|
གྲོགས་ཟླ་བ་ཚེ་རིང་ལགས། ཉིད་ཀྱིས་གོང་གི་དུས་བབ་ཚང་གི་དྲ་ཚིགས་འདིས་ནང་དུ་བཀོད་པའི་༧གོང་ས་མཆོག་གི་བཀའ་སློབ་དེ་བཀླགས་རྗེས་སུ་བོད་རྒྱ་གཉིས་ཀྱི་འབྲེལ་མོལ་ཐད་ང་ཚོས་འདི་ནས་བཟུང་ལྟ་ཚུལ་གང་འདྲ་ཞིག་བཟུང་ན་འོས་པ་ཞིག་དུ་མཐོང་གི་ཡོད། སྤྱིར་ད་ལྟའི་བར་དུ་བོད་རྒྱའི་བར་དུ་འབྲེལ་མོལ་ཞིག་བྱུང་ཡོད་པར་ཁྱེད་རང་གི་ཡིད་ཆེས་བྱེད་ཐུབ་ཀྱི་ཡོད་དམ། ངས་ག་དུས་ཡིན་ཡང་། ང་རང་ལ་དོགས་པ་ཞིག་ཡོད་པ་ནི། ད་ལྟའི་བར་དུ་བོད་རྒྱའི་བར་དུ་འབྲེལ་མོལ་ཟེར་བ་ཞིག་བྱུང་ཐུབ་མེད་ཟེར་ན་འདོད་ཀྱི་ཡོད། རྒྱུ་མཚན་ནི་ག་དུས་ཡིན་ཡང་བཙན་བྱོལ་གཞུང་གིས་ཀྱང་༧གོང་ས་མཆོག་གི་སྐུ་ཚབ་རྒྱ་ནག་དུ་སོང་བ་ཟེར་བ་དང་རྒྱ་ནག་སྲིད་གཞུང་གིས་ཀྱང་༧གོང་ས་མཆོག་གི་སྐུ་ཚབ་འགའ་བོད་དུ་ལྟ་བསྐོར་དུ་ཡོང་ཟེར་བ་སོགས་བསྒྲགས་པ་ལས། བོད་རྒྱ་གཉིས་ཀྱི་འབྲེལ་མོལ་ཚོགས་འདུ་ཟེར་བ་ཞིག་ད་ལྟའི་བར་དུ་རྒྱ་ནག་སྲིད་གཞུང་གིས་ཁས་ལེན་པ་ཕར་ཞོག་བསྒྲགས་མྱོང་མེད་དུས། ངས་བོད་རྒྱའི་འབྲེལ་མོལ་ཟེར་བ་ཞིག་བོད་བཙན་བྱོལ་གཞུང་དང་རྒྱ་ནག་སྲིད་གཞུང་གི་སྲིད་འཛིན་པ་དག་གི་བར་དུ་དེ་འདྲ་ཞིག་བྱུང་མེད་ཟེར་ན་འདོད་ལ། ངས་འདི་ནས་རང་གི་གྲོགས་པོ་མང་བོ་ཞིག་ལ་ཡང་དེའི་བསྐོར་ཁ་ཤས་གླེང་མོལ་བྱེད་མྱོང་ཡོད། གལ་ཏེ། བོད་བཙན་བྱོལ་གཞུང་དང་རྒྱ་ནག་སྲིད་གཞུང་གི་བར་དུ་འབྲེལ་མོལ་ཞིག་བྱུང་ཡོད་ན། རྒྱ་ནག་སྲིད་གཞུང་གིས་བོད་བཙན་བྱོལ་གཞུང་ངོས་ལེན་བྱས་པ་རེད། དེ་འདྲ་ཞིག་ཁོང་ཚོས་ནམ་དུ་ཡང་བྱེད་འདོད་མེད་པ་ནི། ང་ཚོས་རྒྱ་ནག་སྲིད་གཞུང་གི་སྲིད་འཛིན་པ་དག་གི་བསྒྲགས་ཚིགས་དེ་དག་གོ་བ་ལས་གསལ་བོ་ཞིག་རྟོགས་ཐུབ་ཀྱི་ཡོད་ན། ང་ཚོས་ད་དུང་བོད་རྒྱའི་འབྲེལ་མོལ་ཟེར་ན་འོས་པོ་ཞིག་དུ་མཐོང་གི་མི་འདུག བོད་རྒྱའི་འབྲེལ་མོལ་ཟེར་ནས་གླེང་དགོས་ན། ཐོག་མར་བོད་བཙན་བྱོལ་གཞུང་གིས་བོད་རྒྱའི་འབྲེལ་མོལ་ཟེར་ནས་གླེང་མིན་གཅིག་བུ་ལ་འགོ་འཐོམ་ནས་མ་བསྡད་པར་རྒྱ་ནག་སྲིད་གཞུང་གིས་བོད་བཙན་བྱོལ་གཞུང་ཡོད་པ་ངོས་ལེན་བྱེད་ཀྱི་ཡོད་མེད་དེ་ཤེས་དགོས་པར་འདོད་ཀྱི་ཡོད། དེ་ལས་ཀྱང་གནད་དོན་ཆེ་བ་ཞིག་ནི། བོད་བཙན་བྱོལ་གཞུང་འདི་འཛམ་གླིང་འིད་ན་བཙན་བྱོག་གཞུང་ཞིག་ཡིན་པར་ཁས་ལེན་བྱེད་མཁན་གྱི་རྒྱལ་ཁབ་ག་ཚོད་ཅིག་འདུག ཐ་ན་ང་ཚོ་སྐྱབས་བཅོལ་དུ་གནས་སའི་གནས་ཚང་དྲིན་ཆེན་འདི་ཚང་གིས་ཀྱང་ང་ཚོ་ལ་བཙན་བྱོལ་གཞུང་ཡིན་པར་ངོས་ལེན་གནང་གི་ཡོད་མེད་དེའི་ཐད་དུ་ཡང་བཤད་ཚུལ་མང་བོ་ཞིག་ཡོད་པ་ནི། ཁྱེད་རང་གིས་ཀྱང་མཁྱེན་གསལ་ལོས་ཡིན། ངས་་འདི་འདྲ་ཞིག་བསམ་བཞིན་ཡོད་ན། ཁྱེད་རང་གིས་ག་རེ་དགོངས་ཀྱི་འདུག་གམ། དགོངས་ཚུལ་གང་ཡོད་པ་དེ་མི་གསང་བར་ལྷུག་པོར་སྩོལ་རོགས་གནོང་ཟེར་རྒྱུ་ཡིན།
འདིས་གོང་གི་འདི་ང་རང་གིས་ལས་མཐའ་ཟད་པའི་གྲོས་མོལ་གྱི་རྩོམ་ཡིག་འབྲི་མཁན་དྲ་གྲོགས་ཟླ་བ་ཚེ་རིག་ལགས་དང་གླེང་མོལ་བྱས་པ་ལས་ཚུར་བླངས་བ་ཡིན། དྲ་གྲོགས་ཚོ་ཁྱེད་ཅག་གིས་ཀྱང་འདིས་ཐད་དུ་ངེད་གཉིས་ལ་ཁ་བརྡ་རེ་བྱེད་དུ་ཡོང་ཁོམ་ཡོད་ན་དགའ་བསུ་ཞུ།
|
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
བོད། ཤ་ཁྲག་རུས་གསུམ་ལགས། བཙན་བྱོལ་བོད་གཞུང་འདི་རྒྱ་ནག་གཞུང་གིས་ངོས་ལེན་བྱེད་ཀྱིན་མེད། རྩ་བའི་འདི་གར༼ རྒྱ་གར་ནང་༽བོད་མི་ཚོར་སྐུ་མདུན་གྱིས་དབུ་ཁྲིད་པའི་གཞུང་ཞིག་དང་དེའི་དོན་གཅོད་སོགས་ཕྱི་རྒྱལ་ཡུལ་གྲུ་ཁག་ནང་ཡོད་པ་རྒྱ་ནག་གཞུང་གིས་གསལ་བོར་ཤེས་ཀྱི་ཡོད། འོན་ཀྱང་ཁོ་ཚོས་བཙན་བྱོལ་གཞུང་ཞིག་ཏུ་ངོས་ལེན་བྱེད་ཀྱིན་མེད་པ་དེ་རྩ་བའི་ཆབ་སྲིད་ཀྱི་འགག་རྩ་ཞིག་ཏུ་ཐུག་ཡོད་པའི་རྐྱེན་ཡིན་སྙམ།
དབུ་མའི་ལམ་ལ་དོན་ཕན་ལྡན་པའི་གྲུབ་འབྲས་མ་བྱུང་བ་དེས་སྐུ་མདུན་གྱིས་བོད་མི་དམངས་ལ་བསླུ་བྲིད་བྱས་ཚུལ་དེ་གཞི་རྩ་མེད་པའི་བཤད་ཡམ་ཞིག་ཏུ་ངོས་འཛིན་བྱེད་ཀྱི་ཡོད། འོན་ཀྱང་དེ་འདྲའི་བཤད་ཡམ་ཞིག་རང་རེའི་སྤྱི་ཚོགས་ནང་ཡོད་ཚུལ་དང་དེ་ཡང་ཁྱེད་ཀྱིས་གསུངས་པ་བཞིན་ཆེས་ཛ་དྲག་གམ་ཚབས་ཆེན་ཞིག་ཏུ་སླེབས་ཡོད་པའི་ངང་ཚུལ་ཞིག་གུས་པས་ད་ལྟའི་བར་གོ་ཐོས་གང་ཡང་མ་བྱུང་། འདི་དྲང་མོར་ཞུ་གི་ཡོད།
སྐུ་མདུན་གྱི་རྗེས་རབས་པའི་སྐབས་བོད་དོན་གང་འདྲ་ཞིག་ཡོང་མིན་དེ་གཙོ་བོ་སྐུ་མདུན་ཁོང་གི་སྐུ་ཚེའི་མཇུག་གི་ཕྱག་ལས་ལ་ཐད་ཀར་འབྲེལ་བ་ཡོད་པ་ཞིག་ལ་ངོས་འཛིན་ཞུ་གི་ཡོད། འདིའི་སྐོར་གུས་པས་༼རྣམ་པ་འགྱུར་བའི་མཇལ་འཕྲད༽ཅེས་པའི་ནང་ཉུང་ཙམ་གླེང་ཡོད། ཁོམ་སྐབས་བྱུང་ན་སྐབས་དེར་གླེང་མོལ་བྱ་ཆོག
དྲ་གྲོགས་ཟླ་བ་ཚེ་རིང་ལགས། ངས་ད་ལྟའི་བར་དུ་གོ་ཚོད་དང་ཤེས་ཚོད་ལ་ཞུགས་དེ་བཤད་ན། པེ་ཅིང་སྲིད་གཞུང་གིས་ད་ལྟའི་བར་དུ་བོད་བཙན་བྱོལ་གཞུང་འདི་བཙན་བྱོལ་གཞུང་ཞིག་ལ་ངོས་ལེན་བྱས་རབས་མེད་ལ། ད་དུང་ཁོང་ཚོས་བཙན་བྱོལ་བོད་གཞུང་དང་པེ་ཅིང་སྲིད་གཞུང་གཉིས་ཀྱི་བར་དུ་འབྲེལ་མོལ་བྱས་རབས་ཤིག་གཏན་ནས་པེ་ཅིང་སྲིད་གཞུང་གིས་གསར་ལམ་ཁག་དུ་ཚིགས་དེ་འདྲ་ཞིག་ཆབ་བསྒྲགས་བྱེད་མྱོང་མེད་དུས། ཁྱེད་རང་གིས་དགོངས་ཚུལ་ཡིན་ན། རྒྱ་ནས་སྲིད་གཞུང་དེ་པེ་ཅིང་སྲིད་གཞུང་གིས་བོད་བཙན་བྱོལ་གཞུང་འདི་བཙན་བྱོལ་གཞུང་ཞིག་དུ་ངོས་ལེན་བྱས་ཡོད་པ་རེད་གསུང་གི་ཡོད་དམ།
འོན་ཀྱང་མཐའ་འབྲས་འདི་སྐུ་མདུན་གྱིས་བོད་མི་ལ་བསླུ་བྲིད་བྱས་ཚུལ་བཤད་ན་དེ་ནི་གཞིན་འཛིན་མེད་པའི་བཤད་ཡམ་ཞིག་ཡིན་པར་ངོས་འཛིན་བྱེད་ཀྱིན་ཡོད། ཟེར་བ་འདི་ལ་ང་རང་གི་ངོས་ནས་ཡིན་ཡང་ཁྱེད་རང་གི་སྐད་ཆ་དེ་ལ་རྒྱབ་སྐྱོར་ཡོད་པ་ཡིན་ལ། ངས་ཀྱང་ནམ་ཀུན་དུ་༧གོང་ས་མཆོག་གི་བོད་མི་བསླུ་མི་སྲིད་པ་ཡིན་ཡང་བོད་མིས་༧གོང་ས་མཆོག་བསླུ་སྲིད་པ་རེད་སྙམ་ནས་སེམས་འཁྲལ་བྱེད་ཀྱི་ཡོད།
བོད་མི་ཆབ་སྲིད་མཁས་དབང་དུ་རློམ་མཁན་དང་བོད་མི་ལ་ཤ་ཚ་སེམས་གཏིང་ནས་ཡོད་ཟེར་ནས་ཁ་ཙམ་འགུལ་རྒྱུར་དགའ་བ་དག་གིས་༧གོང་ས་མཆོག་གི་ལམ་དབུ་མའི་གྲུབ་འབྲས་དངོས་དེ་མ་ཤེས་པར་གྲུབ་འབྲས་ཅི་ཡང་བྱུང་མེད་པ་རེད་ཅེས་གླེང་དེ་འོང་དུས། ངས་གནའ་རབས་བོད་ཀྱི་བོད་མི་བཀའ་དྲིན་རྗེས་དྲན་བྱེད་སའི་བོད་ཀྱི་ཆེས་མཐོའི་མི་སྣ་དེ་དག་གི་ཆེས་མཐའ་མའི་མི་ཚེ་ལ་བོད་མི་ཚོས་དྲིན་ཆེན་དྲིན་ལོག་དང་གཡང་ལུག་ལ་རྡོ་འཕེན་ཟེར་བས་དཔེ་ལྟར་འགྱུར་བཞིན་འདུག་ལ། སློབ་དཔོན་བདྣ་འབྱུང་གནས་ཀྱིས་བོད་ལ་དྲིན་ཆེན་བྱས་ཀྱང་དྲིན་མི་གོ་ཟེར་བ་དེ་ཡང་དྲན་དུ་བཅུགས་སོང་ལ། མཁས་དབང་དགེ་ཆོས་ཀྱི་རང་ཉིད་དགའ་ལྡན་ཕོ་བྲང་གི་སྐུ་དྲག་ཚོས་དབང་འོག་ནས་བཙོན་དུ་འཚུད་རྗེས་འཛམ་གླིང་ན་དཀོན་པའི་གཡུ་ཡི་བུམ་ཞིག་ས་ལ་བརྡབས་སོང་ཟེར་ནས་སྨྲེ་ངག་བཏོན་པ་དེ་ཡང་རང་དབང་མེད་པར་སེམས་ལ་དྲན་དེ་འོང་།
ཁྱེད་ཀྱིས་གཟིགས་དང་བོད་མི་ཟེར་བ་འདིས། དུས་རྟག་དུ་རང་ཤེད་བྱེད་རྒྱུར་དགའ་བ་ནས་དབུ་ཁྲིད་ལ་མི་བརྩི་བ་འདིས་སྟེང་ནས་ང་ཚོ་མི་རིགས་གཞན་གྱིས་སྡོམ་ཚིགས་ཤིག་ཡོད། བོད་ལ་མགོ་ཡོད་ཀྱང་ཕུང་བོ་མེད། སོག་པོ་ལ་ཕུང་བོ་ཡོད་ཀྱང་མགོ་མེད་ཟེར་བཞིན་ཡོད། ཉེ་དུས་ཀྱི་དེང་རབས་རྩོམ་རིག་སྨྲ་བ་སྐུ་གཤེགས་དོན་འགྲུབ་རྒྱལ་གྱིས་ཀྱང་འདི་འདྲ་ཞིག་གསུང་ཡོད། བོད་མི་གཅིག་སྟག་ཡིན། བོད་མི་ཁ་ཤས་འདུས་ན་ཁྱི་ཡིན། རྒྱ་མི་གཅིག་ཁྱི་ཡིན། རྒྱ་མི་ཁ་ཤས་འདུས་ན་སྟག་ཡིན་ཟེར་ནས་ང་ཚོ་ལ་སྡོམ་ཚིགས་ཤིག་བསླབ་བྱ་ཞིག་ཀྱང་བཞག་ཡོད་པ་རེད།
ཁྱེད་རང་གིས་སྔོན་ཆད་ཀྱི་མེས་པོ་དེ་དག་གི་ང་ཚོ་བོད་མི་ལ་བཞག་པའི་སྡོམ་ཚིགས་དེ་དག་གི་ཁྲོད་ན། དེ་རིང་བོད་པ་ཚང་གི་སྐྱིད་སྡུག་ལ་འཁོ་བའི་ཚིགས་རེ་འདུག་གམ། ང་ཚོས་འདི་དག་གི་ནང་ནས་བསླབ་བྱ་ལེན་དགོས་ས་ཁ་ཤས་འདུག་གམ།
དེ་རིང་གི་ང་ཚོ་བོད་མི་ཚང་ལ་༧དབུ་ཁྲིད་བྱེད་མཁན་གྱི་༧གོང་ས་སྐུ་ཕྲེང་བཅུ་བཞི་འདི་ཚང་གིས་བོད་མི་ཚང་ལ་ངོ་ཚ་མེད་པ་དང་བསླུ་བྲིད་སོགས་བྱེད་སྲིད་དམ། དེ་ལྟར་བསམ་བློ་འདྲ་མིན་མང་བོ་ཞིག་རང་རང་གི་ཀླད་པ་ཡག་པོ་ཞིག་དཀྲུགས་དང་། ད་གཟོད་ང་ཚོ་ལ་ཤེས་ཀྱི་རེ་མི་འདུག་གམ། དྲ་གྲོགས་ལགས་ཟླ་བ་ཚེ་རིང་། ཁྱེད་རང་གིས་ཆབ་སྲིད་ཟེར་ནའང་འགྲིག བོད་དོན་ཟེར་ན་འང་འགྲིག ༧གོང་ས་འདི་ཚང་མེད་དུས་ཀྱི་ཉིན་མོ་དེ་ག་འདྲ་ཞིག་དུ་མཐོང་གི་ཡོད། ༧ཁོང་གིས་དབུ་མ་ཁྲིད་པའི་ཉིན་མོ་དེ་ནས་
དབུ་མའི་ལམ་ལ་དོན་ཕན་ལྡན་པའི་གྲུབ་འབྲས་མ་བྱུང་འདི་ངྷ་སའི་སྐུ་ངོ་དང་མཁས་དབང་། དེ་བཞིན་ཆབ་སྲིད་གླེང་བརྗོད་པ་དང་ཆབ་སྲིད་ལས་འགུལ་བ་སོགས་ཀྱིས་བཤད་མིན་ལ་མ་ལྟོས་པར་ངྷ་ས་དང་པེ་ཅིན་ཕྱོགས་གཉིས་ཀའི་ངོས་ནས་ངོས་ལེན་གཙང་མ་བྱས་ཡོད། འོན་ཀྱང་མཐའ་འབྲས་འདི་སྐུ་མདུན་གྱིས་བོད་མི་ལ་བསླུ་བྲིད་བྱས་ཚུལ་བཤད་ན་དེ་ནི་གཞིན་འཛིན་མེད་པའི་བཤད་ཡམ་ཞིག་ཡིན་པར་ངོས་འཛིན་བྱེད་ཀྱིན་ཡོད། འབྲེལ་ལམ་རིམ་པ་ཁག་ལ་གྲུབ་འབྲས་མ་བྱུང་བ་འདིའི་ཁག་དཀྲིས་སུ་ཞིག་ལ་མེད་ལ། གལ་སྲིད་ཁག་དཀྲིས་ཤིག་དགོས་ན་དེ་ནི་པེ་ཅིན་གཞུང་གིས་གཉིས་ཕན་ལ་ངོས་འཛིན་མ་ཐུབ་པའམ། ཡང་ན་གཉིས་ཕན་ལ་དྭངས་ལེན་མ་བྱས་པ་དེ་རང་ལས་གཞན་མེད།
དྲ་གྲོགས་ཟླ་བ་ཚེ་རིང་ལགས། ཁྱེད་ཀྱིས་ཀྱང་ཉིན་མ་རེ་རེ་བཞིན་བོད་གཞུང་གི་ལས་བྱེད་དང་མཁས་དབང་། སྐུ་ཞབས་དང་ཆབ་སྲིད་པ་རྣམ་གྱི་ཅི་ཞིག་གསུང་བཞིན་པ་དེ་དག་དུས་བབ་ཀྱི་ཉིན་རེའི་དྲ་ཚིགས་འདིར་འགོད་བཞིན་པ་དེ་ལ་གཟིགས་བཞིན་ཡོད་པ་ནི་བཤད་མི་དགོས་པ་ཞིག་རེད། དེས་ན་ཁྱེད་རང་གི་ཁ་སང་དེ་རིང་ཚོགས་ཞུགས་པ་རྣམ་པས་གླེང་བཞིན་པའི་གཏམ་དེ་དག་གི་ཐད་དུ་ཁྱེད་རང་སྒེར་ལ་ལྟ་ཚུལ་ག་རེ་འདུག དཔེར་ན་༧གོང་ས་མཆོག་གི་བསྟན་གནང་བས་དབུ་མའི་ལམ་ལ་གྲུབ་འབྲས་ཐོན་མ་སོང་ཟེར་མཁན་དེ་དག་གི་གཏམ་དེ་ལ་བདེན་པར་བཟུང་ན་འགྲིག་གི་རེད་དམ། ཡང་ན། དེ་དག་གི་སྐད་ཆ་དེ་དག་ལ་རྒྱུ་མཚན་མེད་པའི་སྐྱོན་འཛུགས་ཞེས་བཏགས་ན་འགྲིག གང་ལྟར། ཁྱེད་ཀྱིས་ཁོང་ཚོས་དབུ་མའི་ལམ་ལ་ངན་ཁག་འདྲི་བ་འདི་མཐོང་དུས་སུ། ཁྱེད་རང་གི་ག་རེ་བསམ་བཞིན་ཡོད། དངོས་ནས་༧གོང་ས་མཆོག་གིས་ང་ཚོ་བོད་མི་ཚང་བསླུས་སྲིད་པ་ཞིག་རེད་འདོད་ཀྱི་ཡོད། དེ་མིན་༧གོང་ས་མཆོག་གི་སྔ་འདང་ཕྱི་འདང་མ་འཕོག་པ་ཞིག་ལ་ངོས་འཛིན་བྱེད་དགོས་སམ། དེའི་ཐད་དུ་ང་རང་གིས་བསམ་ཚུལ་དྲན་བུ་ཞིག་ཁོང་ཚོས་གླེང་སྟེགས་ལེའུ་ཚན་དེའི་ནང་དུ་ང་རང་བཀོད་ཡོད། དྲ་གྲོགས་ཟླ་བ་ཚེ་རིང་ལགས། ཁྱེད་རང་གིས་དེའི་ཐད་ཀྱི་ཁྱེད་རང་གི་བསམ་ཚུལ་དངོས་ཤིག་བཤད་ན་ཨེ་ཆོག ཨོ་རོད། བོད་རྒྱའི་འབྲེལ་མོལ་དམ་རྡ་ས་དང་པེ་ཅིང་བར་གྱི་འབྲེལ་མོལ། ཡང་ན་༧གོང་ས་མཆོག་གི་སྐུ་ཚབ་དང་རྒྱ་ནག་གཞུང་གིས་མི་སྣ་འགའི་ཐུགས་འཕྲད་སོགས་ཀྱི་བསྐོར་ངེད་གཉིས་ཀྱི་ག་ལེར་གླེང་ཆོག་པ་ཞུ། ཐོག་མར་ཁྱེད་རང་གིས་གོང་གི་ངས་ཁྱེད་རང་ལ་འབོད་སྐུལ་བྱས་པ་དེའི་ཕྱོགས་སུ་བསམ་ཚུལ་ཞིག་ཤོད་དང་།
གོང་གི་བསམ་ཚུལ་འདི་དྲ་གྲོགས་བོད་ལགས་ཀྱིས་གུས་པའི་ཟིན་བྲིས་ནང་བཏོན་པའི་དྲི་བར་ལན་འདེབས་ལྟ་བུ་ཞིག་ཡིན། འདིར་བསྐྱར་བཀོད་བྱེད་དོན་དྲ་གྲོགས་བོད་ཁྱེད་དང་ལྷན་དུ་མུ་མཐུད་བསམ་ཚུལ་བརྗེ་ཐུབ་ན་བསམ་པ་ཡིན།
བོད། ཤ་ཁྲག་རུས་གསུམ་ལགས། །ཉིད་ཀྱིས་གསུངས་པ་ནང་བཞིན་ད་འགྲོ་བཞིན་པའི་འབྲེལ་མོལ་འདིའི་མིང་འདོགས་སྟངས་དང་མིང་གི་འཛིན་སྟངས་ལ་ད་བར་དུ་མི་འདྲ་བ་མང་པོ་ཞིག་བྱུང་ཡོད། རྒྱ་ནག་གཞུང་གིས་སྐུ་མདུན་དང་ཐག་ཉེ་བའི་མི་འགའ་དང་ཐུག་འཕྲད་ཀྱིས་གླེང་མོལ་བྱེད་ཀྱིན་པ་དང་། སྐུ་མདུན་དང་ཡང་ན་ཁོང་དང་ཐག་ཉེ་བའི་མི་འགའི་མ་འོངས་མདུན་ལམ་ཐག་གཅོད་ཐད་གྲོས་མོལ་བྱེད་ཀྱིན་པའམ། དེར་དམིགས་ནས་འབྲེལ་མོལ་བྱེད་ཀྱིན་པ་དུས་དང་རྣམ་པ་ཀུན་ཏུ་བརྗོད་ཀྱིན་ཡོད། འོན་ཀྱང་བོད་ཕྱོགས་ནས་ཇི་ལྟར་བརྗོད་མིན་ལ་མ་བལྟས་པར་རྒྱལ་སྤྱི་ཚོགས་དང་ཡུལ་ལུང་ཁག་གི་གཞུང་དང་སྲིད་འཛིན། དེ་བཞིན་གསར་འགྱུར་བརྒྱུད་ལམ་ཁག་གིས་འབྲེལ་མོལ་རིམ་པ་དེ་དག་བོད་རྒྱའི་གནད་དོན་ཐད་གླེང་མོལ་བྱེད་ཀྱིན་པ་གཅིག་མཐུན་ཏུ་ངོས་འཛིན་བྱེད་ཀྱི་ཡོད། འདིར་བོད་རྒྱའི་འབྲེལ་མོལ་ལམ་པེ་ཅིན་དང་ངྷ་སའི་འབྲེལ་མོལ་ཞེས་མིང་བཏགས་ཀྱང་མི་འོས་པ་ཞིག་མིན་པར་འདོད།