི་སྐབས་སུ་བོད་པའི་སློབ་ཕྲུག་བསྟན་འཛིན་ཆོས་དབྱངས་ཞུ་བ་ཞིག་གིས་རང་ལུས་མེར་བསྲེགས་གནང་ཡོད་འདུག

སློབ་ཕྲུག་བསྟན་འཛིན་ཆོས་དབྱངས་ཝ་ར་ཎ་སི་མཐོ་སློབ་ཀྱི་དབུ་མ་གོང་མིའི་འཛིན་རིམ་དང་པོའི་སློབ་མ་ཡིན་པ་དང་། ཁོང་གིས་དེ་རིང་སྔ་དྲོའི་ཆུ་ཚོད་ ༡༠ ཡས་མས་ཤིག་ལ་སློབ་གྲྭའི་བུའི་ཉལ་ཁང་རྒྱལ་སྒོའི་ཉེ་འགྲམ་དུ་རང་ལུས་མེར་བསྲེགས་གནང་ཡོད་ཅིང་། ཁོང་ད་ལྟ་རང་ལོ་ ༢༠ ཡིན་འདུག

ད་ལྟ་ཁོང་སྨན་ཁང་དུ་སྨན་བཅོས་བྱེད་བཞིན་ཡོད་པ་དང་གཟུགས་པོའི་བརྒྱ་ཆ་ ༥༠ ལྷག་མེ་སྐྱོན་བྱུང་ཡོད་འདུག་ལ། ཁོང་ནི་རྒྱ་གར་ལྷོ་ཕྱོགས་ཀོ་ལི་གྷལ་དོན་ལྡན་གླིང་གཞིས་ཆགས་ནས་ཡིན་པ་དང་། ཁོང་གིས་ཐེངས་འདིར་རང་ལུས་མེར་བསྲེགས་གནང་དོན་བོད་པའི་རྩ་དོན་ཆེད་ཡིན་སྐོར་བརྗོད་ཡོད་འདུག

ཁ་སང་ཕྱི་ཚེས་ ༡༣ ཉིན་གྱི་སྔ་དྲོར་སྲིད་སྐྱོང་བློ་བཟང་སེང་གེ་མཆོག་བྷེ་ཧྭར་མངའ་སྡེའི་ནང་ཕེབས་འབྱོར་བྱུང་སྟེ། ན་ལེཎ་ཊ་དང་བྱ་རྒོད་ཕུང་པོ་རི་གཉིས་ལ་གནས་མཇལ་གནང་ཡོད་པ་དང་། ཕྱི་དྲོར་ཝ་ར་ཎ་སའི་སློབ་གྲྭར་ཕེབས་ཏེ་ཞི་བ་འཚོའི་དཔེ་མཛོད་ཁང་དུ་གཟིགས་སྐོར་གནང་ཡོད་འདུག

བསྐྱར་བཅོས།: ༢༠༡༧/༠༧/༡༤

Leave a Reply

16 thoughts on “ཝ་ར་ཎ་སིའི་སློབ་ཕྲུག་ཅིག་གིས་རང་ལུས་མེར་བསྲེགས་གནང་འདུག

  1. ༄༅། བསྟན་འཛིིན་ཆོས་དབྱངས་ལགས་་་སུ་དང་སུས་ཆེད་དུ་ལུས་པོ་མེ་ལ་སྲེག་ཐབས་བྱས་པ་རེད།
    དངོས་གནས་བོད་དོན་ཆེད་ཡིན་ན་་གསུམ་བཅུའི་དུས་དྲན་ཉིན་བྱེད་དགོས་པ་རེད། དེ་ཡང་ལྡི་ལི་ལ་ཕྱིན་ནས་རྒྱ་མིའི་
    གཞུང་ཚབ་ཀྱི་ལས་ཁུངས་མདུན་དུ་ལས་འགུལ་འདི་སྤེལ་བ་ཡིན་ན་གསལ་བསྒྲགས་ཆེ་ཙམ་ཡོང་ས་རེད་། དེ་ལ་དཔའ་བོ་ཟེར་ཡང་
    འགྲིགས་པ་རེད། དེ་མིན་སུ་གཅིག་གི་མ་ཤེས་པར་རང་ཉིད་གཅིག་པུ་ལུས་པོ་་་་མེ་ལ་སྲེག་ན་ཆོ་གང་ཡང་མི་འདུག་
    འདིའི་སྐོར་ལ་སྐད་ཅ་འདྲ་མིན་མང་པོ་བཤད་ཀྱི་འདུག་
    སྲིད་སྐྱོང་ལ་ངོ་རྒོལ་བྱས་པ་རེད་ཟེར་གྱི་འདུག་ ཡང་མིན་ན་སེམས་ཐང་ཐང་ཨེ་ཡིན་སོགས་བཤད་ཀྱི་
    ལར་ནས་བོད་ནང་ལ་ཡིན་ན་རྒྱ་དམར་ལ་ངོ་རྒོལ་གྱིས་རང་ལུས་མེར་བསྲེགས་བཏང་གི་ཡོད་པ་རེད་། དེ་ཚོ་དཔའ་བོ་རེད།
    དེ་མིན་དཔའ་བོ་་དཔའ་བོ་ཞེས་ལབ་རྒྱུ་མི་འདུག་ ཆོ་ཅང་མི་འདུག་ སྨན་གྲོན་ཆེ་རོགས་རེད།
    བོད་ལ་དངོས་འབྲེལ་གྱི་ཞེན་པ་ཡོད་ན་རང་ཉིད་སྐབས་སུ་བབ་པའི་སློབ་སྦྱོང་ཡག་པོ་བྱེད་ནས་རང་མི་རིགས་ཀྱི་དོན་དུ་ལས་དོན་བྱེད་
    རྒྱུུ་མང་དག་ཡོད་པ་རེད།

  2. ངོ་རྒོལ་སུ་ལ་བྱེད་ཀྱི་ཡོད་མེད་ད་དུང་ཤེས་མ་སོང་བས་ དངོས་གནས་སྙིང་རྗེ་ཡ་རང་རེད་ གལ་ཏེ་ད་དུང་ཤེས་མ་སོང་ན་ཁྱེད་རང་གི་ཕ་མ་གཉིས་ལ་སྐད་ཆ་དྲིས་ ཅི་ཕྱིར་ང་ཚོ་བཙན་བྱོལ་ལ་གྱལ་དགོས་བྱུང་རེད་ཞེས་སྐད་ཆ་དྲིས་ ད་དུང་གཡོ་རྒྱུ་དབང་གིས་མ་ཤེས་མདོག་སྡད་བྱེད་ནས་གཞན་ལ་སྐྱོན་འཛུགས་བྱ་དགོས་བསམ་གྱི་སྡད་ན་སྙིང་རྗེ་བྱ་ཡུལ་ཁྱི་འཁྱམ་ཞིག་ཏུ་གཅིག་མཚུངས་རེད་་་