རྒྱ་ནག་ཏུ་འགྲོ་བ་མིའི་ཐོབ་ཐང་ཡོད་ཟེར།

རྒྱ་ནག་གིས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཁོངས་སུ་བསྐྱར་དུ་འོས་འདེམས་ཡོང་བར་རེ་བ་རྒྱག་གིན་ཡོད་འདུག

་་་

གཞི་རིམ་སློབ་མར་རིག་གནས་འཆད་ཁྲིད།

ཆབ་སྲིད་ཀྱི་ལས་འགུལ་ལྟ་བུ་སྤེལ་རྒྱུ་གལ་ཆེ་ཡང་གཞི་རིམ་སློབ་མ་ཚོར་རིག་གནས་ཀྱི་རྨང་གཞི་བརྟན་པོར་འཛུགས་རྒྱུ་དེ་བས་ཀྱང་གལ་ཆེན་པོ་རེད་ཟེར།

་་་

དཔའ་བོ་ལྔ་ངྷ་སར་འབྱོར་བ།

མདོ་སྨད་བླ་བྲང་བསང་ཆུ་རུ་ན་ནིང་ཞི་རྒོལ་དང་གསར་འགོད་པའི་མདུན་དུ་བོད་མིའི་བདེ་སྡུག་གི་སྐད་ཆ་བཤད་མཁན་མི་སྣ་གཙོ་བོ་ལྔ་བྲོས་བྱོལ་དུ་བདེ་འབྱོར་བྱུང་ཡོད་པ་རེད།

་་་

འབྲེལ་མོལ་ད་ལོ་མི་འགྲིག་ཀྱང་སང་ལོ་འགྲིག་ཆོག་གི་རེད།

བོད་རྒྱའི་བར་གྱི་འབྲེལ་མོལ་ལོ་འདིར་མི་འགྲིག་ཀྱང་ལོ་རྗེས་མར་བྱས་ཀྱང་ཆོག་ ལ། ལོ་རྗེས་མར་མི་འགྲིག་ཀྱང་ལོ་ལྔའི་རྗེས་ནས་བྱས་ཀྱང་ཆོག ཅེས་སྐུའི་གཅེན་པོ་བཀའ་ཟུར་རྒྱལ་ལོ་དོན་གྲུབ་མཆོག་གིས་གསུངས་ཡོད།

་་་

མི་ ༣ ལ་ཁྲིམས་ཐག་བཅད།

ཁ་སང་ཕྱི་ཚེས་ ༧ ཉིན་རྔ་བ་ཁུལ་མཛོད་དགེ་རྫོང་ཁྲིམས་ཁང་གིས་རྔ་བ་རྫོང་གཅའ་ཞང༌། སྟར་རིང་ཚང་གི་རང་ལོ་ ༢༩ ཡིན་པའི་བུ་ཆེ་བ་འཇམ་དཔལ་དང༌། རང་ལོ་ ༢༣ ཡིན་པའི་བུ་ཆུང་བ་བླ་མ་གཉིས་ལ་ལོ་ ༤ རེ་དང། སྐྱ་འཇིགས་ཚང་གི་རང་ལོ་ ༢༧ ཡིན་པའི་བུ་རྣམ་ཁོར་ལོ་ ༣ བཅས་ཀྱི་ཁྲིམས་ཐག་བཅད་ཡོད་འདུག

་་་

ཟབ་སྦྱོང་དུ་གཏོང་འཆར།

རྒྱ་གར་མཐོ་སློབ་ཁག་གི་བོད་རིགས་སློབ་མ་བཅོ་ལྔ་ཙམ་འོས་འདེམས་བྱས་ཏེ། ཕྱི་ཟླ་དགུ་བའི་ནང་ཨི་ཊི་ལིར་སྲིད་དོན་ཚན་རིག་ཟབ་སྦྱོང་དུ་གཏོང་འཆར་ཡོད་པ་ལྟར། ཞིབ་འཇུག་ཚོགས་ཆུང་གིས་སློབ་མ་རྣམས་བདམས་ཐོན་བྱུུང་སྟེ་གསལ་བསྒྲགས་བྱས་ཡོད།

་་་

འཛམ་གླིང་འབྲུ་རིགས་ཀྱི་དཀའ་ངལ།

མཉམ་འབྲེལ་རྒྱལ་ཚོགས་ཞིང་ལས་ལྟ་རྟོག་སྒྲིག་འཛུགས་ཀྱིས་བརྗོད་པ་ལྟར་ན། ཉེ་བའི་ལོ་འགའི་རིང་འཛམ་གླིང་ནང་ས་ཞིང་རྨོ་འདེབས་བྱེད་མཁན་གྱི་རྒྱལ་ཁབ་ཉུང་ དུ་ཕྱིན་པའི་རྐྱེན་གྱིས།  ལོ་འདིར་མ་མཐར་འཛམ་གླིང་གི་མི་གྲངས་དུང་ཕྱུར་ ༡༠ ལྷག་ལྟོགས་སྐོམ་གྱི་གནས་སུ་གྱར་རྒྱུ་ཡིན་ཚུལ་བརྗོད་ཡོད།

་་་

བླ་མའི་བླ་བྲང་དགེ་རྩ་ཚོགས་པར་བསྒྱུར།

ཀིརྟི་བླ་བྲང་གི་སྔོན་མའི་སྒྲིག་འཛུགས་དེ་དགེ་རྩ་ཚོགས་པའི་ངོ་བོར་བསྒྱུར་བ་ཞིག་ཡིན་སྟབས། རིན་པོ་ཆེ་མཆོག་ལ་ད་བར་དངུལ་གང་ཡོད་པ་དང། མི་དམངས་ཚོས་བསྔོ་རྟེན་སྐྱབས་རྟེན་གང་ཕུལ་བ་དེ་དགེ་རྩ་ཚོགས་པ་འདིའི་མ་དངུལ་ཆགས་ཡོད། ལྷག་པར་དུ་གསལ་བོ་བཟོ་དགོས་པ་ཞིག་ལ། དགེ་རྩ་ཚོགས་པ་འདིའི་ཐོག་མའི་སྒྲིག་གཞིའི་ནང་ཕྱིའི་རོགས་སྐྱོར་འཚོལ་རྒྱུ་ཞིག་བཀོད་ཡོད་ཀྱང་། ད་ལོའི་ཚོགས་ཆེན་སྟེང་ལས་འཆར་དེ་བཀག་འགོག་བྱས་སོང་ཟེར།

་་་