Author Archives: བོད་ཀྱི་དུས་བབ།

ཚོགས་ཆེན་སྟེང་གཞོན་ལྷན་གྱི་ངོས་འཛིན་དང་རེ་སྐུལ།

བོད་མིའི་དམིགས་བསལ་ཚོགས་ཆེན་སྟེང་བོད་ཀྱི་གཞོན་ནུའི་ལྷན་ཚོགས་ཀྱིས། བར་ལམ་བོད་ནང་གི་ཛ་དྲག་བྱུང་རྐྱེན་ལ་ཕུགས་རྐྱེན་དང་འཕྲལ་རྐྱེན་གཉིས་ཡོད་པའི་ངོས་འཛིན་དང༌། བོད་རང་བཙན་སླར་གསོའི་ཐོག་ནུས་ཤུགས་གཅིག་ཏུ་སྤུངས་ཤིང༌། འཐབ་རྩོད་ཀྱི་གོམ་སྟབས་མདུན་དུ་བསྐྱོད་དགོས་པའི་དུས་ལ་སླེབས་ཡོད་ཚུལ་དང༌། ད་ཡོད་སྤྱི་འཐུས་ཀྱི་སྒྲོམ་གཞིའི་ཐོག་ཆོལ་ཁ་དང༌། ཆོས་ལུགས་རིས་མེད་ཀྱི་ས་གནས་སྤྱི་འཐུས་དྲག་འདེམས་ཡོང་ཐབས་སོགས་དོན་ཚན་ ༦ འཁོད་པ་ཞིག་ཕུལ་ཡོད་འདུག

་་་

དམིགས་བསལ་ཚོགས་ཆེན་དང་ཚོགས་མིའི་འགན་འཁྲི།

སྲིད་དོན་ཁ་ལ་འཁྱེར་བའི་མི་བུ་འགས་འཕྲལ་ཕུགས་རྒྱང་གསུམ་གྱི་གནད་ལ་ཞིབ་འཇུག་ དང་རྒྱུས་ལོན་མེད་པར། རང་ཉིད་ཀྱི་འདོད་པ་དང་དགོས་འདུན་གཞི་རྩར་ཉར་པའི་ཐོག་ནས་བཤད་རྐྱང་གི་སྤྱོད་ ཚུལ་འདིས་གཞི་རྩའི་ལྷག་བསམ་ལ་སྐྱོན་མེད་ཀྱང༌། དེ་འོས་འཚམས་ཡིན་མིན་དང་ཕན་འབྲས་ཐོན་མིན། དུས་བབ་ཡིན་མིན་སོགས་ལ་མ་ལྟས་པར་བསམ་བློའི་ནང་གང་དྲན་དེ་ཁ་ནས་བཤད་རྐྱང་བྱ་ རྒྱུ་ཤིན་ཏུ་ནས་ཉེན་ཁའི་གནས་ཤིག་ཡིན།

་་་

མ་འདས་སྤྲུལ་སྐུ་གླེང་བ།

དམ་པ་གང་ཞིག་ཡིན་ནའང་ཁོང་ཉིད་མ་འདས་པའི་སྐབས་རང་ཉིད་ཀྱི་སྤྲུལ་སྐུ་སྟེ་སྐུ་ཚབ་རང་ཉིད་ཀྱིས་འཇོག་པའམ་མང་མོས་ཐོག་འོས་འཆར་ཡོད་པའི་སྤྲུལ་སྐུ་ཞིག་ཡོང་ཐུབ་ཚེ་ད་གཟོད་ང་ཚོར་མང་གཙོའི་ལམ་ནས་རྙེད་པའི་སྤྲུལ་སྐུ་འཁྲུངས་པ་རེད་ལ། ཕན་ཀྱང་ཐོགས་ངེས་ཤོག་ཡིན་པ་ལས། ཟན་རིལ་དང་དབང་འོག་ནས་བཞག་པའི་སྤྲུལ་སྐུ་ཤི་བོ་དེ་ཚོ་དང་མི་མཚུངས་པའི་རེ་བ་དང་ཡིད་ཆེས་ཡོད།

་་་

ཉིན་གཉིས་པར་ཉན་ཞིབ།

ད་ལྟའི་བར་གྱི་ཐོས་ཚུལ་ལ་གཞིགས་ན་ལམ་དབུ་མ་ལ་རྒྱབ་སྐྱོེར་མེད་ཟེར་མཁན་ཐོས་ མ་སོང༌། ༧གོང་ས་མཆོག་གིས་ཕུལ་ཡོད་པའི་སྲིད་བྱུས་ལ་མཐའ་གཅིག་ཏུ་རྒྱབ་སྐྱོར་ཡོད་ཅེས་ གླེང་གི་འདུག

་་་

དམིགས་བསལ་ཚོགས་ཆེན་གྱི་དགོས་པ།

ད་རེས་ཀྱི་ཚོགས་འདུ་འདི་ཕྱོགས་གཅིག་ནས་ཉེ་བའི་ཚུན་གྱི་བོད་ནང་གི་ཛ་དྲག་དང་ གྲོས་མོལ་ལམ་ལྷོང་འབྱུང་གི་མེད་པའི་ཐད་བོད་མིའི་ནང་བསམ་ཚུལ་བསྡུ་ལེན་བྱེད་ ཡས་ཡིན་ལ། དེ་ལས་གལ་ཆེ་བ་ནི་༧གོང་ས་མཆོག་སྐུ་འཚོ་ཞུགས་སྐབས་བོད་མིའི་སྤྱི་ཚོགས་དང་ བོད་གཞུང་གཉིས་རང་འཚོ་རང་ཚུགས་ལྡན་པའི་ཐོག་ནས་བོད་ཀྱི་འཐབ་རྩོད་རྒྱུན་མཐུད་ ཐུབ་པའི་གནས་སུ་སླེབས་པར་བྱ་རྒྱུའི་སྦྱོང་བརྡར་ཞིག་ཡིན།
 

་་་

ཚོགས་ཆེན་གྱི་ཉིན་གཉིས་པ།

མི་མང་པོ་ཞིག་གིས།  ༧གོང་ས་མཆོག་གིས་ཐེངས་གཉིས་ལ་བསྩལ་བའི་གསུང་འཕྲིན་ལ་གནད་དུ་ཕུགས་པའི་བསམ་ བློ་མ་བཏང་བར་སྐད་ཆ་རྙིང་པ་མང་པོ་ཞིག་བསྐྱར་རྡབ་མང་པོ་བྱེད་ཀྱིན་འདུག ཚོགས་བཅར་བ་ཚོས་དངོས་ཡོད་མིག་མདུན་གྱི་བོད་ཀྱི་གནད་དོན་ལ་བསམ་བློ་གཏོང་རྒྱུ་འཐུས་ཤོར་སོང་ཡོད་པའི་ཚོར་བ་བྱུང་སོང༌ཟེར།

་་་

དབུ་མའི་ལམ་དེ་བྱང་ཆུབ་སྤྱོད་འཇུག་རེད།

ཐེངས་འདིའི་ཚོགས་ཆེན་སྟེང་གཞིས་ལུས་བོད་མི་ ༡༥༠༠༠ ལྷག་གིས་བོད་ཀྱི་རྩ་དོན་སྒྲུབ་ཕྱོགས་ཐད་བསམ་འཆར་ཕུལ་ཡོད་པ་དང་། དེའི་ཁྲོད་བོད་མི་ ༨༠༠༠ སྟོང་གིས་༧རྒྱལ་བ་རིན་པོ་ཆེ་མཆོག་གིས་གང་གསུངས་པ་ལྟར་ཡིན་ཅེས་དང་། ༥༠༠༠ གིས་རང་བཙན་གཙང་མ་དང་། ༢༠༠༠ གིས་དབུ་མའི་ལམ་རང་འཇགས་ཡིན་ཚུལ་གསུངས་འདུག

་་་

མི་ཆུང་སེམས་དཀར་གྱི་ཞུ་བ།

གཞིས་བྱེས་བོད་མི་ཡོངས་ཀྱི་རེ་དོན་ཚོགས་ཆེན་འདི་ལ་བཅོལ་ཡོད་པས་ཁ་ཡོད་ལག་ཡོད་ཀྱི་གྲུབ་འབྲས་སོན་པ་ཞིག་མ་བྱུང་ཚེ་ལྷག་བསམ་དང་སྙིང་སྟོབས་ཞུམ་པ་མེད་པའི་གཞིས་ལུས་བོད་མི་རྣམས་ཀྱི་མདུན་སར་ངོ་གནོང་དགོས་པ་ཞིག་དང༌། རྒྱ་དམར་སྲིད་གཞུང་གི་རེ་ཐོག་ལ་རྟ་རྒྱུག་པ་ལྟ་བུ་ཆགས་ཉེན་ཡོད་པས་ཚོགས་ཞུགས་བ་ཡོངས་གྱིས་དེ་དོན་ལ་དགོངས་དཀྱེལ་ཆེ་བཞེས་གནང་སྐྱོང་ཡོང་བའི་རེ་སྐུལ་མི་ཆུང་སེམས་དཀར་གྱི་ཚུལ་དུ་ཞུ་བཞིན་ལགས།

་་་