འགྲམ་རྒྱ་གཞུང་མཐའ་སྲུང་དམག་མིས་བལ་ཡུལ་ནས་ཕྱིར་བོད་ལ་ལོག་མཁན་གྱི་བོད་མི་དགུ་འཇུ་བཟུང་བཀག་ཉར་བྱས་རྗེས། བལ་ཡུལ་རྒྱལ་སར་ཡོད་པའི་ཕྱི་མི་ཞིབ་བཤེར་ལས་ཁུངས་ལ་རྩིས་སྤྲོད་བྱས་འདུག
ཟླ་སྔོན་མའི་ཕྱི་ཚེས་ ༢༦ ཉིན་བལ་ཡུལ་ནས་བོད་ནང་ཕྱིར་ལོག་མཁན་གྱི་བུ་ ༥ དང་བུ་མོ་ ༤ བཅས་བསྡོམས་བོད་མི་ ༩ བོད་དང་བལ་བོའི་ས་མཚམས་འགྲམ་བརྒྱུད་དེ་བོད་ལ་ལོག་སྐབས། བལ་བོད་མཐའ་མཚམས་འགྲམ་དུ་ཡོད་པའི་རྒྱ་གཞུང་མཐའ་སྲུང་དམག་གིས་འཇུ་བཟུང་བྱས་ཏེ། ཉིན་༩ རིང་བོད་མི་ཚོར་འདྲི་བརྩད་གཅར་རྡུང་དང་དོ་དམ་བཀག་ཉར་བྱས་ཡོད་པ་མ་ཟད། ཟླ་འདིའི་ཕྱི་ཚེས་ ༤ ཉིན་འགྲམ་མཐའ་སྲུང་དམག་མི་དང་བལ་ཡུལ་ཉེན་རྟོག་པ་མཉམ་འབྲེལ་ཐོག་བལ་ཡུལ་རྒྱལ་ས་ཀ་ཐ་མན་གྲུར་ཡོད་པའི་ཕྱི་མི་ཞིབ་བཤེར་ལས་ཁུངས་ལ་རྩིས་སྤྲོད་བྱས་ཡོད་འདུག
འདིའི་ཐད་འབྲེལ་ཡོད་མི་སྣ་ཞིག་གིས་ཨེ་ཤ་ཡ་རང་དབང་རླུང་འཕྲིན་ཁང་ལ་བརྗོད་དོན་ལྟར་ན། ཐེངས་འདིར་རྒྱ་གཞུང་གིས་འཇུ་བཟུང་བཀག་ཉར་བྱས་པའི་བོད་ ༩ ལས་མང་ཆེ་བ་ཁམས་ནག་ཆུ་ས་ཁུལ་ཡིན་འདུག་ལ། ད་ལོའི་ཕྱི་ཟླ་ ༡ ནང་གནས་མཆོག་རྡོ་རྗེ་གདན་དུ་དཔལ་དུས་ཀྱི་འཁོར་ལོའི་དབང་ཆེན་སྐབས་བོད་ནས་ཆེད་དུ་ཡོང་མཁན་ཁག་ཅིག་ཡིན་འདུག ཉེ་ལམ་ཁོང་རྣམས་བལ་བོད་མཐའ་མཚམས་སུ་ཡོད་པའི་འགྲམ་མཐའ་སྲུང་དམག་གིས་འཇུ་བཟུང་བྱས་རྗེས་གཅར་རྡུང་བཀག་ཉར་བྱས་ཡོད་པ་མ་ཟད། ཁོང་ཚོའི་ལག་ཏུ་ཡོད་པའི་ལག་འཁྱེར་ཡིག་ཆ་ཁག་ཅིག་ཡོད་པ་གཞུང་བཞེས་བཏང་རྗེས་ཕྱི་མི་ཞིབ་བཤེར་ལས་ཁུངས་ལ་རྩིས་སྤྲོད་བྱས་ཏེ་དེར་བཀག་ཉར་བྱས་ཡོད་འདུག
ཉེ་ལམ་བལ་ཡུལ་དུ་ཡོད་པའི་རྒྱལ་སྤྱིའི་སྐྱབས་བཅོལ་ལྟ་རྟོག་ལས་ཁུངས་ཀྱི་འབྲེལ་ཡོད་མི་སྣ་དང་བལ་ཡུལ་གྱི་འགྲོ་བ་མིའི་ཐོབ་ཐང་ཚོགས་པ། བོད་ཡུལ་བོད་མིའི་འབྲེལ་མཐུད་ཁང་ཡན་ལག་སྣེ་ལེན་ཁང་གི་ལས་བྱེད་མི་སྣ་བཅས་ཀྱིས། ཕྱི་མི་ཞིབ་བཤེར་ལས་ཁུངས་ཀྱི་འབྲེལ་ཡོད་མི་སྣར་ཁོང་ཚོ་ཀློད་གྲོལ་གཏོང་རྒྱུའི་རེ་སྐུལ་བྱས་ཡོད་ཀྱང་། ཕྱི་མི་ཞིབ་བཤེར་ལས་ཁུངས་ཀྱིས་བོད་མི་དེ་དག་ལ་ལམ་ཡིག་གང་ཡང་སྟོན་རྒྱུ་མེད་སྟབས། དཔལ་འབྱོར་གྱི་ཉེས་ཆད་བཏང་རྗེས་ཕྱིར་རྒྱ་གར་ནང་ཕྱིར་ཕུད་བྱ་རྒྱུ་ཡིན་ཚུལ་བརྗོད་ཡོད་འདུག
ཐེངས་འདི་ནི་འདི་ལོའི་ཕྱི་ཟླ་ ༤ བའི་ནང་རྒྱ་གཞུང་གིས་བོད་རང་སྐྱོངས་ལྗོངས་སྤྱི་བདེ་ལས་ཁུངས་ཀྱིས་ནང་ཁུལ་ཚོགས་འདུ་ཞིག་ཚོགས་ཏེ། བལ་ཡུལ་ཉེན་རྟོག་པ་དང་མཉམ་འབྲེལ་ཐོག བལ་ཡུལ་ནང་ཏཱ་ལའི་རུ་ཚོགས་ཀྱི་ཁ་བྲལ་ལས་འགུལ་སྤེལ་མཁན་གྱི་བོད་མི་ཚོར་དྲག་རྡུང་ལས་འགུལ་སྤེལ་རྒྱུའི་ཁྱབ་བསྒྲགས་བྱས་རྗེས། རྒྱ་ནག་མཐའ་སྲུང་དམག་མིས་བོད་དུ་ལོག་མཁན་གྱི་བོད་མི་བལ་ཡུལ་ཉེན་རྟོག་པར་རྩིས་སྤྲོད་བྱེད་ཐེངས་ཐོག་མ་ཆགས་ཡོད་འདུག
གསར་འགོད་པ། དོན་གོ
( བོད་དུ་ལོག་མཁན་བོད་མི་ ༩ ཡི་ད་ལྟའི་གནས་སྟངས་སྐོར་བལ་ཡུལ་ཕྱི་མི་ཞིབ་བཤེར་བཀག་བསྐྱིལ་ཁང་དུ་བཀག་ཉར་བྱས་ཡོད་པའི་གླིང་ཚ་ཚེ་བརྟན་རྡོ་རྗེ་ལགས་ཀྱིས་བྲིས་པའི་ཟིན་ཐོ། )
སྤྱི་ཟླ་དྲུག་པའི་ཚེས་བཞི་ཉིན་གྱི་ཕྱི་དྲོ་ལ་ང་རང་བསྡོད་སའི་བཀག་བསྐྱིལ་ཁང་འདི་ལ་རང་ཡུལ་ཁ་བ་ཅན་ལ་ཕྱིར་ལོག་བྱེད་མཁན་གྱི་བོད་མི་སྐྱེ་ཕོ་མོ་དགུ་བལ་བོད་མཐའ་མཚམས་འགྲམ་དུ་འབོད་པའི་ས་ཁུལ་དེ་ནས་རྒྱ་ནག་གིས་མཚན་དཀྱིལ་དུ་དམག་གིས་འཇུ་བཟུང་ཐེབས་རྗེས། བཅར་བརྡུང་ཚད་མེད་བཏང་བ་དང་ཁོང་ཚོས་ལག་ནང་གི་མི་མང་བསྡོད་མིང་ལག་ཁྱེར་ཚང་མ་བཙན་གྱིས་འཕྲོག་འདུག དེ་ཡི་རྗེས་སུ་བསྟུད་མར་ཉིན་དྲུག་ལ་འདྲི་བརྩད་སྣ་ཚོགས་ཤིག་བྱས་མཐར་ལག་ནས་ཅ་དངོས་གཞན་དག་གང་ཡང་མ་འཕྲོག་པར་ཕྱིར་བལ་བོད་མཐའ་མཚམས་ཀྱི་བལ་དམག་གི་ལག་པར་རྩིས་སྤྲོད་བྱས་འདུག
བལ་དམག་གིས་ཁོང་ཚོ་ཁྲིད་ནས་འོང་དེ་བལ་ཡུལ་ལག་ཁྱེར་ཞིབ་གཤེར་ཁང་གི་བཀག་བསྐྱེལ་ཁང་འདི་ལ་སྤྲད་འདུག ཁོང་ཚོ་སླེབས་ནས་ཆུ་ཚོད་གཅིག་ཙམ་གྱི་རྗེས་སུ་ཁོང་ཚོ་ལ་ཁ་ལག་དང་ཟ་མའི་རོགས་སྐྱོར་བྱེད་མཁན་གྱི་མི་རེ་ཟུང་ཞིག་ཀྱང་འབྱོར་སོང་། དེ་ནས་ངས་བལ་ཡུལ་སྣེ་ལེན་ཁང་དང་འགྲོ་བ་མིའི་ཐོབ་ཐང་བཅས་ལ་བརྡ་ཞིག་རྒྱགས་རོགས་ཞེས་གྲོགས་པོ་ཞིག་ལ་ཁ་པར་རྒྱུད་དེ་ཞུས་པ་ཡིན།
བལ་ཡུལ་སྣེ་ལེན་ཁང་གིས་མི་སླེབས་མོད། ཁོང་ཚོས་བོད་ནས་གསར་དུ་སླེབས་མཁན་དག་ལ་མ་གཏོགས་གཏན་ནས་བདག་པོ་རྒྱགས་ཀྱི་མེད་རབས་དང་འགྲོ་བ་མིའི་ཐོབ་ཐང་གི་ལས་བྱེད་ཡིན་ནམ། བོད་མི་གཞན་ཞིག་གིས་ཁོང་ཚོ་རང་རང་གི་དངུལ་ཆད་ཐབས་ཤེས་བྱེད་མ་ཐུབ་པ་ཡིན་ཚེ། ཁོང་ཚོ་ལ་ཐབས་ཤེས་གཞན་མེད་པར་ཁྱོད་ཚོ་སང་ཉིན་ནས་བཙོན་ཁང་དུ་འཇུག་སྲིད་ལ། བཙོན་ཁང་དུ་བཅུགས་པ་ཡིན་ན། ཁོང་ཚོས་ཁྱོད་ཚོ་ལ་མནར་གཅོད་གཏོང་བ་དང་བརྙས་བཅོས་བྱེད་ངེས་ཡིན་ལ། དེ་དུས་ཁྱོད་ཅག་གིས་སྡུག་པོ་ཚད་མེད་མྱོང་གི་རེད་ཟེར་གྱི་འདུག རྒྱ་གར་ལ་ཡར་རྩིས་སྤྲོད་བྱེད་སྲིད་པ་རེད་ཅེས་ཡང་དང་བསྐྱར་དུ་བཤད་པ་མ་ཟད། སྒོར་མོ་ཕ་ཡུལ་གཅིག་པ་དང་ཡང་ན་ངོ་ཤེས་སོགས་གང་ལ་རོགས་སྐུལ་བྱེད་ཐུབ་པ་ཡིན་ན་ཁྱོད་ཚོ་སང་ཉིན་འདི་ནས་ཕྱིར་འབུད་ཐུབ་ངེས་ཡིན་ཞེས་བཤད་འདུག སྐབས་དེར་ཁོང་ཚོ་མི་རེ་ལ་བལ་སྒོར་དགུ་སྟོང་རེ་སྤྲད་ན་གཏོང་ཚུལ་བཤད་ཀྱང་། ཕྱིར་ཉིན་སྐད་ཆ་དེ་འགྱུར་ནས་མི་རེ་ལ་བལ་སྒོར་ཁྲི་གཅིག་རེ་བཤད་འདུག དེ་ནས་ཡང་སྐད་ཆ་འགྱུར་ནས་བོད་མི་ཞིག་ཁོང་ཚོ་སར་ཡོང་ནས་ཁྱོད་ཚོས་བལ་སྒོར་འབུམ་གཅིག་སྤྲད་མ་ཐུབ་ཚེ། ཁོ་རང་གིས་འདི་ནས་རོགས་པ་བྱེད་ཐུབ་ཀྱི་མེད་པ་དང་། རོགས་པ་བྱེད་དགོས་པ་ཚང་མ་ཁོ་རང་གིས་འབད་བརྩོན་བྱས་ཡོད་ཚུལ་དང་ཁྱོད་ཚོས་སྒོར་མོ་མ་སྤྲད་ན་ང་རང་འདི་ཚོས་ཁྲིམས་ཁང་དུ་འཇུག་སྲིད་པ་སོགས་ང་རང་གི་རྣ་བའི་གོ་ས་ནས་བཤད་སོང་།
བལ་ཡུལ་རྒྱ་ནག་གཞུང་ཚབ་ཁང་གི་མི་གཉིས་ཐད་ཀར་ང་ཚོ་བསྡོད་སའི་ནང་ལོག་དུ་བལ་དམག་གིས་ཁྲིད་དེ་ཁོང་ཚོའི་འགྲམ་བར་དུ་ཡོང་ནས། ཁོང་ཚོ་ལ་ཁྱོད་ཚོ་ཀྲུང་གོ་ནས་ཡིན་ནམ་ཟེར་ནས་དྲིས་སོང་། དེ་དུས་མི་གཅིག་གིས་ང་ཚོ་བོད་ནས་ཡིན་ཟེར། བོད་གང་ནས་ཡིན། སི་ཁྲོན་ནས་ཡིན་ནམ་ཟེར། དེ་དུས་ཁོས་ང་ཚོ་ལྷ་སའི་ཁུལ་ནས་ཡིན་ཟེར་ནས་བཤད་དུས། ཁྱོད་ཚོ་ལ་རྒྱ་ནག་གི་ལག་ཁྱེར་ཡོད་དམ་ཟེར། ཁོང་ཚོའི་ལག་པར་ལག་ཁྱེར་གང་ཡང་མེད་ཅེས་བཤད་དུས་སུ། རྒྱ་ནག་གཞུང་ཚབ་ཁང་གི་མི་དེས་ང་རང་ལ་བལྟ་བཞིན་ཁོ་རང་རྡ་རམ་ས་ལ་ནས་ཡོང་བ་རེད་དམ་ཟེར་ནས་དྲིས་སོང་། དེ་དུས་ཁོང་ཚོས་གཅིག་གིས་ཀྱང་ལན་སྤྲད་མ་སོང་། དེ་དུས་རྒྱ་ནག་གཞུང་ཚབ་ཁང་གིས་མི་དེས་ང་རང་ལ་ཞིབ་དུ་བལྟ་ཞོར་འགྲོ་བ་ལས་ང་ལ་སྐད་ཆ་གང་ཡང་དྲིས་མ་སོང་།
མཉམ་འབྲེལ་རྒྱལ་ཚོགས་ཀྱི་མི་ཞིག་ཡོང་ནས་ཁོང་ཚོ་ལ་ཆུ་ཚོད་ཕྱེད་ཀ་ཙམ་གྱི་རིང་དུ་སྒོའི་ལྕགས་དྲའི་གསེང་ནས་སྐད་ཆ་དྲིས་སོང་། མཐའ་མཚམས་ནས་བཟུང་བ་ནས་བལ་ཡུལ་བཀག་བསྐྱིལ་ཁང་ལ་སླེབས་རེག་བར་གྱི་གནས་ཚུལ་ཚང་མ་དྲིས་པ་དང་ཁོ་རང་གིས་ཉིན་མ་གཅིག་གཉིས་འདི་ནས་མུ་མཐུད་དུ་བཀག་གཉེར་བྱས་པ་ཡིན་ན། ཁོ་རང་ཕྱིར་ཁོང་ཚོ་ལ་བལྟ་རུ་ཡོང་ཆོག་ལ། ཁོང་ཚོས་བདེ་སྡུག་གང་སར་ཁྱབ་བསྒྲགས་བྱེད་ཆོག་ཟེར་ནས་བུད་སོང་།
རྗེས་སུ་བོད་མི་དེ་དག་ལ་ཡུལ་མི་གཅིག་པ་དང་ངོ་ཤེས་ཡག་པོ་དེ་འདྲ་གང་ཡང་མེད་སྟབས། སྒོར་མོ་དེ་འདྲའི་མང་བོ་ཞིག་གང་ནས་ཐབས་ཤེས་ཀྱང་གློ་བར་དུ་མི་རེག་པ་ཡིན་དུས། ཁོང་ཚོས་ཚང་མས་སེམས་ཐག་གཙང་བཅད་ཀྱིས་བོད་གཞུང་གིས་ང་ཚོ་ལ་རོགས་རམ་ཞིག་ཏན་ཏན་ཡོང་ངེས་རེད་ཅེས་ཡིད་ཆེས་བྱོས་དེ། ད་ནི་གང་དུ་ཁྲིད་ཀྱང་ཁྲིད་དུ་བཅུགས་ང་ཚོའི་རྒྱབ་དུ་བོད་གཞུང་ཡོད་པ་རེད་ལ། བོད་གཞུང་གིས་རབ་བྱུང་ན་ང་ཚོ་ཡར་རྒྱ་གར་དུ་སོང་ནས་སློབ་སྤྱོང་གི་གོ་སྐབས་ཤིག་སྤྲོད་ཐུབ་པ་བྱུང་སྲིད་ལ། ཕྱིས་སུ་རང་ཡུལ་དུ་མ་ལོག་བར་དུ་བལྟ་སྐྱོང་བྱེད་རྒྱུར་ཡིད་ཆེས་བྱེད་ཆོག་པ་ཡིན་དུས། ང་ཚོ་ལ་གནས་སྐབས་རིང་དཀའ་ངལ་གང་འཕྲད་ཀྱང་བློ་འགྱོད་མེད་ཅེས་མི་དེ་ལ་ཞུས་སོང་།
མི་དེས་ང་ཚོས་གོ་ས་ནས་བལ་ཡུལ་གྱི་སྐད་ཀྱི་སྟེང་ནས་བལ་ཡུལ་གྱི་འགོ་ཁྲིད་ཅིག་ལ་ཁ་པར་ཁྲོད་ནས་ཡར་མི་ཟེར་མར་མི་ཟེར་བར། ཁོང་ཚོ་ཡར་རྒྱ་གར་དུ་འགྲོ་ཡི་མིན་ཟེར་གྱི་འདུག་ཟེར་ནས་ཤོད་པ་ལས་ཁོང་ཚོས་དཀའ་ངལ་ངོས་དང་ཁོང་ཚོ་ལ་ཡོང་སའི་དངུལ་མེད་པ་དང་ཁོང་ཚོས་རེ་བ་རྒྱག་ས་ནི་བོད་གཞུང་དང་བལ་ཡུལ་སྣེ་ལེན་ཁང་སོགས་ཡིན་པའི་སྐོར་གཅིག་ཀྱང་བཤད་མ་སོང་།
མཚན་མོ་འགྲོ་ཁར་ཁོང་ཚོས་ཚང་མས་སེམས་པ་སྐྱོ་ཡི་འདུག་ལ། ང་དང་རོགས་པ་གཉིས་ལ་ཉིན་མ་འདི་གཉིས་རིང་དུ་ཁ་པར་གཡར་བ་དང་ཟས་ཐུན་གཅིག་གཉིས་རེ་ཡི་རོགས་པ་བྱས་པ་སོགས་ལ་སྙིང་ཐག་པ་བཀའ་དྲིན་ཆེ་ཟེར་གྱི་འདུག ངས་ཁོང་ཚོ་ལ་ཁྱོད་ཚོས་སེམས་ཁྲལ་མ་བྱེད་པར་རྒྱ་གར་དུ་སོང་དང་། ཁོང་ཚོས་དངོས་ནས་དྲང་གནས་ཀྱི་རྒྱ་གར་དུ་བསྐྱལ་བ་ཡིན་ན། རྒྱ་གར་ནི་བལ་ཡུལ་ལས་བོད་མིའི་སྒང་ལ་བཟང་བ་དང་བོད་གཞུང་དང་འབྲེལ་བ་ཡང་ཡག་པོ་ཡོད་དུས། ཁྱོད་ཚོ་ལ་དཀའ་ངལ་གཏན་ནས་འཕྲད་དུ་འཇུག་མི་སྲིད། དོ་ནུབ་བོད་པ་དེས་བཤད་པ་བདེན་པ་ཡིན་ན་ཁྱོད་རང་ཚོ་ས་མཚམས་ནས་གཏོང་གི་རེད་ལ། ཁྱོད་ཚོ་ཕྱིར་བལ་ཡུལ་ནང་དུ་ལོག་ཡོང་ཐུབ་ཀྱི་རེད་ཟེར་གྱི་ཡོད་པ་བདེན་པར་གྱུར་ཚེ། སང་ཞོགས་ཁྱོད་ཚོ་གང་དུ་སླེབས་ས་དེ་ནས་ཕྱིར་ང་རང་ལ་ཡིན་གཅིག་མིན་གཅིག་ཁ་པར་གྱི་ལམ་ནས་བརྡ་ཞིག་རྒྱོབས་དང་། ངས་ཁྱོད་ཅག་གིས་སྐོར་བོད་མི་ཕྱི་བསྡོད་པ་ཡོངས་ལ་རོགས་པ་བྱེད་རོགས་གནོང་ཟེར་ནས་འབོད་སྐུལ་ཞུ་ཆོག་ཞེས་བཤད་པ་ཡིན། ཁོང་ཚོས་ནང་གི་གཅིག་གིས་འགྲོ་ཞོར་དུ་ངས་ཁ་པར་ཁྲོད་ནས་རང་གི་ཕ་ཡུལ་ཁ་པར་གཏོང་འཕྲོ་བྱེད་ཞོར་དུ་ང་ལ་བཤད་རྒྱུ། ཨང་གྲངས་དེ་ཡིས་སྟེང་ནས་ངའི་ནང་མི་ལ་ང་རང་རྒྱ་གར་དུ་འགྲོ་སོང་། རྒྱ་གར་བདེ་བོའི་ངང་འབྱོར་རྗེས་ཁྱེད་ཅག་ལ་ཁ་པར་གཏོང་གི་ཡིན་ཟེར་ནས་བཤད་ཀྱི་འདུག་ཟེར་ནས་ཞུ་རོགས་ཟེར།
གནས་ཚུལ་འཁོ་འདོན་པ་གནས་ཚུལ་དངོས་སུ་རིག་མཁན་གླིང་ཚ་ཚེ་བརྟན་རྡོ་རྗེ་ནས་ཁོང་ཚོའི་ཚབ་དུ་བྲིས་པ་ཡིན།
ཨ་རོད་དོན་གོ
ཕྱི་མི་ཕྱི་བཤེར་ཞེས་པའི་དག་འདེད་དེ་མ་བཀོད་རུང་དེ་དང་མཉམ་དུ་ཡོད་པའི་བསམ་ཚུལ་འདིར་འགོད་ཀི་བཅུག་ཡོད་ན་ཅིས་མི་འགྲིག ངས་ཀྱང་རང་ཚོད་ཀྱིས་ཆབ་སྲིད་སྐོར་ནས་ཚིག་རེ་གཉིས་གླེང་འདོད་པ་ཡིན་ཡ། ངོ་མ་སེམས་ཟེར་ནི་མེད་ཀི
སྐྱག་ཤོར་བལ་ཡུལ་གཞུང་འདིར་ཉེས་མེད་ཉེས་ཁྲིམས་གཅོད་རྒྱུ་དང་གུང་ཁྲན་གྱི་རྐུབ་ལྡག་རྒྱུ་ལས་ཅི་འཇོན། གློ་ཆུ་མིག་ཏུ་བསྟན་སྲུང་དང་ལང་དམག་གིས་ཡུལ་འདི་དབང་དུ་བསྡུས་ཏེ་རྒྱ་དམར་ལ་རྒོལ་ལན་སློག་རྒྱུའི་འཆར་གཞིར་འགོག་རྐྱེན་བཟོས་པའི་ཡིད་སྐྱོའི་གནས་ཚུལ་ཡང་དྲན་ཡོང་བཞིན་འདུག རྒྱལ་ཞེན་པ་ཚེ་རྡོར་ལ་ནག་ཉེས་ཇི་འདྲ་གཡོག་རྩིས་ཡོད་དམ། ཁོང་གི་གནས་ཚུལ་མ་ཐོས་ཉིན་ཤས་སོང་བས་སེམས་འཚབ་སྐྱེ་འོས་པ་ཞིག་རེད།
་་་་་་ལྟོས་དང་་་་་་་
བལ་པོའི་ལོ་རྒྱུས་ནང་ངན་རྗེས་བཞག་པའི་བལ་ཐལ་བ་ཉུང་ཤས་ཤིག་གིས་བལ་ཡུལ་གྱི་མིང་ཐོག་ནས། བོད་ཐོག་གཟས་པའི་སྲིད་ཇུས་ནི་རྣོ་ངར་དང་གུང་ཁྲན་ལ་ངན་བསྒྲིལ་ངེས་ཅན་ཞིག་གིས་ལག་བསྟར་བྱས་པ་ཞིག་རེད། དེ་དང་མཉམ་དུ་ཁེ་འཚོལ་བ་ངེས་མེད་མི་སྣ་ཕོན་ཆེས་མཉམ་ཞུགས་བྱས་ཏེ། བོད་ཀྱི་མདུན་ལམ་ལ་གྱོང་གུད་ཚབས་ཆེ་བཏང་དང་གཏོང་བཞིན་པ་དེ། རྒྱལ་སྤྱིའི་མི་སྣ་དང་བལ་བོད་ཀྱི་མི་རབས་གསར་པར་གོ་བརྡ་འཕྲོད་ངེས་བྱ་དགོས་པ་ནི། བོད་ཀྱི་གནས་ཚུལ་བརྒྱུད་སྤེལ་བ་ཚོས་ལས་འགན་ཉག་ཅིག་རེད། བོད་ཀྱི་དུས་བབ་ཚང་ཐུགས་རྗེ་ཆེ། ཧེ་ཧེ་ཧེ་