བྱིས་དུས་ཀྱི་མཛད་སྤྱོད།འདོན་སྤེལ། ༢༠༡༢/༠༧/༠༥
 བགྲང་བྱ་བཅུ་གཉིས་ཀྱི་ཡར་སྔོན་ཏེ། ༧གོང་ས་མཆོག་དགུང་གྲངས་ ༦༥ ཕེབས་པའི་སྐུའི་འཁྲུངས་སྐར་སྐབས། འདི་གའི་གསར་ཁང་གིས་གང་ཉིད་བྱིས་པའི་དུས་ཀྱི་མཛད་སྤྱོད་སྐོར་དགའ་གཡུ་སྒྲོན་ལགས་སུ་བཅར་འདྲི་བྱས་ཏེ། བོད་ཀྱི་དུས་བབ་ཚགས་པར་སྤྱིའི་འདོན་ཐེངས་ ༡༣༠ སྟེང་བཀོད་ཡོད་པ་འདི་ལོའི་འཁྲུངས་སྐར་ལ་དམིགས་བསལ་བསྐྱར་འགོད་བྱས་པ་ཡིན།
༼ ཁོ་མོས་བརྗོད་དོན་ལྟར་ན། གོང་ས་མཆོག་དགུང་ན་ཆུང་ཆུང་སྐབས་གཟིགས་རྟོག་གནང་མཁན་གཙོ་བོ་དེ་རྒྱལ་ཡུམ་ཆེན་མོ་ཆགས་ཡོད་པ་དང་། རྒྱལ་ཡུམ་ཆེན་མོ་གཟིམ་ཁང་གི་ཕྱག་ལས་ཀྱིས་མ་ཁོམ་པའི་དུས་སུ་བཞུགས་རོགས་དང་སྐུ་རྩེད་གནང་རོགས་དགའ་གཡུ་སྒྲོན་ཆགས་ཡོད་ཅིང་། དེ་ཡང་སྐུའི་གཅེན་པོ་ཚོ་སློབ་གྲྭ་དང་དགོན་པར་ཞུགས་ཟིན་པ་དང་། སྐུའི་གཅེན་མོ་མནའ་མར་སྤྲད་ཟིན་སྟབས་རྒྱུན་དུ་སྐུ་རྩེད་གནང་རོགས་དགའ་གཡུ་སྒྲོན་ལས་གཞན་མེད་འདུག
༸གོང་ས་མཆོག་དགུང་ན་ཆུང་ཆུང་སྐབས་རྒྱུན་དུ་སྐུ་རྩེད་གནང་བ་དེ་མེ་ཏོག་གི་སོན་འདེབས་ལས་ཀྱི་ལད་མོ་གནང་བ་དང་ས་དམར་པོའི་འདམ་གྱིས་མཆོད་རྟེན་དང་ལྷ་ཁང་བཞེངས་བ་སོགས་ཆགས་ཡོད་པ་དང་། སྐབས་རེར་དྲེལ་ཆུང་ཞིག་ཡོད་པའི་སྒལ་བར་བསངས་ཁུག་ནང་རྡོ་བཅུག་སྟེ་བཀལ་ནས་དྲེལ་རྒྱབ་ལ་གཞོན་ཏེ་ཕྱོགས་འགྲོའི་ཚུལ་གནང་ཞིང་། འབུ་སྲིན་རིགས་ལ་ཡ་མཚར་གྱིས་གཟིགས་ཏེ་མི་ཤི་བའི་ཐབས་ཤེས་སུ་ས་བདེ་སར་འཇོག་པ་དང་། སྡིག་པ་རྭ་ཙ་གཟིགས་ཚེ་འཇིགས་སྣང་མེད་པར་བཟུང་ནས་མི་གཞན་ལ་འཇིགས་སྐུལ་གྱི་སྐུ་རྩེད་གནང་གི་ཡོད་འདུག
ཁོ་མོས་མུ་མཐུད་དུ་༸གོང་ས་མཆོག་དགུང་ན་ཆུང་ཆུང་སྐབས་ཀྱི་མཛད་སྤྱོད་དེ་བྱིས་པ་གཞན་དང་གཏན་ནས་མི་འདྲ་བར་བཀའ་མོལ་ཚིག་གཅིག་གཉིས་ཤིག་གསུངས་ཀྱང་། དེའི་ཐོག་དབུ་འཁོར་ནས་བཞུགས་པ་ལས་བྱིས་པ་གཞན་ལྟར། རྙོག་དྲ་བཟོ་པ་དང་སུན་པོ་གནང་རྒྱུའི་ཐུགས་གཤིས་གཏན་ནས་མེད་ཅིང་། གྲོང་ཚོའི་ཕྲུ་གུ་གཞན་དང་ལྷན་ཡར་མར་ཕེབས་པ་དང་སྐུ་རྩེད་གནང་རྒྱུའི་ཐུགས་འདོད་ཀྱང་མེད་ལ། རྒྱལ་ཡུམ་ཆེན་མོས་ཀྱང་ནམ་རྒྱུན་ཕྲུ་གུ་གཞན་དང་ལྷན་གཏོང་འདོད་གནང་གི་མེད་ཅེས་ངོ་སྤྲོད་གནང་སོང་༽ ཞེས་བཀོད་འདུག
བསྐྱར་འགོད་པ། དོན་འགྲུབ་བཀྲ་ཤིས། ཤོག་ངོས་འདི་ཐེངས་ ༢༢༤༢ ལ་བཀླགས་འདུག
| རིག་པ་འདོན་པ། |
ནད་པ
༢༠༡༢/༠༧/༠༧ ཉིན་འདོན་སྤེལ་བྱས། |
རྗེ་བཙུན་འཇམ་དཔལ་ངག་གི་དབང་པོའི་སྐུ།།
སྙིང་རྗེའི་གཏེར་ཆེན་བློ་གྲོས་བཟང་པོའི་གསུང་།།
ཡེ་ཤེས་མཐུ་སྟོབས་གསང་བའི་བདག་པོའི་ཐུགས།།
༸ རྒྱལ་བའི་དབང་པོ་བསྟན་འཛིན་རྒྱ་མཚོའི་སྡེ།།
ཡོངས་རྫོགས་བསྟན་པའི་བདག་པོར་ཞབས་བརྟན་གསོལ།།
ཞེས་སྐྱབས་རྗེ་འཁྲུག་ཞིག་རིན་པོ་ཆེ་མཆོག་གིས་བརྩམས་པའི་གསུངས་བྱིན་འདི་བཞིན་གེགས་མེད་ལྷུན་གྱིས་འགྲུབ་པའི་སྨོན་ལམ་ཞུ།། |
བསྟན་འཛིན་ཤེས་རབ།
༢༠༡༢/༠༧/༠༦ ཉིན་འདོན་སྤེལ་བྱས། |
སྐྱོ་ངལ་གྱིས་སེམས་པ་གསོད་སྐབས་ཁྱེད་ཀྱི་བརྩེ་འཛུམ་ནི་བདག་གི་དབུགས་དབྱུང་ཡིན།
རེ་ཆད་ཀྱིས་མིག་མདངས་ཉམས་སྐབས་ཁྱེད་ཀྱི་གསུང་སྐད་ནི་བདག་གི་ཟུངས་བཅུད་ཡིན།
དཀའ་སྡུག་གི་ལོ་ཟླ་བགྲོད་སྐབས་ཁྱེད་ཀྱི་གཟི་མདངས་ནི་བདག་གི་སྟོབས་ཤུགས་ཡིན།
འཇིག་རྟེན་གྱི་ཁ་དོག་བརླག་སྐབས་ཁྱེད་ཀྱི་བཞད་གད་ནི་བདག་གི་ཡོད་ཚད་ཡིན། |
Shakgang Pasang Tsering
༢༠༡༢/༠༧/༠༦ ཉིན་འདོན་སྤེལ་བྱས། |
མེ་ཏོག་བོད་ལ་ཕོག་པའི།།
ལྷ་སྐལ་ཕྱག་ན་པད་མོའི།།
དོན་བདུན་འཁྲུངས་སྐར་རྟེན་འབྲེལ།།
གླུ་གར་མཆོད་པ་འབུལ་ལོ།། |
སྙིང་མིག
༢༠༡༢/༠༧/༠༦ ཉིན་འདོན་སྤེལ་བྱས། |
འཚོ་བཞིན་པའི་སྟོན་པ།
ས་ཡི་སྟེང་། གནམ་གྱི་འོག འགྲོ་བ་ཀུན་གྱི་སྐྱབས་དང་དཔུང་གཉེན་མཆོག་ལ་གུས་ཤིང་འདུད།
སྟོང་པའི་མཁའ་ལ་ཆས་པའི་དུང་ཟླ་དང་། །
མཚམས་སྤྲིན་གསེབ་ན་ཟུགས་པའི་དབང་གཞུ་བཞིན།།
མ་འདྲེས་འགྲོ་ལ་བརྩེ་བའི་སྤྱན་རས་ཅན།།
ལྷ་མོ་དོན་གྲུབ་ས་ཆེན་འདི་ན་བལྟམས།།
མཚན་དང་དཔེ་བྱད་ཤོབ་དེ་མི་དགོས་ཤིང་།།
སྟོབས་དང་རྫུ་འཕྲུལ་འུར་དེ་མི་དགོས་སོ།།
བཙན་པོས་ཐུབ་ཚོད་བྱེད་པའི་ཉམས་ཆུང་ལ།།
བྱམས་པའི་ལག་རིང་བརྐྱོང་བ་འདི་ཀོ་རྨད།།
ཞི་བའི་དབྱིངས་ན་གཟིམ་པའི་ལྷ་ཚོགས་དང་།།
མུན་པའི་ཀློང་ན་ཁྲོས་པའི་དམ་ཅན་ལ།།
རེ་བའི་འཁྲེང་ཐག་སྔ་ནས་བཅད་ན་ཡང་།།
ཁྱེད་ཀྱི་ཕྱོགས་སུ་དད་གསུམ་ཟླ་བ་འཛུམ།།
ལྷ་ཀླུ་ལྷ་མིན་དྲི་ཟ་མ་མཐོང་ཡང་།།
མི་ཚོགས་ཉ་མའི་དཔུང་ཁ་མཐུག་པོ་འདིས།།
ཟས་གཙང་སྲས་ཀྱང་དེ་དང་དེ་ལྟ་ཙམ།།
བྱས་པ་མིན་ཞེས་ཤེས་ལྡན་སུ་ཡིས་སྨྲ།།
མདོངས་མཐའི་ཟས་ཀྱིས་ཚོས་པའི་མི་ཡུལ་ནས།།
གཤེ་ཤིང་སྡང་བའི་སྐུར་འདེབས་དམོད་མོ་ལ།།
ཞི་ཞིང་འཛུམ་པའི་བདུད་རྩི་མངར་མོ་ཞིག།།
སྦྱིན་འདོད་བྱམས་བརྩེའི་སྙིང་ཁམས་གང་ནས་བརྐུས།།
ཆོས་ལུགས་ཆོལ་ཁ་མཐུན་པའི་ཐེག་པ་ལ།།
རྟག་ཆད་མཐའ་བཞི་ཆོད་པའི་རལ་གྲི་ཞིག།།
ཟུར་ཕུད་ལྔ་པས་གནང་ངམ་གསར་དུ་བརྡུང།།
ས་གཏེར་རྡོ་གཏེར་མིན་པ་ཐག་གིས་ཆོད།།
ས་སྐྱ་པན་ཆེན་ས་ལ་ཐིམ་པའི་རྗེས།།
ཀློང་ཆེན་རབ་འབྱམས་ཀློང་དུ་ཆུབ་པའི་རྟིང།།
པད་འབྱུང་བླ་མས་པད་དཀར་ཁྲིད་པའི་མཐར།།
ཁྱེད་མིན་ཐམས་ཅད་མཁྱེན་ | | 
