ངྷ་ས།

བོད་ནས་གསར་དུ་འབྱོར་མཁན་མང་པོ་ཞིག་ལ་རྒྱ་གར་ནང་གནས་སྡོད་ཆོག་པའི་སྐྱབས་བཅོལ་ལག་དེབ་མ་རག་པའི་དཀའ་ངལ་འཕྲད་ཀྱི་ཡོད་པའི་སྐོར་བདེ་སྲུང་བཀའ་བློན་མཆོག་བཅར་འདྲི་ཞུས་དོན་ལྟར། ད་ཆར་ལམ་ཁ་གཞན་ཞིག་གི་ཐོག་འབད་བརྩོན་ཞུ་བཞིན་ཡོད་ཟེར།

བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱིས་འཛིན་བཟུང་བྱས་པའི་རྒྱ་ནག་གི་གསང་མྱུལ་བ་སྤེན་པ་ཚེ་རིང་ཟེར་བ་དེར། རྒྱ་གཞུང་གིས་བཀྲ་ཤིས་རྒྱལ་མཚན་དང་ཀརྨ་ཡེ་ཤེས་གཉིས་གསོད་དགོས་པའི་ལས་འགན་སྤྲད་འདུག་ཟེར།

ད་ལྟའི་སུད་སི་དང་སྦར་སིལ་སྐུ་ཚབ་དོན་གཅོད་རྣམ་གཉིས་ཕན་ཚུན་ལས་གནས་བརྗེ་སྤོར་དང་བྱང་ཨ་རིའི་སྐུ་ཚབ་དོན་གཅོད་དུ་དབུ་དཀར་ཚང་སྐལ་བཟང་རྡོ་རྗེ་བསྐོ་བཞག་གནང་ཡོད་འདུག

བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱིས་རྒྱ་ནག་གིས་བཏང་བའི་གསང་མྱུལ་བ་ཞིག་འཛིན་བཟུང་བྱས་ཡོད་པ་དང་། གསང་མྱུལ་བ་དེས་༧གོང་ས་མཆོག་གི་སྐུ་ཕྱྭ་དང་འབྲེལ་བའི་གནས་ཚུལ་དང་། བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་སྡེ་ཁག་གི་གནས་ཚུལ་རྒྱ་གཞུང་ལ་མཁོ་སྤྲོད་བྱས་ཡོད་འདུག

དེ་རིང་རྒྱ་གར་མཐོ་སློབ་ཁག་གི་བོད་རིགས་སློབ་ཕྲུག་ཚོར་མ་འོངས་མགོ་ཁྲིད་བྱེད་ཕྱོགས་སྐོར་གྱི་ཟབ་སྦྱོང་ཞིག་གངས་སྐྱིད་དུ་མགོ་འཛུགས་གནང་ཡོད་ཅིང་། དབུ་འཛུགས་ཐོག་སྤྱི་འཐུས་ཚོགས་གཙོ་མཆོག་གིས་མ་འོངས་པར་བོད་པའི་སྤྱི་ཚོགས་ནང་ཕྱག་ལས་གནང་རྒྱུར་འབོད་སྐུལ་ཞུས་སོང་།

འཆར་ཟླའི་ཕྱི་ཚེས་ ༢༧ དང་ ༢༨ བཅས་ཉིན་གཉིས་རིང་༸གོང་ས་ས་མཆོག་གིས་ངྷ་སྟེང་བོད་ཁྱིམ་དུ་བོད་རིཊ་གཞོན་སྐྱེས་ཚོར་ནང་ཆོས་ངོ་སྤྲོད་གནང་རྒྱུ་རེད།

དེ་རིང་བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བཤད་སྒྲུབ་བསྟན་པ་གོང་སྤེལ་ལྷན་ཚོགས་ཀྱི་མཇུག་བསྡོམས་སྟེང་། དཔལ་རྒྱལ་བ་ཀརྨ་པ་མཆོག་དང་བཀའ་བློན་ཁྲི་ཟུར་ཟམ་གདོང་རིན་པོ་ཆེ་བཅས་ཀྱིས་བཀའ་སློབ་གནང་སོང་།

དེ་རིང་ངྷ་ས་གཙུག་ལག་ཁང་དུ་བཀའ་སྤྱི་གཉིས་ཀྱིས་རྒྱལ་སྤྱིའི་བོད་དོན་གདུང་སེམས་མཉམ་སྐྱེད་ཉིན་མོ་སྲུང་གཙི་གནང་སྟེ་པར་རིགས་འགྲེམས་སྟོན་གནང་སོང་།

བོད་ཀྱི་དུས་བབ་དྲ་ཚིགས་དྲ་ཇག་གི་འཇབ་རྒོལ་ལས་འཐར་ཏེ་བསྐྱར་དུ་ཤར་གཏོང་བྱས་པ་དང་། བོད་ཀྱི་དུས་བབ་ཟིན་བྲིས་སྔར་རྒྱུན་བཞིན་དྲ་ཚིགས་མདུན་ངོས་འོག་ཏུ་འཆར་ཐུབ་པ་བཟོས་འདུག

ངྷ་རམ་ས་ལར་ལས་མེད་དུ་བསྡད་ཚེ་ཆང་རག་འཐུང་བ་དང་ཐ་མ་ནག་པོ་འཐེན་པ་སོགས་ལོག་ལམ་དུ་ཞུགས་རྒྱུའི་ཉེན་ཁ་ཧ་ཅང་ཆེན་པོ་ཡིན་སྟབས། རང་ཉིད་ལ་སྐུལ་ལྕག་གིས་སོ་སོའི་རྐང་པའི་སྒང་ལ་ལངས་ཐུབ་ཐབས་སུ་ལས་ཀ་དེ་མགོ་འཛུགས་བྱས་པ་ཞིག་ཡིན་ཟེར།

དེ་རིང་སྔ་དྲོར་རྒྱུད་སྟོད་གྲྭ་ཚང་དུ་བོད་ཀྱི་ཆོས་རྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་བཤད་སྒྲུབ་བསྟན་པ་གོང་སྦེལ་གཏོང་ཕྱོཊ་སྐོར་གྱི་ཚོགས་འདུ་ཞིག་ཚོགས་སོང་ལ། ལྷན་ཚོགས་འདིའི་ཐོག་བོད་པའི་དགོན་སྡེ་ཁག་ཏུ་བཤད་སྒྲུབ་ཟུང་འབྲེལ་གྱིས་ཕེལ་རྒྱས་གཏོང་ཕྱོགས་ཐོག་བགྲོ་གླེང་ཐག་གཅོད་གནང་རྒྱུ་ཡིན་འདུག

ཁ་སང་ཧྥ་རན་སིའི་གྲོས་ཚོགས་གོང་མའི་བོད་དོན་རྒྱབ་སྐྱོར་ཚོགས་པའི་སྐུ་ཚབ་བཞི་ངྷ་སར་གཟིགས་སྐོར་དུ་ཕེབས་པ་དང་བསྟུན་ཏེ། སྤྱི་འཐུས་རྒྱུན་ལས་གོ་སྒྲིག་འོག་གསར་འགོད་ལྷན་ཚོགས་ཤིག་བསྐྱངས་སོང་།

ས་ག་ཟླ་བའི་ ༡ ནས་ ༣༠ བར་ཨ་མ་ལྡོམ་པོ་སྐྱིད་ཀྱིས་གཙུག་ལག་ཁང་གི་དཔའ་བོའི་རྡོ་རིང་མདུན་དུ་བོད་དོན་བསྙུང་གནས་ཀྱི་ལས་འགུལ་ཞིག་སྤེལ་རྒྱུ་རེད།

ངྷ་ས་གངས་སྐྱིད་དུ་རྟེན་གཞི་བྱས་པའི་ལོ་ཙཱ་བ་རིན་ཆེན་བཟང་པོ་སློབ་གྲྭ་ནི་ཕྱི་རྒྱལ་གྱི་ནང་ཆོས་དོན་གཉེར་ཅན་དག་ལ་སྐད་སྒྱུར་གྱི་ཆེད་དུ་བཙུགས་པ་ཞིག་ཡིན་པ་དང་། གསར་འགོད་པས་སློབ་གྲྭའི་དེའི་འཛིན་སྐྱོང་འགན་འཛིན་ཕྱི་གླིང་བ་དང་དགེ་སློབ་སྐོར་ཞིག་དང་གླེང་མོལ་བྱས།

ཉེ་ལམ་བོད་མིའི་སྒྲིག་འཛུཊ་ཤེས་རིག་ལས་ཁུངས་ཀྱི་གོ་སྒྲིག་འོག  བཙན་བྱོལ་བོད་མིའི་སློབ་གྲྭ་ཁག་གི་སྔོན་འགྲོ་དང་། གཞི་རིམ་འོག་མའི་འཛིན་གྲྭ་དང་པོ་དང་གཉིས་པ། གསུམ་པ་བཅས་ཀྱི་སློབ་དེབ་གཏན་འབེབས་ཀྱི་ཚོཊ་འདུ་ཐེངས་གཉིས་པ་ཚོཊ་ཡོད།