གསར་འགོད་པ་གཉིས་ཀྱི་ས་མིག་ཡོད།

གསར་འགོད་པའི་ས་མིག་གསལ་བསྒྲགས།

༄༅།། འདི་ག་བོད་ཀྱི་དུས་བབ་གསར་ཁང་ལ་གསར་འགོད་པ་གཉིས་ཀྱི་ས་མིག་ཡོད་པས། ལས་གནས་འདིར་ཞུགས་འདོད་ཡོད་རིགས་ཚོས་འོག་གི་ཆ་རྐྱེན་ལྟར་སྙན་ཞུ་འབུལ་རོགས། ས་མིག་འདིའི་ལས་འགན་གཙོ་བོ་གསར་འགོད་པ་དང་དྲ་བརྙན་ཕབ་ལེན། ཡིག་སྒྱུར་སོགས་ཡིན།

དགོས་ངེས་ཆ་རྐྱེན།
༡།  བོད་ཡིག་གཙོ་བོར་བྱས་ཏེ་སྐད་ཡིག་གཉིས་པ་དབྱིན་ཡིག་དང་རྒྱ་ཡིག་གང་རུང་རང་སྐྱ་འཕེར་བ།
༢།  རང་བཙན་ལག་དེབ་ཀྱི་དཔྱ་དངུལ་དུས་ཐོག་ཏུ་ཕུལ་ཟིན་པ།
༣།  རྒྱ་གར་ནང་གནས་སྡོད་ཆོག་པའི་ལག་འཁྱེར་ R.C ཡོད་པ།

གསལ་བཤད།
༡།  འདི་གར་སྙན་ཞུ་འབྱོར་རིམ་ལྟར་ལས་ཀའི་ཉམས་མྱོང་དང་ཤེས་ཚད། ཆ་རྐྱེན་སོགས་ལ་བལྟས་ཏེ་ཐད་ཀར་འདེམ་པའམ་ཡིག་རྒྱུགས་གང་རུང་གི་ལམ་ནས་འདེམས་སྒྲུག་བྱ་རྒྱུ་ཡིན།
༢།  བདམས་ཟིན་རིགས་ལ་ཐོག་མའི་ཟླ་གསུམ་རིང་གསོལ་ཕོགས་ཧིན་སྒོར་ ༡༩༠༠༠ ཡིན་པ་དང་། ཟླ་གསུམ་ཚང་སྟེ་ལས་བྱེད་དངོས་ལ་ཚུད་རྗེས་དུས་བབ་ལས་བྱེད་སྤྱི་མཚུངས་ལྟར་སྤར་ཆ་ཞུ་རྒྱུ་ཡིན།
༣།  གསར་འགྱུར་ལས་རིགས་དང་ཡིག་སྒྱུར་སོགས་ཀྱི་ཉམས་མྱོང་ཡོད་མཁན་ཚོར་དམིགས་བསལ་ཡོད།

ལས་གནས་འདིར་ཞུགས་འདོད་ཡོད་རིགས་ཚོས་ ༢༠༡༨ ཟླ་ ༣ ཚེས་ ༢༠ འགྱངས་མེད་སྙན་ཞུ་འབུལ་དགོས། སྙན་ཞུ་སྦྲགས་ཐོག་དང་གློག་འཕྲིན་གང་རུང་བརྒྱུད་བསྐུར་ཆོག་ཅིང་། མཉམ་དུ་སློབ་ཐོན་ཕྱག་འཁྱེར་དང་དཔྱ་དངུལ་ལག་དེབ་ངོ་བཤུས། དེ་མིན་ཕྱག་འཁྱེར་གང་ཡོད་ཀྱི་ངོ་བཤུས་དང་། དོ་བདག་གི་སྡོད་གནས་ཁ་བྱང་དང་ཁ་པར་ཨང་སོགས་བསྐུར་དགོས།

གསལ་བསྒྲགས་འདིའི་སྐོར་ལ་དོགས་འདྲི་ཡོད་རིགས་ཚོས་འོག་གི་ཁ་པར་ཨང་གྲངས་ཐོག་འབྲེལ་བ་གནང་རོགས།
ཁ་པར།            ༧༠༡༨༡༡༧༦༣༥། ༩༢༡༨༩༣༨༠༤༡། ༩༨༨༢༣༤༧༠༧༥
གློག་འཕྲིན།      [email protected] / [email protected]

བོད་ཀྱི་དུས་བབ་གསར་ཁང་ནས་ ༢༠༡༨ ཟླ་ ༢ ཚེས་ ༠༥ ལ།

བསྐྱར་བཅོས།: ༢༠༡༨/༠༣/༠༥

Leave a Reply