འཛུམ་བཅོས་མའི་རྒྱབ་གི་ཨོ་ལིམ་པིག

ང་རང་ཨོ་ལིམ་པིག་མཛད་སྒོ་ལ་བཅར་མེད་ལ། སྤྲོ་བའང་མི་འདུག ཅིའི་ཕྱིར་ང་མཛད་སྒོ་ལ་ཞུགས་འདོད་མ་སྐྱེས་པ་ཡིན་ནམ་ཞེ་ན། ངས་མཛད་སྒོ་འདི་དཔལ་འབྱོར་གྱིས་བདག་བཟུང་བྱེད་པའི་སྲིད་གཞུང་ཤིག་གི་བཙན་ དབང་གིས་བཀོད་སྒྲིག་བྱས་པ་ཞིག་ལས། མི་དམངས་ཀྱིས་རང་འགུལ་གྱིས་རོལ་བའི་དུས་སྟོན་ཞིག་དང་སྨྲ་བརྗོད་རང་དབང་གི་ དུས་སྟོན་ཞིག་ཏུ་མཐོང་གི་མི་འདུག  མཛད་སྒོ་འདིར་ཕངས་སེམས་སྐྱེས་སའི་གནས་མང་བོ་ཞིག་ཡོད་སྟབས། ང་ཞུགས་མི་འདོད།

་་་

ཁེར་རྐྱང་ལ་མ་འཇོག

ཕྱི་ཚེས་ ༡༣ ཉིན་༧གོང་ས་མཆོག་གིས་ཕ་རི་སི་ནས་གསར་འགོད་གསལ་བསྒྲགས་ཤིག་སྤེལ་ཏེ། རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་འཛམ་གླིང་དམངས་གཙོའི་ནང་འཁྲིད་ཡོང་ རྒྱུའི་འགན་ཡོད་པ་རེད། ཅེས་གསུངས་འདུག

་་་

ཨེ་ཤ་ཡའི་ཡ་ཁོག་གི་ལྕགས་ལམ་རིང་བོ་གཉིས།

རྒྱ་ནག་གིས་སྨད་ནས་བོད་དབུས་ཕྱོགས་སུ་ལྕགས་ལམ་འཕངས་པའི་ལན་ལྟ་བུར་རྒྱ་གར་ གྱིས་ཀྱང་ཧི་མ་ཅལ་གྱི་མ་ན་ལི་ནས་རོང་ཐང་བརྒྱུད། སྟོད་ལ་དྭགས་བར་དུ་ལྕགས་ལམ་རིང་བོ་ཞིག་འཕེན་རྒྱུ་ཡིན་འདུག

་་་

ཧི་མ་ལའི་རི་རྒྱུད་ཀྱིས་བོད་རང་བཙན་རྩོད་རྒྱུ་ཡིན།

ཧི་མ་ལ་ཡའི་རི་བརྒྱུད་ཀྱི་མི་མི་རིགས་ཁག་གིས་བོད་དོན་ཐད་ཚོགས་འདུ་འཚོགས་ཏེ། ད་ནས་བཟུང་ཁྱིམ་ཚང་སོ་སོའི་ཉི་མ་རེ་རེའི་ཟས་རིན་ལས་དངུལ་ཅུང་རེ་ཟུར་འཇོག་ གིས་བོད་རང་བཙན་ཆེད་གཏོང་རྒྱུ་དང༌། སློབ་གྲྭར་འགྲོ་བའི་བྱིས་པ་ཚོར་སློབ་གསོ་བཏང་སྟེ། བོད་རང་བཙན་ལེན་དགོས་པ་རེད། ང་ཚོ་བོད་དུ་འགྲོ་དགོས་པ་རེད་ཅེས། ཉིན་རེའི་རྔན་པ་ཉོ་བྱེད་དངུལ་ལས་ཀྱང་ཟུར་འཇོག་གིས་བོད་དོན་ཆེད་གཏོང་རྒྱུ་ བྱས་ཡོད་ཟེར།

་་་

ཁྱོན་མི་ ༣༠ བསད་འདུག

དེ་རིང་ཞོགས་པ་ཞིན་ཅང་ས་ཁུལ་དུ་མི་གསུམ་བསད་པ་དེས་ཨོ་ལིམ་པིག་འཚོགས་པའི་ དུས་ཡུན་འདིའི་རིང་ཁྱོན་རྒྱ་ནག་གི་ཉེན་རྟོག་པ་བསད་པའི་གྲངས་འབོར་དེ་ ༣༠ ལ་བསླེབས་ཡོད་པ་རེད།

་་་

གོང་ས་མཆོག་ཧྥ་རན་སིར་ཕེབས་པ།

གཟའ་ཟླ་བའི་ཉིན་༧གོང་ས་མཆོག་ཧྥ་རན་སིའི་ནང་ཆིབས་བསྒྱུར་བསྐྱངས་ཡོད་པ་དང་། ཁོང་གི་གཞུང་འབྲེལ་གྱི་གཟིགས་སྐོར་མཛད་འཕྲིན་དངོས་དེ་ཕྱི་ཚེས་ ༡༢ ཉིན་ནས་མགོ་བརྩམས་ཡོད་ཅིང་། ཐོག་མརཁོང་ཕ་རི་སིའི་ལྷོ་ཕྱོགས་སུ་ཡོད་པའི་ཝེ་ཊི་ནམ་གྱི་ནང་པའི་ལྷ་ཁང་ཞིག་ ལ་རབ་གནས་གནང་ཡོད་པ་རེད། ཕྱི་ཚེས་ ༡༣ ཉིན་༧གོང་ས་མཆོག་ཧྥ་རན་སིའི་གྲོས་ཚོགས་ཀྱི་ཚོགས་མི་བརྒྱ་ཕྲག་ཅིག་ལ་མཇལ་ འཕྲད་གནང་རྒྱུ་རེད།

་་་

ཐ་སྙད་གཏན་འབེབས།

བཙན་བྱོལ་བོད་གཞུང་ཤེས་རིག་ལས་ཁུངས་ཀྱི་གོ་སྒྲིག་འོག་བོད་ཀྱི་དེང་རབས་ཐ་སྙད་གཏན་འབེབས་བྱེད་ཕྱོགས་ཀྱི་ཆེས་མཐོའི་ཚོགས་ཆུང་གི་ཚོགས་འདུ་ཐེངས་དང་པོ་ དེ་ངྷ་སར་འཚོགས་ཡོད་པ་རེད།

་་་

བུད་མེད་གཉིས་རྨས་འདུག

རྔ་བ་རྫོང་དུ་བོད་ཀྱི་བུད་མེད་གཉིས་ལ་རྒྱ་ནག་གི་ཉེན་རྟོག་པས་མེ་མདའ་བརྒྱབས་ ནས་རྨས་ཡོད་འདུག གནས་ཚུལ་འདི་བོད་རང་དབང་ལས་འགུལ་ཚོགས་པས་གསར་འགྱུར་བརྒྱུད་ལམ་ཁག་ལ་སྤེལ་ ཡོད་པ་རེད།

་་་