ཤི་གསོན་གང་ཡང་མི་ཤེས་པའི་བོད།

གང་ནས་བཟུང་དེ་ང་རང་ཡོང་བ་དེ་ནས། ང་ཡོང་སའི་མི་རིགས་དེ་ལ་བོད་ཟེར་ནས་མིང་ཚིགས་ཤིག་འདུག་ལ། བོད་ཟེར་བ་འདི་ཚང་གི་མི་ང་དང་བཅས་པའི་མི་མང་བོ་ཞིག་ལ་སྟོང་གཏམ་ལས་ཕར་རོལ་ལས་བརྒལ་འདོད་ཀྱི་རྣམ་དཔྱོད་ཕྲན་བུ་རེ་ཡོད་ཀྱང་། མཐའ་སྐོར་གྱི་མི་འདི་དག་ལ་བཤད་རྒྱུ་མང་བ་ལས་སྒྲུབ་རྒྱུར་མི་དགའ་སྟབས། བོད་ཚང་གི་ཁྱིམ་བརྒྱུད་འདི་ལ་སྔ་མོ་ནས་ནད་ཚ་ཞིག་ཡོད་པ་དེ་ལ་ད་དུང་དྲགས་སྐྱེད་དུ་མ་སོང་བས་དཀའ་ངལ་ཞིག་ཡོད། ང་རང་ཡང་ཡི་རུང་དང་བཀུར་བསྟུ་ལ་གོམ་ནས་རང་འགོ་གཡོག་པར་དགའ་བས་གླེན་གཤིས་དེ་འདྲ་མེད་མཁན་ཞིག་ཡིན་ན། རང་གི་རང་རིགས་གསོད་ཀྱིན་པའི་བོད་མི་ཚང་གི་བདེ་སྡུག་གི་འདས་མ་འོངས་མི་ཤེས་པའི་གླེན་པ་དེ་དག་ལ་བསམ་བློ་རེ་གཏོང་བྱེད་ཀྱི་རྒྱུ་ཆ་ཕྲན་བུ་རེ་འཁོ་སྤྲོད་བྱེད་ཐུབ་ན་སྙམ་ནས་ང་རང་ཤར་བསྐྱོད་བྱེད་རྒྱུར་མཚམས་འཇོག་བྱེད་འདོད་མེད་ལ། མི་གཞན་གྱིས་ལས་སླ་བོ་འགོག་ཐུབ་པ་ཞིག་གྱང་གཏན་ནས་མིན། ཡིན་ཡང་། ང་ཚོས་ད་ལྟའི་གནས་སྐབས་འདི་ལ་ཤི་འདོད་ཀྱང་དུར་ས་མི་རེག་ལ། གསོན་འདོད་ཀྱང་རང་དབང་མི་འདུག་པའི་བོད་ནང་གི་གཞིས་གཞུགས་སྤུན་ཟླ་དེ་དག་གི་ཆེད་དུ་ང་ཚོས་རང་རང་གི་ནུས་པ་ལ་བརྟེན་ནས་ཁ་ཕྲན་བུ་རེ་འགུལ་བ་ལས་ལག་ཕྲན་བུ་རེ་འགུལ་བསྐྱོད་བྱེད་པར་བརྩོན་དགོས་པས་དུས་ཚོད་ཆགས་ཡོད་པ་མ་གཏོགས། དེ་མ་རེད། དེ་རེད་ཟེར་ནས་ཚིགས་འདྲ་བོ་ཁ་ཤས་རེ་བཤད་དེ་ཉིན་མ་འགྲོ་བྱེད་དང་དུས་ཚོད་གཏོང་བྱེད་ཙམ་རེ་འདུག་སྙམ་ནས་བསྡོད་དུས་ཤིག་གཏན་ནས་མིན། དེ་དང་འབྲེལ་བོད་ཚང་གི་སྐྱིད་སྡུག་མཉམ་གནས་བྱེད་པའི་ཆོད་སེམས་གཏན་པོ་ཞིག་ཡོང་པ་ལ་རྡོག་རྩ་ཆིག་སྒྲིལ། འཆམ་མཐུན་མཉམ་གནས། མི་རིགས་རང་ལུགས་ཀྱི་བསམ་བློ་དངོས་གནས་དེ་རྙེད་པར་བརྩོན་རོགས་ཞུ།