བཅར་འདྲི།

ཁ་ན་ཌར་གནས་བཞུགས་བོད་རིགས་ན་གཞོན་གླུ་བ་ཨ་མཆོག་མགོན་པོ་དོན་གྲུབ་ལགས་ཉེ་ལམ་༼ ངེས་བརྟན་མེད་པའི་མི་ཚེ ༽ཞེས་པའི་གློག་བརྙན་ཞིག་ཕབ་སྐྲུན་བྱ་ཆེད། བཞུགས་སྒར་ངྷ་རམ་ས་ལར་བཅར་ཡོད་པའི་གོ་སྐབས་དང་བསྟུན་ཏེ། འདི་གའི་གསར་འགོད་པས་ཁོང་ལ་བོད་ཕྱི་ནང་གི་གླུ་གཞས་དང་། བོད་དང་འབྲེལ་བའི་གློག་བརྙན་གྱི་སྐོར་ལ་བཅར་འདྲི་ཞུས་ཡོད། 

ད་ལོའི་རྒྱལ་སྤྱིའི་སྐད་ཡིག་ཉིན་མོ་དང་བསྟུན་ཏེ། བོད་གཞུང་ཤེས་རིག་ལས་ཁུངས་འོག་གི་ཐ་སྙད་གསར་པ་གཏན་འབེབས་ཚོགས་ཆུང་གི་ཚོགས་མི་དང་འབྲེལ་མཐུད་པ་གཅིག་ལྕོགས་དང་ཤེས་རིག་རྩོམ་རིག་སྡེ་ཚན་གྱི་འགན་འཛིནཀརྨ་སྨོན་ལམ་ལགས་སུ། ཐ་སྙད་གསར་པ་གཏན་འབེབས་བྱེད་ཕྱོགས་དང་། བོད་ཕྱི་ནང་གི་བརྡ་ཆད་གསར་བའི་གནད་དོན་ཁག་ཅིག་གི་སྐོར་ལ་བཅར་འདྲི་ཞུས་ཡོད།

ཉེ་ཆར་པེ་ཅིན་དུ་ཚོགས་པའི་བོད་ཀྱི་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བ་དང་བོད་རྒྱ་འབྲེལ་མོལ་ཐེངས་དགུ་བའི་ཐོག་གི་གནད་དོན་ཁག་ཅིག་གི་ཐད། བོད་ཀྱི་ཡིག་སྒྱུར་ཁང་གི་འགན་འཛིན་དང་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་གཙོ་ཀུན་ཐར་དོན་འགྲུབ་ལགས་སུ་བཅར་འདྲི་ཞུས་ཡོད།

རྒྱ་ནག་དབུས་གཞུང་གིས་བསྡུས་པའི་བོད་རང་སྐྱོང་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བའི་ཐོག་གི་གཏན་འབེབས་ཁག་དང་། བོད་རྒྱའི་འབྲེལ་མོལ་ཐེངས་དགུ་བའི་ཐོག་གི་གྲོས་དོན་ཁག་གཉིས་བར་གཤིབ་བསྡུར་གྱི་ཚུལ་གྱིས་ས་རཱ་བོད་ཀྱི་མཐོ་རིམ་སློབ་གཉེར་ཁང་གི་ལོ་རྒྱུས་དགེ་རྒན་བསོད་ནམས་རྒྱལ་མཚན་ལགས་སུ་བཅར་འདྲི་ཞུས་ཡོད། 

ཕྱི་ལོ་ ༢༠༠༨ ལོར་བོད་ནང་དོན་རྐྱེན་བྱུང་རྗེས་བོད་མི་སྐྱབས་བཅོལ་དུ་ཡོང་བའི་གྲངས་འབོར་ལ་འགྱུར་ལྡོག་ཆེན་པོ་ཕྱིན་ཡོད་སྟབས། ཕྱི་ཚེས་ ༡༦ ཉིན་འདི་གའི་གསར་འགོད་པ་ངྷ་རམ་ས་ལའི་སྣེ་ལེན་ཁང་དུ་བཅར་ཏེ། དབུས་སྣེ་ལེན་འགན་འཛིན་ངག་དབང་ནོར་བུ་མཆོག་ལ། སྣེ་ལེན་ཁང་གི་ལས་དོན་ཁག་ཅིག་དང་འབྲེལ་ཏེ། ཕྱི་ལོ་ ༢༠༠༨ ནས་ ༢༠༡༠ བར་བོད་ནས་རྒྱ་གར་ནང་གསར་དུ་འབྱོར་བའི་བོད་མི་སྐྱབས་བཅོལ་བའི་གནས་སྟངས་སྐོར་ལ་བཅར་འདྲི་ཞུས་ཡོད།

ཕྱི་ལོ་ ༢༠༠༩ རྫོགས་ལ་ཉེ་བའི་སྐབས་འདིར་དམངས་གཙོའི་རྒྱལ་ཁབ་ཁག་གིས་སོ་སོའི་རྒྱལ་ཁབ་གཙོས་འཛམ་གླིང་ཧྲིལ་བོའི་འགྲོ་བ་མིའི་ཐོབ་ཐང་གི་གནས་བབ་ལ་བསྐྱར་ཞིབ་དང་། ལེགས་བཅོས་བཏང་སྟེ་གནས་ཚུལ་ཕྱོགས་སྡོམ་བྱེད་ཀྱིན་པའི་སྐབས་དང་བསྟུན་ཏེ། ཕྱི་ཚེས་ ༡༨ ཉིན་འདི་གའི་གསར་འགོད་པ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ལས་རོགས་བྱམས་པ་སྨོན་ལམ་ལགས་སུ་ལོ་སྔ་ཕྱིའི་འཛམ་གླིང་སྤྱིའི་འགྲོ་བ་མིའི་ཐོབ་ཐང་གི་གནས་བབ་དང་འབྲེལ་ཏེ། རྒྱ་ནག་དང་བོད་ནང་གི་འགྲོ་བ་མིའི་ཐོབ་ཐང་སྐོར་ལ་བཅར་འདྲི་ཞུས་ཡོད།

ད་ལོའི་༧གོང་ས་མཆོག་གི་ཞི་བདེ་གཟེངས་རྟགས་ཀྱི་ཉིན་མོ་དང་བསྟུན་ཏེ། སྐུ་སྒེར་ཡིག་ཚང་གིས་སྔར་གྱི་དབྱིན་ཡིག་རྐྱང་པའི་ཏཱ་ལའི་བླ་མའི་དྲ་ཚིགས་ (www.dalailama.com) དེ་ལ་བཅོས་སྒྱུར་དང་། འཐུས་སྒོ་ཇེ་ཚང་དུ་བཏང་སྟེ་བསྐྱར་དུ་སྒོ་འབྱེད་བྱ་འཆར་ཡོད་པའི་གསལ་བསྒྲགས་གནང་ཡོད་ཀྱང་། གསར་འགོད་པས་བཅར་འདྲི་ཞུས་པ་ལྟར་ན་དྲ་ཚིགས་དེར་སྔར་བཞིན་བོད་ཡིག་མེད་སྐོར་བརྗོད་བྱུང་།

འདི་གའི་གསར་འགོད་པ་བཙུན་དགོན་སྒྲོལ་མ་གླིང་ལ་ཆེད་བསྐྱོད་ཀྱིས་བཀའ་ཟུར་རིན་ཆེན་མཁའ་འགྲོ་ལགས་སུ། ལོ་ངོ་ ༥༠ རིང་གི་བཙན་བྱོལ་བོད་མིའི་ཆབ་སྲིད་འཐབ་རྩོད་ཀྱི་གནས་བབ་དང་ཤེས་ཡོན། ད་ལྟའི་བོད་པའི་བུད་མེད་ཚོའི་ལས་འགན་དང་ཐོབ་ཐང་སྐོར་བཅས་ལ་བཅར་འདྲི་བྱས་པ་གཤམ་གསལ་ལྟར་ཡིན།

རྒྱ་ནག་སྐམ་ས་ཆེན་མོའི་རྒྱ་རིགས་བུད་མེད་རྩོམ་པ་པོ་དང༌། བོད་དོན་རྒྱབ་སྐྱོར་བ་ཀྲུའུ་རེའི་ལགས་ད་ལྟ་ཁེ་ན་ཌར་བརྟེན་གཞི་བྱས་ཡོད་ལ། ཟླ་འགའི་སྔོན་རྒྱ་གར་ངྷ་རམ་ས་ལར་ཡོང་སྟེ། ༧གོང་ས་མཆོག་ལ་ཞལ་མཇལ་དང་གཞུང་འབྲེལ་མིན་པའི་ཚོགས་པ་ཁག་དང་མཉམ་འབྲེལ་ཐོག བོད་དོན་ལ་ཕྱག་ལས་གནང་གིན་ཡོད། ཕྱི་ ༢༤ ཉིན་ཁོ་མོ་འདི་གའི་གསར་ཁང་ལ་བཅར་བའི་སྐབས་དང་བསྟུན་ཏེ། གསར་འགོད་པས་ཁོ་མོའི་རྩོམ་རིག་གི་ལྟ་གྲུབ་དང་། བོད་དོན་ཐད་འཛིན་པའི་སྲིད་བྱུས་སྐོར་ལ་བཅར་འདྲི་བྱས་ཡོད།

གལ་སྲིད་ང་རང་བཙན་བྱོལ་ཁྲོད་སྐུ་འདས་ཚེ་ང་རང་གི་ཡང་སྲིད་དེ་ཡང་བོད་ཀྱི་ཕྱི་ ལོགས་ནས་འབྱོན་ངེས་རེད། གནད་དོན་འདི་ངས་སྔོན་མ་ནས་གསལ་བོར་བརྗོད་ཡོད། ཡང་སྲིད་ལམ་ལུགས་འདི་ཆབ་སྲིད་རང་བཞིན་གྱི་གནད་དོན་ཞིག་མ་རེད། རྒྱ་ནག་སྲིད་གཞུང་གིས་ཡོད་ཚད་ཆབ་སྲིད་ཕྱོགས་ནས་བསམ་བློ་གཏོང་བ་ལས་ཆོས་ལུགས་ ཕྱོགས་ཀྱི་རྒྱུ་རྐྱེན་ལ་བསམ་བློ་མི་གཏོང་བ་རེད།

ལོ་འདིའི་འཛམ་གླིང་གསར་འགོད་རང་དབང་གི་ཉིན་མོ་ཡིན་པ་དང༌། ཧྥ་རན་སི་རྒྱལ་ས་ཕེ་རེ་སིར་རྟེན་གཞི་བྱས་ཡོད་པའི་འཛམ་གླིང་ཚགས་པར་མཐུན་ ཚོགས་ནས་བཙན་བྱོལ་བོད་མིའི་དབུ་ཁྲིད་ཏཱ་ལའི་བླ་མ་མཆོག་ལ་གསར་འགོད་རང་དབང་ གི་གལ་ཆེ་རང་བཞིན་སྐོར་ལ་དམིགས་བསལ་བཅར་འདྲི་བྱས་ཡོད་པ་རེད།

ས་དཀར་བཀྲ་ཤིས་ཀྱིས་བསྒྱུར།

ངའི་སྔོན་མ་ནས་བོད་ཆེན་པོའི་ས་ཁུལ་ཟེར་ནས་བརྗོད་མྱོང་མེད། རྩ་ཁྲིམས་ཀྱིས་གཏན་འབེབས་བྱས་པའི་རང་སྐྱོང་ལྗོངས་ལས་གཞན། ད་དུང་རང་སྐྱོང་ཁུལ་དང༌། རང་སྐྱོང་རྫོང་ཡོད་པ་རེད། ཉེ་སྔོན་གྱི་རྔམ་སྟོན་དང་དྲག་པོའི་་དོན་རྐྱེན་དེ་ཡང་རང་སྐྱོང་ལྗོངས་ཀྱི་ ཕྱི་ལོགས་སུ་མང་པོ་བྱུང་བ་ཡིན་པས།  ས་ཁུལ་འདི་ཚོའི་གནད་དོན་ངེས་པར་ཏུ་ཐག་གཅོད་དགོས་པ་ལས་གསལ་སྟོན་བྱས་ཡོད་མོད། ཡིན་ནའང༌། ང་རང་ས་ཁུལ་འདི་ཚོའི་དང་བླངས་ཀྱི་་མགྲིན་ཚབ་པ་ཞིག་བྱེད་ན་བསམ་ཡོད།