བོད་མི་འཕགས་པ་སྐྱབས་ཀློད་གྲོལ་བཏང་།

ཕྱི་ལོ་ ༢༠༡༢་ལོར་བོད་བླ་བྲང་ཨ་མཆོག་སྡེ་བ་ནས་སྐུ་ལུས་མེར་བསྲེགས་གནང་བའི་ལྷ་མོ་ཚེ་བརྟན་ལགས་དང་འབྲེལ་བ་ཡོད་པའི་ཉེས་འཛུགས་འོག་བཙོན་འཇུག་བྱས་པའི་བོད་མི་འཕགས་པ་སྐྱབས་ལགས་ཀློད་གྲོལ་བཏང་ཡོད་འདུག་་་

ཆོས་མཆོག་ལགས་ཀློད་གྲོལ་བཏང་།

ཟླ་འདིའི་ཕྱི་ཚེས་༦ཉིན་རྫ་སྨད་དབོན་པོ་དགོན་ནས་ཡིན་པའི་དགེ་འདུན་པ་ཆོས་མཆོག་ལགས་ར་རྔ་ཁ་བཙོན་ཁང་ནས་གློད་གྲོལ་བཏང་འདུག་་་

༧གོང་ས་མཆོག་ལ་རྒྱལ་སྤྱིའི་གྷན་དྷི་ཞི་བདེའི་གཟེངས་རྟགས་འབུལ་དགོས་པའི་འབོད་སྐུལ་གནང་།

རྒྱ་གར་གཞུང་ནས་༧གོང་ས་རྒྱལ་བ་རིན་པོ་ཆེ་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་བྷ་ར་ཊི་ར་ཊི་ནཱ་འབུལ་མ་ཐུབ་ནའང་རྒྱལ་སྤྱིའི་གྷན་དྷི་ཞི་བདེའི་གཟེངས་རྟགས་འབུལ་ཐུབ་དགོས་སྐོར་གསུངས་སོང་།་་་

༧གོང་ས་མཆོག་ནས་ཐུགས་གསོའི་གསུང་འཕྲིན་བསྩལ།

༧གོང་ས་མཆོག་ནས་རྒྱ་གར་གྱི་དཔལ་འབྱོར་བློན་ཆེན་ཟུར་པ་ཨ་རན་ཇེ་ཏི་ལི་མཆོག་སྐུ་གྲོངས་བར་ཐུགས་གསོའི་གསུང་འཕྲིན་བསྩལ་འདུག་་་

རྩོམ་པ་པོ་ཞིག་གི་བཟའ་ཟླ་ཕྱི་ལ་བསྐྱོད་མི་ཆོག་པ་བཟོས།

རྒྱ་ནག་གཞུང་གི་བཀག་ཉར་འོག་ཡོད་པའི་རྒྱ་རིགས་རྩོམ་པ་པོ་ཡཱང་ཧིན་ཅིན་ལགས་ཀྱི་བཟའ་ཟླ་ཞའོ་ལིང་ཡན་ལགས་པེ་ཅིན་གནམ་ཐང་ནས་བཀག་འགོག་བྱས་ཏེ་འདྲི་རྩད་ཡུན་རིང་བྱས་རྗེས་ཕྱི་རུ་གཏན་ནས་འགྲོ་མི་ཆོག་པ་བཟོས་ཡོད་འདུག་་་

རྒྱ་ནག་གིས་ཆོས་དད་རང་དབང་ལ་སྔར་ལས་བཙན་གནོན་བྱེད་ཀྱི་ཡོད་པའི་སྙན་ཐོ་བཏོན།

ཨ་རིའི་ཕྱི་སྲིད་ལས་ཁུངས་ཀྱི་ལོ་འཁོར་སྙན་ཐོའི་ནང་བོད་དང་ཡུ་གུར་གྱི་ཆོས་དད་རང་དབང་གི་གནས་སྟངས་ཇེ་སྡུག་ཏུ་ཕྱིན་ཡོད་པ་སོགས་རྒྱ་ནག་སྤྱི་ཡོངས་ཀྱི་ཆོས་དད་རང་དབང་ཐད་དམིགས་བསལ་གྱིས་བློ་འཚབ་སྐྱེ་དགོས་པ་ཞིག་ཆགས་ཡོད་སྐོར་གསུངས་འདུག་་་

དགེ་འདུན་པ་ཞིག་གཡོ་འོག་ཏུ་ཚུད་དེ་ཧིན་སྒོར་བྱེ་བ་གཉིས་མ་ཟིན་ཙམ་ཤོར།

རྒྱ་གར་གྱི་དྭ་ཕྲུག་ཚོར་རོགས་རམ་མཉམ་ལས་བྱེད་འདོད་ཡོད་ཁུལ་བརྗོད་དེ་བོད་ཀྱི་དགེ་འདུན་པ་ཞིག་གི་ལག་ནས་ཧིན་སྒོར་བྱེ་བ་ ༡.༩༧ ཡས་མས་གཡོ་ལེན་བྱས་ཡོད་འདུག་་་

གཞོན་ནུའི་དབུས་རྒྱུན་སྐབས་༡༧པ་འོས་འདེམས་གནང་།

༒བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་སྐབས་༡༧པའི་ཚོགས་གཙོ་མགོན་པོ་དོན་འགྲུབ་ལགས་དང་ཚོགས་གཞོན་བློ་བཟང་ཚེ་རིང་ལགས་བཅས་མི་བདུན་བདམས།་་་