འཛམ་གླིང་འབྱོར་ལྡན་རྒྱལ་ཁབ་བརྒྱད་ཀྱི་ཚོགས་འདུ་ཐེངས་སོ་དགུ་བའི་སྟེང་ཚོང་འབྲེལ་ཡར་རྒྱས་གཏོང་ཕྱོགས་དང་སི་རི་ཡའི་གནད་དོན་བཅས་ཀྱི་ཐོག་གྲོས་ཆོད་བཞག་ཡོད་འདུག

ཟླ་འདིའི་ཕྱི་ཚེས་ ༡༦ ཉིན་རྒྱ་གཞུང་ཉེན་རྟོག་པས་སེར་ཤུལ་རྫོང་གི་བོད་མི་ཞིག་ལ་རྡུང་རྡེག་ཚབས་ཆེན་བཏང་ནས་འདས་གྲོངས་སུ་གྱུར་ཡོད་འདུག

བལ་ཡུལ་འཇོ་ལ་ཁེལ་བསམ་གྲུབ་གླིང་ས་གནས་མགོ་འཛིན་ལས་ཁང་གི་རྩིས་པ་ཟུར་པ་འཆི་མེད་རྡོ་རྗེ་ཡིས། ས་ཆ་ཉོ་སྒྲུབ་བྱས་ཚུལ་གྱི་ཡིག་ཆ་དང་རྩིས་ཁྲ་རྫུན་མ་བཟོས་ཏེ། བལ་སྒོར་འབུམ་ ༨༨ སྒེར་ཟོས་བྱས་ཡོད་འདུག

ཕྱི་ཚེས་ ༡༡ ཉིན་ཁམས་རྟའུ་ཉ་མཚོ་དགོན་པའི་ཉེ་འཁྲིས་སུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་མཁན་བཙུན་མ་དབང་ཆེན་སྒྲོལ་མ་ལགས་གཟའ་སྤེན་པའི་ཉིན་སྐུ་གྲོངས་འདུག

ཁ་སང་གཟའ་ཉི་མའི་ཉིན་རྒྱ་གར་གྱི་མངའ་སྡེ་ཨོའུ་ཌ་རཱ་ཀང་ནང་ཆུ་ལོག་གི་གནོད་སྐྱོན་བྱུང་སྟེ། མི་ ༡༠ རྐྱེ་ལམ་དུ་ཕྱིན་ཡོད་པ་དང་། མི་ ༥༠ ལྷག་གར་ཡོད་མ་ཤེས་པར་ལྷག་འདུག  

འཛམ་གླིང་གི་མི་འབོར་མུ་མཐུད་འཕར་བཞིན་ཡོད་པ་དང་མ་འོངས་པའི་ལོ་བཅུ་གྲངས་རྗེས་རྒྱ་གར་ནི་འཛམ་གླིང་གི་མི་འབོར་མང་ཤོས་ཀྱི་རྒྱལ་ཁབ་དེ་ཆགས་རྒྱུ་རེད་ཟེར།

དེ་རིང་ཕྱི་དྲོར་མདོ་སྨད་རེབ་གོང་ཁུལ་ཐོག་ཏུ་སེར་བ་ཆེན་པོ་བབས་ཏེ་ཁང་པའི་སྒེའུ་ཁུང་དང་རླངས་འཁོར་གྱི་ཤེལ་སྒོ་སོགས་བཅག་ཡོད་འདུག 

ཁ་སང་གཟའ་པ་སངས་ཉིན་བོད་མདོ་སྨད་ཀན་ལྷོ་རྨ་ཆུ་རྫོང་ཆུ་ཁ་མ་ཡུལ་ཚོའི་ནང་བོད་སྐད་ཡིག་སྲུང་སྐྱོབ་སྐོར་གྱི་བགྲོ་གླེང་ཞིག་ཚོགས་ཡོད་འདུག

རྒྱ་ནག་གི་དམངས་གཙོ་དོན་གཉེར་བ་མིག་གཉིས་ལོང་བ་ཡིན་པའི་ཁྲིན་ཀང་ཁྲུན་ནེའུ་ཡོག་གཙུག་ལག་སློབ་ཆེན་ནས་ཕྱིར་འཕུད་གཏོང་རྒྱུ་རེད་ཟེར།

དེ་རིང་ཨེ་རན་གྱི་སྲིད་འཛིན་འོས་བསྡུའི་ཉིན་མོ་ཡིན་ཡང་ཁ་ཆེ་ཆོས་དཔོན་ཕྱོགས་ཁག་གི་དབང་ཤུགས་དང་དེ་སྔའི་རྙོག་འཛིང་རྐྱེན་པས་མི་མང་པོ་ཞིག་འོས་བསྡུའི་ནང་ཞུགས་མི་འདུག

གྷི་རི་སིའི་གཞུང་གིས་ཁྱབ་ཆེ་ཤོས་ཀྱི་གསར་ཁང་ཞིག་སྒོ་རྒྱག་རྒྱུ་གསལ་བསྒྲགས་བྱས་རྗེས་མང་ཚོགས་སྟོང་ཕྲག་མང་པོས་ངོ་རྒོལ་ཡར་ལངས་བྱས་འདུག

གཟའ་མིག་དམར་ཉིན་རྒྱ་ནག་ཧིན་ཡཱང་གྲོང་ཁྱེར་དུ་རླངས་འཁོར་ཞིག་གིས་བརྡབ་སྟེ་མི་གཉིས་བསད་ཡོད་ཀྱང་། རླངས་འཁོར་ཁ་ལོ་བ་དེ་ཕྱུག་བདག་ཞིག་གི་ནང་མི་ཡིན་སྟབས་ཉེན་རྟོག་པས་འགེབ་སྲུང་བྱས་འདུག

རྒྱ་ནག་གཞུང་གིས་བོད་མདོ་སྨད་རྨ་ལྷོ་རེབ་གོང་གི་དགེ་རྒན་ཞིག་ལ་རང་ལུས་མེར་བསྲེཊ་ཀྱི་གནས་ཚུལ་ཕྱིར་བསྒྲགས་བྱས་པའི་ཉེས་མིང་འོག་ལོ་དྲུག་གི་བཙོན་འཇུག་ཁྲིམས་ཐག་བཅད་འདུག

གཟའ་ཕུར་བུའི་ཉིན་རྒྱལ་ཚོཊ་ཀྱིས་སེ་རི་ཡའི་ཟིང་འཁྲུག་ཁྲོད་རྐྱེན་འདས་སུ་གྱུར་པའི་གྲངས་ཐོ་བསྒྲགས་པའི་ནང་། ད་སྔ་མི་ ༩༣༠༠༠ ཙམ་འདས་གྲོངས་དང་ཤེས་རྟོགས་མ་ཐུབ་པ་མང་པོ་ཡོད་ཚུལ་བཀོད་འདུག

རྒྱ་ནག་གཞུང་གིས་བོད་མདོ་སྨད་རྔ་པ་ཁུལ་གྱི་གླུ་བ་གཉིས་འཛིན་བཟུང་གིས་ལོ་གཉིས་རེའི་ཁྲིམས་ཐག་བཅད་རྗེས།  ད་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་

གཟའ་ཟླ་བ་ཉིན་ཁམས་དཀར་མཛེས་རྫོང་ནས་ཡིན་པའི་བཙུན་མ་གཉིས་དང་བུད་མེད་གཅིག་གི་ལོ་གཉིས་ཀྱི་དུས་བཀག་བཙོན་འཇུག་གི་དུས་ཡུན་རྫོགས་ཏེ་ཀློད་གྲོལ་བཏང་འདུག

ཉེ་ཆར་རྒྱ་གཞུང་གིས་རྨ་ལྷོ་ཁུལ་མི་རིགས་སློབ་འབྲིང་གི་སློབ་མ་དབང་ཕྱུག་རྡོ་རྗེ་ལགས་ལ་ལོ་ ༤ ཡི་བཙོན་འཇུག་ཁྲིམས་ཐག་བཅད་ཡོད་འདུག

བོད་སྐྱོད་གོམ་བགྲོད་པ་གླིང་ཚ་ཚེ་བརྟན་རྡོ་རྗེ་ལགས་ཕྱི་ཚེས་ ༨ ཉིན་བོད་དང་ས་འབྲེལ་ཀ་སྦུག་སྲད་རྒྱུད་དགོན་པ་ནས་བོར་བརླག་ཏུ་ཕྱིན་རྗེས་ད་བར་གར་སོང་ཅི་བྱུང་གི་གནས་ཚུལ་གཅིག་ཀྱང་ཤེས་རྟོགས་མེད་པ་ཆགས་ཡོད་པ་དང་། ངྷ་སར་གནས་སྡོད་ཁོང་གི་ཕ་མ་གཉིས་ཀྱིས་བུའི་གནས་སྟངས་ཐད་སེམས་ཁྲལ་ཆེན་པོ་གནང་གི་ཡོད་འདུག

ད་ལོ་ནས་བཟུང་རྒྱ་གཞུང་གིས་ཕྱི་ལོགས་ལ་བྲོས་བྱོལ་དུ་ཕྱིན་པའི་བོད་མི་ཚང་མ་ཁྱིམ་ཐོ་ལས་ཕྱིར་འཕུད་གཏོང་བཞིན་ཡོད་ཅིང་། མ་འོངས་པར་བོད་ནང་ལོག་མཁན་ཚོར་ས་ཆའི་བདག་དབང་སོགས་གང་ཐད་ནས་གྱོང་རག་རྒྱུ་རེད་ཟེར།

གཟའ་པ་སངས་ཉིན་ཨོ་སི་ཊི་ལེ་ཡའི་སི་ཊི་ནིའི་གྲོང་ཁྱེར་གྱི་གསོལ་མགྲོན་ཁང་ཞིག་ཏུ་༧གོང་ས་མཆོག་གིས་རྒྱ་རིགས་སྒྱུ་རྩལ་པ་དང་དམངས་གཙོ་དོན་གཉེར་བ་སོགས་མི་ཉིས་བརྒྱ་ལྷག་ལ་མཇལ་འཕྲད་གནང་སྟེ། བོད་རྒྱའི་གནད་དོན་གྱི་གནང་སྟངས་དང་དབུ་མའི་ལམ་གྱི་མིག་འབེན་སོགས་ལ་གསུང་བཤད་དང་དྲི་བར་ལན་འདེབས་བཅས་གནང་འདུག

དེ་རིང་སྔ་དྲོར་བཞུགས་སྒར་གཙུག་ལག་ཁང་གི་རྒྱབ་ལོགས་ལྷ་རྒྱལ་རིར་མདོ་ཁམས་ཆུ་བཞི་སྒང་དྲུག་དབུས་ས་དང་། གཙུག་ལག་ཁང་གི་དཔའ་བོའི་དྲན་རྟེན་རྡོ་རིང་མདུན་དུ་མདོ་སྟོད་ཆུ་བཞི་སྒང་དྲུག་དབུས་རྒྱུན་ལས་ཁང་གཉིས་ཀྱིས་དུས་མཉམ་དུ། ཆུ་བཞི་སྒང་དྲུག་བསྟན་སྲུང་དང་བླངས་དམག་གི་སྒྲིག་འཛུགས་དབུ་བརྙེས་ཏེ་མི་ལོ་ ༥༤ འཁོར་བའི་དུས་དྲན་སྲུང་གཙི་གནང་སོང་།