གོ་སྐབས་གཉིས་པ།

འདོན་སྤེལ། ༢༠༡༠/༠༧/༢༩

མ་སུ་རི་སློབ་གྲྭ་ནས་ཚུལ་མིན་སྒྲིག་འགལ་གྱི་དབང་གིས་ཕྱིར་འབུད་བྱས་པའི་སློབ་ཕྲུག་དགུ་བོ་བསྐྱར་དུ་སློབ་གྲྭ་གཞན་དུ་ཚུད་འདུག

ཟླ་གཉིས་ཀྱི་སྔོན་མ་སུ་རི་བོད་ཁྱིམ་ནས་སློབ་ཕྲུག་བཅུ་སྒྲིག་འགལ་གྱི་དབང་གིས་ཕྱིར་འབུད་བྱས་པའི་ཁྲོད་སློབ་ཕྲུག་བུ་ ༩ དེ་ཕྱིར་བོད་དང་རང་ཁྱིམ་དུ་ལོག་དགོས་བྱུང་མི་འདུག་པའི་ཁར། ཉིན་ཤས་གོང་སློབ་ཕྲུག་རྣམས་སླར་ཡང་བཙན་བྱོལ་གྱི་སློབ་གྲྭ་ཁག་གི་ནང་ཚུད་འདུག

སློབ་ཕྲུག་དེ་དག་ཕྱིར་སློབ་འཇུག་གི་ཐད་ཤུགས་རྒྱག་མཁན་སེར་སྨད་གྲྭ་བློ་དགའ་ཡིས་ཕྱི་ཚེས་ ༢༨ ཉིན་འདི་ག་གསར་ཁང་ལ་བརྗོད་དོན། ཉེ་ཆར་མ་སུ་རི་བོད་ཁྱིམ་ནས་ཕྱིར་འབུད་བྱས་པའི་སློབ་ཕྲུག་དགུ་ལས་བཞི་ད་ལྟ་བོད་ཁྱིམ་སློབ་གྲྭའི་ཁོངས་གཏོགས་ཀྱི་སློབ་གྲྭ་ཞིག་ཏུ་བཅུག་ཐུབ་པ་དང་། ལྷག་མ་ལྔ་ཡང་དེ་མིན་གྱི་སློབ་གྲྭ་གཞན་ཞིག་ཏུ་བཅུག་ཐུབ་པ་བྱུང་ཐོག ངྷ་ས་བོད་ཁྱིམ་དབུས་སྤྱི་ཁྱབ་ཡིག་ཚང་གིས་སློབ་ཕྲུག་ལྷག་མ་ལྔའི་སློབ་ཡོན་གནང་རྒྱུར་ཞལ་བཞེས་ཀྱང་ཐོབ་བྱུང་ཞེས་ཟེར།

གྲྭ་བློ་དགས་ཐེངས་འདིར་སློབ་ཕྲུག་འདི་ཚོ་བསྐྱར་དུ་སློབ་གྲྭར་ཚུད་ཐུབ་པ་བྱུང་དོན་ནི། ངས་དང་ཐོག་ནས་ངྷ་སྟེང་བོད་ཁྱིམ་དབུས་སྤྱི་ཁྱབ་ཡིག་ཚང་ལ་རེ་སྐུལ་སྙན་ཞུ་ཕུལ་ཐོག དེའི་རྗེས་བོད་གཞུང་འཛིན་སྐྱོང་བཀའ་ཤག་ལའང་རེ་སྐུལ་སྙན་ཞུ་ཕུལ་ཏེ། སློབ་ཕྲུག་ཚོའི་བདེ་སྡུག་སྐོར་ལ་སྐྱབས་འཇུག་ཞུས་སྐབས། འཛིན་སྐྱོང་བཀའ་ཤག་གིས་ཁོང་ཚོ་བོད་རིགས་ཤིག་ཡིན་སྟབས་སློབ་གྲྭ་གཞན་གྱིས་སློབ་འོག་ཏུ་ཉར་རྒྱུར་དགག་བྱ་མེད་ཀྱང་། ངེས་པར་དུ་སློབ་གྲྭར་འཇུག་དགོས་པའི་བཀའ་གཏོང་ཤེས་ཀྱི་མེད་ཅེས་གསུངས་ཏེ། བཀའ་ཤག་གིས་སློབ་གྲྭ་གཞན་དུ་བསྐྱར་འཇུག་བྱ་རྒྱུར་དགག་བྱ་མ་གནང་སྟབས། སློབ་ཕྲུག་དགུ་བོ་བསྐྱར་དུ་སློབ་གྲྭར་འགྲིམ་པའི་གོ་སྐབས་བྱུང་བ་ཡིན་ཞེས་གསུངས།

ཡང་ཁོང་གིས། སྤྱིར་བཏང་དགོན་པ་གྲྭ་ཚང་ཁག་དང་བོད་གཞུང་གི་འཛིན་སྐྱོང་སྡེ་ཚན་ཁག སློབ་གྲྭའི་སྒྲིག་འཛུགས་ཁག་གང་ཡིན་རུང་དེའི་ཁོངས་གཏོགས་ཀྱི་མིར་སྒྲིག་འགལ་འབྱུང་སྲིད་པ་རེད་མོད། མ་འོངས་པར་སྒྲིག་འགལ་བྱུང་རིགས་ལ་སྒྲིག་འཛུགས་གཅིག་ནས་དཀའ་ངལ་འཕྲད་ཀྱིན་ཡོད་ནའང་། སྒྲིག་འཛུགས་དང་སྡེ་ཚན་གཞན་ཞིག་གིས་ བསྐྱར་དུ་མདུན་ལམ་གསར་བ་ཞིག་དང་རེ་བ་གསར་བ་ཞིག ཡང་ན་མཇུག་མཐའི་གོ་སྐབས་ཤིག་སྤྲོད་དགོས་པ་རེད་འདོད་ཅེས་སྤྱིར་བཏང་གི་བསམ་ཚུལ་ཞིག་ཀྱང་གསུངས།

གསར་འགོད་པ། ཨ་རིག་འགྱུར་མེད།

ཤོག་ངོས་འདི་ཐེངས་ ༩༦༨ ལ་བཀླགས་འདུག

རིག་པ་འདོན་པ།

ཐོས་པ་དགའ།
༢༠༡༠/༠༨/༠༡ ཉིན་འདོན་སྤེལ་བྱས།

སེར་སྨད་བློ་དགའ་ལགས་བཀའ་དྲིན་ཆེ། ཁྱེད་ཉིད་ཀྱི་རང་དོན་བློས་གཏང་གཞན་དོན་ཁོ་ན་ལ་དམིག་ཏེ་སློབ་ཕྲུག་རྣམས་མགོན་སྐྱབས་ཐུབ་པ་ནི་ཁྱེད་ཉིད་ཀྱིས་འཇོན་ཐང་རེད་ལ་བྱས་རྗེས་ཀྱང་རེད།
བོད་ཕྲུག་འདི་དག་ནི་ང་ཚོའི་བོད་མི་རིགས་ཀྱི་མ་འོང་སོན་རྩ་ཡིན་པའི་ཕྲུལ་གུ་གཅིག་ཡིན་ནའང་སློབ་སྦྱོང་རེ་སྤྲོད་ཐབས་བྱེད་རྒྱུ་ནི་༸གོང་ས་མཆོག་གི་བཀའ་དང་ང་ཚོའི་འོས་མགན་ཀྱང་ཡིན།
དེ་རིང་ངེས་དྲ་ལམ་འདི་རྒྱུད་ནས་དྲ་གྲོགས་ཡོངས་ལ་ཞུ་རྒྱུ་ཞིག་ཡོད་པ་ནི་སེར་སྨད་བློ་དགའ་ལྟ་བུའི་མི་མང་བདེ་སྡུག་ལ་ཁ་རྩམ་མིན་པར་དངོས་ཡོད་ལག་ལེན་བྱེད་ཐུབ་འདི་འདྲའི་བུ་་རེ་ཡོད་ན་ནི་མ་འོང་བར་སྤྱི་མཐུས་ནང་ངེས་པར་འདེམས་དགོས་པ་གལ་ཆེ་བར་མཐོང་།

གྱི་ན་བ
༢༠༡༠/༠༧/༣༡ ཉིན་འདོན་སྤེལ་བྱས།

བློ་དགའ་ལགས་ཁྱེད་ལ་སེམས་གཏིང་ནས་བཀའ་དྲིན་ཆེ་ཞུ། མ་ཚད་དུས་བབ་ཚང་ལ་དམིགས་གསལ་ཐུགས་རྗེ་ཞུ། ཁྱེད་རྣམས་པའི་ཐུགས་བསྐྱེད་ལས་ཕྲུ་གུ་དེ་དག་གི་མི་ཚེ་ལ་རྐྱེན་ངན་བར་ཆད་ཐམས་ཅད་སེལ་ནས་བྱ་བ་ལམ་འགྲོ་ཡོང་བའི་སྨིན་ལམ་ཞུ།

ཆུ་ཤུར་མིག་དམར་
༢༠༡༠/༠༧/༣༠ ཉིན་འདོན་སྤེལ་བྱས།

ལྷག་བསམ་ལྡན་པའི་བློ་དགའ་ལགས་ལྟ་བུའི་མི་དེ་འདྲ་ཐེངས་དེའི་བོད་མི་དམངས་སྤྱི་མཐུས་ཀྱི་མཐུས་མིར་འདེམས་ཐོན་བྱུང་ན་གཏན་གཏན་དགེ་མཚན་ཆེན་པོ་ཡོད་རེད་སྙམ།

བློ་བཟང་།
༢༠༡༠/༠༧/༣༠ ཉིན་འདོན་སྤེལ་བྱས།

དངོས་གནས་བློ་དགའ་ལགས་བོད་ཀྱི་དཔའ་བོ་རེད་འདུག སྙིང་དབུས་ནས་ཐུགས་རྗེ་ཆེ་ཞུ་བཞིན་ཡོད། བོད་ཀྱི་ཕྲུ་གུ་དེ་དག་གི་མི་ཚེ་འདུན་ལམ་ལ་ཕན་པའི་ཕྱག་རྗེས་བཞག་འདུག བོད་མི་རྣམས་ཀྱིས་ཁོང་གི་ལྷག་བསམ་ལ་ཡར་དཔེ་བལྟ་དགོས།

གཡང་ལགས།
༢༠༡༠/༠༧/༣༠ ཉིན་འདོན་སྤེལ་བྱས།

སློབ་མ་རྣམས་བསྐྱར་དུ་སློབ་ཞུགས་ཐུབ་པར་དགའ་བ་སྐྱེ་བ་དང་དེ་ལྟར་ལམ་དུ་ལྷོང་ཕྱིར་སྐུ་ལས་གང་མང་བསྐྱོན་མཁན་བློ་དགའ་ལགས་སོགས་དེ་བཞིན་ཐུགས་བག་ཡངས་པོས་སློབ་མ་དག་ལ་གོ་སྐབས་གསར་དུ་ཐོབ་པར་གང་ཕྱོགས་ནས་མཐུན་རྐྱེན་སྦྱར་མཁན་ཀུན་ལ་ཐུགས་རྗེ་ཆེ་དང་སྐུ་ཐང་མཉེས་སོང་ཞུ་རྒྱུ་ཡིན། མིའི་མི་ཚེའི་ཆུ་ཡི་མཉེར་མ་བཞིན་ཡིན་ལ། མི་ཚང་མ་ལམ་ལ་ཞུགས་པ་དང་ཐོག་མ་ཡིན་པས། དེ་དང་ཕ་གིའི་སྐྱོན་དང་ནོར་འཁྲུལ་སྣ་ཚོགས་ལྷག་སྲིད་པ་དང་། སྐབས་རེ་འགྱོད་པའི་གླིང་དུ་བསྐྱལ་བའི་བགེགས་དང་སྐྱོན་ཆག་ཡང་འཕྲད་སྲིད་པ་རེད། ད་རེས་ཀྱི་གནས་ཚུལ་དེས་ང་ཚོས་ལུས་པོ་ལོན་ཡང་སེམས་པ་མ་ལོངས་པའི་ཕྲུ་གུ་དག་ལ་སློབ་གསོ་ཇི་ལྟར་བྱེད་དགོས་པའི་ཐད་བསམ་མནོ་ཟབ་མོ་གཏོང་དགོས་པར་སྐུལ་བ་དང་། དེ་ལས་ཕྱིན་ཆད་སློབ་མ་དག་ལ་སློབ་སྦྱོང་ཡོན་ཏན་བསླབས་པ་མ་ཚད། མི་ཚེ་འགྲིམས་ལུགས་དང་ཀུན་སྤྱོད་ཚུལ་ལྡན་གྱི་སློབ་གསོ་ཡང་ཁ་གསབ་བྱ་དགོས་གལ་ཆེ་བར་ལྷོད་གཡེང་གཏན་ནས་བྱེད་མི་རུང་བ་ར་འཕྲོད་བྱུང་འདུག དགེ་རྒན་དང་ཕ་མ་དེ་བཞིན་འཚོ་སྐྱོང་གནང་མཁན་ཚང་མས་སློབ་མ་དང་ཕྲུ་གུའི་སེམས་ཁམས་འཇིག་རྟེན་ལུགས་བཞིན་སྐྱོང་བར་འབད་པ་གནང་དགོས་པ་དང་། དེའི་ཐད་ལ་བསླབ་བྱ་དང་དཔེ་སྦྱར་དྲན་སྐུལ། ལེགས་ཉེས་ལམ་སྟོན་སོགས་ལ་ཐུགས་སྣང་ཆེན་པོ་བྱ་དགོས་པར་འཚལ།

འཇམ་གྲགས
༢༠༡༠/༠༧/༢༩ ཉིན་འདོན་སྤེལ་བྱས།

བློ་དགའ་ལགས་ཐུགས་རྗེ་ཆེ།

ཨ་མཆོད་འཇམ་དཔལ་ཚུལ་ཁྲིམས།
༢༠༡༠/༠༧/༢༩ ཉིན་འདོན་སྤེལ་བྱས།

དུས་བབ་ཚང་དང་སེར་སྨད་བློ་དགའ་དྲ་གྲོགས་ཚོའི་ཚིག་ཕན་བྲིས་པ་ཚང་མ་ལ་ཐུགས་རྗེ་ཞུ་རྒྱུ་དང་གྲུབ་འབྲས་ཡག་པོ་བྱུང་འདུག་་ཞུ་རྒྱུ་ཡིན།

ཐུགས་རྗེ་ཆེ།

ཁར་ལྷུན
༢༠༡༠/༠༧/༢༩ ཉིན་འདོན་སྤེལ་བྱས།

སེར་སྨད་བློ་དགའ་ལགས་ཐུགས་རྗེ་ཆེ་བསམས་ཕོད་པ་དང་བྱེད་ཕོད་པ་དེ་ཕོ་རྟགས་རེད་འགྲིགས་ཞག་བཀྲིས་བདེ་ལེགས་་་་་་་་་་་་་་་་་་

སྤྲོ་ཚིགས་དགེ་འདུན
༢༠༡༠/༠༧/༢༩ ཉིན་འདོན་སྤེལ་བྱས།

སློབ་ཕྲུག་དེ་དག་འདས་ལོག་ཤིག་བྱས་ཚར་བ་རེད་། ད་ནི་ཡོད་ཚད་ནས་ཡོད་ཚད་དམུགས་ཡུལ་གཅིག་དང་རེ་བ་བརྒྱ་ཕྲག། ལྷག་དོན་དུ་དུས་བབ་ཚང་དང་གྲྭ་བློ་དགའ་སོགས་ཀྱི་རེ་བ་དང་འབད་འབྲས་སོགས་ཆུ་ཟོས་སུ་མི་གཏོང་བར་ལམ་བུ་དེའི་སྣེ་ཟུར་ནས་ཡངས་རྩེར་སོན་ཐུབ་པ་ཞིག་ངེས་པར་བྱེད་རྒྱུ་གལ་ཆེན་ནང་གི་དོན་ཆེད་དུ་བསམ་དེ་། ངུར་ཆུ་ཟད་ནས་ཁྲག་ལ་ཐུག་ཅིང་ཤི་མྱལ་པ་ལ་སྐྲགས་མི་དགོས་པ་ཞིག་བྱེད་རོགས་ཞུ་རྒྱུ་ཡིན།་ཕྲུ་གུ་ཚོོོ།
ལྷག་དོན་དུ་སེར་སྨད་བློ་དགའ་ལ་ཐུགས་རྗེ་ཆེ་ཞུ

ཤེལ་དཀར་བློ་བཟང་།
༢༠༡༠/༠༧/༢༩ ཉིན་འདོན་སྤེལ་བྱས།

གཏམ་བཟང་རེད་དངོས་གནས་དགའ་ཚོར་ཆེན་པོ་བྱུང་། འབྲེལ་ཡོད་ཚང་མར་འཚམས་འདྲི་ཡོད།

འབའ་ཐང་གི་བུ།
༢༠༡༠/༠༧/༢༩ ཉིན་འདོན་སྤེལ་བྱས།

གྲྭ་སེར་སྨད་བློ་དགའ་ལགས་ཀྱིས་མི་རྒྱུ་གཉིས་ཐད་ནས་འབད་འབུངས་བྱས་པར་རྗེས་སུ་ཡི་རངས་ཡོད། ང་དང་དྲ་གྲོགས་མི་མང་པོས་བོད་ཕྲུག་འདི་ཚོའི་མ་འོངས་པའི་མི་ཚེའི་མདུན་ལམ་དང༌། གཞིས་བྱེས་བར་གྱི་མཐུན་སྒྲིག་སོགས་གང་ས་ཅི་ཐད་ནས་བསམ་ཚུལ་དང་ཞུ་འབོད་གང་ཡོང་བྱས་ཡོད་མོད། སྐུ་ཉིད་ལྟར་དངོས་སུ་ལག་པ་འཆང་སྟེ་གྲུབ་འབྲས་འདི་འདྲ་འཇོག་ཐུབ་མེད་པར་བརྟེན། ད་ཆ་ང་དང་ང་འདྲའི་དྲ་གྲོགས་ཁ་བཤད་ལག་སྟོང་ཅན་རྣམས་ངོ་ཚ་ཞིང༌། ཁ་སྐྱེངས་ནས་བསྡད་རྒྱུ་རང་རེད་འདུག ད་ནས་ཁྱེད་ལ་དམིགས་བསལ་འཚམས་འདྲི་ཞུ་རྒྱུ་ལས་མ་མཆིས། ད་དུང་མུ་མཐུད་ནས་མདུན་བསྐྱོད་གནང་རོགས།

འབའ་ཐང་གི་བུ།
༢༠༡༠/༠༧/༢༩ ཉིན་འདོན་སྤེལ་བྱས།

རྨེ་རུ།
༢༠༡༠/༠༧/༢༩ ཉིན་འདོན་སྤེལ་བྱས།

དཀོན་མཆོག་གི་མཁྱེན་མི་རྙིང་པ་ལ་སེམས་གསར་པ་ཞིག་རྙེད་པ་ཤོག
དཀོན་མཆོག་གི་མཁྱེན་སྔར་བྱས་རྒྱབ་ཏུ་བྱེད་པ་ཤོག

ཅོ་རི་ཉི་མ།
༢༠༡༠/༠༧/༢༩ ཉིན་འདོན་སྤེལ་བྱས།

མ་སུ་རིའི་སློབ་ཕྲུག་རྩ་རྒྱས་ར་འདི་ཚོ་བོད་ལ་ཕྱིར་ལོག་བྱེད་དགོས་མ་བྱུང་བ་སློབ་སྦྱོང་གི་གོ་སྐབས་ཐོབ་པ་ནི་གཙོ་དུས་བབ་ཚང་གི་དཀའ་དྲིན་དང་སེར་སྨད་བློ་དགས་ལག་ལེན་བསྟར་ཐུབ་པས་རྒྱུ་རྐྱེན་གྱི་བྱུང་བ་རེད་སྙམ།

དུས་བབ་ཚང་དང་སེར་སྨད་བློ་དགའ་དྲ་གྲོགས་ཚོའི་ཚིག་ཕན་བྲིས་པ་ཚང་མ་ལ་ཐུགས་རྗེ་ཞུ་རྒྱུ་དང་གྲུབ་འབྲས་ཡག་པོ་བྱུང་འདུག་་ཞུ་རྒྱུ་ཡིན།

ཐུགས་རྗེ་ཆེ།

གཞི་དྲང་པོ་
༢༠༡༠/༠༧/༢༩ ཉིན་འདོན་སྤེལ་བྱས།

གཞན་ཕན་དོན་གཉེར་བྱང་ཆུབ་ཀྱི་སེམས་ལ་མངོན་སུ་འཇུག་པར་དགའ་མོས་བྱུང་ལ་ ཁ་ཡོད་ལག་ཡོད་ཀྱི་བྱ་བ་བརྩམས་པར་ལས་སླ་པོ་རྩ་བ་ཉིད་ནས་མེད་། དམིགས་བསལ་ཐུགས་རྗེ་ཆེ་ཞུས་གིན་ཡོད་། ང་ཚོའི་སྤྱི་ཚོགས་ནང་ཁ་ནས་ཤོད་མཁན་ཧ་ཅང་མང་བས་ ལག་ལེན་བལྟར་མཁན་ཉུང་དྲགས་ཡོད་། སློབ་ཕྲུག་དགུ་ནས་རྐྱེན་ངན་གྲོགས་ཤར་ལ་རྩིས་ཏེ་སྦྱོང་བརྩོན་ཧུར་ཐག་གནང་རོགས་གནང་།

ཤོག་གྲངས་: [༡] ༢ [རྗེས་མ།]

རིག་པ་འདོན་པ།
རིག་པ་འདོན་ན་ངེས་པར་དུ་དེབ་སྐྱེལ་བྱེད་དགོས། འདི་ལ་བསྣུན་ཏེ་དེབ་སྐྱེལ་བྱེད་རོགས།