རང་དབང་སྒུམ་པ། རིག་པ།(༠)

ཨ་རིའི་གཞུང་གི་ཕྱི་སྐད་སློབ་གྲྭ་(the Foreign Service Institute (FSI) ཞེས་པའི་དྲ་ཐོག་ན་འཛམ་གླིང་གི་སྐད་གང་ཞིག་སློབ་བདེ་བ་དང་གང་ཞིག་སློབ་དཀའ་བའི་ཚད་ལ་རོབ་རྩིས་བྱས་ཏེ་་གནས་ཚུལ་བཀོད་ཡོད། དྲ་བ་འདི་ན་གསལ་བ་ལྟར་བྱས་ན། སྐད་ལ་སྡེ་ཁག་ལྔར་དབྱེ་སྟེ་དེ་སློབ་རྒྱུར་གཟའ་འཁོར་དང་ཆུ་ཚོད་ག་ཚོད་དགོས་མིན་བཤད་ཡོད། དེ་དག་གི་རྣམ་གཞག་ཞིབ་ཚགས་པ་ཤོད་རྒྱུར་ང་ཚོར་ད་དུང་རྙོག་འཛིང་ཡོད། འོན་ཀྱང་ཨ་རིའི་མི་ཞིག་གིས་སྡེ་ཁག་དང་པོའི་གྲས་ཀྱི་ཧྥ་སྐད་སྦྱོང་རྒྱུ་ལ་ཆུ་ཚོད་༡༡༠༠ དང་ཡང་ན་བདུན་ཕྲག་ ༤༤ ཙམ་གཏོང་དགོས། སྡེ་ཁག་གཉིས་པའི་གྲས་ཀྱི་སྐད་དཔེར་ན་འཇར་མན་སྐད་ལ་བདུན་ཕྲག་ ༣༠ དང་ཆུ་ཚོད་བདུན་བརྒྱ་ལྔ་བཅུའི་ཡུན་གཏོང་དགོས། སྡེ་ཁག་གསུམ་པའི་དཔེར་ན་ཨིན་དུ་ནི་ཤེ་ཡའམ་ཨ་ཧྥི་རི་ཀའི་སི་ཝ་ལི་སྐད་ལྟ་བུ་སྦྱོང་རྒྱུ་ལ་ཆུ་ཚོད་ ༩༠༠དང་ཡང་ན་བདུན་ཕྲག་ ༣༦ ཙམ་གཏོང་དགོས། སྡེ་ཁག་བཞི་པའི་ཁྲོད་སྐད་ཧ་ཅང་མང་ཞིང་དེའི་ནང་གི་དཔེར་ན་ རྒྱ་གར་གྱི་ཧིན་སྐད་དང་ཁ་ཆེའི་འུར་རྡུ་སྐད་ལྟ་བུ་ལ་ཆུ་ཚོད་ ༡༡༠༠ དང་ཡང་ན་བདུན་ཕྲག་ ༤༤ གཏོང་དགོས། སྡེ་ཁག་མཐའ་མ་དེར་རྒྱ་སྐད་དང་ཉི་ཧོང་གི་སྐད་ཡོད་ཅིང་ དེ་དག་སློབ་པ་ལ་ཆུ་ཚོད་ ༢༢༠༠ དང་ཡང་ན་བདུན་ཕྲག་ ༨༨ དགོས་པར་བཤད་ཡོད།
བོད་རིགས་ལྟ་བུས་ཨིན་སྐད་སློབ་པ་ལ་ཆུ་ཚོད་ག་ཚོད་དགོས་སམ་ཞེས་པ་ལའང་དྲི་ལན་སྣ་ཚོགས་པ་འདུག འདིར་ལུང་དྲངས་པའི་དཔྱད་རྩོམ་འདིར་་  “The overriding conclusion emerging from these data sets is that even in districts that are considered the most successful in teaching English to EL students, oral proficiency takes 3 to 5 years to develop, and academic English proficiency can take 4 to 7 years.” རྩོམ་ཡིག་འདིར་བཤད་པ་ལྟར་ན་ལོ་གསུམ་ནས་ལྔ་དང་། བཞི་ནས་བདུན་བར་ཞེས་རིམ་པ་ཕྱེས་འདུག འདས་པའི་ལོ་ངོ་ཉི་ཤུའི་རིང་བོད་མི་འབོར་ཆེ་ཡུ་རོབ་དང་ཨ་རི་ཁུལ་དུ་སྐྱབས་བཅོལ་བྱས་པའི་ཉམས་མྱོང་དེ་ཚོ་རྩིས་ལེན་གྱིས་ཡིག་ཆ་བཀོད་པ་ནི་ད་བར་བྱུང་མེད། འོན་ཀྱང་ད་ཆ་བོད་མི་དེ་དག་གི་ཁྲོད་ནས་སྐད་སྣ་ཚོགས་སྨྲ་ཐུབ་པ་མ་ཟད་ཡིག་སྒྱུར་བྱེད་ཐུབ་པའང་ཧ་ཅང་མང་བ་ཞིག་འབྱུང་བཞིན་ཡོད། ཁ་ཤས་ཀྱིས་ཚད་མཐོའི་སློབ་གྲྭའི་ལག་འཁྱེར་ལེན་ཐུབ་ཀྱི་ཡོད། མཐའ་ན་ཡི་གེ་མི་ཤེས་ནའང་སྐད་བཤད་ཐུབ་མཁན་འབྱུང་བཞིན་ཡོད།
དེས་ན་འདི་དག་ལ་བལྟས་ཏེ་སླར་བོད་ཡིག་དང་བོད་སྐད་ཀྱི་སྐོར་ལ་བཤད་སྐབས། ང་ཚོས་དངོས་གནས་བསམ་བློ་ཆེན་པོ་ཞིག་གཏོང་རན་པ་མ་ཟད་ཕྱིས་དྲགས་པའི་ཉེན་འབྱུང་བཞིན་ཡོད། དེ་ནི་རང་སྐད་དང་རང་ཡིག་འདི་མི་ཚེ་ལ་བྲིས་ཤིང་སྦྱངས་ནའང་ད་དུང་ཚད་དང་ལྡན་པ་ཞིག་སླེབས་དཀའ་བ་དེ་ཡིན། རང་སྐད་བཤད་བཞིན་དུའང་འབྲི་རྒྱུར་རྒྱ་སྐད་དང་ཨིན་སྐད་བདེ་བ་སོགས་ཀྱི་ཁྱད་པར་དེ་མིག་ལ་ཐོན་བཞིན་ཡོད། གནད་དོན་ཧ་ཅང་མང་སྲིད་མོད། གནད་དོན་འགངས་ཆེན་ཞིག་ནི་བོད་སྐད་ལ་སྐད་ཀྱི་བརྡ་སྤྲོད་ཕུན་སུམ་ཚོགས་པ་ཞིག་མེད་ལ་ཐུག་ཡོད་པར་འདོད། ད་ལྟ་ཡོད་པ་རྣམས་ནི་ཡིག་སྐད་ཀྱི་ཁྲིམས་ཙམ་པོ་བའམ་ཡང་ན་ལོ་སྟོང་གཅིག་ཙམ་གྱི་རྒད་པོ་ཞིག་ཡིན་པས། ད་ལྟའི་སྐད་ཀྱི་འགན་ནམ་འཚོ་ཚིས་བྱེད་ཐུབ་ཀྱི་མེད། དེར་བརྟེན་སྐད་ཀྱི་ཆུན་པོ་དེ་ཕྱོགས་གཅིག་ཏུ་སྡོམ་པའི་འཆིང་ཐག་དེ་ཞན་པའི་རྐྱེན་གྱིས་འབྲི་དུས་དང་བཤད་དུས་ལ་རང་ལུགས་མེད་ཅིང་། ཁུངས་གཏུགས་ས་དེ་ངའི་ཁ་ལ་གོམས་འདུག་ལྟ་བུ་ལ་སོང་སྟབས་ད་སློབ་དཀའ་ཞིང་བསླབས་ནས་ཚད་དང་ལྡན་པ་ཞིག་ཆགས་རྒྱུའང་དཀའ་བར་གྱུར་ཡོད།
དེས་ན་བོད་སྐད་དང་བོད་ཡིག་འདི་ ཆུ་ཚོད་ཁ་གྲངས་གཏན་འབེབས་ཀྱིས་སློབ་རུང་བའམ་སློབ་ནུས་པའི་ཐབས་ལམ་སྟོན་རྒྱུ་ཡོད་དམ།

བསྐྱར་བཅོས།: ༢༠༡༧/༠༦/༡༣

Leave a Reply

རང་དབང་གི་ཐོག་ནས་རིག་པ་སྒུམ་དུ་འགྲོ། རིག་པའི་ཐོག་ནས་རང་དབང་སྒུམ་དུ་འགྲོ།

བརྙན།

No videos

སྒྲ

དྲ་འབྲེལ།

བརྗོད་བྱ་གསར་པ།

ངའི་ Izzat
རང་དབང་སྒུམ་པ། རིག་པ། (༦)
དེ་ལས་མང་།

རིག་པ་གསར་ཤོས།

choedhardrokpafb
བྱམས་པ་བདེ་ལེགས།
བློ་བཟང་།
འབྲོང་དར་མ།
བཙན་པོ།
པདྨ་འབུམ་རྒྱལ།

སྡོམ་གྲངས།

  • སྤྱིའི་སྤེལ་གྲངས། (༣)
  • སྤྱིའི་མཆན་གྲངས། (༦)
  • སྤྱིའི་ཀློག་གྲངས། (༧༠༥)