རྩོམ་སྒྲིག་པའི་གཏམ།

བདུན་ཕྲག་འདིའི་ནང་༧གོང་ས་མཆོག་གི་དམིགས་བསལ་སྐུ་ཚབ་རྣམ་པ་པེ་ཅིན་དུ་ཡོད། ཁོང་ཚོས་པེ་ཅིན་གྱི་དབུ་ཁྲིད་ཚོའི་མཉམ་དུ་བོད་མི་རིགས་འདི་ཀྲུང་ཧྭ་མི་དམངས་ མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་འོག་ཏུ་སྡོད་སྟངས་འཚོལ་གིན་ཡོད། བཞུགས་སྒར་ངྷ་སའི་ཅ་ཅོ་ནི་མུ་མཐུད་ནས་ཇེ་མཐོར་འགྲོ་བཞིན་གཞིས་ལུས་མི་དམངས་ ཀྱི་མངོན་འདོད་རྩོད་གི་ཡོད། རྩོད་པ་མཐོ་དྲག་ནས་མི་གོ་བའི་ཚད་དུ་གྱུར་འདུག དེའི་ཁར་ནུབ་ཕྱོགས་ཀྱི་གསར་འགོད་པ་ཚོས་རྒྱལ་བ་རིན་པོ་ཆེ་མཆོག་དང་གངས་སྐྱིད་ ཀྱི་དབུ་ཁྲིད་རྣམ་པའི་ཁ་འཕྲོག་ནས་གནས་ཚུལ་སྒྲོག་གི་འདུག

བོད་མི་རིགས་ཀྱིས་དེ་རིང་འབྲི་བཞིན་པ་ནི་བོད་ཀྱི་ལོ་རྒྱུས་ཐོག་ཚད་མཐོ་ཤོས་དང་ཆེས་ཛ་དྲག་གི་ཤོག་ལྷེ་དེ་ཡིན། ཤོག་ལྷེ་འདིའི་སྒང་དུ་བོད་གངས་ཅན་པའི་མཐོ་རིམ་མི་སྣའི་ཐུགས་རེ་དང་གཞི་རིམ་མང་ཚོགས་ཀྱི་བསམ་ཚུལ་བཅས་གཞི་གཅིག་ཏུ་འབྲི་གི་ཡོད། ཡིན་ཡང༌། གནས་སྟངས་དང་གནས་ཚུལ་ཁག་ཅིག་ནམ་རྒྱུན་ཁ་གསལ་གཏིང་གསལ་དུ་མེད་པའི་དབང་གིས། དམིགས་བསལ་ཚོགས་ཆེན་འདི་གྲོལ་བའི་ཕྱི་ཉིན་ང་ཚོས་ཤོག་ལྷེ་གསར་བ་འདིའི་སྟེང་ནས་ལོ་རྒྱུས་རྙིང་བ་ཞིག་བསྐྱར་དུ་མི་ཀློག་པའི་ངེས་པ་མི་འདུག

བོད་པའི་སྐུ་ཚབ་རྣམ་པ་ཕྱིར་རྒྱ་གར་དུ་ལོག་ཕེབས་བྱུང༌། གྲོས་མོལ་གྱི་ནང་དོན་ད་དུང་སླེབས་མ་སོང༌། བཤད་རིན་མེད་ནའང་འདྲ་ལ། བཤད་སྲོལ་མེད་ནའང་ཆོག ཕྱི་གསལ་ནང་གསལ་བཟོ་དགོས་པ་དབུར་བཞུགས་ལྷན་རྒྱས་ཚོའི་ལས་འགན་ཡིན་ལ། ཛ་དྲག་གཉན་འཕྲང་གི་དུས་ཚོད་འདིའི་འོས་བབས་ཀྱང་ཡིན།

ཉིན་འདི་དག་གི་རིང་ངྷ་སའི་རི་ངོགས་འདི་རྩོད་པར་ཞུགས་བསྡད་འདུག རླུང་འཕྲིན་དང་ཁ་པར། དེ་བཞིན་དྲ་ངོས་སུའང་གཅིག་མཚུངས་རེད། ངའང་ཁོར་ཡུག་འདི་གཉིས་ཀའི་ནང་དུ་འཚང་བ་ཡིན། རང་ཉིད་ཀྱིས་མཐོང་བའི་གནས་ལུགས་ཆུང་ཆུང་ཞིག་གླེང་རྩིས་བྱས་ཤིང་། ངས་གནས་ལུགས་ཆུང་ཆུང་དེ་གནད་དོན་ཆེན་པོ་ཞིག་གི་ངོར་བཞག་ནས་བཤད།

མི་འགྱངས་པར་བོད་མིའི་རྩ་དོན་ཐོག་གོ་བསྡུར་གནང་རྒྱུ་ཡིན་ལ། བཀའ་ཁྲི་མཆོག་གིས་བོད་ཆོལ་ཁ་གསུམ་ཆབ་སྲིད་ཀྱི་འཛིན་སྐྱོང་གཅིག་གི་འོག་བསྡུ་ རྒྱུ་དང་། བོད་ལ་རིག་གཞུང་གི་རང་སྐྱོང་ཞིག་གསུང་གི་ཡོད། འདི་མ་རག་པའི་གོང་དུ། ཁོང་ཉིད་ནས་བོད་ཆོལ་ཁ་གསུམ་གཅིག་ཏུ་སྒྲིལ་བའི་དྲ་ཐོག་གི་རང་སྐྱོང་ཚད་ལྡན་ ཅིག་འཐོབ་པར་ཐུགས་བརྩོན་གནང་འོས་པ་ཞིག་རེད།

བོད་མི་རིགས་ཀྱི་བླ་གང་དུ་ཕྱིན་པ་རེད། ལོ་སུམ་ཅུའི་རིང་གི་དྲག་པོའི་མནར་གཅོད་དེའི་རྐྱེན་གྱིས་བོད་མི་རིགས་འདི་ སྐྲག་ནས་བླ་ཆད་ཚར་འདུག་ལ། ད་ནི་ང་ཚོས་བོད་མི་རིགས་ཀྱི་བླ་གསོ་དགོས་ཀྱི་འདུག་ཅེས་བོད་མིའི་འཐབ་རྩོད་ འདིའི་སྣེ་འཁྲིད་མྱོང་མཁན་སྲིད་དོན་པ་རྙིང་བ་དང་དམག་དཔོན་རྒན་པ་ཞིག་གིས་ གསུངས།

ལོ་མཇུག་གི་ཚོགས་ཆེན་འདིའི་སྟེང་བཙན་བྱོལ་བོད་མིའི་སྤྱི་ཚོགས་ཀྱི་གྲུབ་ཆ་ འདྲ་མིན་ནས་ཡོང་བའི་བོད་མི་ ༥༠༠ ཙམ་བཞུགས་སྒར་ངྷ་སར་འཛོམས་ཏེ་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་བྱེད་ རྒྱུ་ཡིན་ལ། འདི་ནི་བོད་མི་རྣམས་རི་ཡུལ་གཉིས་སུ་གྱེས་ཏེ་མི་ལོ་ ༥༠ འགོར་བའི་ཁ་མཚམས་དེར་འཁེལ་ཡོད་སྟབས། ཛ་དྲག་གི་ལས་དོན་ཞིག་ཅི་ནས་ཀྱང་ཡིན།

བོད་ཀྱི་རྩ་དོན་ནི་ནང་པ་སངས་རྒྱས་པའི་ཆོས་ལུགས་ཡིན། མ་མཐར་ཡང་༧གོང་ས་མཆོག་བོད་མིའིི་དབུ་འཁྲིད་དུ་བཞུགས་པའི་རིང་དེ་ལྟར་ཡིན། འོན་ཀྱང་། རྩ་དོན་འདིའི་མ་འོངས་པའི་བདག་པོ་རྣམས་ནི་རྩ་དོན་ལ་རྒྱུས་མེད་མཁན་དང་། རྩ་དོན་ལ་དབྱིངས་མེད་མཁན། རྩ་དོན་ལ་རྒྱབ་ཏུ་ཕྱོགས་བཞིན་པའི་མི་རབས་ཤིག་ཡིན། མི་རབས་འདི་དག་བོད་ཕྱི་ནང་གཉིས་ཀར་དེ་ལྟར་རྩ་དོན་ལ་རྒྱང་དུ་གྱེས་བཞིན་དུ་འཚར་གིན་ཡོད

ཉེ་རབས་བོད་ཀྱི་ལོ་རྒྱུས་ཐོག་བོད་རང་བཙན་དང་འབྲེལ་བའི་གལ་ཆེའི་བྱུང་བ་ཁག་ཅིག་ཡོད་པ་ནི། རྒྱལ་དབང་སྐུ་ཕྲེང་བཅུ་གསུམ་པ་ཆེན་མོ་མཆོག་གིས་ ༡༩༡༡ ལོར་བོད་རང་བཙན་གྱི་བསྒྲགས་གཏམ་སྤེལ་བ་དང་། རྗེས་སུ་སྟག་འཚེར་རིན་པོ་ཆེ་ཐུབ་བསྟན་འཇིགས་མེད་ནོར་བུ་མཆོག་སྟག་འཚེར་སྐུ་ཕྲེང་ཉེར་གཉིས་པའི་ཡང་སྲིད་དུ་ངོས་འཛིན་གནང་བ་དེ་ཡིན། དེས་མི་ཚད་ཁོང་གི་སྐུ་ཕྲེང་རྗེས་མ་སྟེ། ༧རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་པ་ཆེན་མོ་མཆོག་ཀྱང་ཁོང་གིས་ངོས་འཛིན་གནང་བའི་ཡང་སྤྲུལ་འདིའི་སྐུ་སྤུན་དུ་འཁྲུངས་པའི་ཐུགས་སྨོན་མཛད་པ་ཇི་བཞིན་འཁྲུངས་ཡོད།

བོད་ཀྱི་རྩ་དོན་ནི་ནང་པ་སངས་རྒྱས་པའི་ཆོས་ལུགས་ཡིན། མ་མཐར་ཡང་༧གོང་ས་མཆོག་བོད་མིའིི་དབུ་འཁྲིད་དུ་བཞུགས་པའི་རིང་དེ་ལྟར་ཡིན། འོན་ཀྱང་། རྩ་དོན་འདིའི་མ་འོངས་པའི་བདག་པོ་རྣམས་ནི་རྩ་དོན་ལ་རྒྱུས་མེད་མཁན་དང་། རྩ་དོན་ལ་དབྱིངས་མེད་མཁན། རྩ་དོན་ལ་རྒྱབ་ཏུ་ཕྱོགས་བཞིན་པའི་མི་རབས་ཤིག་ཡིན། མི་རབས་འདི་དག་བོད་ཕྱི་ནང་གཉིས་ཀར་དེ་ལྟར་རྩ་དོན་ལ་རྒྱང་དུ་གྱེས་བཞིན་དུ་ འཚར་གིན་ཡོད།

ཨོ་ལིམ་པིག་མཇུག་སྒྲིལ་ཏེ་བདུན་ཕྲག་གཅིག་འགོར་བའི་སྐབས་འདིར་བོད་མི་རྣམས་ ཟས་བཅད་ངོ་རྒོལ་དུ་བསྡད་སོང་ལ། ༧གོང་ས་མཆོག་ཀྱང་ཐེངས་དང་པོར་ཡོངས་གྲགས་ཐོག་ཉིན་གཅིག་རིང་གི་ཟས་བཅད་ལས་རིམ་ འདིའི་ནང་མཉམ་བཞུགས་གནང་ཡོད། འོན་ཀྱང་། ད་ལྟ་རྩོད་གཞི་མེད་ལ་གསལ་ཁའང་བྱུང་མེད་པ་ནི་ལས་འགུལ་འདིའི་གཞི་རྒྱ་ལ་དཔག་ པའི་ཤུགས་རྐྱེན་ཞིག་འབྱུང་རྒྱུ་ཡིན་མིན་དེ་ཡིན།

བོད་མིའི་མགོ་ཐོག་ལ་ལྷུང་བའི་རྒྱ་ནག་གཅིག་གྱུར་གྱི་སྲིད་བྱུས་ཕན་ནས། ང་ཚོས་གོ་ལ་གཅིག་གྱུར་གྱི་དཀའ་ངལ་ལ་གདོང་ལེན་བྱེད་དགོས། གཅིག་གྱུར་ཆེན་པོ་འདི་གཉིས་ནི་སྔོན་བསག་གི་ལས་དབང་ལྟར་གཡོལ་ས་མེད་ལ། ཞུ་སའང་མེད་པར་ང་ཚོའི་མི་འདོད་པའི་གཞི་དེར་སྨིན་གི་ཡོད། ལྗིད་ཁོག་འདི་གཉིས་ཀྱིས་བོད་དོན་འཐབ་རྩོད་ལ་ཁ་ཕྱོགས་བྲིས་ཤིང་བཟོ་ལྟ་བཏོད་ ཀྱི་ཡོད་པའང་ང་ཚོའི་ཁ་ཐོག་མིག་ཐོག་ལ་ཤར་གི་ཡོད།

འཛམ་གླིང་མི་དམངས་ཀྱིས་ཕར་ངོས་ལེན་གྱི་རྣམ་འགྱུར་བསྟན་པ་བཞིན་རྒྱ་ནག་གིས་ ཀྱང་རང་ཉིད་འཛམ་གླིང་མི་དམངས་དང་མཉམ་དུ་འགྲོ་བར་ཚུལ་མཐུན་གྱི་རྣམ་འགྱུར་ ཞིག་སྟོན་དགོས། འགྲོ་བ་མིའི་སྤྱི་མཐུན་གྱི་རིན་ཐང་དང་རང་དབང་། མཛའ་བརྩེ། འགན་ཁུར་བཅས་མཉམ་དུ་འཁྱེར་དགོས། འདི་ནི་ད་གཟོད་དུས་རབས་དང་མཐུན་ཞིང་དེང་རབས་ཀྱི་ལམ་ཁ་ཡིན། དེ་རིང་འཛམ་གླིང་མི་དམངས་ཀྱིས་རྒྱ་ནག་ལམ་ཁ་འདིར་གོམ་པ་སྤོས་པར་ཕེབས་བསུ་ བྱེད་ཀྱིན་ཡོད། ༧གོང་ས་མཆོག་གིས་རྩེད་འགྲན་འདི་ལམ་ལྷོང་ཡོང་བར་གསོལ་བ་སྨོན་ལམ་བཏབས་པ་བཞིན། བོད་མི་རིགས་ཀྱིས་ཀྱང་དགའ་བསུ་བྱེད་འོས་པ་ཞིག་ཡིན།

འཛམ་གླིང་གི་རྨི་ལམ་གཅིག་དེ་བདུན་ཕྲག་གཅིག་གི་རྗེས་ནས་མངོན་འགྱུར་ཡོང་གི་ ཡོད། རྨི་ལམ་འདི་ནི་རང་དབང་གི་སྐོར་ལ་རྨིས་པ་རེད། རང་དབང་གིས་འཁྱེར་ཡོང་བའི་མཛའ་བརྩེའི་སྐོར་རེད། འཛམ་གླིང་ཡོངས་ཁྱབ་ཀྱིས་འདི་གཅིག་རང་རྨིས་པ་རེད། རྨི་ལམ་འདི་མངོན་འགྱུར་ཡོང་ས་ནི་གནམ་བདེ་སྒོ་མོ་ཆེའི་ཐང་ཆེན་རེད། སྐར་ལྔའི་དར་དམར་གྱི་འོག་རེད། འདི་རྒྱ་ནག་གིས་ཐག་བཅད་པ་རེད།

བོད་རྒྱའི་འབྲེལ་མོལ་གྱི་མཐའ་ཟད་ཀྱིན་འདུག འདིའང་སྲོལ་རྒྱུན་ལྟར་ཕན་ཚུན་ལ་ལེ་བདའ་དང་ཁག་དཀྲུ། ད་དུང་ཐུན་མོང་གི་འབབ་ས་ཞིག་བཙལ་རྗེས་སླར་ཡང་ངོ་ལོག་པའི་ཚུལ་གྱིས་སྐྱོན་ སྣེ་ཞིག་ལ་འཇུས་ནས་ཆད་དགོས་པ་ལྟར། སྲོལ་རྒྱུན་གྱི་ཆད་སྟངས་ཆད་འགྲོ་གི་ཡོད།