བོད་རིཊ་འདྲིས་མའི་ཚོཊ་འདུ་འཚོཊ་བཞིན་འདུག

བོད་རིགས་འདྲིས་མའི་ཚོགས་འདུ་ཐེངས་གསུམ་པའི་འགན་འཁུར་བས་འཛམ་གླིང་གི་ཡུལ་ཕྱོགས་གང་སར་འཐོར་བའི་བོད་རིགས་འདྲིས་མའི་གཞོན་སྐྱེས་ཚོས་དྲ་ལམ་བརྒྱུད་བར་ཐག་རིང་བའི་དཀའ་ངལ་སེལ་ཐབས་བྱེད་ཀྱི་ཡོད་སྐོར་བརྗོད་བྱུང་།

བོད་མིའི་སྒྲིག་འཛུགས་ཀྱི་གོ་སྒྲིག་འོག ཕྱིའི་རྒྱལ་ཁབ་ཁག་གི་བོད་རིགས་འདྲེས་མའི་ཚོགས་འདུ་ཐེངས་གསུམ་པ་དེ་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་། ཟླ་འདིའི་ཕྱི་ཚེས་ ༩ ནས་ ༡༣ བར་འཚོགས་བཞིན་འདུག ཚོགས་འདུའི་ནང་འཛམ་གླིང་ཤར་ནུབ་ཀྱི་རྒྱལ་ཁབ་ཁག་ ༡༠ ནས་རང་ལོ་ ༡༤ ནས་ ༤༡ བར་གྱི་བོད་རིགས་འདྲེས་མའི་ན་གཞོན་ ༡༤ ལྷག་འཛོམས་ཡོད་པ་དང་། ཚོགས་འདུའི་ཉིན་ལྔ་རིང་ཕྱིའི་རྒྱལ་ཁབ་ཁག་ནང་ཡོད་པའི་བོད་རིགས་འདྲེས་མ་ཕན་ཚུན་ངོ་སྤྲོད་དང་བསམ་ཚུལ་བརྗེ་རེས། བོད་པའི་ངོ་བོ་གཅེས་སྲུང་གནང་ཕྱོགས་བཅས་ཀྱི་སྐོར་བགྲོ་གླེང་གོ་བསྡུར་གནང་བཞིན་ཡོད་འདུག

ཚོགས་འདུའི་འགན་འཁུར་བ་བོད་སོག་འདྲེས་མ་ཀུན་བཟང་སྐལ་ལྡན་ལགས་ཀྱིས་འདི་གའི་གསར་འགོད་པར་ཚོགས་འདུའི་དགོས་དམིགས་སྐོར་ངོ་སྤྲོད་གནང་དོན། ད་ལྟའི་བོད་ཀྱི་གནས་བབ་འདིའི་འོག་ནས་བོད་མི་མང་པོ་ཞིག་འཛམ་གླིང་གི་ཕྱོགས་གང་སར་ཁ་འཐོར་དུ་ཕྱིན་ཡོད་པར་བརྟེན། བོད་ཀྱི་སྤྱི་ཚོགས་ཤིག་གི་ནང་འཚར་ལོངས་མ་བྱུང་བའི་བོད་རིགས་འདྲེས་མ་ཞིག་ལ་ཆ་བཞག་ན། རང་གི་རིག་གཞུང་དང་སྐད་ཡིག་མ་ཤེས་པ་ཙམ་མིན་པར་ཕན་ཚུན་འབྲེལ་འདྲིས་མ་ཐུབ་པ་དེའང་དཀའ་ངལ་ཆེ་ཤོས་ཤིག་ཡིན་སྟབས། ཚོགས་འདུ་འདི་བརྒྱུད་ནས་ང་ཚོས་བོད་རིགས་འདྲེས་མ་ཕན་ཚུན་འབྲེལ་བ་ཡོང་ཐབས་བྱེད་ཀྱི་ཡོད་པ་མ་ཟད། རང་གི་ཆོས་དང་སྐད་ཡིག་རིག་གཞུང་། དེ་བཞིན་ལོ་རྒྱུས་རྣམས་ལ་རྒྱུས་ལོན་བྱེད་ཐབས་དང་། བོད་རིགས་འདྲེས་མ་ཕན་ཚུན་བར་དངོས་སུ་ཐུག་འཕྲད་ཀྱིས་སོ་སོའི་ངོ་བོ་འཚོལ་བ་དང་བསམ་ཚུལ་བརྗེ་ལེན་བྱེད་ཀྱི་ཡོད། དེང་སྐབས་འཛམ་གླིང་གི་ཕྱོགས་གང་སར་ཁྱབ་ཡོད་པའི་བོད་རིགས་ཚང་མ་ས་ཆ་ཞིག་ཏུ་མཉམ་གནས་ཐུབ་ཐབས་བྲལ་སྟབས། ཚོགས་འདུ་འདི་བརྒྱུད་ནས་ང་ཚོ་ཕན་ཚུན་གཅིག་གིས་གཅིག་འཚོལ་དགོས་ན་ལས་སླ་མོའི་ཐོག་འབྲེལ་བ་བྱེད་ཐུབ་པའི་ཐབས་ལམ་འཚོལ་གྱི་ཡོད་པ་རེད། ཅེས་བརྗོད་བྱུང་།

ཡང་ཁོང་གིས། ལོ་ཤས་གོང་ནས་ང་ཚོས་བོད་རིགས་འདྲེས་མ་ཕན་ཚུན་འབྲེལ་ལམ་འཛུགས་ཐབས་བྱས་པ་ཡིན། ཐོག་མར་ང་ཚོས་རྒྱ་དྲྭ་བརྒྱུད་འགེང་ཤོག་བཟོས་ཏེ། གལ་ཏེ་བོད་རིགས་འདྲེས་མ་ཕན་ཚུན་ཐུག་འཕྲད་ཀྱིས་ཚོགས་འདུ་བགྲོ་གླེང་དེ་འདྲ་གོ་སྒྲིག་བྱས་ན་འདོད་མོས་ཡོད་མེད་སྐོར་སྐད་ཆ་དྲིས་རྗེས། ང་ཚོས་བོད་རིགས་འདྲེས་མ་ཞེས་པའི་ངོ་དེབ་དང་དྲ་ཚིགས་ཁ་ཤས་ཤིག་བཟོས་ནས་ཕན་ཚུན་འབྲེལ་ལམ་བྱེད་མགོ་བརྩམས་པ་ཡིན། ང་ཚོས་དེང་སྐབས་ཀྱི་སྤྱི་ཚོགས་དྲ་ལམ་དང་རྒྱ་དྲྭ་དེ་ཚོ་བེད་སྤྱོད་གཙོ་བོ་བྱས་ཏེ། ང་ཚོ་ཕན་ཚུན་འབྲེལ་ལམ་བྱེད་མ་ཐུབ་པའི་དཀའ་ངལ་དང་བར་ཐག་དེ་སེལ་ཐབས་བྱེད་ཀྱི་ཡོད། ཅེས་བརྗོད་བྱུང་།

ཟླ་འདིའི་ཕྱི་ཚེས་ ༩ ཉིན་གྱི་སྔ་དྲོར་བོད་རིགས་འདྲེས་མའི་ཚོགས་བཅར་བ་རྣམས་ཀྱིས་༧གོང་ས་རྒྱལ་བ་རིན་པོ་མཆོག་ལ་མཇལ་བཅར་ཞུས་ཡོད་པ་དང་། སྐབས་དེར་༧གོང་ས་མཆོག་ནས་བོད་རིགས་འདྲེས་མ་ཡིན་རུང་ཚང་མ་མི་གཅིག་གྱུར་གྱི་འདུ་ཤེས་འཛིན་རྒྱུ་གལ་ཆེན་པོ་ཡིན་པར་མ་ཟད། ནང་ཆོས་ཀྱི་ལྟ་གྲུབ་དང་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་ལ་སློབ་སྦྱོང་གནང་རྒྱུ་ཡང་གལ་ཆེན་པོ་ཡིན་པ་དང་། དེ་ལྟར་ཡོང་བར་གཙོ་བོ་བོད་སྐད་ཡིག་སྦྱོང་རྒྱུ་ནི་ཧ་ཅང་གལ་འགངས་ཆེན་པོ་ཡིན་པའི་བཀའ་སློབ་ལམ་སྟོན་གནང་ཡོད་འདུག སང་ཉིན་ཕྱི་དྲོར་ཁོང་རྣམ་པས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ལ་མཇལ་འཕྲད་ཞུ་རྒྱུ་ཡིན་འདུག

ད་རེས་བཞུགས་སྒར་དྷ་རམ་ས་ལར་ཚོགས་པའི་ཕྱི་རྒྱལ་ཡུལ་གྲུ་ཁག་གི་བོད་རིགས་འདྲེས་མའི་ཚོགས་འདུ་དེ་ཚོགས་ཐེངས་གསུམ་པ་ཆགས་ཡོད་པ་དང་། ཚོགས་འདུ་ཐེངས་དང་པོ་དེ་ ༢༠༡༤ ལོར་དབྱིན་ཇིའི་རྒྱལ་ས་ལོན་ཊོན (London) དང་། ཚོགས་ཐེངས་གཉིས་པ་དེ་སུད་སིའི་གྲོང་ཁྱེར་རྫོ་རེག་ (Zurich) ནང་ཚོགས་ཡོད་པ་དང་། ཚོགས་འདུ་ཐེངས་བཞི་པ་དེ་ཨ་རིའི་ནང་འཚོགས་འཆར་ཡོད་འདུག

གསར་འགོད་པ། ཉི་མ་ཚེ་རིང་།

 

བསྐྱར་བཅོས།: ༢༠༡༧/༡༠/༡༡

Leave a Reply

7 thoughts on “བོད་རིཊ་འདྲིས་མའི་ཚོཊ་འདུ་འཚོཊ་བཞིན་འདུག

  1. ༄༅། ད་ལེན་བོད་རིགས་འདྲེས་མའི་ཚོགས་འདུ་རྡ་སར་ཚོགས་པ་དང། ༧གོང་ས་སྐྱབས་མགོན་ཆེན་པོ་མཆོག་
    མཇལ་བཅར་སྐབས་ཀྱང་བཀའ་སློབ་བཀའ་དྲིན་གནང་བ་། སྲིད་སྐྱོང་ནས་ཀྱང་བཀའ་སློབ་གནང་བ་སོགས་
    ཡག་པོ་བྱུང་སོང། ཁྱེད་རྣམས་ལ་ངས་བཀྲིས་བདེ་ལེགས་ཞུ་གི་ཡོད།
    བོད་རིགས་འདྲེས་མ་བྱུང་བ་ནི་རྒྱུ་རྐྱེན་མང་པོའི་ཐོག་ནས་བྱུང་བ་རེད་།
    བསམ་ཚུལ་གང་ཡང་མེད། ལེགས་སོ་ཞུ་གི་ཡོད། ངས་བསམ་ཚུལ་ལ་ཁྱེད་རང་ཚོའི་ངོས་ནས་བོད་རིགས་འདྲེས་མའི་
    ཚོགས་ཆུང་གཅིག་བཙུག་ན་མ་འོངས་པར་ཕན་གྲོགས་ཡག་པོ་ཡོང་ས་རེད་བསམ་གྱི་ཡོད།

  2. གཞུང་པ་ཚེ་དབང་བསོད་ནམས་ཡ

    ཤ་དང་ཁྲག་བོད་མི་རིགས་ལས་ཆད་པའི་ཕྲུ་གུ་འདྲྈགི་མ་རེད་སྐད་ཆ་བཤད་སྟངས་དང་བསམ་བློ་གཏོང་སྟངས་ཡག་པོ་འདུག་ལ་གོང་ས་མཆོག་ལ་མཇལ་ཁ་ཞུས་པ་ནས་རླབས་ཆེན་གྱི་བསོད་ནམས་བསག་པ་རེད་ཐུགས་རྗེ་ཆེ་བཀྲིན་ཆེ་།

  3. Actually I really accept it because usually I used to drink one cup of pure milk and similarly I used to buy an organic eatable foods from market. So I mean that we normally buy those vegetables and other eatable things which was mixed with chemical bounds rather then we neglect it so similarly those our mixed new generation are coming forward with their inner sense of oneness of Tibetan Nationalism was a very appreciable and positive impression. I think that we must be proud of our self that during our critical situation even those mixed younger generation has determined to come and joined their shoulder to shoulder with us so this indicates that we the Tibetans are as a refugee even though we have a capability to struggle for our rights with sustain ability So, negligent our people is an negligence of our unique.