༧གོང་ས་སྐྱབས་མགོན་ཆེན་པོ་མཆོག་གིསདོལ་རྒྱལ་བསྟེན་གསོལ་བྱེད་ཕྱོགས་སྐོར་ལ་ ལམ་སྟོན་གནང་ནས་ཧ་ལམ་ལོ་སུམ་ཅུ་སོ་གྲངས་འགྲོ་བཞིན་ཡོད་པ་རེད། དེ་འདྲ་ཞིག་གི་རྗེས་སུ་ད་དུང་གདན་ས་ཆེན་པོ་དཔལ་ལྡན་འབྲས་སྤུངས་དང༌། གདན་ས་ཆེན་པོ་དགའ་ལྡན་ཞུ་བ་དེ་ཚོའི་ནང༌། མི་ཐབ་ཆག་ངའི་ཟོལ་འདྲ་བོ་ཞིག་གིས་དོལ་རྒྱལ་བསྟེན་རྒྱུ་ཡོད་པ་མ་རེད་ཅེས་ བསྐྱར་བཤད་རྒྱག་དགོས་བྱུང་བ་དེ་ཧ་ཅང་བློ་ཕམ་གྱི་རང་བཞིན་རེད།

སྐབས་བཅུ་བཞི་པའི་བོད་མི་མང་སྤྱི་འཐུས་གྲོས་ཚོགས་ཀྱི་ཚོགས་འདུ་དུས་ལྔ་བ་ ཚོགས་ཏེ་བོད་གཞུང་གི་དཔལ་འབྱོར་སྔོན་རྩིས་དང༌། ཆབ་སྲིད་བགྲོ་གླེང་མགོ་འཛུགས་བྱས་ཡོད་ལ། ༧གོང་ས་མཆོག་གིས་གསུང་འཕྲིན་བསྩལ་བ་དང༌། གྲོས་ཚོགས་གྲོལ་རྗེས་སྤྱི་འཐུས་ནང་ཁུལ་ཉིན་༥རིང་བོད་ཕྱི་ནང་གི་ཆབ་སྲིད་ཐད་ བགྲོ་གླེང་གནང་རྒྱུ་ཡིན་འདུག