དབྱིན་ཡུལ་གྱི་སྲིད་བློན་གསར་པར་འཚམས་འདྲི་མཛད།

༧གོང་ས་མཆོག་ནས་དབྱིན་ཡུལ་གྱི་སྲིད་བློན་གསར་པ་བྷོ་རི་སི་ཇོན་སན་ལགས་ལ་འཚམས་འདྲིའི་གསུང་འཕྲིན་བསྩལ་ཏེ་བོད་དང་དབྱིན་ཡུལ་གྱི་མཛའ་འབྲེལ་ལོ་རྒྱུས་མུ་མཐུད་རྒྱུན་སྐྱོང་གནང་གི་ཡོད་སྐོར་གསུངས་འདུག་་་

ཨ་རིའི་ཕྱུག་བདག་ཆེན་མོ་ཞིག་གིས་བྱམས་བརྩེ་གོང་སྤེལ་ཆེད་ཨ་སྒོར་ས་ཡ་ ༡༠༠ ཞལ་འདེབས་སུ་གནང་།

ཕྱུག་བདག་ཆེན་མོ་ཌན་ནེ་སན་ཧྥོར་ཌི་ལགས་ཀྱིས་གཙུག་ལག་སློབ་ཆེན་ཞིག་ལ་ཨ་སྒོར་ས་ཡ་ ༡༠༠ ཞལ་འདེབས་སུ་གནང་སྟེ་ལེགས་སྐྱེས་དེ་༧གོང་ས་མཆོག་གི་རླབས་ཆེན་གྱི་ཐུགས་དགོངས་དེའི་ཆེད་དུ་ཕུལ་བ་ཡིན་ཞེས་བརྗོད་འདུག་་་

དབྱིན་ཡུལ་ཡུ་རོབ་མཐུན་ཚོཊ་ནས་ཕྱིར་འབུད་པར་རྒྱབ་སྐྱོར་གནང་མཁན་ཞིག་ལ་སྲིད་བློན་གྱི་རྒྱལ་ཁ་ཐོབ།

དབྱིན་ཡུལ་གྱི་སྲིད་བློན་གསར་པ་བྷོ་རི་སི་ཇོན་སན་ལགས་ཀྱིས་འདི་ལོའི་ཕྱི་ཟླ་ ༡༠ ཚེས་ ༣༡ ཉིན་དབྱིན་ཡུལ་ཡུ་རོབ་མཐུན་ཚོགས་ནས་ཕྱིར་འབུད་རྒྱུ་ཡིན་པས་གོ་སྐབས་དམ་འཛིན་བྱ་རྒྱུ་ཡིན་སྐོར་གསུངས་འདུག་་་

དབང་འདུས་ཞེས་པའི་སྐྱེས་པ་ཞིག་ཉེན་རྟོག་པས་འཛིན་བཟུང་བྱས།

སི་ལི་གྷུ་རི་མཐའ་སྲུང་དྲག་ཆས་ཉེན་རྟོག་པས་རྒྱ་དཀར་ནག་གཉིས་ཀྱི་ལག་ཁྱེར་ཡོད་པའི་དབང་འདུས་ཟེར་བའི་སྐྱེས་པ་ཞིག་འཛིན་བཟུང་བྱས་ཏེ་རྒྱབ་ལྗོངས་སོགས་ལ་འདྲི་རྩད་བྱེད་བཞིན་ཡོད་འདུག་་་

ཨ་རིས་ཀ་ཤི་མུར་གྱི་རྩོད་རྙོག་ལ་བར་འདུམ་བྱེད་པར་སྐྱོན་བརྗོད་བྱུང་།  

པཱ་ཀི་སི་ཐན་གྱི་སྲིད་བློན་ཨིམ་རན་ཁན་ལགས་ཀྱིས་སྲིད་འཛིན་ཊོམ་ཕུ་མཆོག་ལ་ཐུག་འཕྲད་གནང་བ་སོགས་ཉིན་གྲངས་གསུམ་རིང་ཨ་རིའི་ནང་རྒྱལ་དོན་གཟིགས་སྐོར་གནང་བཞིན་འདུག་་་

སྟོད་གོས་དཀར་པོ་གྱོན་མཁན་མི་བརྒྱ་སྐོར་ཞིག་གིས་མི་མང་ལ་གང་བྱུང་གཅར་རྡུང་བཏང་།

ཧོང་ཀོང་གི་ཡུན་ལོང་མེ་འཁོར་འབབ་ཚུགས་སུ་སྟོད་གོས་དཀར་པོ་གྱོན་ཞིང་ཁ་རས་བརྒྱབས་པའི་མི་བརྒྱ་སྐོར་ཞིག་གིས་ངོ་རྒོལ་ལས་འགུལ་བ་དང་འགྲུལ་བ་སོགས་ལ་གང་བྱུང་དབྱུག་པ་སོགས་ཀྱིས་གཞུས་ཏེ་མི་མང་པོར་རྨས་སྐྱོན་བཟོས།་་་

ཉི་ཧོང་གཞུང་ཚབ་མདུན་དུ་རང་ལུས་མེར་བསྲེགས་བཏང་།

ལྷོ་ཀོ་རི་ཡའི་རྒྱལ་སར་ཡོད་པའི་ཉི་ཧོང་གཞུང་ཚབ་ཁང་གི་མདུན་དུ་རང་ལོ་ ༧༨ ཡིན་པའི་ཀོ་རི་ཡའི་སྐྱེས་པ་ཞིག་གིས་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་ཡོད་འདུག་་་

དུས་རབས་འདིའི་ཆོས་དད་རང་དབང་གི་གནས་སྟངས་སྡུག་ཤོས་རྒྱ་ནག་ཡིན་སྐོར་གསུངས།

ཨ་རིའི་གཞུང་གིས་རོགས་སྐྱོར་ལས་གཞི་ (USAID) ཐོག་ཨ་སྒོར་ས་ཡ་ ༢༧ གསར་སྣོན་དང་ཆོས་དད་རང་དབང་སྲུང་སྐྱོང་ཆེད་རྒྱལ་སྤྱིའི་ཆོས་དད་རང་དབང་མནའ་འབྲེལ་ཚོགས་པ་གསར་འཛུགས་གནང་བ་ཡོངས་བསྒྲགས་གནང་།་་་