Author Archives: བོད་ཀྱི་དུས་བབ།

ལོ་རྗེས་མར་ཁྲིམས་གཅོད།

ད་ལོའི་སྤྱི་ཟླ་ ༥ ཚེས་ ༡༢ ཉིན་ཨ་མདོ་རྔ་བ་མཛོད་དགེ་ཨ་སྐྱིད་ཡུལ་ཚོའི་སྒྲོལ་མ་སྐྱབས་དང༌ཚེ་དབང་འགྱུར་མེད། སྐལ་བཟང་ཉི་མ། རོང་ཕྲུག་བཅས་ད་ལྟ་མུ་མཐུད་བཙོན་འཇུག་བྱས་ཡོད་པ་དང༌། ལོ་རྗེས་མའི་ཕྱི་ཟླ་ ༧ ནང་ཁྲིམས་ཐག་གཅོད་རྒྱུ་ཡིན་པའི་གནས་ཚུལ་ཐོན་འདུག

་་་

བོད་རྒྱ་ནག་གི་ཆ་ཤས་མ་རེད།

བོད་འདི་ལོ་རྒྱུས་ཀྱི་ཐོག་ནས་རྒྱ་ནག་གི་ཆ་ཤས་མིན་པ་གསལ་བོ་གསལ་རྐྱང་རེད། ང་རང་ནི་འདིའི་སྐོར་ལ་ཉམས་ཞིབ་བྱེད་མཁན་ཞིག་ཡིན་པའི་ཆ་ནས་དངོས་ཡོད་ཀྱི་ལོ་ རྒྱུས་དྲང་བོར་བཤད་དགོས་པ་རེད། དེ་ང་རང་གི་ལས་འགན་ཆགས་ཡོད་ཟེར།

་་་

རྒྱལ་སྤྱིའི་བྱ་དགའ་ཐོབ།

ཁ་སང་ཕྱི་ཚེས་༢༡ ཉིན་རྒྱ་ནག་གི་གྲོང་ཁྱེར་ཧྲང་ཧེ་རུ་བོད་ཀྱི་གློག་བརྙན་འཁྲབ་ཁྲིད་པ་གྲགས་ཆེན་པད་མ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་༼འཚོལ་༽ཞེས་པར་སྐབས་ ༡༢ པའི་རྒྱལ་སྤྱིའི་གློག་བརྙན་དུས་ཆེན་གྱི་འདེམས་བསྡུར་འཐུས་ཚབ་ཟེར་བའི་བྱ་དགའ་དེ་ཐོབ་ཡོད་འདུག

་་་

དབྱར་རྩྭ་དགུན་འབུའི་གོང་འཕར་བ།

གནམ་གཤིས་དང་ཡུལ་སྐོར་བ་གློ་བུར་ཇེ་མང་དུ་ཕྱིན་པར་བརྟེན། བོད་ལྗོངས་ཀྱི་དབྱར་རྩྭ་དགུན་འབུའི་གོང་དེ་ཟླ་ཕྱེད་སྔོན་དུ་རྒྱ་མ་རེར་སྒོར་ ཁྲི་ ༢ ནས་ཁྲི་ ༦ ཡིན་མོད། ད་ཆ་སྒོར་ཁྲི་ ༤ནས་ ༡༠བར་འཕར་ཡོད་པ་རེད་ཟེར།

་་་

དགེ་འདུན་པའི་ཚན་རིག་གི་འགྲེམས་སྟོན་ཐེངས་དང་པོ།

དེ་རིང་གི་འགྲེམས་སྟོན་འདིས་མཚོན་པའི་བོད་པའི་དགེ་འདུན་པ་མང་པོ་ཞིག་གི་ཚན་རིག་གི་ཤེས་ཚད་མཐོན་པོར་སླེབས་པ་དང། སྙན་གྲགས་ཆེ་བའི་ནུབ་གླིང་གི་ཚན་རིག་པ་དག་དང་མཉམ་དུ་ནང་ཆོས་དང་ཚན་རིག་བར་བགྲོ་གླེང་བསྟུད་མུར་བྱས་ཏེ་གོམ་པ་མཉམ་སྤོ་བྱས་ཤིང། ནུབ་ཕྱོགས་ཀྱི་ཕྱིའི་དངོས་པོའི་དཔལ་ཡོན་ཚུར་ལེན་པ་ཙམ་མ་ཡིན་པར། ནང་ཆོས་ཀྱི་ནང་བསམ་པའི་དཔལ་ཡོན་གྱིས་ཕར་ལེགས་སྐྱེས་འབུལ་ཐུབ་པའི་གོ་སྐབས་ཤར་པ་འདིས་རྒྱ་ནག་གི་སྐྱོན་བརྗོད་དེ་རིགས་ལ་ལན་་་

ཁོང་ཁྲོའི་དབང་གིས་མིག་ལོང་བར་གྱུར་ན་ནོར་འཁྲུལ་རེད།

ཉིན་ཤས་སྔོན་༧གོང་ས་མཆོག་ལ་མཇལ་འཕྲད་བྱས་པའི་རྒྱ་རིགས་རང་དབང་གི་རྩོམ་པ་པོ་དང་། དངོས་ལུགས་དང་སྐད་བརྡ་རིག་པའི་ཆེད་མཁས་པ་སྐུ་ཞབས་ཀྲུའུ་ཧྲིན་ཡོན་གྱིས་བོད་རིགས་གཞོན་སྐྱེས་ཡོངས་ནས་ཏཱ་ལའི་བླ་མའི་ཐུགས་དགོངས་བཞིན་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་འོག་ཆེས་མཐོའི་རང་སྐྱོང་གི་གནས་བབ་ཐད་འབད་བརྩོན་བྱ་རྒྱུ་ནི་བོད་མི་རིགས་ལ་ཁེ་ཕན་ཆེས་ཆེ་བའི་ལས་དོན་ཞིག་རེད་ཟེར།

་་་

སྤྱི་ལོ་ ༢༠༡༡ ལོའི་བཀའ་བློན་ཁྲི་པ་འཚོལ་དུ་འགྲོ།

ད་ལྟའི་གནས་སྐབས་ལ་བཀའ་བློན་ཁྲི་པ་བསྐྱར་དུ་གདམ་ཆེད། བཅའ་ཁྲིམས་བསྐྱར་བཅོས་གཏོང་རྒྱུའི་རེ་བ་ཡོད་པ་མ་རེད། གལ་སྲིད་བསྐྱར་བཅོས་བྱས་པ་ཡིན་ན། དམངས་གཙོའི་ལམ་སྲོལ་དང་མཐུན་པ་ཞིག་ཆགས་ཀྱིན་ཡོད་པ་མ་རེད། གང་ཡིན་ཟེར་ན། གང་ཟག་ལ་བལྟས་ཏེ། ཁྲིམས་ལ་འགྱུར་བ་བཏང་བ་རེད། བཅའ་ཁྲིམས་འགྱུར་བ་གཏོང་ན་གང་ཟག་གི་དྲི་བ་མེད་པའི་སྐབས་ཤིག་ལ་གཏོང་དགོས་པ་རེད། ཅེས་བཀའ་ཁྲི་མཆོག་གིས་གསུངས་ཡོད།

་་་