ཨ་རིའི་གྲོས་ཚོགས་ནང་བོད་རང་བཙན་ལ་ངོས་འཛིན་དགོས་པའི་ཁྲིམས་འཆར་བཏོན།

ཨ་རིའི་གྲོས་ཚོགས་ནང་བོད་རང་བཙན་དང་བོད་ཀྱི་གནས་བབ་ལ་ངོས་འཛིན་གཞན་དགོས་པའི་ཁྲིམས་འཆར་བཏོན་འདུགཨ་རིའི་གྲོས་ཚོགས་ཀྱིས་དྲ་ཐོག་ཏུ་སྤེལ་བའི་གནས་ཚུལ་ལྟར་ན། ཟླ་འདིའི་ཕྱི་ཚེས་ ༡༩ ཉིན་ཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་སི་ཁོ་ཊི་པེ་རེ་ (Scott Perry)ལགས་ཀྱིས། ཨ་རིའི་གྲོས་ཚོགས་ནང་བོད་དང་འབྲེལ་བའི་ཁྲིམས་འཆར་གསར་པ་ཞིག་གྲོས་འདོན་བྱས་ཏེ། ད་ལྟའི་རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་ཡོད་པའི་བོད་རང་སྐྱོང་ལྗོངས་ནི། རྒྱ་ནག་དང་ཁ་བྲལ་དང་རང་བཙན་གཙང་མའི་རྒྱལ་ཁབ་ཅིག་ལ་ངོས་འཛིན་དགོས་སྐོར་སོགས་གསུངས་འདུག

སྐུ་ཞབས་སི་ཁོ་ཊི་པེ་རེ་ལགས་ཀྱི་ཁྲིམས་འཆར་ནང་། ཨ་རིའི་གྲོས་ཚོགས་ཀྱིས་སྲིད་འཛིན་ཊོམ་ཕུ་མཆོག་བརྒྱུད་རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་ཡོད་པའི་བོད་རང་སྐྱོང་ལྗོངས་ནི་རྒྱ་ནག་དང་ཁ་བྲལ། རང་བཙན་གཙང་མའི་རྒྱལ་ཁབ་ཅིག་དང་ངོས་འཛིན་གཞན་བྱེད་དགོས་ཀྱི་ཡོད། ཅེས་གསུངས་འདུགཨ་རིའི་གྲོས་ཚོགས་འོག་མའི་འཐུས་མི་སྐུ་ཞབས་སི་ཁོ་ཊི་པེ་རེ་ལགས་ནི་ཕྱི་ལོ་ ༢༠༡༩ ཟླ་ ༥ ནང་ཨ་རིའི་གྲོས་ཚོགས་ཀྱི་འཐུས་མི་ ༣༢ ནས། ཨ་རིའི་སྲིད་འཛིན་ཊོམ་ཕུའི་གཞུང་གིས་ཕྱི་ལོ་ ༢༠༠༢ ལོའི་ཨ་རིའི་བོད་དོན་ཐོག་འཛིན་པའི་སྲིད་བྱུས་ལག་བསྟར་དང་བོད་ནང་འགྲོ་འོང་འདྲ་མཉམ་གྱི་སྲིད་བྱུས་ལ་རྒྱབ་སྐྱོར་གནང་མཁན་ཞིག་ཡིན་པ་མ་ཟད། ད་ལྟ་ཁོང་ཨ་རིའི་གྲོས་ཚོགས་ཀྱི་ཕྱི་སྲིད་ལས་ཚོགས་ཆུང་གི་རྒྱུས་ལས་ཀྱང་ཡིན་པ་རེད།

ད་ལྟ་ཁྲིམས་འཆར་དེར་ཨ་རིའི་གྲོས་ཚོགས་ཀྱི་འཐུས་མི་ག་ཚོད་ཅིག་གིས་རྒྱལ་སྐྱོར་བྱེད་བཞིན་ཡོད་པ་དང་། ཁྲིམས་འཆར་དེར་རེ་བ་ག་ཚོད་ཅིག་ཡོད་པ་སོགས་ཀྱི་གནས་ཚུལ་གང་ཡང་གསལ་བོ་མེད་པ་དང་། ཁྲིམས་འཆར་དེ་ཐོག་མར་ཨ་རིའི་གྲོས་ཚོགས་འོག་མའི་ནང་ངོ་སྤྲོད་བྱེད་འཆར་ཡོད་པ་རེད།

གསར་འགོད་པ། སྐལ་བཟང་སྦྱིན་པ།

བསྐྱར་བཅོས།: ༢༠༢༠/༠༥/༢༦

Leave a Reply

5 thoughts on “ཨ་རིའི་གྲོས་ཚོགས་ནང་བོད་རང་བཙན་ལ་ངོས་འཛིན་དགོས་པའི་ཁྲིམས་འཆར་བཏོན།

  1. ༄༅།།། གངས་ཕྲུག་ཀུན་གྱི་ཕ་ས་བོད་རང་བཙན་འབོད་སྒྲ་ཨ་རི་གྲོས་ཚོགས་ནས་སྒྲོགས་པ་སྟེ་།
    གང་ཅན་པའི་བཀྲིས་ཉི་ཤར་དང་དུས་ཐོག་ཆར་པའི་གཏམ་རེད་།
    རྒྱ་ནག་གུང་ཁྲན་བོད་ས་བཙན་གཟུང་། བོད་མི་འབུམ་ཁྲག་མང་པོ་དམར་གསོད་གཏང་།
    བོད་མི་ཡོངས་ཀྱི་སྐྱབས་མགོན་༧ གོངས་མཆོག་བོད་ལྷ་ཞིང་ནས་ཕྱི་འཕུད་བཏང་བ་དེ་ང་འཚོའི་རྗེད་ཐབས་མེད།
    བོད་ས་བོད་མི་ཚུར་ལེན་དགོས་།་༧ གོང་ས་མཆོག་རྩེ་ཕོ་བྲང་པོ་ཏ་ལ་ཕར་གདན་ཞུ་དགོས་།