དེ་
|
སྐུ་ཞབས་རྣམ་པ་དང་མཁས་དབང་རྣམ་པར་ཞུ་རྒྱུ་ཞིག་ལ། ༧གོང་ས་མཆོག་གིས་བཏོན་གནང་བས་དབུ་མའི་ལམ་ལ་སྐྱོན་བརྗོད་བྱེད་པ་ལས། རང་རང་གི་གླེང་བཞིན་པའི་ལམ་ཁ་དེ་རང་རང་གི་ད་ལྟའི་བར་དུ་ཅིའི་ཕྱིར་ལག་ལེན་དུ་མ་བསྟར་པ་དེ་ལ་སྐྱོན་བརྗོད་བྱེད་ཞོར། ད་ནི་ལག་ལེན་དངོས་སུ་བསྟར་བས་དུས་ཚོད་དང་གོ་སྐབས་རེག་ཡོད་པར་ངོས་འཛོན་ཐོབ་པ་བྱས་དེ། རྗེས་སུ་ཡང་ངན་ཁག་འདྲི་ས་རེ་འཚོལ་མི་ཡོང་བས་རེ་བ་ད་ནས་བཟུང་ཞུ་རྒྱུ་ཡིན། ལྷག་པར་དུ་ཁ་ཤས་ཀྱི་བོད་མི་དམངས་ཡོངས་སུ་རྫོགས་པ་ཁོང་ཚོས་བསྟན་པའི་ལམ་ནང་དུ་ཡོང་དགོས་པར་གླེང་གི་འདུག དེ་ནི་ཁྱེད་རང་གི་འཇོན་ཐང་དང་ནུས་པ་ལ་བལྟ་དགོས་པ་ལས། བོད་མི་དམངས་ང་རང་གི་རྗེས་སུ་ཡོང་དགོས་ཞེས་སྐད་ཆ་བརྫིག་པོ་རེ་བཤད་དེ་འགུལ་བསྐྱོད་གང་ཡང་མ་བྱས་ན། ཁྱེད་རང་གི་རྗེས་སུ་བོད་མི་དམངས་ཤིག་ཡོང་རྒྱུ་ཕར་ཞོག ཐ་ན་ཁྱི་ཞིག་ཀྱང་ཁྱེད་རང་གི་རྗེས་སུ་མི་ཡོང་ཁོ་ཐག་ཡོད། ད་ནི་སྐུ་ངོ་དང་སྐུ་ཞབས། ཆབ་སྲིད་མཁས་དབང་རྣམ་པ་ཚོ་ལམ་ལ་འབུད་དང་། དེ་ནས་བོད་མི་དམངས་རྗེས་སུ་ཡོང་ངེས་རེད་ཅེས་ངའི་བསམ་ཚུལ་འདི་སྐུ་ཞབས་དང་སྐུ་ངོ། ཆབ་སྲིད་མཁས་དབང་རྣམ་པའི་དྲུང་དུ་འབྱོར་བར་ཤོག འདིས་གོང་གི་འདི་ངས་དུས་བབ་ཚང་གི་དབུ་མའི་ལམ་དེ་བྱང་ཆུབ་སྤྱོད་འཇུག་རེད་ཟེར་བ་དེའི་མཇུག་དུ་བཀོད་ཡོད་པ་དེ་ནས་ཚུར་བཤུས་དེ་དྲ་གྲོགས་ཚོ་གླེང་མོལ་ཞིག་ཡོང་བར་རེ་བ་ཡིན། གལ་ཏེ་འདིས་ཐད་དུ་གླེང་མོལ་བྱེད་འདོད་མེད་མཁན་དག་ལ་མི་འདོད་བཙན་ཤུགས་བྱེད་མཁན་མེད། ཡིན་ཡང་བོད་དོན་ཐད་ཀྱི་གླེང་མོལ་ཡིན་ན། དོན་དག་ཆུང་ཙག་རིགས་དང་གཏན་ནས་མི་འདྲ་བ་ཡིན།
|
དྲ་གྲོགས་ཚོ་ངོས་འཛིན་ལ་ངོས་འཛོན་ཟེར་ནས་བྲིས་འདུག་པ་དགོངས་དག ད་དུང་ཡིག་ནོར་ཡོད་སྲིད་ན་དྲ་གྲོགས་ཚོས་བཟོད་བསྲན་དང་བཅས་དེ་བདག་ལ་འཛུབ་མོ་རི་སྟོན་རེ་བྱེད་རྒྱུ་དེ་ནི་བདག་གིས་འབོད་སྐུལ་ཡིན།