༧གོང་ས་མཆོག་གིས་རྒྱ་རིཌ་མི་མང་ལ་ལོ་གསར་འཚམས་འདྲི།

རྒྱ་ནག་སོ་ནམ་པའི་ལུགས་ཀྱི་དཔྱིད་གསར་དུས་སྟོན་ནམ། གནམ་ལོ་གསར་བ་ཤར་བའི་སྐབས་འདིར། ངོས་ནས་རྒྱ་ནག་སྐམ་ས་ཆེན་པོས་གཙོས་འཛམ་གླིང་ཁྱོན་ཡོངས་སུ་གནས་པའི་རྒྱ་རིགས་ སྤུན་ཟླ་ཡོངས་ལ་གནམ་ལོ་གསར་ཚེས་ཀྱི་དུས་སྟོན་ལ་མཛའ་བརྩེའི་འཚམས་འདྲི་དང་ བཀྲ་ཤིས་བདེ་ལེགས་བརྗོད་ཀྱིན་ཡོད། ཅེས་༧གོང་ས་མཆོག་གིས་རྒྱ་རིགས་མི་དམངས་ལ་གསུང་འཕྲིན་བསྩལ་ཡོད།

་་་

ཨ་རྒྱ་གཉིས་ཀྱི་དམག་དོན་གྱི་མཐའ་རྒྱ་གསར་པ།

རྒྱ་ནག་གཞུང་གིས་ཚེས་ ༢༠ ཉིན་སྲིད་འཛིན་ཨོ་བྷ་མ་ལ་རྒྱ་ནག་དང་ཨ་རིའི་བར་གྱི་དམག་དོན་འབྲེལ་བ་ཡར་རྒྱས་ གཏོང་རྒྱུར་མཉམ་་འབྲེལ་བྱ་དགོས་པའི་འབོད་སྐུལ་ཞུས་ཡོད་འདུག

་་་

ཁུག་མའི་ནང་གི་ཁ་བཏགས།

ཨོ་བྷ་མ་མཆོག་གིས་དམ་འབུལ་དབུ་མནའ་བཞེས་སྐབས་ཁོང་གི་གློ་ཁུག་ནང་དུ་༧གོང་ས་མཆོག་གིས་བསྐུར་གནང་བའི་ཁ་བཏགས་དེ་བཅུག་ཡོད་འདུག

་་་

ཨ་རིའི་བོད་མིར་ལོ་གསར་མེད།

ཨ་རི་དང་ཁེ་ན་ཊའི་བོད་རིགས་སྤྱི་མཐུན་ཚོགས་པ་ཁག་གི་ཐེངས་བཅུ་བའི་ཚོགས་ཆེན་འཚོགས་ཏེ། ད་ལོའི་ལོ་གསར་ལ་སྤྲོད་སྐྱིད་མེད་པ་དང༌། ཕྱི་སྡོད་རྒྱ་རིགས་ཚོ་དང་འབྲེལ་བ་དམ་ཟབ་དུ་གཏོང་རྒྱུ་བཅས་ཐག་གཅོད་བྱུང་ཡོད་འདུག

་་་

མཚོ་ཁའི་འབྲོག་པ་དང་ཉ་པའི་རྩོད་པ།

མཚོ་སྔོན་པོའི་ཁ་ཡི་ཉ་འཛིན་པ་དང་ས་གནས་འབྲོག་པ་མང་ཚོགས་ཀྱི་བར་འགལ་ཟླ་བྱུང་ བར་བརྟེན། སྲིད་གཞུང་གིས་སྲིད་ཇུས་གསར་བ་ཞིག་གཏན་ལ་ཕབ་ནས་འབྲོག་པ་རྣམས་གནས་སྤོར་དགོས་ པའི་བཀའ་བཏང་ཡོད་འདུག

་་་

དཔྱིད་ཆོས་ཕྱིར་འཐེན།

ལོ་ལྟར་༧གོང་ས་མཆོག་གིས་སྤྱི་ཟླ་ ༣ པའི་ནང་དཔྱིད་ཆོས་ཆེན་མོ་གནང་གི་ཡོད་ཀྱང༌། ད་ལོའི་ལོ་མགོར་ཝ་རཱ་ནཱ་སིར་གསུང་ཆོས་གནང་བའི་རྐྱེན་གྱིས་ལོ་འདིའི་དཔྱིད་ ཆོས་ཆེན་མོ་ཕྱིར་འཐེན་གནང་ཡོད་པ་རེད།

་་་

ཤེས་ཡོན་འཐུས་ཤོར་ངོས་འཛིན་དང་སླར་གསོ་བྱ་ཐབས །

འཛིན་སྐྱོང་བྱེད་མཁན་དང་དགེ་རྒན་ཚོས་བློས་གཏོང་ཆུང་ཆུང་ཞིག་ཀྱང་བྱེད་ཐུབ་ཀྱིན་མེད། གནས་སྟངས་འདིའི་འོག་ནས་བྱིས་པ་ཚོ་བརྒྱ་ཆའི་བརྒྱ་ཡར་རྒྱས་འགྲོ་བར་རེ་བ་བྱེད་པ་ཧམ་པ་རེད། ཕར་ཕྱོགས་བརྒྱ་ཆ་བརྒྱ་ཡར་རྒྱས་འགྲོ་དགོས་ན། ཐོག་མར་དུ་སོ་སོར་བརྒྱ་ཆ་གཅིག་འགྱུར་བ་གཏོང་དགོས། ང་རང་ལོ་ཉི་ཤུ་རྩ་གྲངས་ལ་བྱིས་པ་ཚོར་མཉམ་གཤིབ་བྱས་པ་ཡིན། ཕ་མས་བུ་ཕྲུག་མཐོང་གིན་ཡོད་ཀྱང༌། ལྟ་གི་མི་འདུག མཐོང་བ་དང་ལྟ་བ་གཉིས་ཁ་ཁ་རེད།

་་་

ཤོག་སྦག་སྒྲོན་ན་བྱ་དགའ་ཡོད།

ད་ལོ་བོད་ཡུལ་སྟོད་སྨད་བར་གསུམ་དུ་ལོ་གསར་གཏོང་རྒྱུ་མིན་པའི་གནས་ཚུལ་ཁྱབ་མ་ཐག ས་གནས་འབྲེལ་ཡོད་ཚན་པ་ཨུ་ཐུག་སྟེ། མང་ཚོགས་ཚོར་ལོ་གསར་ལ་ཤོག་སྦག་དང་བཟའ་བཅའ་རིན་མེད་དུ་སྤྲོད་རྒྱུ་ཡིན་པ་མ་ཟད། རྒྱན་ཆས་དང་ གླུ་གཞས་འཁྲབ་སྟོན་བྱ་དགོས་པའི་བཙན་བཀའ་ཡང་གཏོང་བཞིན་ཡོད་འདུག

་་་