བོད་དོན།

ལྟག་མཚེར་རིན་པོ་ཆེའི་སྲས་འབྲིང་བ་ཀུན་དགའ་ནོར་བུ་དང་། རྔ་བ་རབ་བརྟན་རྒྱ་མཚོ། དེ་བཞིན་ཏྲེ་ཧོར་བློ་དགའ། ཀླུ་ཆུ་ཟམ་ཚའི་་དར་རྒྱས་བཅས་གོམ་བགྲོད་པ་བཞི་ཡིས་ལོ་འདིའི་སུམ་ཅུའི་དུས་ དྲན་ཉིན་མགོ་འཛུགས་ཀྱིས་ཨ་རིའི་རྒྱལ་ས་ཝ་ཤིན་ཊོན་ཌི་སི་ནས་ནིའུ་ཡོག་གྲོང་ ཁྱེར་བར་དུ་བོད་རང་བཙན་གོམ་བགྲོད་གནང་རྒྱུ་ཡིན་འདུག


ཁ་སང་ཨ་རིའི་ཕྱི་ སྲིད་མགྲིན་ཚབ་པས་རྒྱ་གཞུང་ལ་བོད་ནང་གི་འགྲོ་བ་མིའི་ཐོབ་ཐང་ཇེ་སྡུག་ཏུ་འགྲོ་བར་སེམས་འཚབ་དང་། བལ་གཞུང་གིས་བོད་མི་གང་བྱུང་འཛིན་བཟུང་བྱས་པར་སྐྱོན་བརྗོད་བྱས་ཡོད་འདུག

གཟའ་ཕུར་བའི་ཉིན་ཁམས་ནག་ཆུར་རང་ལུས་མེར་བསྲེཊ་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་གནང་མཁན་རྒྱལ་གཅེས་དཔའ་བོ་དགུ་འགྲུབ་ལཊ་ཀྱིས་ཞལ་ཆེམས་ཡི་གེ་ཞིག་བཞག་འདུག

ཉེ་ཆར་ཧྥ་རན་སིའི་སྲིད་འཛིན་འོས་བསྡུའི་འགྲན་རྩོད་ཁྲོད་ཞུགས་མཁན་འོས་མི་ ༡༠ ཁྲོད་ནས་འོས་མི་ ༩ ཡིས་བོད་དོན་ལ་རྒྱབ་སྐྱོར་དང་། ༸གོང་ས་མཆོག་དང་མཇལ་འཕྲད་ཞུ་འདུན་ཡོད་པའི་རྣམ་འགྱུར་བསྟན་ཡོད་འདུག

ཉེ་ ལམ་ཡུ་རོབ་གྲོས་ཚོགས་ནང་མེ་ལྕེ་ཁྲོད་ཀྱི་བོད་ཅེས་པའི་བགྲོ་གླེང་ཞིག་ཚོགས་ ཏེ། ཡུ་རོབ་གྲོས་ཚོཊ་ཀྱི་འགྲོ་བ་མིའི་ཐོབ་ཐང་འགན་འཛིན་མཆོག་གིས། ཡུ་རོབ་རྒྱལ་ཁབ་ཁག་གིས་གཞུང་དམངས་གཉིས་ཀྱིས་བོད་ནང་གི་ཛ་དྲག་གནས་སྟངས་ཐོག་ རྒྱབ་སྐྱོར་གནང་དགོས་པའི་འབོད་སྐུལ་ཞུས་འདུག

གཟའ་ ཕུར་བའི་ཉིན་ཨ་རིའི་རྒྱལ་སྲིད་དྲུང་ཆེ་ལས་རོགས་ལྕམ་ཝེན་ཌེ་ལགས་ཀྱིས། བལ་ཡུལ་སྲིད་བློན་བྷ་བྷོ་རཱམ་ལགས་ཀྱིས་བོད་མི་སྐྱབས་བཅོལ་བའི་དཀའ་ངལ་སེལ་རྒྱུའི་ ཁས་ལེན་བྱས་ཡོད་སྐོར་བརྗོད་འདུག

གཟའ་མིག་དམར་ཉིན་སི་ཌི་ནེ་རྒྱ་ནག་གཞུང་ཚབ་ཁང་གི་མདུན་དུ། ས་གནས་བོད་རིགས་དང་བོད་དོན་རྒྱབ་སྐྱོར་རྣམས་ཀྱིས་ངོ་རྒོལ་སྐད་འབོད་བྱས་འདུག

ཉེ་ཆར་རྒྱ་གཞུང་གིས་སྤེལ་པའི་ “ཏཱ་ལའི་བླ་མར་དྲི་བ་བདུན”ཞེས་པ་དེར། དེ་རིང་གཟའ་ཟླ་བའི་ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་དྲུང་ཆེ་བཀྲ་ཤིས་ལགས་ཀྱིས་རྒྱུ་མཚན་དོན་ཚན་ ༧ དྲངས་ཏེ་ལན་འདེབས་གསལ་བཤད་གནང་སོང་།

རྒྱ་ནག་གཞུང་གིས་དམག་དོན་དང་ཁྲིམས་ཀྱི་ལས་གནས་རིམ་པ་ཁུར་མྱོང་བའི་རྒྱ་རིགས་ལིག་ཙོ་མིན་རྔ་པ་རང་སྐྱོང་ཁུལ་གྱི་དམར་ཤོག་དྲུང་ཆེར་བསྐོས་འདུག

གཟའ་ཕུར་བའི་ཉིན་བཀའ་ཁྲི་བློ་བཟང་སེང་གེ་མཆོག་གིས་ཉེ་ཆར་གྱི་བོད་ནང་གི་ཛ་དྲག་གནས་སྟངས་ལ་དམིགས་ཏེ། བཙན་བྱོལ་བོད་མིའི་སྒྲིག་འཛུགས་ཀྱི་དྲ་བརྙན་བརྒྱུད་རྒྱལ་སྤྱིའི་ཐོག་འབོད་སྐུལ་གསལ་བསྒྲགས་ཤིག་གནང་འདུག

གཟའ་ཕུར་བའི་ཉིན་ཧྥ་རན་སིའི་ཕྱི་འབྲེལ་མགྲིན་ཚབ་པས་རྒྱ་གཞུང་གིས་བོད་མི་དང་ལྷན་དུ་གྲོས་མོལ་གནང་དགོས་པའི་འབོད་སྐུལ་གནང་འདུག

ཉེ་ལམ་བོད་ནང་དུ་བོད་མི་ཁག་ཅིག་གིས་རང་ལུས་མེར་བསྲེགས་བཏང་བ་དེར་འཇར་མན་གཞུང་གིས་གདུང་སེམས་མཉམ་སྐྱེད་དང་། རྒྱ་གཞུང་ལ་བོད་ཐོག་འཛིན་པའི་སྲིད་བྱུས་ལ་ངེས་པར་འགྱུར་བ་གཏོང་དགོས་པའི་ནན་སྐུལ་བྱས་འདུག

ཉེ་ཆར་ལོ་གསར་བའི་ནང་སྔ་ཕྱིར་བོད་མི་ ༣ གྱིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་མུ་མཐུད་ངོ་རྒོལ་བྱས་པའི་ཐད། ཨ་རིའི་གཞུང་གིས་རྒྱ་གཞུང་ལ་བོད་ཐོག་འཛིན་པའི་ནོར་འཁྲུལ་ཅན་གྱི་སྲིད་ཇུས་མཚམས་འཇོག་བྱས་ཏེ་དོན་ཕན་ལྡན་པའི་གྲོས་མོལ་བྱ་དགོས་པ་ནན་སྐུལ་བྱས་འདུག

རྒྱ་ནག་གི་བཙོན་འོག་ཏུ་ལོ་ངོ་ ༣༧ རིང་བཞུགས་མྱོང་མཁན་ཆབ་ སྲིད་བཙོན་ཟུར་གྲགས་ཆེན་སྟག་སྣ་འཇིགས་མེད་བཟང་པོ་ལགས། ཉེ་ལམ་ལོ་རྒྱུས་འབྲི་རྩོམ་གྱི་ལས་དོན་ཞིག་གི་ཆེད་དུ་བཞུགས་སྒར་ངྷ་རམ་ས་ལར་ ཕེབས་ཡོད་པ་དང་བསྟུན་ཏེ། འདི་གའི་གསར་འགོད་པས་ཁོང་ལ་བོད་ཕྱི་ནང་གི་གནས་སྟངས་དང་འབྲེལ་ཏེ་གནད་དོན་སྐོར་ཞིག་གི་ཐོག་བཅར་འདྲི་ཞུས་ཡོད།