བཙན་བྱོལ།

དེ་རིང་ནས་བཟུང་ཉིན་བཅུའི་རིང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བཅུ་པ་འཚོགས་མགོ་བརྩམས་ཡོད་ལ། ཉིན་དེ་དག་གི་རིང་ལྷན་ཁང་ཁག་གི་ལས་སྡོམ་སྙན་ཐོར་ཞིབ་འཇུག་དང་ཁྲིམས་བཟོའི་ལས་དོན་ཁག་དང་སྤྱི་འཐུས་ལྷན་ཚོགས་ཀྱི་ཆེད་འཛུགས་ཚོགས་ཆུང་གི་ཞིབ་འཇུག་སྙན་ཐོ་སོགས་ལ་བགྲོ་གླེང་གནང་རྒྱུ་ཡིན་འདུག

གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་སྐབས་གཉིས་པའི་འགན་ལྷན་ཚོགས་དུས་ཐེངས་གསུམ་པ་འཚོགས་པ།  

ངྷ་སར་ཉིན་གསུམ་རིང་རྒྱལ་སྤྱིའི་བོད་མིའི་ཁྱད་ལས་པའི་ཚོགས་ཆེན་ཐེངས་དང་པོ་འཚོགས་བཞིན་པ་དང་། ཐེངས་འདིའི་ཚོགས་འདུའི་སྟེང་ཕྱི་རྒྱལ་ཡུལ་གྲུ་ཁག་དང་རྒྱ་གར་ནང་ཁུལ་གྱི་ས་གནས་མི་འདྲ་བ་ཁག་ནས་ཁྱད་ལས་པ་ ༨༠ ལྷག་འདུ་འཛོམས་ཐོག བརྗོད་གཞི་མི་འདྲ་བ་བཞིའི་ཐོག་ཏུ་གསུང་བཤད་དང་བགྲོ་གླེང་གནང་བཞིན་ཡོད་འདུག

དམངས་གཙོའི་དུས་དྲན་ཐེངས་ ༥༠ བ་སྲུང་གཙི་དང་འབྲེལ་བོད་གཞུང་དམངས་ཡོངས་ནས་༧གོང་ས་མཆོག་ལ་གསེར་གྱི་གཟེངས་རྟགས་ཕུལ་མ་ཐག རྒྱལ་ཡུམ་ཆེམ་མོའི་གསེར་གྱི་རྟགས་པའི་རྐང་རྩེད་སྤོ་ལོ་འགྲན་བསྡུར་དེ་ཡང་སྦེལ་ཀོབ་བོད་མིའི་གཞིས་གྲོང་གཉིས་པ་རུ་མགོ་འཛུགས་བྱས་སོང་།

བོད་གཞུང་དམངས་རྒྱལ་ཡོངས་ཚོགས་ཆེན་དང་དམངས་གཙོའི་དུས་དྲན་ཐེངས་ ༥༠ བ་དང་བསྟུན་ཏེ། དགེ་ལྡན་བསྟན་བདག་ལྷན་ཚོགས་དང་ཆོས་ཁྲིམས་འཛིན་སྐྱོང་ལྷན་ཚོགས་ཀྱི་ཚོགས་འདུ་དང་པོ་སེ་ར་ཐེག་ཆེན་གླིང་དུ་སྐོང་ཚོགས་གནང་སྟེ། དགེ་ལུགས་པའི་དགོན་སྡེ་སྤྱི་ལ་ཁྱབ་པའི་བཅའ་ཡིག་ཆེན་མོར་སྣོན་འབྲུ་སྤོར་འཇོག་གནང་སྟེ། ཡོངས་ཁྱབ་ཐོག་ལག་ལེན་བསྟར་ཕྱོགས་ཐད་གྲོས་ཆོད་དང་གོ་བསྡུར་གནང་ཡོད།

ཟླ་སྔོན་མའི་ཕྱི་ཚེས་ ༢༥ ཉིན་ནས་བཟུང་རྒྱ་གར་གཞུང་གི་གྲོས་ཚོགས་གོང་མའི་ནང་བོད་ཀྱི་གསོ་བ་རིག་པའི་སྨན་བཅོས་ལམ་ལུགས་སྐོར་ལ་གྲོས་ཆོད་ཅིག་བཞག་སྟེ། ད་ནས་བཟུང་བོད་ཀྱི་གསོ་བ་རིག་པ་རྒྱ་གར་གཞུང་གི་ངོས་ལེན་ཡོད་པའི་ཁྲིམས་མཐུན་གྱི་སྨན་གཞུང་གི་གྲས་སུ་ཚུད་ཡོད་ཟེར།

བོད་མིའི་གཏན་སློབ་དགེ་རྒན་གཉིས་ལ་ཕྱི་ལོ་ ༢༠༠༩ ལོའི་རྒྱ་གར་རྒྱལ་ཡོངས་ཀྱི་ཆེ་བསྟོད་གཟེངས་རྟགས་འབུལ་གཏན་འཁེལ་འདུག

དགེ་ཚུལ་སློང་གི་རྟེན་དེ་བཅོམ་ལྡན་འདས་ཀྱིས་ང་ཚོར་ལམ་སྟོན་གནང་བ་འདི་ཐར་བ་དང་ཐམས་ཅད་མཁྱེན་པའི་གོ་འཕང་སྒྲུབ་བྱེད་ཀྱི་རྨང་གཞི་ཡིན་སྙམ་པའི་ཐོག་ནས་ཚུལ་ཁྲིམས་ཀྱི་བསླབ་པ་ལ་བདག་པོ་ཡག་པོ་རྒྱག་རྒྱུ་གལ་ཆེན་པོ་རེད། རྨི་ལམ་ཚུན་ཆད་དུ་ང་རབ་བྱུང་ཡིན་སྙམ་པ་དང་། ང་དགེ་སློང་ཡིན་སྙམ་པའི་འདུ་ཤེས་དང་མ་བྲལ་བའི་ཐོག་ནས་བསྟན་པའི་ཞབས་འདེགས་བསྒྲུབ་རྒྱུ་ཁྱེད་ཚོའི་དགོངས་པར་འཆང་དགོས་ཞེས་༧གོང་ས་མཆོག་གིས་གསུངས་ཡོད།

བྷ་རོ་ཌ་ས་གནས་སུ་མཐོ་རིམ་སློབ་མ་རྣམས་ཀྱིས་མང་གཙོའི་དུས་དྲན་ཐེངས་ ༥༠ སྲུང་གཙི།

ས་རཱ་མཐོ་སློབ་ཏུ་ཤེས་ཡོན་སྲིད་བྱུས་དང་འབྲེལ་བའི་གཞི་རིམ་འོག་མའི་དགེ་རྒན་འོས་སྦྱོང་ཐེངས་གཉིས་པ་མགོ་འཛུགས་བྱས་པ།

དགུང་ལོ་ ༧༧ ལ་ཕེབས་པའི་སེར་བྱེས་དགེ་བཤེས་འཇམ་དཔལ་ཚེ་རིང་མཆོག་ཟླ་འདིའི་ཚེས་༡༨ ཉིན་དགོངས་པ་རྫོགས་པའི་ཡིད་སྐྱོའི་གནས་ཚུལ་བྱུང་ཡོད་ལ། ཁོང་སྐུ་གཤེགས་ཏེ་ཉིན་བཅུ་གཉིས་ཕྱིན་ཡང་ད་དུང་སྐུ་ཐུགས་དམ་ལ་བཞུགས་ཡོད་པའི་ངོ་མཚར་བའི་གནས་ཚུལ་བྱུང་འདུག

བོད་གཞུང་ཤེས་རིག་ལས་ཁུངས་དང་ཕྱི་དྲིལ་ལས་ཁུངས་གཉིས་ཀྱིས་ཟླ་འདིའི་ཕྱི་ཚེས་ ༢༤ ཉིན་ནས་ཟླ་རྗེས་མའི་ཚེས་ ༦ བར། རྒྱ་གར་ལྷོ་ཕྱོགས་ཀྱི་སློབ་གྲྭ་ཁག་ཏུ་བོད་ཀྱི་ཁོར་ཡུག་གནས་སྐོར་ལ་གོ་རྟོགས་སྤེལ་གྱིན་འདུག

བོད་དོན་རྒྱབ་སྐྱོར་བ་སྐུ་ཞབས་མ་ཧེ་ཞཱ་ལགས་ཀྱིས་རྒྱ་གར་གྱི་སྲིད་བློན་མན་མོ་ཧན་སན་མཆོག་ལ་རང་གི་ཟུངས་ཁྲག་གིས་ཡི་གེ་ཞིག་བྲིས་ཏེ། ༧གོང་ས་མཆོག་གི་འཚེ་མེད་ཞི་བའི་འཐབ་རྩོད་ལ་རྒྱབ་སྐྱོར་གནང་རྒྱུའི་འབོད་སྐུལ་ཞུས་ཡོད།

གངས་ཅན་རིག་གནས་སློབ་གྲྭའི་ནང་། སློབ་ཕྲུག་སྐྱ་སེར་ཕོ་མོ་དབྱེར་མེད་དང་། རྒྱལ་ཁབ་དང་མི་རིགས་ཁྱད་མེད། ལོ་ན་རྒན་གཞོན་ཚད་བཀག་མེད་པའི་ཐོག་ནས་བསྡུ་རྒྱུ་ཡིན་ལ། སློབ་ཡུན་སློབ་མ་སོ་སོའི་འདོད་པ་ལྟར་དུས་ཡུན་ཐུང་ཤོས་བདུན་ཕྲག་གཉིས་ནས་རིང་ཤོས་ལོ་གསུམ་བར་ཡིན་ཟེར།

ཉེ་ཆར་མ་སུ་རིར་བོད་ཁྱིམ་སློབ་གྲྭ་༡༣ནང་ཁུལ་དུ་རྩིས་རིག་གི་འགྲན་བསྡུར་ཞིག་བྱས་འདུག