དྲ་
|
གྲོགས་ཟླ་བ་ཚེ་རིང་ལགས། ང་རང་ཉིན་གཉིས་གསུམ་རིང་དུ་བྲེལ་བ་བྱུང་དེ་ཁྱེད་ཀྱི་རྩོམ་ཡིག་འདི་ལ་བསམ་ཚུལ་ཞིག་ཀྱང་འབྲི་ཐུབ་མ་སོང་བ་དགོངས་དག་ཞུ་རྒྱུ་ཡིན། ཁྱེད་ཀྱིས་རྣམ་པ་འགྱུར་བའི་འཇལ་འཕྲད་མ་སྤེལ་གོང་དུ་ངས་ཀྱང་ཚོགས་ཆེན་རྒྱལ་ཁའི་ངང་གྲོལ་ངེས་ཡིན་ཟེར་བའི་ཟིན་བྲིས་ཤིག་སྤེལ་ཡོད། འོན་ཀྱང་། ༧གོང་ས་མཆོག་གི་བོད་མི་དམངས་ལ་བསམ་ཚུལ་གོ་བསྡུར་བྱེད་པའི་གོ་སྐབས་ཤིག་བསྩལ་ན་ཡང་། བོད་བཙན་བྱོལ་གཞུང་གི་མི་སྣ་འདུ་འཛོམས་ཆེན་མོའམ་ཚོགས་ཆེན་མོའི་སྟེང་དུ་སྐད་ཆ་གསར་བ་དང་གནས་ལུགས་རྒྱུ་མཚན་གསར་བ་འཁུར་ཡོང་མཁན་བྱུང་མེད་ལ། ད་དུང་ཡང་སྐུ་ན་བགྲེས་པའི་༧གོང་ས་མཆོག་གི་ཅི་གསུང་བཀའ་བཞིན་སྒྲུབ་ཀྱི་ཡིན་ཞེས་སྐད་ཆ་རྙིང་བ་དེ་སླར་ཡང་གླེང་ཡོད་པ་མ་ཟད། མུ་མཐུད་དུ་༧གོང་ས་མཆོག་ལག་པ་འཕྱི་ས་བྱེད་པའི་གོམ་གཤིས་ངན་པ་དེ་བསྐྱར་འཛུགས་བྱས་ཡོད་པ་རེད། ༧གོང་ས་མཆོག་གི་བསྟན་གནང་བའི་དབུ་མའི་ལམ་ལ་གྲུབ་འབྲས་བྱུང་གི་མེད་རབས་བཤད་ཞོར་དུ་སླར་ཡང་༧གོང་ས་མཆོག་གི་ཅི་གསུང་ཡིན་ཟེར་ནས་གླེང་དེ་འོང་བ་འདི་མཐོང་ནས་འོང་ན། དྲ་གྲོགས་ལགས། ཁྱེད་ཀྱིས་ག་རེ་བསམ། དངོས་ནས་བོད་པ་ཚང་གི་མི་འདི་དག་གིས་༧གོང་ས་མཆོག་གི་ཅི་གསུང་སྒྲུབ་ངེས་ཡིན་ནམ། སྔོན་ཆད་ཀྱང་འདི་དག་གིས་དེ་འདྲ་ཟེར་བཞིན་༧གོང་ས་མཆོག་གི་བསྟན་གནང་བས་ལམ་ཁ་དེ་ལག་ལེན་དངོས་སུ་བྱས་མེད་པ་ཁྱེད་ཀྱི་ཨེ་ཤེས། ཁྱེད་རང་ལ་དེའི་ཐད་དུ་བསམ་ཚུལ་གང་ཡོད། འདི་ཚོས་དངོས་ནས་༧གོང་ས་མཆོག་ལ་ཡིད་ཆེས་མཐའ་གཅིག་དུ་ཡོད་པ་རེད་དམ། རྐང་ལག་གང་ཡང་འགུལ་བསྐྱོད་བྱེད་དོན་མེད་པ་རེད།
བོད་པ་ཚང་གི་༧གོང་ས་མཆོག་ལ་བཅིངས་པའི་ཡིད་ཆེས་འདི་དག་གཙང་མ་ཡིན་སྲིད་དམ། གཏན་ནས་ཡིད་ཆེས་བྱེད་ཐུབ་དཀའ་བས་བོད་པ་
|
ཚང་གི་བྱེད་སྟངས་དང་ཐག་གཅོད་བྱེད་ལུགས་འདིས། ༧གོང་ས་མཆོག་གི་གནང་བས་གོ་སྐབས་དེའི་ནང་དོན་བོད་མི་དཀྱུས་མ་ཚོས་གོ་མེད་ཀྱང་། ཚོགས་ཞུགས་བོད་མི་དམངས་ཀྱི་ཚབ་མཚོན་པ་དེ་དག་གི་མ་ཤེས་པ་ག་ལ་ཡིན། ད་དུང་ཡང་༧གོང་ས་མཆོག་གི་མཚན་འོག་ནས་མུ་མཐུད་དུ་གཉིད་འདོད་ཡོད་པས་བོད་པ་སྲིད་དོན་པ་འདི་ཚོ་དངོས་ནས་དགོད་བྲོ་བ་ནས་སྐྱུག་མེར་བ་ཞིག་མ་རེད་དམ། དྲ་གྲོགས་ཚོ་་་
དྲ་གྲོགས་མེ་ལགས། ཁྱེད་རང་གིས་འདི་ལྟར་བྲེལ་བ་ཡོད་མེད་ལ་མ་བལྟས་པར་ང་རང་ལ་བརྡ་ལན་གནང་བ་ནི་ཐུགས་རྗེ་ཆེ། གང་ལྟར་ངེད་ཅག་ནི་རང་གི་རིགས་ལ་དུངས་ཞེན་ཆེ་བའི་སེམས་གཤིས་དེའི་ནམ་རྒྱུན་དུ་འཛོམ་ངེས་ཡིན། དེ་དུས་ཀྱང་གླེང་མོལ་བྱེད།
དྲ་གྲོགས་བོད་མིང་བ་ལགས། ལས་བྲེལ་ཞིག་གིས་ཡུན་རིང་དྲ་ཐོག་ཏུ་འཁོར་མ་ཐུབ་པར་དེ་རིང་ཟིན་བྲིས་ཤིག་སྤེལ་བར་སྐད་ཆའི་ཚོམས་སུ་ཡོང་བ་ཡིན་ལ། ཞོར་དུ་ཁྱོད་ཀྱི་ཟིན་བྲིས་སུ་ལན་ཅིག་འཛུལ་བ་ཡིན། ཉིན་ཁ་ཤས་ཀྱི་རིང་འདིར་ཁྱོད་ཀྱིས་ཟིན་བྲིས་མང་བོ་ཞིག་སྤེལ་འདུག་པར་དགའ་བོ་བྱུང་། ཡིན་ནའང་། ངས་དེ་རིང་ཟིན་བྲིས་ཚོའི་འགོ་བརྗོད་ཙམ་རེ་ཀློག་པ་ལས་དལ་ཀློག་བྱེད་པའི་ཁོམ་པ་མི་འདུག དེ་བས་ངས་ཁྱོད་ལ་སྐད་འདི་འང་འཚབ་འཚུབ་ངང་བྲིས་པ་ཡིན། མི་འགྱངས་པར་མཇལ་བར་ངེས།