ཨུ་རུ་སུའི་རྩོམ་པ་པོ་ཞིག་གྲོངས་པ།

ནོ་ཝེལ་རྩོམ་རིག་བྱ་དགའ་ཐོབ་མཁན་སྐུ་ཞབས་  solzhenitsyn སོལ་ཛེལ་ནེ་ཙིན་ལགས་ནི་ཨུ་རུ་སུའི་མི་ཡིན་ཞིང༌། གཟའ་ཉི་མའི་ཉིན་གྱི་དགོང་མོར་ཨུ་རུ་སུའི་རྒྱལ་ས་མོའོ་སུ་ཁོ་རུ་སྐུ་སྙུང་ གཞིས་རྐྱེན་བྱས་ཏེ་འདས་ཀྲོངས་སུ་ཕྱིན་ཡོད་པ་དང་དགུང་ལོ་ ༨༩ ཡིན་འདུག

་་་

མ་ཁིན་གྱི་མཇལ་འཕྲད།

ཨ་རིའི་སྤྱི་མཐུན་ཚོགས་པའི་སྲིད་འཛིན་འོས་གཞི་རྗོན་མ་ཁིན་གྱིས་ཁོང་ཉིད་ཏཱ་ལའི་བླ་མར་མཇལ་འཕྲད་གནང་གི་ཡིན་ཟེར།

་་་

རྒྱལ་སྤྱིའི་སྟེང་གི་ཆེས་ཆུང་བའི་རྒྱལ་མོ།

ང་རང་གི་རྒྱལ་སྲས་ཚོར་མཚོན་ན་ཆེས་གལ་ཆེ་བ་ནི།  བདེན་པའི་རིན་ཐང་ངེས་དགོས་པའི་ཤེས་རིག་སྤེལ་དགོས་པ་དང༌།  ངས་བསམ་ན་བདེན་པའི་རིན་ཐང་གིས་མི་ཚེ་མགོ་མཇུག་ཧྲིལ་བོར་རང་ཉིད་ལ་འགེབས་སྲུང་བྱེད་ཐུབ་པ་མ་ཟད༌།   དོན་གནད་གང་ལ་འཕྲད་ཀྱང་བདེན་པའི་རིན་ཐང་ནི་དུས་ནམ་ཡང་རང་ཉིད་དང་ལྷན་དུ་ཡོད།

་་་

བོད་མི་ ༡༡༨ འཇུས་པ།

གཟའ་པ་སངས་ཉིན་བལ་ཡུལ་དུ་ཡོད་པའི་བོད་མི་རྣམས་ཀྱིས་ཀ་ཐ་མན་གྲུ་ནས་རྒྱ་ནག་ གཞུང་ལ་ངོ་རྒོལ་རྔམ་སྟོན་བྱས་ཤིང་། བལ་ཡུལ་ཉེན་རྟོག་པས་བོད་མི་ ༡༡༨ འཇུས་ཡོད་ནའང་ཉིན་གུང་རྗེས་ནས་གློད་ཀྱི་ཡིན་ཚུལ་བརྗོད་ཡོད་པ་རེད།

་་་

ཧི་མ་ལ་ཡའི་ནང་མི།

ཧི་མ་ལ་ཡའི་རི་རྒྱུད་ལ་གཏོགས་པའི་མི་རིགས་རྣམས་ཀྱིས་བོད་དོན་ལ་ རྒྱབ་སྐྱོར་བྱེད་པའི་ཆེད་དུ་ཧི་མ་ལ་ཡའི་ནང་མི་ཞེས་པའི་ཚོགས་པ་གསར་པ་ཞིག་བཙུགས་ཡོད་པ་རེད།

་་་

ཨབ་གྷན་གྱི་བུ་མོ།

ཨབ་གྷན་ནི་སི་ཐན་ལུང་པ་ནས་ལོ་འདིར་པེ་ཅིན་ཨོ་ལིམ་པིག་རྩེད་འགྲན་ནང་ཞུགས་མཁན་གཅིག་ཡོད་པ་ནི་རང་ལོ་ ༡༩ སོན་པའི་བུ་མོ་ མཱ་བྷོ་བྷ་ ཨ་ཌུ་གྷར་ ཡིན་ལ། ཁོ་མོ་ནི་རྒྱང་རྒྱུགས་རུ་ཁག་གི་རེད་འདུག འོན་ཀྱང་ད་ལྟ་ཁོ་མོ་གར་སོང་ཆ་མེད་དུ་གྱུར་འདུག

་་་

བུ་ལོན་ནས་ལངས་ཐབས་བྱེད་བཞིན་པའི་ཨི་རག་གཞུང༌།

འཛམ་གླིང་ནང་ཨི་རག་ནི་རྡོ་སྣུམ་ཐོན་ཁུངས་ཆེ་ཤོས་གྲས་སུ་ཡོད་ཀྱང་རྒྱལ་ཁབ་གཞན་ལ་སྤྲོད་དགོས་པའི་བུ་ལོན་ནི་ཨ་སྒོར་ཐེར་འབུམ་བདུན་ཅུ་ལྷག་ཟིན་ཡོད། ཚོགས་ཆེན་དེའི་སྟེང་ཨི་རག་གཞུང་གིས་རྒྱལ་ཁབ་ཁག་ལ་ཆད་པའི་བུ་ལོན་དེ་དག་ཆག་ཡངས་གཏོང་རྒྱུ་དང་ཨི་རག་ནང་རྒྱལ་ཁབ་དེ་དག་གི་གཞུང་ཚབ་བསྐྱར་གསོ་ཞུ་རྒྱུའི་འབོད་སྐུལ་ཤུགས་ཆེན་བྱས་ཡོད་

་་་

བྱང་ཀོ་རི་ཡའི་རྡུལ་ཕྲན་ཐད་ཨ་རིའི་བློ་འཚབ།

སྲིད་འཛིན་བྷུ་ཤུས་བྱང་ཀོ་རི་ཡའི་གཞུང་གིས་རྡུལ་ཕྲན་ལས་གཞི་མཚམས་འཇོག་དང་རྡུལ་ཕྲན་ལས་གཞིའི་བཙོ་སྦྱངས་མ་ལག་རྩ་མེད་བཟོས་ཟིན་པའི་སྙན་ཐོ་ང་ཚོར་སྦྲད་བྱུང་ཡང༌། རྡུལ་ཕྲན་མཚོན་ཆའི་གྲུབ་ཆར་བེད་སྤྱོད་བྱེད་ཐུབ་པའི་ཡུ་རེན་ནམ་རྫས་རིགས་དང་བདེ་འཇགས་གནད་དོན་ཁག་ཅིག་གི་ཐད་གནས་སྟངས་གསལ་བོ་འཁོད་མེད་པས་ད་དུང་ཡང་བྱང་ཀོ་རི་ཡའི་རྡུལ་ཕྲན་ཐད་བློ་འཚབ་ཡོད་ཟེར།

་་་