ཉིད་ཀྱིས་སྐུ་ལུས་སུ་འོད་ཟེར་འཕྲོ་ཡོད་སྐད
ཉིད་ཀྱིས་གསུང་གིས་མི་སེམས་དྲངས་ཡོད་ཐོས
ཉིད་ཀྱིས་ཐུགས་སུ་ཉེ་རིང་མེད་ཟེར
སྐྱབས་སུ་འཆི བསྐལ་བའི་བར་དུ
མགོན་མེད་ཀྱི་སེམས་ཅན་འདི་དག་ལ
བསླུ་མེད་ཀྱི་ཁྱེད་ཉིད་འཁོ་བས
ཇི་སྲིད་དུ སྐུ་ཚེ་བརྟན་པར
ང་དང་ངའི་ལུས་ངག་གི་སྨོན་ལམ་འདེབས
སྐུ་གསུང་ཐུགས་ཀྱི་བྱིན་རླབས་ཡོད་ཚད་ཀྱིས
འགྲོ་དྲུག་གི་སྐོམ་པ་མཐའ་དག
མ་སངས་པའི་དུས་དེའི་རིང་དུ
ང་དང་ང་ཚོའི་གློ་སྙིང་གི་མཆོད་པ་འདི
ནམ་ཡང་ བཞེས་རོགས་ཞུ
མིག་སྟོང་གིས་མི་ཟིན་པའི་མཛད་པ་མཐའ་དག
ལྕེ་ཁྲི་སྟོང་གིས་ཀྱང་བརྗོད་པར་དཀའ་བས་བྱ་བཞག་ཐམས་ཅད
གསེར་དངུལ་སྟོང་ཕྱུར་མང་བོས་ཀྱང་འཇལ་མི་ནུས་པའི་བཀའ་དྲིན་ཡོད་ཚད་ཀྱིས
ད་ལྟའི་བར ང་ཚོ་གསོས་པ་ནས་ང་ཚོ་བསྐྱངས
ཇི་སྲིད་བསྐལ་བའི་བར་དུ དེ་བཞིན་དུ་སྐྱོངས་རོགས
ཐུགས་རྗེ་ཅན་གྱིས ངའི་སྤྱན་རས་གཟིགས
སྤྱན་རས་གཟིགས ང་ལ་ཉེས་པ་ཡོད
ཉེས་པ་དེ་དག་གིས ང་རང་འཁྱེར་སྲིད་ན
ང་རང་ལ་ཐར་བ་མེད
དེ་དུས ངའི་རྣམ་ཤེས་འདི་དམྱལ་བར་འགྲོ་དགོས
བསྐལ་བ་མ་སྟོང་བར་དུ གནས་དེ་ནས
སྤྱན་རས་གཟིགས ཁྱེད་ཀྱི་འགྲོ་བ་འདི་དག་ལ
ངོ་མ་ནུས་པ་མི་འདུག ད་དུང་སྔར་བཞིན
ཁྱེད་ཀྱི་རྒྱབ་འདུན་གང་རུང་ནས
དམར་གསོད་དང་ནང་དམེ་རྔམ་བཞིན
དུག་ཚེར་གྱི་རྩེ་མོ་ནང་དུ ཡང་ཡང་བསྐོར
སྤྱན་རས་གཟིགས ངོ་མ་ང་ཚོའི་མི་རིགས་འདི
འཇིག་རན་པ་ཡིན་ནམ རྨོངས་སོང་བ་ཡིན
ཐུགས་རྗེ་ཅན བརྩེ་བའི་གཟིགས་དང་
ངོ་མ་་་་་་ ངོ་མ་་་་་ འདི་ལྟར་ཚར་རྒྱུ་མིན་པར་སྨོན
༦།༧།༠༥སྐུའི་འཁྲུངས་སྐར་ལ་བཀྲིས་བདེ་ལེགས་ཞུས་པ་དང་ཆབས་ཅིག སྐྱབས་འཇུག་ཐེངས་ཤིག་སེམས་གཏིང་གི་རྣམ་ཤེས་དར་མར་སྐུལ་ནས། རྒྱ་གར་ལྷོ་ཕྱོགས་རྨོན་དྒོ་གཞིས་གྲོང་ཞིག་ནས་བྲིས།
