བོད་མི་འཕགས་པ་སྐྱབས་ཀློད་གྲོལ་བཏང་།

ཕྱི་ལོ་ ༢༠༡༢་ལོར་བོད་བླ་བྲང་ཨ་མཆོག་སྡེ་བ་ནས་སྐུ་ལུས་མེར་བསྲེགས་གནང་བའི་ལྷ་མོ་ཚེ་བརྟན་ལགས་དང་འབྲེལ་བ་ཡོད་པའི་ཉེས་འཛུགས་འོག་བཙོན་འཇུག་བྱས་པའི་བོད་མི་འཕགས་པ་སྐྱབས་ལགས་ཀློད་གྲོལ་བཏང་ཡོད་འདུག

ཕྱི་ལོ་༢༠༡༢ ལོའི་ཟླ་ ༡༠ ཚེས ༢༦ ཉིན་བོད་མདོ་སྨད་བླ་བྲང་ཨ་མཆོག་སྐེད་སྡེ་བའི་རྒྱལ་གཅེས་དཔའ་བོ་ལྷ་མོ་ཚེ་བརྟན་ལགས་ཀྱིས། རང་ལུས་མེར་བསྲེཊ་གནང་སྐབས། ཁོང་གི་སྐུ་ལུས་འབར་འཕྲོའི་སྟེང་དུ་ས་སྣུམ་བླུག་རོགས་བྱས་ཡོད་སོགས་ཀྱི་ནག་ཉེས་གཡོགས་ཏེ། ཕྱི་ཟླ ༡༢ ཚེས ༤ ཉིན་གྱི་ཞོགས་པར་ཨ་མཆོག་རྔ་རྒོད་ཀྱི་རང་ལོ་ ༥༧ ཡིན་པའི་བོད་མི་ཨ་འཕགས་སམ་འཕགས་པ་སྐྱབས་ལགས་འཛིན་བཟུང་བྱས་ཏེ། རྗེས་སུ་ལོ་ ༨ གྱི་ཁྲིམས་ཐད་བཅད་ཡོད་ཀྱང་། ཉིན་གསུམ་ཙམ་གོང་དུ་གསང་བའི་ཐོག་ནས་ཀློད་གྲོལ་བཏང་ཡོད་ཀྱང་། ཁོང་གི་སྐུ་གཟུགས་ཀྱི་གནས་སྟངས་ག་འདྲ་ཡོད་མེད་སོགས་ཤེས་རྟོགས་ཐུབ་ཀྱི་མི་འདུག

བོད་མི་འཕགས་པ་སྐྱབས་ལགས་འཛིན་བཟུང་བྱས་རྗེས་གོ་ཐོས་མེད་པར་གྱུར་ཡོད་ཀྱང་ཕྱིས་སུ་ཁྲིམས་ཐག་བཅད་ཡོད་པ་དང་། ཁོང་ནི་མི་དྲང་ཚུགས་ལྡན་པ་དང་ལྷག་བསམ་ཅན་ཞིག་ཡིན་འདུག་ལ། ཁོང་གློ་བུར་དུ་འཛིན་བཟུང་བྱས་རྗེས་ཁོང་གི་ནང་མི་ཚོ་ལའང་རྒྱ་ནག་གཞུང་གིས་དཀའ་ངལ་བཟོས་ཡོད་འདུག

ཆབ་སྲིད་བཙོན་ཟུར་མགོ་ལོག་འཇིགས་མེད་ལགས་ནས་གནས་ཚུལ་མཁོ་སྤྲོད་གནང་།

འབྲེལ་ཡོད་གནས་ཚུལ།

ཨ་མཆོག་ཏུ་རང་ལུས་མེར་བསྲེཊ།

བོད་མི་ཞིག་འཛིན་བཟུང་།

 

བསྐྱར་བཅོས།: ༢༠༢༠/༠༩/༡༡

Leave a Reply