བོད་མི་གཉིས་འཇུས་པ།

དཀོན་མཆོག་སྒྲོལ་མ་དང་ངག་དབང་བསོད་ནམས་ཞུ་བ་གཉིས་སྔ་ཕྱི་ལྟར་བོད་དོན་སྐོར་ངོ་རྒོལ་སྐད་འབོད་བྱས་པ་ལྟར་དཀར་མཛེས་ས་ཁུལ་ནས་ཉེན་རྟོག་པས་འཇུས་ཡོད་འདུག

་་་

ཞི་རྒོལ་བ་ཞིག་ངྷ་སར་འབྱོར་བ།

རྒྱ་གཞུང་གིས། བོད་མི་ཚོས་དྲག་པོའི་ལས་འགུལ་སྤེལ་བཞིན་ཡོད་པ་རེད་ཅེས་སྒྲོག་གིན་ཡོད་པ་རེད། ཁོང་ཚོས་ང་ཚོ་མི་མང་གི་ཐོག་ལ་མེ་མདའ་དང་དབྱུག་པ། དུག་རྫས་འདྲ་མིན་བེད་སྤྱོད་བྱས་པའི་གནས་སྟངས་ལ་བལྟས་ན་དྲག་པོའི་ལས་འགུལ་ སྤེལ་མཁན་དེ་ཁོང་ཚོ་རེད།

་་་

འཇིགས་སུ་རུང་བའི་མཚོ་སྔོན་པོ།

གནའ་སྔ་མོར་དད་པ་དང་དུང་ཞེན་ཆེ་བའི་མཚོ་སྔོན་པོ་འདི་ད་ཆར་མཐའ་འཁོར་གྱི་བོད་ མི་ཚོར་འཇིགས་སུ་རུང་བའི་དུར་ཁྲོད་ཅིག་ཏུ་འགྱུར་གྱིན་ཡོད་འདུག མཚོ་སྔོན་པོའི་མཛེས་སྡུག་འདི་ལྷག་པར་དུ་འདས་པའི་ལོ་བཅུ་སྟེ། ནུབ་བརྒྱུད་ཐོན་སྐྱེད་ཆེན་མོ་མགོ་བཙུགས་པ་ནས་བཟུང་ཡལ་ཐལ་ཅེས་མཐའ་འཁོར་གྱི་ གཞིས་སྡོད་འབྲོག་པ་ཚོས་བརྗོད་ཀྱིན་ཡོད།

་་་

ཝ་རཱ་ཎཱ་སིར་གསུང་ཆོས་བསྩལ་བཞིན་པ།

༧གོང་ས་མཆོག་གིས་ཉིན་ ༦ རིང་ལ་ཝ་རཱ་ཎཱ་སིར་རྒྱལ་ཁབ་ ༣༠ ལྷག་ནས་ཕེབས་པའི་མི་མང་ཁྲི་ ༢ ལྷག་ལ་སྤྱོད་འཇུག་ཆེན་མོ་དང༌། མངོན་པ་ཀུན་བཏུས་ཀྱི་གསུང་ཆོས་གནང་གིན་ཡོད་པ་རེད།

་་་

དབུས་ཤར་ཨེ་ཤ་ཡའི་དམག་འཁྲུག

ཚེས་ ༦ ཉིན་ཨི་སི་རེལ་དང་པཱ་ལི་ས་ཐན་བར་གྱི་དམག་འཁྲུག་ད་དུང་མཚམས་འཇོག་བྱས་མེད་པ་ དང༌། དེ་རིང་ཞོགས་པར་པཱ་ལི་སི་ཐན་གྱི་མི་ ༡༨ བསད་ཡོད་འདུག པཱ་ལི་ས་ཐན་གྱི་གྲོང་ཁྱེར་གྷ་ཛ་རུ་ཨི་སི་རེལ་མཁའ་དམག་གིས་བར་སྣང་ནས་འབར་རྫས་གཡུག་པ་སོགས་ཀྱིས་མི་གྲངས་ ༥༥༠ ལྷག་འདས་གྲོངས་སུ་སོང་ཡོད་པ་དང༌།  མི་ ༢༥༠༠ ལྷག་ལ་རྨས་སྐྱོན་ཕོག་ཡོད་པ་རྒྱལ་སྤྱིའི་གསར་ལམ་ཁག་ཏུ་གནས་ཚུལ་སྤེལ་ཡོད།

་་་

ཁྲོམ་སར་མེ་ཤོར་བ།

བོད་མིའི་ཁྱིམ་ཚང་ ༡༣ གྱི་ཁྲོམ་ས་ ༣༠ ལ་མེ་ཤོར་ཏེ་ཚོང་རྫས་རྩ་མེད་དུ་གྱུར་འདུག་ལ། བོད་གཞུང་དང་རྒྱ་གར་མངའ་སྡེ་གཞུང་སོགས་ནས་རོགས་སྐྱོར་བྱེད་རྒྱུའི་ཁས་ལེན་བྱས་ཡོད་འདུག

་་་

ལོ་ ༨ ཀྱི་ཁྲིམས་ཆད།

ཨ་མདོ་རྔ་པའི་ཐེའུ་གྲོང་རུ་ཁག་གཉིས་པའི་ཧོར་ཚང་ནས་ཡིན་པ། རྟོགས་ལྡན་བོན་དགོན་གྱི་ཆབ་སྲིད་བཙོན་ཟུར་གྲྭ་སངས་དགའ་ལ་རྒྱལ་ཁབ་ཀྱི་གསང་བ་ ཕྱིར་བསྒྲགས་བྱས་པའི་ཉེས་འཛུགས་འོག་ལོ་ ༨ ཀྱི་བཙོན་འཇུག་ཁྲིམས་ཐག་བཅད་ཡོད་འདུག

་་་