༧གོང་ས་མཆོག་གི་ཐུགས་ན་མཆིས་པའི་དཔའ་བོ།

རང་གི་དབང་བོའི་དྭངས་མ་མིག་གི་དབང་བོ་དེར་མི་གཞན་གྱིས་མེ་མདའ་འཕངས་ཏེ་ནུས་མེད་དུ་བཟོས་ཀྱང་། འཁོན་འཛིན་དང་སྡང་སེམས་མེད་པར། ཐོག་མར་རང་གི་ཨ་མའི་གདོང་མི་མཐོང་བའི་སྡུག་བསྔལ་ཙམ་ལས་མ་བྱུང་བ་དེ་ནི་ཧ་ལས་པ་ཞིག་རེད། ངོས་དུས་རྟག་ཏུ་ཁོང་ལ་ངའི་སེམས་ཁོང་གི་དཔའ་བོ་ཞེས་འབོད་ཀྱིན་ཡོད་ཅེས་༧གོང་ས་མཆོག་གིས་གསུངས་ཡོད།

་་་

ཞལ་འདེབས་ལ་འབུལ་རྒྱུ་ཡིན།

བོད་རྒྱལ་ཡོངས་རྩེད་རིགས་ཚོགས་པས་འགྲན་བསྡུར་གྱི་ལམ་ནས་མ་དངུལ་བསྡུ་རུབ་ བྱས་ཏེ་སྐྱེ་རྒུ་མདོའི་ས་ཡོམ་བྱུང་ཡུལ་གྱི་མི་མང་ལ་ཞལ་འདེབས་འབུལ་རྒྱུ་ཡིན་ ཟེར།

་་་

བདུན་ཚིགས་གསུམ་པ་སྲུང་གཙི།

༧གོང་ས་མཆོག་དབུ་བཞུགས་ཐོག་བཙན་བྱོལ་བོད་གཞུང་དམངས་ཡོངས་ཀྱིས་སྐྱེ་རྒུ་མདོའི་ས་ཡོམ་གོད་ཆག་ཐེབས་པའི་མང་ཚོགས་ཀྱི་ཆེད་དུ་བདུན་ཚིགས་གསུམ་པ་སྲུང་གཙི་བྱས་ཡོད།

་་་

དཔེ་དེབ་སྤྱན་འབུལ་ཞུ་རྒྱུ་རེད།

ཨུ་རུ་སུའི་སྤྱི་ཚོགས་ཚན་རིག་ཁང་གི་ཌོག་ཊར་སེ་ཇོ་སི་ཨེལ་ཁོ་སུ་མིན་མཆོག་གིས་བརྩམས་པའི་བོད་རང་བཙན་དང་བཙན་འཛུལ་སྐོར་གྱི་ལོ་རྒྱུས་༼སྦས་པའི་བོད༽ཅེས་པ་དེ་ཚེས་ ༤ ཉིན་གྱི་ཕྱི་དྲོའི་དུས་ཚོད་ ༣༌༤༠ ཐོག་ངྷ་སའི་བོད་ཀྱི་དཔེ་མཛོད་ཁང་དུ་གཟིགས་འབུལ་ཞུ་རྒྱུ་ཡིན་འདུག

་་་

རྡོ་རྗེ་གླིང་གི་བསྔོ་སྨོན།

རྡོ་རྗེ་གླིང་གི་ས་གནས་ཁག་ ༩ དང་དགོན་སྡེ་ཁག་ ༧ ལྷག་གིས་ཡུལ་ཤུལ་གྱི་ཚེ་འདས་པ་རྣམས་ཀྱི་ཆེད་བསྔོ་སྨོན་འདེབས་བཞིན་འདུག

་་་

བོད་རྒྱ་ལག་ཏུ་ཤོར་བ་བོད་པར་རྙིང་ཞེན་ཆེ་དྲཊ་པའི་མིན་ནམ་སྙམ་ཡོད།

སློབ་གྲྭ་འདིའི་ནང་གི་སློབ་ཕྲུག་ཚོས་བོད་ནས་ལ་བརྒྱབས་ཆུ་བརྒལ་བྱས་ཏེ་ཡོང་བ་རེད། གཅེས་པའི་ལུས་སྲོག་ལ་འཇིགས་སྣང་དང་། ཕ་མ་སྤུན་མཆེད་བྲལ་བའི་སྐྱོ་སྡུག་གི་འོག་ནས་ཡོང་བ་རེད། དགེ་ལས་ཡོངས་ཀྱིས་སྤྱིར་བཏང་གི་སློབ་མ་ཙམ་གྱི་འདི་ཤེས་མི་འཛིན་པར། སློབ་ཕྲུག་ཚོའི་ཕ་མ་གཉིས་པ་ལྟ་བུ་བྱས་ཏེ། བྱམས་སྐྱོང་དང་བརྩེ་བའི་ཁྱབ་པ་གནང་རོགས་ཟེར་ནས་ངས་རེ་བ་ཞུ་བཞིན་ཡོད། ཅེས་དཔལ་རྒྱལ་བ་ཀརྨ་པ་མཆོག་གིས་གསུངས་ཡོད།

་་་

བདུན་ཚིགས་བདུན་འཚོགས་སྟངས།

ཀཾ་ཚང་གི་དགོན་པ་ཆེ་ཁག་ ༣༡ གིས་ས་ཡོམ་ཁྲོད་རྐྱེན་འདས་སོང་བ་རྣམས་ཀྱི་བདུན་ཚིགས་འཚོགས་སྟངས་གསལ་བསྒྲགས་ གནང་ཡོད་པ་རེད།

་་་

ཁོར་ཡུག་ཚོགས་འདུ།

བོད་མིའི་སྐུ་ཚབ་ཀྱིས་ཐའེ་ཝན་དུ་འཚོགས་པའི་ཁོར་ཡུག་ཚོགས་འདུའི་ཐོག་བོད་ཀྱི་ཁོར་ཡུག་གནས་སྟངས་ཐད་འགྲེལ་བརྗོད་བྱས་ཡོད་འདུག

་་་