འཇར་མན་གྲོས་ཚོཊ་ཀྱི་སྐུ་ཚབ་ཚོགས་ཆུང་བོད་ལ་ཕེབས་ཏུ་བཅུག་མེད་འདུག

རྒྱ་ནག་གཞུང་གིས་འཇར་མན་གྲོས་ཚོགས་ཀྱི་སྐུ་ཚབ་ཚོགས་ཆུང་ཞིག་བོད་དང་ཤིན་ཅང་ནང་གི་ཆོས་དད་རང་དབང་གི་གནས་སྟངས་སོགས་ལ་གཟིགས་ཞིབ་ཏུ་ཕེབས་རྒྱུར་ཐོངས་མཆན་སྤྲད་མེད་འདུགཁ་སང་འཇར་མན་གྱི་(Deutsche Welle)གསར་ཁང་གིས་གནས་ཚུལ་སྤེལ་བ་ལྟར་ན།  འཇར་མན་ཡི་ཤུ་དམངས་གཙོ་ཚོགས་པ་དང་ཡི་ཤུ་སྤྱི་ཚོགས་ཚོགས་པ་མཉམ་འབྲེལ་ (Christian Democrats and Christian Social Union) གྱི་འགྲོ་བ་མིའི་ཐོབ་ཐང་ཚན་པའི་མགྲིན་ཚབ་པ་གྲོས་ཚོགས་འཐུས་མི་མེ་ཁིལ་བྷེ་རན་ཌི་ (Michael Brand) ལགས་ཀྱིས། འདི་ལོའི་ཕྱི་ཟླ་ ༩ ནང་འཇར་མན་གྲོས་ཚོགས་ཀྱི་འགྲོ་བ་མིའི་ཐོབ་ཐང་ལྟ་ཞིབ་ཀྱི་ཚོགས་ཆུང་ཞིག་པེ་ཅིན་དང་བོད། ཤིན་ཅང་བཅས་སུ་ཆོས་དད་རང་དབང་གི་གནས་སྟངས་ཐད་གཟིགས་ཞིབ་གནང་བར་ཕེབས་འཆར་ཡོད་ཀྱང་། རྒྱ་ནག་གཞུང་གིས་ཆོག་མཆན་སྤྲད་མེད་སྐོར་གསུངས་འདུག

ཟླ་འདིའི་ཕྱི་ཚེས་ ༢ ཉིན་གཟིགས་སྐོར་དེ་དང་འབྲེལ་བའི་གསར་འགོད་ལྷན་ཚོགས་ཤིག་གི་ཐོག མཉམ་འབྲེལ་རྒྱལ་ཚོགས་ཀྱི་རྒྱ་ནག་གི་འཐུས་མི་གསར་པ་ཀྲང་ཅུན་ (Zhang Jun)ཟེར་བ་ཞིག་གིས། པེ་ཅིན་གཞུང་གིས་རྒྱ་ནག་གི་ནང་སྲིད་ལ་ནམ་ཡང་ཐེ་བྱུས་བྱེད་དུ་མི་འཇུག་པ་དང་། ལྷག་པར་དུ་བོད་དང་ཤིན་ཅང་།  ཧོང་ཀོང་བཅས་ཀྱི་གནད་དོན་ལ་ཐེ་བྱུས་བྱེད་དུ་མི་འཇུག ཅེས་བརྗོད་ཡོད།

དེ་བཞིན། ཟླ་འདིའི་ཕྱི་ཚེས་ ༢༣ ནས་ཉིན་ ༡༠ རིང་འཇར་མན་གྲོས་ཚོགས་ཀྱི་ལྗང་ཁུ་ཚོགས་པའི་འཕྲུལ་རིག་ཚན་པའི་ (Digitization) སྐུ་ཚབ་ཚོགས་ཆུང་ཞིག  རྒྱ་ནག་པེ་ཅིན་དང་ཧྲང་ཧེ་གཉིས་ལ་བཅོས་མའི་རིག་རྩལ་ (Artificial Intelligence) དང་འབྲེལ་གཟིགས་སྐོར་དུ་ཕེབས་འཆར་ཡོད་པ་དང་། ཚོགས་ཆུང་དེའི་ནང་བོད་མི་དང་ཡུ་གུར་བ་སོགས་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་རྩོད་ལེན་གནང་མཁན་གྲོས་ཚོགས་འཐུས་མི་ལྕམ་མར་གྷེ་རེ་ཊི་བྷོ་སི་ (Margarete Bause) ལགས་ཡོད་པར་བརྟེན། རྒྱ་ནག་གཞུང་ནས་ལྕམ་མར་གྷེ་རེ་ཊི་ལགས་ཡོད་ན་ཚོགས་ཆུང་དེར་གཟིགས་སྐོར་ཐོངས་མཆན་སྤྲོད་རྒྱུ་མིན་ལུགས་བརྗོད་ཡོད་པ་བཀོད་འདུག་ལ།  ཟླ་འདིའི་ཕྱི་ཚེས་ ༣ ཉིན། འཇར་མན་ལྗང་ཁུ་ཚོགས་པས་ (Green party) ཐེངས་འདིའི་སྐུ་ཚབ་ཚོགས་པ་རྒྱ་ནག་ནང་གཟིགས་ཞིབ་ཏུ་ཕེབས་ཐུབ་མིན་ཐེ་ཚོམ་ངང་ཡོད་སྐོར་བརྗོད་འདུགལྕམ་མར་གྷེ་རེ་ཊེ་བྷོ་སི་ (Margarete Bause) ལགས་ནི་ཡུ་གུར་བའི་རང་དབང་ཐད་ཡུན་རིང་རྒྱབ་སྐྱོར་གནང་མཁན་ཞིག་ཡིན་འདུག་ལ། ཁོང་མོས་སྒེར་གྱི་སྤྱི་ཚོགས་དྲ་ལམ་དུ། རྒྱ་ནག་གཞུང་གིས་ང་སྐུ་ཚབ་ཚོགས་ཆུང་དེའི་ནང་ཡོད་ཚེ་སྐུ་ཚབ་ཚོགས་ཆུང་གཟིགས་སྐོར་ལ་འགྲོ་མི་ཐུབ་སྐོར་བརྗོད་ཡོད་པ་དེ་ནི་ངོས་ལེན་བྱེད་ཐབས་མེད་པ་ཞིག་རེད།ངས་ནི་འགྲོ་བ་མིའི་ཐོབ་ཐང་ལ་སྐད་གསེང་མཐོན་པོ་དང་གསལ་ཁ་དོད་པོས་ངང་རྒྱབ་སྐྱོར་བྱེད་མཁན་གྱི་གྲོས་ཚོགས་འཐུས་མི་རྣམས་ཀྱི་འབོད་སྒྲ་མར་གཅོག་རྩིས་བྱེད་བཞིན་པ་རེད། བྱེད་ཐབས་འདིས་ངའི་འགྲོ་བ་མི་ཐོབ་ཐང་འཐབ་རྩོད་ལ་སྙིང་སྟོབས་འཕར་མ་སྤྲོད་ཀྱི་ཡོད་པ་རེད། ཅེས་བརྗོད་ཡོད་པ་མ་ཟད། སྐུ་ཚབ་ཚོགས་ཆུང་དེར་ཡི་གེ་ཞིག་ཕུལ་ནས་ཁོང་མོ་ཚོགས་ཆུང་དེའི་ནང་མུ་མཐུད་མཉམ་ཞུགས་གནང་འདོད་ཡོད་སྐོར་ཞུས་ཡོད་འདུག

འདི་ལོའི་ཕྱི་ཟླ་ ༣ པའི་ནང་འཇར་མན་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚན་པས། རྒྱ་ནག་གཞུང་གིས་བོད་ནང་དྲག་གནོན་བྱེད་བཞིན་པ་འཕྲལ་དུ་མཚམས་འཇོག་བྱེད་དགོས་པ་དང་། བོད་རྒྱ་འབྲེལ་མོལ་མགོ་འཛུགས་དགོས་པའི་བསྒྲགས་གཏམ་ཤིག་སྤེལ་ཡོད་པ་དང་། ལྷག་པར་དུ་འདི་ལོའི་ཕྱི་ཟླ་ ༥ ནང་། འཇར་མན་གྲོས་ཚོགས་ནང་རྒྱ་ནག་གི་གྲངས་ཉུང་མི་རིགས་ཁག་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ཉན་ཞིབ་གནང་སྐབས། ༧གོང་ས་རྒྱལ་བ་རིན་པོ་ཆེ་མཆོག་གི་དམིགས་བསལ་སྐུ་ཚབ་ཟུར་པ་སྐལ་བཟང་རྒྱལ་མཚན་ལགས་ནས་བོད་མིའི་ཆོས་དད་རང་དབང་གི་གནས་སྟངས་ཧ་ཅང་ཞན་པོ་ཡིན་པ་དང་། གྲོས་ཚོགས་འཐུས་མི་རྣམས་ནས་བོད་མི་དང་ཡུ་གུར་བའི་འགྲོ་བ་མིའི་ཐོབ་ཐང་དང་། ཆོས་དད་རང་དབང་ནི་རྒྱ་ནག་དང་འབྲེལ་བ་ཅི་ལྟར་བྱས་རུང་གནད་དོན་གཙོ་བོར་འཛིན་དགོས་པ་ནན་སྐུལ་གནང་ཡོད་འདུག

གནས་ཚུལ་དེའི་ནང་བཀོད་པ་ལྟར་ན། འཇར་མན་གྲོས་ཚོགས་ཀྱི་འགྲོ་བ་མིའི་ཐོབ་ཐང་ཚན་པས་ལོ་མང་རིང་བོད་ནང་གཟིགས་སྐོར་དུ་ཕེབས་རྒྱུར་ཆོག་མཆན་ཞུས་ཡོད་པ་དང་། ཕྱི་ལོ་ ༢༠༠༧ ལོར་རྒྱ་ནག་གཞུང་ནས་ཆོག་མཆན་སྤྲད་ཡོད་ནའང་ཐ་མའི་དུས་སུ་གཟིགས་སྐོར་སྐུ་ཚབ་རྣམས་ལ་ལྟ་རྟོག་བྱེད་མཁན་གྱི་ལས་བྱེད་འདང་ངེས་མེད་སྐོར་བརྗོད་དེ་བཀག་ཡོད་པ་དང་། ཕྱི་ལོ་ ༢༠༠༨ ལོར་རྒྱ་ནག་སི་ཁྲོན་ཞིང་ཆེན་ནང་ས་ཡོམ་བྱུང་ཡོད་པ་སོགས་ལ་ཁ་གཡར་ཏེ་ཆོག་མཆན་སྤྲད་མེད་འདུག ཕྱི་ལོ་ ༢༠༠༩ ལོར་ཐོག་མར་འཐུས་མི་ ༤ ལས་གྲུབ་པའི་སྐུ་ཚབ་ཚོགས་ཆུང་ཞིག་བོད་ནང་ཉིན་ ༣ རིང་གཟིགས་སྐོར་ལ་ཕེབས་ཐུབ་ཡོད་འདུགགཟིགས་སྐོར་དེ་གྲུབ་རྗེས། སྐུ་ཚབ་ཚོགས་ཆུང་གི་དབུ་འཁྲིད་ཡི་ཤུ་དམངས་གཙོ་ཚོགས་པའི་གྲོས་ཚོགས་འཐུས་མི་ (Holger Haibach) ལགས་ཀྱིས། བོད་ནང་དཔལ་འབྱོར་ཀྱི་ཆ་ནས་ཡར་རྒྱས་ཧ་ཅང་ཆེན་པོ་ཕྱིན་ཡོད་པ་དང་། མི་རིགས་དང་ཆོས་ལུགས་ཀྱི་དཀའ་ངལ་མེད་པའི་མཐོང་སྣང་ཞིག་སྤྲད་སོང་། མཐོང་སྣང་དང་དོན་དངོས་གཉིས་མཐུན་མིན་ཞིབ་འཇུག་བྱེད་དགོས་པ་རེད། ཅེས་དང་། ཉིན་ ༣ རིང་ང་ཚོར་ཞིབ་འཇུག་མཐིལ་ཕྱིན་པ་བྱེད་པའི་གོ་སྐབས་རག་མ་སོང་ལ། རྒྱ་ནག་གི་དཔོན་རིགས་ཚོས་རྟག་ཏུ་མཉམ་སྐྱོད་བྱས་པར་བརྟེན་ཁག་པོ་བྱུང་སོང་། ཞེས་རྒྱ་ནག་གིས་གོ་སྒྲིག་བྱས་པའི་བོད་མི་མ་གཏོགས་བོད་མི་གཞན་ལ་ཐུག་ཏུ་བཅུག་མེད་སྐོར་སོགས་གསུངས་ཡོད་པ་རེད།  

གསར་འགོད་པ། ཀླུ་མགོན་ཐར།

བསྐྱར་བཅོས།: ༢༠༡༩/༠༨/༠༦

Leave a Reply

3 thoughts on “འཇར་མན་གྲོས་ཚོཊ་ཀྱི་སྐུ་ཚབ་ཚོགས་ཆུང་བོད་ལ་ཕེབས་ཏུ་བཅུག་མེད་འདུག

  1. Wao 🙀 Mr sZhungpa Tsewang. You are Good Thinker 💡བཙན་བྱོལ་བོད་མིའི་སྒྲིག་འཛུགས་ནས་ནང་ཁུལ་རྩོད་གླེང་དང་
    ཁ་མཆུ་ལ་མགོ་འཁོར་ནས་བོད་ནང་ཡོད་པའི་བོད་མི་ཚོའི་རེ་བ་དེ་མུར་ལྷག་རྒྱུ་ཡིན་པ་ལས་གཞན་མ་མཐོང་ངོ། 😂 བོད་རྒྱ་ གྲོས་མོལ། 🧨 👀

  2. འདམ་སྐྱེས།

    དོན་གནད་འདིའི་ཐོག་མཆན་འགོད་པས་”བཙན་བྱོལ་བོད་མིའི་སྒྲིག་འཛུག་ནས་ནང་ཁུལ་རྩོད་གླེང་དང་ཁ་མཆུ་ལ་མགོ་འཁོར་ནས་བོད་ནང་ཡོད་པའི་བོད་མི་ཚོའི་རེ་བ་དེ་མུར་ལྷག་རྒྱུ་ཡིན་པ་ལས་གཞན་མ་མཐོང་ངོ་།” ཅེས་འཁོད་པ་མཐོང་བས་ཆེས་མ་རུང་པ། དོན་མ་གོ་བའམ། བོད་མིའི་སྤྱི་མཐུན་གྱི་བསོད་ནམས་ཟད་པའམ་གང་ཡིན་གཟུ་བོས་དཔྱད་ན་ཆ་མ་མཆིས། གང་ཡིན་ཞེ་ན་ཕ་རོལ་པ་ལ་བསམ་ཚུལ་ཟུར་ཙམ་ཡང་མེད་པར་ལོག་འགྲེལ་འདི་ལྟབུ་བྱེད་པ་ནི་ཆེས་ཡ་མཚན་དུ་གྱུར། ལར་ནས་བོད་མི་ནང་ཁུལ་རྩོད་གླེང་དང་ཁ་མཆུ་ལ་མགོ་འཁོར་མཁན་སུ་ཡིན་བློ་གཟུ་བོའི་སྒོ་ནས་དཔྱད་ཞིབ་གནང་ན་ཤེས་ཐུབ་པ་ཞིག་རེད། ༼ དགྲ་དགའ་གཉེན་སྡུག་དང་དངོས་འབྲེལ་མ་ཡིན་པའི་མཆན། ༽

  3. གཞུང་པ་ཚེ་དབང་བསོད་ནམས་

    རྒྱལ་ཁབ་ག་འདྲ་ཞིག་ཡིན་ཡང་མཐོང་ཆན་སྤྲོད་མི་སྤྲོད་དེ་རྒྱལ་ཁབ་དེའི་
    འགན་དབང་ལས་མཐའ་གཅིག་ཏུ་མཐོང་ཆེན་ཞུ་མཁན་ཚང་མར་མཐོང་
    ཆེན་སྤྲོད་དགོས་པའི་ཁྱབ་པ་མེད་ལ་ལྷག་པར་དུ་རྒྱ་ནག་ལ་ཆ་བཞག་ན་
    དམ་བསྒྲགས་ཡོད་པའི་ས་ཁུལ་བོད་དང་ཤིང་ཅང་ཡུ་གུར་སོགས་ས་ཁུལ་
    དེ་ཚོར་ཕྱི་མི་འགྲོ་བསྐྱོད་ཐོག་དོ་ནན་བྱེད་བཞིན་པ་ནས་ཕྱི་མི་མཐོང་ཆེན་
    ཞུ་མཁན་ཚང་མར་མཐོང་ཆེན་སྤྲོད་དགོས་པའི་ཁྱབ་པ་གང་ཡང་མེད་པ་
    དང་དེ་ནི་རང་བཙན་ཡོད་པའི་རྒྱལ་ཁབ་ཞིག་གིས་དབང་ཚད་ཡིན་པ་དང་
    བོད་ནང་ཛ་དྲག་གི་དཀའ་ངལ་ཡོད་པ་འཛམ་གླིང་མི་མང་གིས་ཤེས་ཀྱིས་ཡོད་ཀྱང་
    ད་བར་སུ་གཅིག་གིས་རྒྱ་ནག་ལ་བཤོད་མ་ཐུབ་ནས་བོད་ཀྱིས་དཀའ་ངལ་ལོ་
    རེ་ནས་ལོ་རེ་བཞིན་ཛ་དྲག་ཏུ་འགྲོ་བཞིན་པ་ནས་བོད་ནང་གིས་བོད་མི་ཚོ་
    གོང་ས་མཆོག་དང་བཙན་བྱོལ་བོད་མི་ཚོར་རེ་བ་བཅོལ་ནས་བསྡད་ཡོད་ཀྱང་
    གོང་ས་མཆོག་གིས་ཐུགས་རྗེའི་འོག་ནས་བོད་མི་ཚོར་བདེ་སྐྱིད་ཐོབ་པའི་རེ་
    བ་ཙམ་ལས་བཙན་བྱོལ་བོད་མིའི་སྒྲིག་འཛུགས་ནས་ནང་ཁུལ་རྩོད་གླེང་དང་
    ཁ་མཆུ་ལ་མགོ་འཁོར་ནས་བོད་ནང་ཡོད་པའི་བོད་མི་ཚོའི་རེ་བ་དེ་མུར་ལྷག་
    རྒྱུ་ཡིན་པ་ལས་གཞན་མ་མཐོང་ངོ།