བོད་མི་ལྔ་ལ་ཁྲིམས་ཆད།

 འདི་གར་ཁུངས་ལྡན་གནས་ཚུལ་འབྱོར་བ་ལྟར་ན།  ཞི་རྒོལ་ཆེན་མོའི་སྣེ་ཁྲིད་པའི་ཉེས་མིང་འོག རྨ་ཆུ་རྫོང་དུ་བོད་མི་ལྔ་ལ་ལོ་ ༤ ནས་ ༡༤ བར་གྱི་ཁྲིམས་ཐག་བཅད་འདུག

་་་

དབུ་མ་རྒྱུན་སྐྱོང་དང་འབྲེལ་མོལ་མཚམས་འཇོག

ཐེངས་འདིའི་དམིགས་བསལ་ཚོགས་ཆེན་སྟེང་ནས་ད་བར་གྱི་བོད་རྒྱའི་འབྲེལ་མོལ་དེ་ མཚམས་འཇོག་རྒྱུའི་བསམ་ཚུལ་བཏོན་ཡོད་པ་དང་། ཡིན་ནའང་བོད་ཀྱི་གནད་དོན་སེལ་ཐབས་ཀྱི་ཐབས་ལམ་ཡག་ཤོས་ནི་དབུ་མའི་ལམ་གྱི་ལངས་ ཕྱོགས་ཡིན་སྟབས་སྲིད་བྱུས་འདི་མུ་མཐུད་རྒྱུན་འཛིན་བྱེད་རྒྱུའི་གྲོས་འཆམ་ བྱུང་ཡོད་ཅིང་། གྲོས་འཆམ་འདི་དག་ནི་འབྱུང་འགྱུར་བོད་མི་མང་སྤྱི་འཐུས་གྲོས་ཚོགས་ཀྱི་རྒྱབ་ གཉེར་སྙན་ཐོ་ལྟ་བུར་བཏོན་ཡོད་པ་རེད།

་་་

གཞུང་གིས་རང་བཙན་བསྐྱར་ཞིབ་བྱ་དགོས།

གཞུང་ལ་འགྱུར་བ་གཏོང་མཁན་ཞིག་དགོས་པ་རེད། ཁོང་ཚོར་དབང་ཆ་དགོས་ན་མི་དམངས་ཀྱི་སྐད་ཆར་ཉན་གི་རེད། གོ་ལ་གཅིག་གྱུར་ཆགས་བཞིན་ཡོད། ང་ཚོའི་འཛམ་གླིང་དེའང་གཞོན་སྐྱེས་ཚོའི་ལག་ཏུ་འགྲོ་དགོས་པ་རེད། ང་ཚོའི་སྤྱི་ཚོགས་དེ་རྩ་བ་ནས་དཀྲུགས་དགོས་ཀྱིན་འདུག དེ་དང་མཉམ་དུ་རང་བཙན་གྱི་གསར་བརྗེ་ཡོང་གི་རེད་ལ། ང་ཚོས་འཛམ་གླིང་ཡོངས་ཧ་ལས་པ་ཞིག་བཟོ་དགོས།

་་་

རྒྱ་རིགས་ཁྲིམས་རྩོད་པའི་རྒྱབ་སྐྱོར།

རྒྱ་ནག་གི་ཁྲིམས་རྩོད་པ་ཞིག་གིས་འགྲོ་བ་མིའི་ཐོབ་ཐང་རྩ་བར་བཞག་ནས་༧གོང་ས་མཆོག་གིས་རྒྱ་ནག་ལ་བཏོན་པའི་རང་སྲིད་རང་སྐྱོང་དང་བོད་རྒྱ་གཉིས་ཕན་གྱི་དགོངས་དོན་རླབས་ཆེན་ཞིག་བཟུང་ཡོད་པར་རྒྱབ་སྐྱོར་གནང་ཡོད་འདུག

་་་

ཚོགས་ཆེན་གྱི་ཉིན་བཞི་པ།

ཉེ་ཆར་བཀའ་ཁྲི་མཆོག་དང་སྤྱི་འཐུས་ཚོགས་གཙོ་རྣམ་གཉིས་ཀྱིས། མང་མོས་ཀྱི་སྒྲིག་སྲོལ་མེད་ཚུལ་བརྗོད་ཡོད་ནའང༌། ང་ཚོའི་ཚོགས་ཆུང་ནང་རྣམ་པ་དེ་ཡོང་གི་འདུག་ལ་ངས་མཐའ་གཅིག་ཏུ་དགག་པ་བརྒྱབས་པ་ཡིན་ཟེར།

་་་

ཚོགས་ཆེན་སྟེང་གཞོན་ལྷན་གྱི་ངོས་འཛིན་དང་རེ་སྐུལ།

བོད་མིའི་དམིགས་བསལ་ཚོགས་ཆེན་སྟེང་བོད་ཀྱི་གཞོན་ནུའི་ལྷན་ཚོགས་ཀྱིས། བར་ལམ་བོད་ནང་གི་ཛ་དྲག་བྱུང་རྐྱེན་ལ་ཕུགས་རྐྱེན་དང་འཕྲལ་རྐྱེན་གཉིས་ཡོད་པའི་ངོས་འཛིན་དང༌། བོད་རང་བཙན་སླར་གསོའི་ཐོག་ནུས་ཤུགས་གཅིག་ཏུ་སྤུངས་ཤིང༌། འཐབ་རྩོད་ཀྱི་གོམ་སྟབས་མདུན་དུ་བསྐྱོད་དགོས་པའི་དུས་ལ་སླེབས་ཡོད་ཚུལ་དང༌། ད་ཡོད་སྤྱི་འཐུས་ཀྱི་སྒྲོམ་གཞིའི་ཐོག་ཆོལ་ཁ་དང༌། ཆོས་ལུགས་རིས་མེད་ཀྱི་ས་གནས་སྤྱི་འཐུས་དྲག་འདེམས་ཡོང་ཐབས་སོགས་དོན་ཚན་ ༦ འཁོད་པ་ཞིག་ཕུལ་ཡོད་འདུག

་་་

ཉིན་གཉིས་པར་ཉན་ཞིབ།

ད་ལྟའི་བར་གྱི་ཐོས་ཚུལ་ལ་གཞིགས་ན་ལམ་དབུ་མ་ལ་རྒྱབ་སྐྱོེར་མེད་ཟེར་མཁན་ཐོས་ མ་སོང༌། ༧གོང་ས་མཆོག་གིས་ཕུལ་ཡོད་པའི་སྲིད་བྱུས་ལ་མཐའ་གཅིག་ཏུ་རྒྱབ་སྐྱོར་ཡོད་ཅེས་ གླེང་གི་འདུག

་་་

ཚོགས་ཆེན་གྱི་ཉིན་གཉིས་པ།

མི་མང་པོ་ཞིག་གིས།  ༧གོང་ས་མཆོག་གིས་ཐེངས་གཉིས་ལ་བསྩལ་བའི་གསུང་འཕྲིན་ལ་གནད་དུ་ཕུགས་པའི་བསམ་ བློ་མ་བཏང་བར་སྐད་ཆ་རྙིང་པ་མང་པོ་ཞིག་བསྐྱར་རྡབ་མང་པོ་བྱེད་ཀྱིན་འདུག ཚོགས་བཅར་བ་ཚོས་དངོས་ཡོད་མིག་མདུན་གྱི་བོད་ཀྱི་གནད་དོན་ལ་བསམ་བློ་གཏོང་རྒྱུ་འཐུས་ཤོར་སོང་ཡོད་པའི་ཚོར་བ་བྱུང་སོང༌ཟེར།

་་་